Paxla

Paxladan kütləvi zəhərlənmənin səbəbi bilindi - Diqqətli olun

1258
(Yenilənib 21:18 26.05.2018)
Həkim: "Onu da qeyd edim ki, ferment çatışmazlığı olan insanlara, xüsusilə uşaqlara paxlalı bitkilərin verilməsi məsləhət görülmür"

Təranə Xudabaxşiyeva, Sputnik Azərbaycan

BAKI, 26 may — Sputnik. Bir neçə gün öncə cənub bölgəsində eyni gündə 4 uşaq zəhərlənərək Lənkəran Rayon Mərkəzi Xəstəxanasına gətirilib. Zəhərlənənlərdən 3-ü Lənkəranda yaşayır. Bir nəfər isə Masallı rayonunda zəhərlənib və müalicə üçün Lənkəran Rayon Mərkəzi Xəstəxanasına çatdırılıb. Həkimlərin məlumatına görə, uşaqların hər birinin zəhərlənməsi paxlalı bitkilərdən qidalanma nəticəsində baş verib.

Sputnik Azərbaycan paxlalı bitkilərin hansı səbəbdən zəhərlənməyə səbəb olduğunu araşdırmağa çalışıb.

Stəkanda süd
© Sputnik / Aleksandr Kryazhev

Tibb elmləri doktoru, professor Adil Qeybulla Sputnik Azərbaycan-a açıqlamasında bildirib ki, qaraciyərində ferment çatışmazlığı olan bütün insanlarda paxlalı bitkilərdən zəhərlənmə baş verə bilər: "Qaraciyərdə ferment çatışmazlığı olan insanlara, xüsusilə uşaqlara paxlalı bitkilərin verilməsi məsləhət görülmür. Çünki paxlalı bitkilərlə qidalanma onların səhhətində mənfi fəsadlara səbəb ola, müxtəlif problemlər yarada bilər".

"Paxlalı bitkilər qaraciyərində ferment çatışmazlığı olan uşaqlara daha çox mənfi təsir göstərə bilər. Amma sağlam uşaqlarda heç bir problem yarada bilməz. Yox əgər qaraciyəri sağlam uşaqlarda problem baş verirsə, deməli zəhərlənmə paxlalı bitkilərin tərkibi ilə bağlıdır. Həmin bitkilərin tərkibindəki nitratlar, nitritlər, digər gübrələrdən zəhərlənmə halı baş verə bilər. Paxlalı bitkilərin öz tərkibində isə insanı zəhərləyəcək heç nə yoxdur" — deyə professor qeyd edib.

Lənkəran Rayon Mərkəzi Xəstəxanasının baş həkim Ağabala Kəlbiyev də deyib ki, zəhərlənmə faktı cənub bölgəsinə xas olan xəstəlikdən baş verib: "Bu xəstəlik indi yox, həmişə olub. Hər il 4-5 uşaqda may ayında belə zəhərlənmə halı müşahidə olunur. Xəstəliyin adı pavizmdir. Bunun səbəbi isə uşaqların qaraciyərində irsi olaraq ferment çatışmazlığıdır".

"Belə ki qaraciyərində ferment çatışmazlığı olan uşaq paxla yeyəndə dərhal zəhərlənmə baş verir. Çünki bu zaman qanda hemoliz (hemoqlobinin qan plazmasına çıxması ilə müşayiət olunan eritrositlərin qılafının dağılma prosesi – red.) baş verir. Xəstə vaxtında həkimə müraciət edəndə qanı yuyulur və heç bir problem olmur. Amma qan yuyulmazsa, o zaman başqa fəsadlar baş verə bilər" — deyə baş həkim vurğulayıb.

1258
Teqlər:
Adil Qeybulla, qaraciyər, uşaq, paxla, zəhərlənmə
Kadir Doğulu və Neslihan Atagül

"Səfirin qızı" rolunun ifaçısı serialdan ayrılıb

0
(Yenilənib 06:58 26.01.2021)
Neslihan Atagülun son durumu "Instagram" izləyicilərini məyus edib və onlar aktrisaya şəfa diləyiblər.

