Milli Televiziya və Radio Şurasının üzvü Sona Vəliyeva

Sona Vəliyeva: "Cümhuriyyət tarixi bizim milli yaddaşımızdır"

52
Əflatun Amaşov: “AXC-nin ideoloji əsaslarını hazırlayan, Azərbaycan xalqının azadlığını düşünən ziyalılarımız bu cümhuriyyəti yaratdı”

BAKI, 24 may — Sputnik. Bu gün Beynəlxalq Mətbuat Mərkəzində Azərbaycan Xalq Cümhuriyyətinin 100 illiyinə həsr olunmuş "İstiqlal düşüncələri. Cümhuriyyətə aparan yollar" kitabının təqdimat mərasimi keçirilib.

Azərbaycan Xalq Cümhuriyyətinin 100 illiyinə həsr olunmuş İstiqlal düşüncələri. Cümhuriyyətə aparan yollar kitabının təqdimat mərasimi
© Sputnik / Kemale Aliyeva
Azərbaycan Xalq Cümhuriyyətinin 100 illiyinə həsr olunmuş "İstiqlal düşüncələri. Cümhuriyyətə aparan yollar" kitabının təqdimat mərasimi

Sputnik Azərbaycan-ın məlumatına görə, müəllifləri Bəxtiyar Qaraca və Akif Aşırlının olduğu kitab filologiya üzrə fəlsəfə doktoru, "Kaspi" qəzeti və "Kaspi Təhsil Mərkəzi"nin təsisçisi Sona Vəliyeva və Azərbaycan Mətbuat Şurasının sədri, millət vəkili Əflatun Amaşovun ön sözü ilə işıq üzü görüb.

Tədbiri giriş sözü ilə açan Mətbuat Şurasının sədri, millət vəkili Əflatun Amaşov deyib ki, "İstiqlal düşüncələri. Cümhuriyyətə aparan yollar" kitabı Azərbaycan xalqına cümhuriyyəti qazandıran şəxslər haqqında dəyərli məlumatlar verir: 

"Xalqımız müsəlman şərqində ilk demokratik respublikanı yaradıb. Biz bundan fərəh duyuruq. AXC itirilmiş dövlətçiliyimizi bizə qaytardı. O, xalqımızın inkişafında yeni mərhələnin əsasını qoydu. Bu dövlət birdən-birə meydana gəlmədi. AXC-nin ideoloji əsaslarını hazırlayan, Azərbaycan xalqının azadlığını düşünən ziyalılarımız bu cümhuriyyəti yaratdı. Bu kitab da həmin ziyalıların tanıdılması, düşüncələri ilə tanışlıq baxımından qiymətlidir".

Daha sonra çıxış edən filologiya üzrə fəlsəfə doktoru, "Kaspi" qəzeti və "Kaspi Təhsil Mərkəzi"nin təsisçisi Sona Vəliyeva da Azərbaycan Xalq Cümhuriyyətinin 100 illiyinə həsr olunmuş kitab haqqında fikirlərini bölüşüb. Bildirib ki, Azərbaycan Respublikası Prezidentinin sərəncamı ilə AXC-nin 100 illiyi ölkəmizdə bayram kimi qeyd olunur: "Cümhuriyyətin 100 illiyi ərəfəsində çox sayda yeni kitablar nəşr olunub, ölkəmizin müxtəlif yerlərində bu tarix təntənəli şəkildə qeyd olunur".

Azərbaycan Xalq Cümhuriyyətinin 100 illiyinə həsr olunmuş İstiqlal düşüncələri. Cümhuriyyətə aparan yollar kitabının təqdimat mərasimi
© Sputnik / Kemale Aliyeva
Azərbaycan Xalq Cümhuriyyətinin 100 illiyinə həsr olunmuş "İstiqlal düşüncələri. Cümhuriyyətə aparan yollar" kitabının təqdimat mərasimi

"Cümhuriyyət tarixi bizim milli yaddaşımızdır. Bu 100 illiyi bayram kimi qeyd etmək milli yaddaşımıza çox şeylər qazandıracaq. O qısa dövrdə yaradılmış böyük tarixin gizli məqamlarına bu kitabda aydınlıq gətirilir" — deyə S.Vəliyeva qeyd edib.

