CƏMİYYƏT
Cəmiyyətin həyatında baş verən aktual hadisələr

Bakıda evə hücum etdilər: Ana yaralandı, 17 yaşlı qızı öldürüldü

CC0 / sluehr3g / gunОхотничье ружье, фото из архива
Охотничье ружье, фото из архива - Sputnik Azərbaycan
Abunə olmaq
Ana ilə qızını A.Cəfərovanın nişanlısı olduğu ehtimal edilən şəxs güllələyib

BAKI, 1 iyun — Sputnik. Bakının Sabunçu rayonu, Balaxanı qəsəbəsində güllələnmə baş verib.

Sputnik Azərbaycan APA-ya istinadla xəbər verir ki, insident zamanı ana ilə qızı tüfənglə güllələnib.

Sadıxcan küçəsi 13 ünvanında qeydə alınmış hadisə nəticəsində paytaxt sakini, 55 yaşlı Esmira Cəfərova və onun qızı 17 yaşlı Cəfərova Aytən Mehman qızı güllə yaraları ilə 3 saylı Şəhər Klinik Xəstəxanasına yerləşdirilib. 

Ov tüfəngi - Sputnik Azərbaycan
CƏMİYYƏT
Ağsuda faciə: 5 yaşlı uşaq anasını güllələyib
Anaya sol çiyninin, çənəsinin çoxsaylı yaraları, qızına isə döş qəfəsinin çoxsaylı yaraları diaqnozu təyin edilib. Onların hər ikisinin üzərində cərrahi əməliyyat aparılsa da, həkimlər A.Cəfərovanın həyatını xilas edə bilməyib.

Bildirilir ki, ana ilə qızını A.Cəfərovanın nişanlısı olduğu ehtimal edilən şəxs güllələyib.

Cütlüyün arasında münaqişə yaranıb və oğlan onların yaşadığı evə gələrək hər ikisini güllələyib.

Hadisənin təfərrüatlarını Sabunçu polisi araşdırır. Silahlı şəxsin saxlanıldığı bildirilir.

Xəbər lenti
0