Söküntü işləri aparan fəhlələr

Bakıda yolkəsənlər peyda olub: gecə rəhm edirlər, gündüz ehtiyat

1860
(Yenilənib 17:50 05.06.2018)
"Özbaşınalıq edirlər, istədikləri vaxt, istədikləri yerdə ağır texnikaları quraşdırıb müəyyən işlər görürlər"

İradə Cəlil, Sputnik Azərbaycan

BAKI, 5 iyun — Sputnik. Hazırda paytaxtımızın müxtəlif ərazilərində köhnə tikililərin sökülməsi, yeni binaların tikilməsi prosesi yaşanır. Lakin təəssüflər olsun ki, tikinti şirkətləri tikinti və ya söküntü işləri aparılan zaman təhlükəsizlik qaydalarına riayət etmir. Bəzən yolun hərəkət hissəsini məhdudlaşdırır, sürücülərə, eləcə də piyadalara təhlükə yaradırlar.

Elməddin Muradlı
Elməddin Muradlı

Yol-nəqliyyat məsələləri üzrə ekspert Elməddin Muradlı Sputnik Azərbaycan-a açıqlamasında deyir ki, tikinti şirkətləri yol təsərrüfatına hansısa formada təsir edirsə, texnika, palçıq qarışdıran qurğular yolun hərəkət olan hissəsində saxlanılırsa, şirkət rəhbərliyi mütləq əvvəlcədən Dövlət Yol Polisinə müraciət etməlidir: "Bundan sonra onların icazəsi əsasında və təhlükəsizlik qaydalarına riayət etməklə, həmin işləri görə bilərlər".

E.Muradlının sözlərinə görə, amma Bakıda bəzi tikinti şirkətləri özbaşınalıq edir, istədikləri vaxt, istədikləri yerdə ağır texnikaları quraşdırıb müəyyən işlər görürlər: "Bu yaxınlarda Nobel prospektində belə hal baş vermişdi. 6-7 beton qarışdıran maşın yolu tutmuşdu, təhlükəsizlik qaydaları qorunmurdu. 4 zolaqlı yolda avtomobillər sürətlər gəlir, çatana yaxın görürdülər ki, iki zolaq zəbt edilib, yük maşınları palçıq boşaldır. Həmin ərazidə 50-100 metr məsafədən xəbərdarlıq nişanları qoyulmamışdı. Bu da qəzalara şərait yaradır".

Yolkəsənlər
©Karikatura
Yolkəsənlər

"Dövlət Yol Polisi İdarəsi bu cür sürücülərə qarşı ciddi tədbirlər görməlidir. Sürücülərlə yanaşı, tikinti şirkətləri də külli miqdarda cərimə edilməlidir. Təəssüf ki, belə məsələlər ancaq ictimailəşdiyi zaman Dövlət Yol Polisi əməkdaşları tədbirlər görməyə başlayır" — həmsöhbətimiz bildirir.

O, məsələnin ciddiliyinin fərqində olmağı vacib hesab edir: ""Bu, filankəsin şirkətidir" deyə davranmaq olmaz. Bu problem qəzalara səbəb olur. Kim istəyir, yolu qazır, kim harada oldu, avtomobilini saxlayır. Qəzalar baş verdiyi zaman isə, polis əməkdaşları da məsuliyyət altına düşür".

"Mən özüm dəfələrlə rastlaşmışam. Beton qarışdıran avtomobili saxlayıb, iş görürlər. Saxlayıb, soruşursan ki, "nə edirsən, kimdən icazə almısan?", deyir, heç kimdən. Çoxu da bəhanə edir ki, icazə almağın lazım olduğunu bilməyib", — deyə ekspert əlavə edir.

Tikinti eksperti Elnur Fərzəliyev
Tikinti eksperti Elnur Fərzəliyev

Muradlı qeyd edir ki, nəinki özəl şirkətlər, bəzi dövlət qurumları da işlərini qayda-qanuna uyğun şəkildə görmür: "Yolu qazır, işini görür və çıxıb gedirlər. Heç xəbərdarlıq nişanı da qoymurlar. Buna görə də düşünürəm ki, lazımi tədbirlər görülməlidir".

Tikinti eksperti Elnur Fərzəliyev Sputnik Azərbaycan-a açıqlamasında bildirir ki, qanunla tikinti işləri yoldan bəzi ərazilərdə 15, bəzi ərazilərdə isə 25 metr aralıda olmalıdır: "Düzdür, indi səkilərin üzərində də tikirlər. Amma, əslində, ən azı 15 metr aralı olmalıdır".

"Yola yaxın ərazilərin sənədləşdirilməsinə reyestr xidməti tərəfindən icazə verilməməlidir. Yol ilə tikinti şirkəti arasına olan "qırmızı zolaq" tanınmalıdır. Həmin əraziyə sərəncam verən idarə ərazini yoxlamalıdır. Neytral ərazi qorunub saxlanılmalıdır. İstənilən vaxt bunu sökmək də mümkündür", — deyən Fərzəliyevin sözlərinə görə, tikinti şirkətlərinin yolun hərəkət hissəsinə hər hansı bir formada müdaxiləsi qanunsuzdur.

