Məmur

Bakıdan atılan oxlar rayonların darvazalarına dəyib yerə düşür

1222
(Yenilənib 10:02 04.06.2018)
Əmindirlər ki, başçının əmrinə qarşı gələrlərsə, onları heç öz nazirləri də qoruya bilməz

BAKI, 4 iyun — Sputnik. Bu məsələyə daha öncə toxunmuşduq. Məlum "26" ("Twenty six") adlı kafenin fəaliyyəti dayandırıldığı zaman. Bakı Şəhər İcra Hakimiyyətinin başçısı Hacıbala Abutalıbovun şifahi göstərişi ilə sahibkarlıq obyektinin yerlə yeksan edildiyi vaxt.

Həmin yazıda suallar ortaya qoymuşduq. Ki:

Şəhər (rayon) icra hakimiyyətlərinin başçılarına bu qədər səlahiyyət vermək nə dərəcədə əşhədü zərurətdən doğur? Məsələn, nə boyda ölkəmiz, neçə yüz milyon əhalimiz var ki, buna nəzarət imkanı risklərlə dolu olsun?

Rayon (şəhər) rəhbərinin qeyri-məhdud səlahiyyəti, digər mərkəzi icra strukturlarının yerli şöbələrinin fəaliyyətini iflic vəziyyətə salmırmı? Məsələn, polis rəisi, prokuror (və s.), niyə öz yuxarı rəhbərliyinə, yoxsa icra başçısına hesabat verməli olduğunu ayırd etmək üçün baş sındırmalıdır? Bu ikili tabeçilik dəfələrlə gizli-aşkar qalmaqallara səbəb olmayıbmı?

Təbii ki, bu suallara nəinki cavab, heç əhəmiyyət verən də olmamışdı. Problem isə olduğu kimi, hətta yüksələn xətt üzrə davam edir. Bu günlərdə öyrəndiyim bir məlumat məsələnin nə dərəcədə ciddi olduğunu çılpaqlığı ilə ortaya çıxarır.

Hadisə ölkənin ən böyük şəhərlərindən birində cərəyan edir (danışan şəxsin xahişini nəzərə alaraq konkret ünvan qeyd etmirik). Deməli, direktor məktəbdə "at oynadır", asır-kəsir, alır-verir, döyür-söyür…

O direktor ki, direktorluq imtahanından kəsilib, sadəcə şəhər rəhbərliyinin təqdimatı ilə məktəbə müvəqqəti idarəedici təyin edilib. Və yenə o direktor ki, bir müddət öncə təhsil nazirinin əmri ilə işdən azad edilsə də, heç nə olmamış kimi işinə (asıb-kəsməyə, yığıb-döşürməyə) davam edir.

Ən maraqlısı isə odur ki, onun əmrdən sonra da məktəbə rəhbərlik etməyə davam etməsindən heç Təhsil Nazirliyindəkilərin xəbəri yoxmuş. Bu günlərdə məktəbdə yaşanan bir qalmaqaldan sonra nazirlikdə agah olublar ki, sən demə bu "qala" hələ də yıxılmayıb. Və indinin özündə də nazirlik o direktoru vəzifədən götürməkdə acizdir.

Bütün bunların səbəbi də odur ki, həmin şəhərdə (eləcə də bütün şəhər və rayonlarda) hər şeyə və hər kəsə hökmü keçən bir nəfər var — icra başçısı. İcra başçısının adamları olan direktora təhsil naziri, baş həkimə səhiyyə naziri, mədəniyyət şöbəsinin müdirinə mədəniyyət naziri (və sair) "bata" bilməz. Ki, zatən, mərkəzi icra hakimiyyəti orqanlarının şəhər və rayonlardakı əksər şöbələrinə icra başçılarının adamları təyin olunur, ya da təyin olunduqdan sonra onun adamı olmağa məcbur olurlar.

Çünki öz birbaşa rəhbərliyindən daha çox rayonun (şəhərin) rəhbərinə hesabat verməlidir, onun əmrlərini icra etməlidir. Yaxşı xatırlayır ki, onun bu vəzifəyə təyin olunması üçün Bakıdakı rəhbərliyi rayonun icra başçısına 1 il xahiş-minnət edib. Ona da əmindir ki, başçının hansısa əmrinə qarşı gələrsə, onu heç öz naziri də qoruya bilməz.

Təsəvvür edin, yuxarıdakı prosesin cərəyan etdiyi şəhərin Təhsil İdarəsinə Təhsil Nazirliyindən zəng edərək sözügedən direktorun vəzifəsini təhvil verib-vermədiyini soruşublar. Və İdarə rəisi yuxarı rəhbərliyini aldadıb, direktorun vəzifədən uzaqlaşdırıldığını deyib. Axı, onun ağası şəhər üzrə təhsil siyasətini ona həvalə edən nazir deyil, şəhərin əsl sahibidir. Adam da yalnızca başçını tanıyır, ona hesabat verir.

Ortaya yenə sual çıxır, həm də günün sualı: Bir orta məktəbin direktorunu yerindən tərpədə bilməyən nazir ölkənin təhsil sisteminə hansı islahatları vəd etsin ki?

