BAKI, 31 may — Sputnik. "Azərbaycan Xəzər Dəniz Gəmiçiliyi" QSC-nin Azərbaycan Dövlət Dəniz Akademiyası beş yer üzrə vakansiya elan edib.
Sputnik Azərbaycan Dövlət Dəniz Akademiyasının mətbuat xidmətinə istinadən xəbər verir ki, akademiya tədrisi ingilis dilində aparılan qrupda adları aşağıda göstərilən fənləri tədris etmək üçün əməyi saathesabı (yüksək tariflə) ödənilməsi şərtilə baş müəllim, dosent və professorların müqavilə əsasında işə qəbulunu aparır. Pedaqoji iş təcrübəsi olanlara üstünlük veriləcək.
İngilis dili – 2 yer
Riyaziyyat – 1 yer
Kimya – 1 yer
Fizika – 1 yer
Sənədlər iyulun 10-dək ADDA-nın Zərifə Əliyeva küçəsi, 18 ünvanında yerləşən əsas binasında qəbul olunur.
Əlaqə telefonu: 498-56-32, 493-36-44 daxili 229