BAKI, 26 yanvar — Sputnik. Səhhətində ciddi problemlər yarandığı üçün "Sefirin Kızı" serialından ayrılan Neslihan Atagül ilə bağlı yeni xəbər var.

Sputnik Azərbaycan xəbər verir ki, aktrisanın xəstəxanadan görüntüsü yayılıb. Onun bu halı "Instagram" izləyicilərini məyus edib və onlar aktrisaya şəfa diləyiblər. Aktrisa xəstəxanadan video çəkərək hazırda vəziyyətinin yaxşı olduğunu, müalicənin davam edəcəyini bildirib.

Məlumat üçün bildirək ki, gənc aktrisa bağırsaq sızması sindromundan əziyyət çəkir. Bu səbəbdən sürətlə arıqlayan Neslihan hətta çəkilişlərə son verib və "Sefirin kızı" serialından ayrılıb.

0

Xırdalanda partlamış evin dağıntıları altından qadın meyiti çıxarılıb

73
(Yenilənib 00:34 26.01.2021)
Dağıntılar altından bir nəfərin cəsədi çıxarılıb. Həmin şəxsin 1988-ci il təvəllüdlü Musayeva Aytən Tacəddin qızı olduğu bildirilir.

BAKI, 26 yanvar - Sputnik. Xırdalanda partlayışda həlak olan qadının nəşi dağıntılar altından çıxardılıb.

Sputnik Azərbaycan-ın məlumatına görə, Xırdalanda baş verən partlayışda 1988-ci il təvəllüdlü Aytən Tacəddin qızı Musayeva faciəli şəkildə dünyasını dəyişib. Bu barədə Sputnik Abşeron MRX-nın direktoru Mehriban Qaralova məlumat verib. O, bildirib ki, Xırdalanda baş vermiş hadisə nəticəsində 6 nəfər müxtəlif dərəcəli bədən xəsarətləri ilə xəstəxanaya yerləşdirilib, onlardan biri uşaqdır.

Partlayış zamanı xəsarət alanlardan biri Musayev Vüsal Firuddin oğlunun həyat yoldaşı Aytən Musayeva dağıntılar altından ölü tapılıb. Onun azyaşlı qızının axtarışları davam edir. Oğlu 10 yaşlı Musayev Firuddin Vüsal oğlu və həyat yoldaşı xəstəxanada müalicə alırlar.

Partlayış zamanı xəsarət alanlar 1983-cü il təvəllüdlü Musayev Vüsal Firuddin oğlu, onun 10 yaşlı oğlu, 2009-cu il təvəllüdlü Musayev Firuddin Vüsal oğlu, 8 yaşlı qızı, 2012-ci il təvəllüdlü Musayeva Fatimə Vüsal qızı, Musayeva Ziyafət Qafar qızı və Gözəl Səmədovadır.

Dağıntılar altından çıxarılan digər şəxslər 1968-ci il təvəllüdlü Ələzova Simayə Mövlud qızı, 2006-cı il təvəllüdlü Şükürzadə Xədicə Bəxtiyar qızı,  1989-cu il təvəllüdlü Əliyev Emil Arif oğlu və 1988-ci il təvəllüdlü Hüseynov Arif Əbülfəz oğludur. 

Qeyd edək ki, 25 yanvar 2021-ci il tarixində Fövqəladə Hallar Nazirliyinin "112" qaynar xəttinə Abşeron rayonu, Xırdalan şəhəri, 27-ci məhəllə adlanan ərazidə uçqunla nəticələnən partlayış hadisəsinin baş verməsi barədə məlumat daxil olub.

FHN-dən Sputnik Azərbaycan-a verilən məlumata görə, dərhal əraziyə FHN-in müvafiq xilasetmə qüvvələri cəlb olunub. Əməliyyat şəraiti qiymətləndirilərkən məlum olub ki, uçqun ikimərtəbəli fərdi yaşayış evində baş verib.

Partlayış dalğasının təsirindən yaxınlıqdakı binaların şüşələri sınıb. FHN-in əməkdaşları tərəfindən operativ axtarış-xilasetmə əməliyyatı davam edir.

 

73