1222
Teqlər:
rəhbər, direktor, məsələ, icra başçısı, təhsil, əmr, məktəb, rayon, nazir, şəhər
Əlaqədar
İlham Əliyev icra başçısını işdən çıxartdı
Keçmiş icra başçısı ilə bağlı qalmaqallı xəbərə aydınlıq gətirildi
Prezident daha bir icra başçısını işdən çıxardı
Prezident icra başçısının vəzifəsindən azad olunması barədə sərəncam imzaladı
Azərbaycanda keçmiş icra başçısı saxlanıldı
İcra başçısının maşınının üstünə ağac düşdü - FOTO
Həblər, arxiv şəkli

Hər birimizin köməyinə çatan dərmanlarla bağlı qorxunc xəbərdarlıq - öldürə bilər

9
(Yenilənib 16:21 26.11.2020)
"Hər xəstəliyə antibiotik istifadə edilə bilməz. Bəzən insanlar özləri özlərini antibiotiklərlə müalicə edirlər. Ona görə də antibiotiklər reseptsiz buraxılmamalıdır"

Zülfiyyə Quluyeva, Sputnik Azərbaycan

BAKI, 26 noyabr — Sputnik. Azərbaycanda antimikrob dərmanların apteklərdə əhaliyə sərbəst satışı qadağan olunmalıdır. Bununla bağlı dövlət qurumları lazımi dəstək verməlidir. Bunu Ümumdünya Səhiyyə Təşkilatının (ÜST) Azərbaycandakı nümayəndəliyinin rəhbəri Hande Harmancı deyib. Onun sözlərinə görə, bu preparatlara əlçatanlığını azaltmaq lazımdır. "İnsanların antibiotiklərə qarşı davamlılığı ölçülməlidir. Bunun üçün Azərbaycanın lazımi laboratoriyaları var. Həmçinin, maarifləndirmə də olmalıdır. Bu gün apteklərdə hər kəs istənilən antibiotiki ala bilər. Bu cür dərmanlar açıq satışda var və buna heç bir nəzarət yoxdur. Bu, bizim problemimiz idi".

Qeyd edək ki, antibiotiklər yüngün soyuqlama zamanı hər birimizin köməyinə çatır. Ona görə də antibiotiklərin reseptlə satılması əhali tərəfindən birmənalı qarşılanmır. Sputnik Azərbaycan antibiotiklərin reseptsiz satışının fəsadlarını araşdırıb.

Professor Adil Qeybulla Sputnik Azərbaycan-a açıqlamasında antibiotiklərin reseptsiz satışının məhdudlaşdırılması ilə bağlı təklifləri dəstəklədiyini bildirib. A.Qeybulla deyir ki, apteklərdə antibiotiklərin reseptsiz satışı qanunda olan boşluqdan irəli gəlir. Onun sözlərinə görə, xarici ölkələrdə antibiotiklər reseptlə satılır:

"Antibiotiklərin həkim təyini olmadan istifadəsi çox risklidir. Bu, hətta ölümə belə gətirib çıxardır. Koronavirusun müalicəsində antibiotiklərdən istifadə məsləhət görülmür. Çox təəssüf ki, insanlar evdə müalicə zamanı kortəbii antibiotiklərdən istifadə edirlər. Bu isə anafilaktik şok, allergik təsirlər göstərə bilər. Antibiotiklərdən həkim təyinatı olmadan istifadə qulağı kar edə, böyrək problemlərinə səbəb ola bilər. Sovet dövründə antibiotiklərdən istifadə geniş yayılmışdı. İndi də bəzi insanlar həkim təyinatı olmadan antibiotikləri alaraq istifadə edirlər. Təbii ki, buna son qoyulmalıdır".

Səhiyyə Nazirliyinin İctimai Səhiyyə və Sanitariya-Epidemioloji Nəzarət Şöbəsinin müdiri Nəzifə Mürsəlova Ümumdünya Antimikrob Preparatlardan Düzgün İstifadəyə dair Maarifləndirmə Həftəsinə həsr olunmuş virtual mətbuat konfransında bildirib ki, hazırda antibiotiklər reseptlə buraxılan dərmanlar sırasındadır: "Bu gün apteklərdə hər kəs istənilən antibiotiki ala bilər. Bu cür dərmanlar açıq satışda var və buna heç bir nəzarət yoxdur. Bu, bizim problemimiz idi. Bu məsələ qanunvericilikdə tənzimlənir, təəssüf ki, bu tənzimlənmə kağız üzərində qalır. COVID-19 dövründə problem daha da artdı. Bu qanunvericiliyin yerlərdə işləməsi istiqamətində işlər gücləndirilməli, ona nəzarət artırılmalıdır. Dövlət səviyyəsində bu məsələyə sərt nəzarət olmalıdır".