1860
Teqlər:
betonqarışdıran maşın, Elnur Fərzəliyev, səki, Elməddin Muradlı, Dövlət Yol Polisi, Sputnik Azərbaycan, tikinti, söküntü, yol, ekspert, Bakı, paytaxt, şirkət, küçə
Əlaqədar
Bakıda binalara rəsmi xəbərdarlıq bildirişləri yapışdırılıb - Böyük söküntü olacaq
Bakıda yeni söküntü başlayır, 11 mindən çox sakin köçürüləcək
Bakıda plana düşən köhnə binalar sökülür
Yeni yol tikilir: Prezident 4,5 milyon pul ayırdı
Yeni tikili, sovet binası, yoxsa fərdi ev - Qiymətlər nə deyir?
Tələbələr üçün nəhəng yataqxana kompleksi tikilir
Bakı məktəblərin birində, arxiv şəkli

Təhsil sahəsində çalışan qadınların sayı açıqlandı

2
Ümumi təhsil müəssisələrində təhsilalanların 46,4 faizi, orta ixtisas təhsil müəssisələrində oxuyanların 62,4 faizi qızlardır.

BAKI, 5 mart — Sputnik. Azərbaycanın ümumi təhsil müəssisələrində müəllimlərin 81 faizi, orta ixtisas təhsil müəssisələrində 77,9 faizi, ali təhsil müəssisələrində 54,8 faizi, həkimlərin isə üçdə ikisi qadınlardır. Sputnik Azərbaycan-ın məlumatına görə, bu barədə Dövlət Statistika Komitəsinin yaydığı məlumatda bildirilib.

Ümumi təhsil müəssisələrində təhsilalanların 46,4 faizi, orta ixtisas təhsil müəssisələrində oxuyanların 62,4 faizi, ali təhsil müəssisələrinin tələbələrinin 48,9 faizi qızlardır.

2
Hazırkı Ermənistan ərazisində tarixi abidələrimizdən biri

İkili standartlarla əl-ələ saxtakarlıq: Ermənilər bircə məscidimizi saxlayıblar - FOTO

13
(Yenilənib 18:25 05.03.2021)
Ən çox zərər görən İslam dini abidələridir. 291 məsciddən cəmi bir neçəsi qalıb. Onların da tarixi saxtalaşdırılıb.

İbrahim Həşimov, Sputnik Azərbaycan

BAKI, 5 mart — Sputnik. Hazırkı Ermənistan ərazisində səkkiz mindən artıq mədəniyyət abidəsi var. Bunlara mədəni, dini abidələr və karvansaralar daxildir. “İşğal Olunmuş Ərazilərdəki Tarix-Mədəniyyət Abidələrini Müdafiə Təşkilatı” İctimai Birliyinin sədri Faiq İsmayılov Sputnik Azərbaycan-a bildirib ki, bu abidələrin, demək olar ki, hamısı vandalizmə məruz qalıb.

“Oradakı tarixi-mədəniyyət abidələrimizdir, qəbristanlıqlarımızdır, türbələrimizdir, monumental heykəltaraşlıq nümunələrimizdir ki, bunların hamısı yox dərəcəsindədir. Eyni zamanda arxeoloji qazıntılar nəticəsində Azərbaycan mədəni irsinə sahib çıxıblar. Xristianlıq dövrü abidələri və xristianlığa qədər olan abidələrimiz də ermənilər tərəfindən vandalizmə uğradılıb”.

© Photo : Courtesy of Faig Ismayilov
Hazırkı Ermənistan ərazisində tarixi abidələrimizdən biri

Ermənistan ərazisindəki İslam dininə aid abidələr daha çox zərər görüb. Orada yaşayan azərbaycanlıların izlərini itirmək üçün uzun illər planlı şəkildə işlər aparılıb. Bir neçə məscid də "bərpa edilərək" tarixi saxtalaşdırılıb. Qalanlarından ya tövlə kimi istifadə ediblər, ya da dağıdaraq yararsız hala salıblar.

291 məsciddən yalnız biri – “Göy Məscid” İrəvan şəhərində ermənilər tərəfindən bərpa olunub. Eyni zamanda Zəngəzur ərazilərində qalan bir neçə məscidin mövcudluğu görünür. Qalan abidələr, məscidlər, türbələr ümumiyyətlə yox olub”, – F. İsmayılov qeyd edib.

© Photo : Courtesy of Faig Ismayilov
Hazırkı Ermənistan ərazisində tarixi abidələrimizdən biri

F.İsmayılov deyir ki, ermənilər ötən əsrin 20-ci illərindən sonra həmin ərazilərdə məskunlaşdırılıblar. Həmin dövrə qədər olan xristianlıq abidələri Qafqaz Albaniyası abidələri hesab olunur. Yəni, onların ermənilərə heç bir aiddiyyəti yoxdur. Lakin onların da tarixi saxtalaşdırılıb və bir çox məscid və karvansaralarımız kimi erməni monastrı və kilsələrinə çevrilib.

