Rahim Zakiroğlu, Sputnik Azərbaycan

BAKI, 26 may — Sputnik. Astara Rayon Polis Şöbəsinin əməkdaşları Azərbaycan Respublikası Cinayət Məcəlləsinin bir neçə maddəsi ilə axtarışda olan Ərçivan kənd sakini Dəyanət Əliyevi saxlayıb.

Sputnik Azərbaycan-ın bölgə müxbirinin DİN Mətbuat Xidmətinin Lənkəran Regional Qrupundan əldə etdiyi məlumata görə, D.Əliyev saxlanılarkən üzərində olan lüləsi və qundağı kəsilmiş ov tüfəngi ilə polisə müqavimət göstərmək istəyib. O, polis əməkdaşlarının peşəkarlığı nəticəsində saxlanılaraq şöbəyə gətirilib.

D.Əliyevin üzərinə baxış keçirilən zaman 3 ədəd patron, qundağı və lüləsi kəsilmiş ov tüfəngi, eləcə də satış məqsədilə üzərində gəzdirdiyi külli miqdarda narkotik vasitə olan heroin və metamfetamin aşkar edilərək götürülüb. Aparılan araşdırmalardan sonra məlum olub ki, Dəyanət Əliyev həmin narkotik vasitəni Astara şəhər sakini Ramin Məmmədovdan əldə edib. Keçirilən əməliyyat-axtarış tədbirləri nəticəsində saxlanılan R.Məmmədovun üzərindən külli miqdarda heroin aşkar edilərək götürülüb.

Araşdırma zamanı o da məlum olub ki, D.Əliyev əldə etdiyi  narkotik vasitənin satışını həmkəndlisi, Ərçivan kənd sakini Erik Rubçov vasitəsilə həyata keçirirmiş. Polis əməkdaşları tərəfindən saxlanılan E.Rubçov saxlanılarkən üzərindən külli miqdarda narkotik vasitə olan heroin aşkar edilərək götürülüb.

Qeyd edək ki, hər üç şəxs barəsində Azərbaycan Respublikası Cinayət Məcəlləsinin müvafiq maddələri ilə cinayət işi başlanılıb.

BAKI, 30 sentyabr - Sputnik. Bu gün cəbhənin Cəbrayıl rayonunu istiqamətində düşmənin döyüş texnikaları bölmələrimiz tərəfindən məhv edilib.

Sputnik Azərbaycan bildirir ki, bu barədə məlumatı Azərbaycan Müdafiə Nazirliyi yayıb.

Erməni işğalçılarının sentyabrın 27-də başladığı təxribatın qarşısını almaq üçün Azərbaycan Ordusu bütün cəbhə boyu hücuma keçib. Sentyabrın 29-u səhər saatlarından etibarən Füzuli şəhərinin azad olunması uğrunda ordumuzun hücumu davam edir. Səhər saat 07.00-08.00 radələrində cəbhənin Füzuli-Cəbrayıl istiqamətində Ermənistan qoşunlarının daha 4 tankı qəhrəman əsgərlərimiz tərəfindən məhv edilib. Hazırda döyüşlər davam edir. 

Bu gün Füzuli rayonunun işğal altında olan Aşağı Veysəlli kəndi istiqamətindən üzbəüz mövqelərimizə basqın etməyə cəhd göstərən Ermənistan ordusunun hərəkətinin qarşısı bölmələrimiz tərəfindən qətiyyətlə alınıb və düşmən geri çəkilməyə məcbur edilib. Geri çəkilərkən məhv edilmiş erməni əsgərlərinin meyitləri döyüş meydanında qalıb.

Xocavənd rayonunun Hadrut yaşayış məntəqəsi istiqamətində yerləşən Ermənistan ordusunun 1-ci alayının, 3-cü taborunun komanda-müşahidə məntəqəsi dəqiq atəşlə darmadağın edilib. 

Eçmiədzin rayonunda dislokasiya olunan və işğal edilmiş ərazilərimizdə gedən döyüşlərə cəlb edilmiş Ermənistan ordusunun 61-ci əlahiddə mühəndis alayının 13516 saylı hərbi hissəsinin komandiri Spartak Köçəryan, Cəbrayıl rayonu istiqamətində yerləşdirilən Ermənistan ordusunun 18-ci motoatıcı diviziyasının artilleriya rəisi polkovnik Karen Babayan da bu gün məhv ediliblər. Ermənistan ordusunun 18-ci motoatıcı diviziyasının 9-cu alayının komandiri polkovnik Artyom Poqosyan isə ağır yaralanıb.