Dulaq-100 əsir düşərgəsi qurbanlarının xatirəsinə ucaldılmış memorial

O, atasını bütün ömrü boyu axtarıb: Yetmiş beş ilin “bitən” həsrəti

303
(Yenilənib 21:02 24.05.2018)
Səftər Quliyev yaxınları tapılan ilk "Dulaq" qurbanıdır

BAKI, 24 may — Sputnik. Bu günlərdə 1942-ci ildə Porxov yaxınlığındakı düşərgədə işgəncə və məruz qalmış və həlak olmuş azərbaycanlı əsgər Səftər Quliyevin nəvəsi tapılıb.

Sputnik Azərbaycan Rusiya mətbuatına istinadla xəbər verir ki, bu barədə "Pskovskoy pravda"-ya Rusiya Qadınlar Birliyinin regional şöbəsinin sədri Natalya Nikiforova deyib. Qeyd edək ki, onun təşkilatı "Dulaq"da həlak olanların yaxınlarının tapılması ilə məşğul olur.

İki il öncə Pskovsk bölgəsində, Porxovdan 3,2 kilometr şərqdə "Dulaq —100" alman-faşist düşərgəsində öldürülən və işgəncə görən 85 min nəfərin xatirəsinə həsr edilmiş memorialın təntənəli şəkildə açılış mərasimi baş tutub. Ötən əsrin 80-cı illərinə qədər tikintisi təxirə salınmış memorial bir ilin ərzində qayğıkeş insanların vəsaiti hesabına tikilib.

Onun təntənəli şəkildə açılışı zamanı veteranlar, müxtəlif regionlardan gələnlər, eyni zamanda Pskovskın yüzlərlə sakini iştirak edib.  Eyni zamanda, burada həlak olan əsirlərin yaxınlarının axtarışına başlanıldı. Və bu həssas iş artıq öz bəhrəsini verir.

Nikiforova qeyd edib ki, bir neçə gün əvvəl ona Azərbaycandan zəng olunub. Zəng edən Kamal Quliyev bildirib ki, o, təşkilatın siyahısında Kuriyev kimi qeydə alınmış Səftər Quliyevin nəvəsidir.

Onun yaşı, doğulduğu kənd və digər məlumatlar üst-üstə düşür.

Birlik sədrinin sözlərinə görə, Kamal Quliyev anasının, yəni Səftər Quliyevin qızının sağ olduğunu da bildirib. Hazırda onun 80 yaşı var və o ağır xəstədir. Qadın bütün həyatı boyu atasını axtarıb. Kamal Quliyev axtarış üçün ailəsinin onlara minnətdar olduğunu da bildirib.

"Səsindən hiss edilirdi ki, ona danışmaq çətindir və o özünü ağlamaqdan güclə saxlayır. Söz verdi ki, mütləq gələcək və xahiş etdi ki, babasının dəfn olunduğu yeri ona göstərək" – deyə Nikiforova qeyd edib.

İlham Əliyev, Azərbaycan Respublikasının Prezidenti
© Official website of President of Azerbaijan Republic

Nikiforovanın sözlərinə görə, "Dulaq”da həlak olanların yaxınlarının axtarılması ideyası abidənin bərpa edilməsi işləri başlanan zaman yaranıb. Əvvəlcə heç kim nədən başlamaq lazım olduğunu, kimə və hara yazmaq lazım olduğunu bilməyib. Yerli etnoqraf mütəxəssis Sergey Yeqorovun sayəsində Porxov muzeyində 400 nəfər həlak olan şəxsə aid kartların ortaya çıxması ilə təşkilat axtarışa başlayıb.

Muzey birliyə regionlar üzrə əlifba sırası ilə tərtib edilmiş siyahı da təqdim edib: "Bizim işimiz bu kədərli yer haqqında danışmaq oldu. İlk iş "Pskov" Dövlət Teleradio Kompaniyası ilə "Dulaq — 100" xatirə abidəsi haqqında süjet çəkildi. Hazırda həmin kadrları sosial şəbəkələrdə layihəyə həsr edilmiş qruplarda görmək mümkündür. Bununla yanaşı, həlak olanların siyahısı və "Dulaq" haqqında məlumatlar Rusiya Qadınlar Birliyinin regional şöbəsinin rəhbərinə də verildi".

Rəhbər qeyd edib ki, "Göz yaşları Gölü" abidəsi doğmaları müharibədən qayıtmayan və onların taleyindən 70 il sonra xəbər tutan insanların kədərinin simvoluna çevrilib.

Elə həmin vaxt Pskovskdan olan jurnalist Oleq Konstantinovun Müdafiə Nazirliyinin arxivində tapdığı 600 nəfər həlak olanın siyahısı da təşkilata verilib. Təşkilat üzvləri digər regionların etnoqrafiya muzeylərinə elektron məktublar göndərməyə başlayıb.

Nikiforovanın sözlərinə görə, bu məktublarda düşərgə haqqında, bu insanların əsir düşməsi və onların aclıqdan, soyuqdan ölməsi barədə, onların 85 min olması və bu yerin Pskovskda ibadət yeri olması qeyd olunub.

O, eyni zamanda qeyd edib ki, informasiya texnologiyaları əsrində ən səmərəli üsul kağız məktubların göndərilməsi olub. Elektron məktublara cavab gəlmirmiş.