Kitabla bağlı fikirlərini bölüşən tədbirin digər iştirakçıları da istiqlaliyyət tariximizin şanlı keçmişinə işıq salan bu kitabın AXC-nin 100 illiyinə dəyərli töhfə olduğunu bildiriblər.

Qeyd edək ki, tədbirdə millət vəkilləri, KİV rəhbərləri, ictimaiyyət nümayəndələri iştirak ediblər.

52
Teqlər:
təqdimat, Azərbaycan Xalq Cümhuriyyəti, Sona Vəliyeva, Əflatun Amaşov, kitab
Sovetski

"Sovetski" sakinlərinin iddialarına nazirlikdən münasibət: Şərtlər məcburidir

0
(Yenilənib 18:15 20.04.2021)
"Keçmiş "Sovetski" adlanan ərazinin sakinləri olmuş vətəndaşlarımızı ictimai qaydanın və asayişin pozulması ilə müşayiət olunan destruktiv fəaliyyətdən,

BAKI, 20 aprel — Sputnik. Azərbaycan Respublikasının Maliyyə Nazirliyi Bakı şəhəri Yasamal rayonunun keçmiş "Sovetski" adlanan ərazisində vaxtilə yaşamış bir qrup sakinin səsləndirdiyi iddialara münasibət bildirib.

Nazirlikdən Sputnik Azərbaycan-a verilən məlumata görə, keçmiş "Sovetski" adlanan ərazidə vaxtilə könüllü razılıq əsasında köçmüş, indi isə tərəflərin razılığı ilə bağlanmış alqı-satqı müqavilələri əsasında satın alınan evlərinə görə onlara edilən ödənişlərin guya natamam hesablanması, evlərin düzgün ölçülməməsi, kompensasiya məbləğinin azaldılması, habelə həmin ərazidə torpaq sahələri üzrə mülkiyyət hüquqlarının pozulmasına dair bir qrup keçmiş sakinin səsləndirdikləri iddiaların heç bir əsası yoxdur.

Ərazidə vaxtilə alınma və köçürmə işləri torpaqların dövlət ehtiyacları üçün alınması haqqında qanunvericiliyə, o cümlədən Nazirlər Kabinetinin müvafiq qərarlarına uyğun olaraq alan orqan kimi müəyyən edilmiş Yasamal RİH tərəfindən icra olunub, Maliyyə Nazirliyi isə qeyd olunan dövlət ehtiyacları üçün alınma işlərində nəzarət orqanı qismində iştirak etməklə prosesə nəzarət edib.

Köçürülmə ərazisinə düşən daşınmaz əmlaklar üzrə qiymətləndirmə "Torpaqların dövlət ehtiyacları üçün alınması haqqında" Qanuna uyğun olaraq, bu işlərə cəlb edilmiş müstəqil qiymətləndirici şirkət tərəfindən sözügedən ərazidə mövcud bazar qiymətləri öyrənilməklə aparılıb. Hesablanmış məbləğlər Yasamal Rayon İcra Hakimiyyəti tərəfindən sakinlərlə ilkin razılaşma əldə olunduqdan sonra notariat qaydada alqı-satqı müqavilələri bağlanmaqla müvafiq banklarda mənzillərin sahiblərinin adlarına açılmış hesablara köçürülüb və heç bir əlavə xərc olmadan hesablanmış məbləğlər həmin şəxslər tərəfindən bütünlüklə alınıb. Və bununla əlaqədar alqı-satqı dövründə sakinlər tərəfindən heç bir irad bildirilməyib. Hər bir sakinlə bağlanmış əqdlərin sürətləri bu gün də mövcuddur və istənilən şəxs həmin alqı-satqı müqavilələri ilə tanış ola bilər.

Vəsaitlərini götürən bütün sakinlərə evlərindən yeni mənzillərinə köçmək üçün ən azı bir ay müddət və əlavə olaraq hər bir ailəyə 1000 manat məbləğində köçmək üçün vəsait ödənilib.