Koronavirusdan ölüm artır - Səbəblər virusun özü qədər qorxuludur>>

Milli Məclisin Səhiyyə komitəsinin üzvü, deputat Müşfiq Məmmədli Sputnik Azərbaycan-a açıqlamasında bildirib ki, antibiotiklərin satışı "Əhalinin sağlamlığının qorunması haqqında" qanunla müvafiq qaydada tənzimlənir:

"Bu, qanunvericilikdə olan hər hansı boşluq yox, qanunun icrası ilə bağlı problemdir. Qanunların icra müxanizmi NK-nın müvafiq qərarları ilə tənzimlənir. Ola bilər ki, bu məsələ də icra mexanizmində yaranan anlaşılmazlıqla bağlı ola bilər. Qanun antibiotiklərin satışını kifayət qədər tənzimləyir. İşçi qaydada təlimatlarla bu məsələyə baxılmalıdır", - deyə deputat bildirib.

M.Məmmədli bildirir ki, antibiotiklərin kortəbii təyini mənfi təsirə səbəb ola bilər. Koronavirusla mübarizədə isə bu, daha təhlükəlidir: "Çünki koronavirusa yüngül yoluxmada müalicə əsasən orqanizmin gücləndirilməsi, immun sisteminin möhkəmləndirilməsi ilə bağlı aparılır. Antibiotiklərdən istifadə isə orqanizmi, immun sistemini zəiflədir. Bu, o demək deyil ki, xəstələrə antibiotik ümumiyyətlə təyin olunmamalıdır. Sadəcə olaraq bunun üçün tibbi göstəriş olmalıdır. Hər xəstəliyə antibiotik istifadə edilə bilməz. Bəzən insanlar özləri özlərini antibiotiklərlə müalicə edirlər. Ona görə də antibiotiklər reseptsiz buraxılmamalıdır. Bu, beynəlxalq təcrübəyə əsaslanır. Antibiotiklər həkimlərin təyinatı ilə resept əsasında satılmalıdır".

9
Teqlər:
Müşfiq Məmmədli, Nəzifə Mürsəlova, Adil Qeybulla, antibiotik, Koronavirus, epidemiya, COVID-19
Koronavirus testi, arxiv şəkli

TƏBİB Azərbaycanda koronavirus testlərinin bitməsi barədə məlumatlara aydınlıq gətirdi

10
(Yenilənib 19:41 26.11.2020)
Bu problemin aradan qaldırılması məqsədilə, simptomsuz təmaslılardan testlərin götürülməsinə müvəqqəti məhdudiyyət qoyulması qərara alınıb.

BAKI, 26 noyabr - Sputnik. Azərbaycanda koronavirus (COVID-19) ilə əlaqədar aparılan testlərin bitməsi barədə yayılan məlumatlar həqiqəti əks etdirmir.

Bu barədə Sputnik Azərbaycan-a TƏBİB-dən məlumat verilib. 

"Bildiririk ki, ölkəmizdə koronavirusun diaqnozu üçün kifayət qədər test ehtiyatı mövcuddur. Sadəcə olaraq, gün ərzində götürülən testlərin sayı çox olduğundan bu, laboratoriyaların iş gücünə təsir göstərir. Nəticədə, təbii olaraq testin nəticələri bir qədər gecikmiş olur", - TƏBİB bildirib.

Məlumatda o da qeyd olunub ki, bu problemin aradan qaldırılması məqsədilə, simptomsuz təmaslılardan testlərin götürülməsinə müvəqqəti məhdudiyyət qoyulması qərara alınıb.

"Hazırda ölkədə 37 laboratoriya mövcuddur. Bu laborotoriyalarda gündəlik 10 000 testin aparılması nəzərdə tutulurdu, artıq müraciətlərin sayı çox olduğundan gün ərzində laboratoriyalara daxil olan test nümunələri nəzərdə tutulduğundan 2 dəfə (19178 test) artıb", - deyə məlumatda bildirilir. 

10
Teqlər:
test, korona virusu, Koronavirus, epidemiya, COVID-19, Tibbi Ərazi Bölmələrini İdarəetmə Birliyi, TƏBİB

Rusiyalı sülhməramlılar Laçın dəhlizində təhlükəsizliyə necə nəzarət edirlər video

0
(Yenilənib 15:04 26.11.2020)
Rusiyalı sülhməramlıların Laçın dəhlizi ilə nəqliyyat hərəkətinin təhlükəsizliyini necə təmin etdiyini videoda izləyin.

Dağlıq Qarabağda Rusiya sülhməramlıları üçtərəfli sülh razılığı və atəşkəs rejiminin təmin edilməsinə nəzarət edir. 

Hərbçilər təmas xəttində yerləşən 23 müşahidə məntəqəsindən vəziyyəti gecə-gündüz müşahidə edir. Sülhməramlılar həm də Laçın dəhlizi boyunca hərəkətin təhlükəsizliyini təmin edirlər.

Kəlbəcərə ilk daxil olan Azərbaycan hərbçiləri - FOTOLAR>>

İstehkamçılar hərbi əməliyyatlardan zərər çəkən əraziləri minalardan təmizləyirlər. Mühəndis bölmələri yolları təmizləyir, bölgədə nəqliyyat hərəkətinin tənzimlənməsinə yardım edir, habelə yaşayış məntəqələrinin su, enerji və istilik tədarükünü bərpa edir.

0