CƏMİYYƏT
Cəmiyyətin həyatında baş verən aktual hadisələr

Diqqətli olun, qızıl və pullarınızı hər an apara bilərlər

© Sputnik / Valery Melnikov / Mediabanka keçidDəmir barmaqlıqlarla bağlanmış pəncərə, arxiv şəkli
Dəmir barmaqlıqlarla bağlanmış pəncərə, arxiv şəkli - Sputnik Azərbaycan
Abunə olmaq
Mənzil sahibləri heç cür başa düşmürlər ki, oğru onların evlərinə necə daxil olub

BAKI, 4 iyun — Sputnik. Bakının Binəqədi rayonundakı mənzillərin birindən külli miqdarda pul və qəzəl-zinət əşyası oğurlanıb. Bu barədə Sputnik Azərbaycan-a Binəqədi rayon Polis İdarəsindən məlumat verilib.

RPİ-nin 7-ci bölməsinə 1985-ci il təvəllüdlü şəhər sakini Fərid Rəhimov ərizə ilə müraciət edib. Zərərçəkmişin sözlərinə görə, onun mənzilindən 15 min 600 manat pul və 6 min manat dəyərində qızıl-zinət əşyaları müəmmalı şəkildə yoxa çıxıb. Hazırda hüquq mühafizəçiləri oğurluq faktı ilə bağlı araşdırma aparır.

Məhbus, arxiv şəkli - Sputnik Azərbaycan
HADİSƏ
Bir milyon dollarlıq oğurluq edən azərbaycanlılar ələ keçdilər

Paytaxtın Sabunçu rayonundakı mənzillərin birindən isə 7 manat pul aparılıb. Bakıxanov qəsəbəsinin sakini, 1957-ci il təvəllüdlü İsgəndər Kərimov Sabunçu RPİ-yə bildirib ki, mayın 25-dən iyunun 2-dək evdə olmayıb. Bu müddət ərzində naməlum şəxs pəncərənin dəmir barmaqlığını kəsərək evə daxil olub. Beləliklə də, külli miqdarda vəsait evdən aparılıb.

Faktla bağlı araşdırma davam edir.

Polis paytaxt sakinlərini ehtiyatlı olmağa, pul və qiymətli əşyaları "gözlənilməz qonaqdan" qorumağa çağırıb. Xatırladaq ki, son aylarda Bakı şəhərində oğurluq faktlarının sayı nəzərəçarpacaq dərəcədə artıb.

Xəbər lenti
0