“Kilsə və ya monastırlar dini ibadət üçün düşünülmüş bir yerdir. Burada ancaq din təbliğ olunur. Bu da inzibati yaşayış mərkəzlərində ola bilən abidələrdir. Hansısa dağ başında, səhralıqda və ya meşəlikdə kilsə və monastırların olması mümkünsüzdür”, – deyə F. İsmayılov vurğulayıb.
  • Hazırkı Ermənistan ərazisində tarixi abidələrimizdən biri
    Hazırkı Ermənistan ərazisində tarixi abidələrimizdən biri
    © Photo : Courtesy of Faig Ismayilov
  • Qarabağda tarixi abidə
    © Photo : Courtesy of Faig Ismayilov
  • Hazırkı Ermənistan ərazisində tarixi abidələrimizdən biri
    Hazırkı Ermənistan ərazisində tarixi abidələrimizdən biri
    © Photo : Courtesy of Faig Ismayilov
  • Hazırkı Ermənistan ərazisində tarixi abidələrimizdən biri
    Hazırkı Ermənistan ərazisində tarixi abidələrimizdən biri
    © Photo : Courtesy of Faig Ismayilov
  • Hazırkı Ermənistan ərazisində tarixi abidələrimizdən biri
    Hazırkı Ermənistan ərazisində tarixi abidələrimizdən biri
    © Photo : Courtesy of Faig Ismayilov
1 / 5
© Photo : Courtesy of Faig Ismayilov
Hazırkı Ermənistan ərazisində tarixi abidələrimizdən biri

Faiq İsmayılov bildirib ki, hələlik dəymiş zərərin qiymətləndirilməsi aparılmayıb. Çünki bunun üçün həmin ərazidə monitorinqlər aparılmalı və dəyən zərər müəyyənləşdirilməlidir. Bununla bağlı beynəlxalq təşkilatlara müraciət də olunub. Lakin ikili standartlar səbəbindən heç bir tədbir görülməyib. Buna baxmayaraq yenə həmin istiqamətdə işlər davam etdirilir.

13

Azərbaycan Prezidenti: "Ermənistanla bu səhifəni bağlamalıyıq"

0
Dövlət başçısı: "Müharibə dövründə ədalətsiz mövqe sərgiləyən ölkələrlə də münasibətlər normallaşır".

BAKI, 5 mart — Sputnik. Xarici siyasətlə bağlı kursumuz dəyişməz olaraq qalır. Müharibə dövrü və müharibədən sonrakı dövr bir daha göstərdi ki, bu, çox düzgün kurs idi. Müharibə dövründə bəzi ölkələr bizə qarşı müəyyən iradlar irəli sürdülər. Amma mənim cavabım nə oldu? Azərbaycan xalqı bunu bildi. Artıq bu iradlar da yoxdur.

Bunu Prezident, Yeni Azərbaycan Partiyasının Sədri İlham Əliyev partiyanın VII qurultayındakı çıxışında ölkəmizin xarici siyasət kursunun uğurlarından danışarkən deyib.

Dövlət başçısı bildirib ki, artıq əsassız ittihamlar da aradan qaldırılıb. Hətta müharibə dövründə ədalətsiz mövqe sərgiləyən ölkələrlə də indi münasibətlər normallaşır.

“Onlar tərəfindən belə bir təklif irəli sürüldü, biz də bunu qəbul etdik. Biz indi anlayırıq ki, bəzi daxili səbəblər ola bilər. İndi bəzi yalan məlumatlar ola bilər. Hər halda, biz maraqlı deyilik ki, bu məsələni uzadaq. Mən demişəm, hətta Ermənistanla biz bu səhifəni bağlamalıyıq, vəssalam, qurtardı getdi. Biz heç vaxt Xocalı soyqırımını unutmayacağıq. Heç vaxt şəhidlərimizin qəhrəmanlığını unutmayacağıq. Amma biz şəhidlərimizin, o cümlədən Xocalı qurbanlarının qanını aldıq. Düşməndən qisasımızı döyüş meydanında aldıq. Xalqımızın böyüklüyünü bir daha göstərmək üçün hesab edirəm ki, əldə olunmuş qələbə bizi tam qane edir. Biz bundan sonra belə yaşamalıyıq. Biz şəhidlərimizin qanını yerdə qoymadıq, qisasımızı aldıq, düşməni cəzalandırdıq. Bütün dünyanın gözü qarşısında onlar bizim qabağımızda diz çöküblər, təslim olublar, ağ bayraq qaldırıblar və bundan sonra məğlub edilmiş ölkə damğası ilə əbədi yaşayacaqlar. Biz isə bundan sonra qürurlu xalq kimi və mübariz dövlət kimi yaşayacağıq”, - Prezident vurğulayıb.

0