"Bu zaman mən səfirliyə "canlı" məktub yazdım və onu çatdırılma bildirişi ilə poçtla göndərdim. Biz İsveçrənin Rusiyadakı səfirliyindən cavab aldıq. Gürcüstan səfirliyindən isə bizə zəng edib, işimizə görə şəxsən təşəkkür ediblər. Və eyni zamanda Azərbaycan səfirindən səmimi məktub aldıq və sonra həlak olan əsgərin nəvəsi zəng elədi" – deyə Nikiforova bildirib.

Onun sözlərinə görə, Səftər Quliyev yaxınları tapılan ilk "Dulaq" qurbanıdır.

303
Teqlər:
müharibə, axtarış, qohum, Rusiya, düşərgə, əsir, azərbaycanlı
Müəllimlərin imtahanı, arxiv şəkli

Müəllimlərin imtahanına tələbələr nəzarət edəcəklər

1
(Yenilənib 14:20 14.08.2020)
Müəllimlərin işə qəbulu üzrə test imtahanlarının təşkilində hər il Təhsil Nazirliyinin tələbə-könüllüləri fəaliyyət göstərirlər

BAKI, 14 avqust — Sputnik. Müəllimlərin işə qəbulu üzrə müsabiqənin Bakı və Sumqayıt şəhərlərində keçiriləcək test mərhələsinin təşkilində könüllü olmaq üçün 400-dən çox tələbə müraciət edib. Sputnik Azərbaycan Təhsil Nazirliyinin məlumatına istinadla xəbər verir ki, sosial izolyasiya qaydalarına uyğun olaraq, müsabiqədə iştirak edəcək tələbə-könüllülərin seçimi onlayn müsahibələr vasitəsilə baş tutub. İlkin seçim mərhələsindən sonra keçirilən müsahibələrdə iştirak edən 189 nəfərdən 66-sı tədbirdə nəzarətçi qismində iştirak hüququ əldə edib.

Həmçinin, müsabiqənin test mərhələsində fəaliyyət göstərəcək tələbə-könüllülərə nümayəndələr tərəfindən təlimlər keçirilib. Təlimlər onlayn şəkildə müsabiqənin təşkilatçıları və "Bir" tələbə-könüllü proqramının koordinatorları tərəfindən keçirilib.

Qeyd edək ki, müəllimlərin işə qəbulu üzrə test imtahanlarının təşkilində hər il Təhsil Nazirliyinin tələbə-könüllüləri fəaliyyət göstərirlər.

1
Əlaqədar
Bu gün növbəti qəbul imtahanları keçirilir
İmtahanların nəticələri ilə əlaqədar müraciət edənlərin nəzərinə
Abituriyentlərə ikinci şans verildi, amma topladıqları bal aşağı olacaq
DİM kolleclərlə bağlı abituriyentlərə müraciət etdi
COVID-19 infeksiyasına yoluxmuş şəxs təcili yardım avtomobilinə yerləşdirilir

COVID-19 xəstələri həbs edildilər: başqalarını da yoluxdurmaq istəyirmişlər - FOTO

4
(Yenilənib 14:15 14.08.2020)
Xəbərdarlıq edərək bildiririk ki, bu qaydaları pozan və digərlərinin yoluxmasına şərait yaradan şəxslər qanunvericiliklə nəzərdə tutulan qaydada cinayət məsuliyyətinə cəlb olunacaqlar

BAKI, 14 avqust — Sputnik. COVID-19 infeksiyasına yoluxduğunu bilərək özünütəcrid qaydalarına riayət etməyən və ətrafdakı şəxslərə də bu virusun keçməsinə şərait yaradan şəxslər həbs ediliblər.

Sputnik Azərbaycan Daxili İşlər Nazirliyinin məlumatına istinadla xəbər verir ki, polis əməkdaşlarının sanitar-gigiyenik qaydalara riayət etməklə həyata keçirdikləri əməliyyat nəticəsində bu hərəkətlərə yol verən Salyan rayon sakinləri Anar Vəliyev, Məmməd Ağayev, onun oğlu Elvin Ağayev və Kürdəmir rayon sakini Gülöyşə Əhmədovanın olduqları yerlər müəyyən edilib və onlar tutulublar.

© AR Ministry of Internal Affairs
Saxlanılan şəxslər

Faktlarla bağlı saxlanılan şəxslər barəsində Cinayət Məcəlləsinin 139-1.1-ci (epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət işi başlanılıb. Saxlanılan şəxslərdən Anar Vəliyev və Elvin Ağayev barəsində məhkəmənin qərarı ilə həbs qətimkan tədbiri seçilib.

© AR Ministry of Internal Affairs
Saxlanılan şəxs Elvin Ağayev

Daxili İşlər Nazirliyi hazırda COVID-19 virusundan müəlicə alan və həkim nəzarətində olan şəxslərdən özünütəcrid qaydalarına ciddi əməl etmələrini tələb edir. Xəbərdarlıq edərək bildiririk ki, bu qaydaları pozan və digərlərinin yoluxmasına şərait yaradan şəxslər qanunvericiliklə nəzərdə tutulan qaydada cinayət məsuliyyətinə cəlb olunacaqlar.

4
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Qaydanı ikinci dəfə pozan COVID xəstəsini bu dəfə evə buraxmadılar
Əvvəllər yeyib-içənləri tuturdular, indi onun şəklini paylaşanları
Bu dəfə restoranın adı da kömək eləmədi, tapdılar, cərimələdilər
Xəstə şəxs Bakını tərk etmək istəyəndə saxlanıldı
İcazəsiz Qusara istirahətə gələn 18 nəfər cərimələnib