Bundan başqa, köçürülmə zamanı torpaq sahələrinin onların xüsusi mülkiyyətində olmasına dair müvafiq sənədlər təqdim edən sakinlərə əlavə kompensasiya hesablanaraq ödənilib.

"Maliyyə Nazirliyi bir daha bəyan edir ki, könüllü razılıq əsasında notarial qaydada bağlanan əqdlərə uyğun olaraq köçürülmüş həmin şəxslərin xeyli müddətdən sonra yenidən peyda olaraq şikayətlər səsləndirmələri, bəzi şəxslər tərəfindən koordinasiya olunaraq dövlət qurumlarının qarşısına toplaşmaları, dəfələrlə şifahi və yazılı qaydada onlara izahat verilməsinə baxmayaraq Yasamal RİH və Maliyyə Nazirliyindən əlavə vəsait tələb etmələri, mətbuatda və sosial şəbəkələrdə dövlət orqanlarına, ayrı-ayrı vəzifəli şəxslərə qarşı iradlar səsləndirmələri tam əsasızdır və həqiqəti əks etdirmir.

Bununla yanaşı, qeyd olunmalıdır ki, sözügedən alqı-satqı müqavilələri hazırda qüvvədədir və onların şərtləri müqavilə tərəfləri üçün məcburi xarakter daşıyır. Azərbaycan Respublikasının qanunvericiliyinə uyğun olaraq müqavilələrin, o cümlədən alqı-satqı müqavilələrinin məcburi qaydada dəyişdirilməsi və ya ləğv edilməsi Azərbaycan Respublikasının müvafiq məhkəmələrinin səlahiyyətindədir.

Eyni zamanda "Torpaqların dövlət ehtiyacları üçün alınması haqqında" Azərbaycan Respublikasının Qanunu da alınmanın təsirinə məruz qalmış şəxslərin məhkəmə müdafiəsinə təminat verir.

Göstərilənlərə əsasən keçmiş "Sovetski" adlanan ərazinin sakinləri olmuş vətəndaşlarımızı ictimai qaydanın və asayişin pozulması ilə müşayiət olunan destruktiv fəaliyyətdən, bir qrup şəxslərin təhriki ilə əlavə vəsait tələb etməkdən çəkinməyə çağırır və iddia tələbləri ilə bağlı müvafiq məhkəmələrə müraciət etmələrini tövsiyə edirik", - nazirlikdən bildirilib.

0
Teqlər:
Maliyyə Nazirliyi, narazılıq, sakinlər, "Sovetski"
Bakı məktəblərində əyani tədris prosesinin başlanması, 1 fevral 2021-ci il

Nazirdən məktəbəqədər təhsillə bağlı paylaşım

2
(Yenilənib 17:45 20.04.2021)
Layihə çərçivəsində valideynləri övladlarının 5 yaşına qədərki dövrünə dair müxtəlif mövzularda maarifləndirmək üçün ilk 5 il platforması yaradılıb.

BAKI, 20 aprel — Sputnik. Məktəbəqədər və ibtidai təhsilin yaxşılaşdırılması məqsədilə hazırda ölkəmizin 50 şəhər və rayonunda 466 mərkəzdə 9373 uşağı əhatə edən 500 icma əsaslı məktəbəqədər təhsil qrupu fəaliyyət göstərir. Sputnik Azərbaycan-ın xəbərinə görə, bu barədə təhsil naziri Emin Əmrullayev "Facebook" hesabında məlumat verib.

Xəbərdə qeyd edilir ki, bu icma əsaslı qruplarda ümumilikdə 486 nəfər müəllim çalışır. Layihə çərçivəsində valideynləri övladlarının 5 yaşına qədərki dövrünə dair müxtəlif mövzularda maarifləndirmək üçün ilk 5 il platforması yaradılıb. Layihə Heydər Əliyev Fondu, Avropa İttifaqı və UNİCEF-in dəstəyi ilə Təhsil İnstitutu tərəfindən həyata keçirilir.

2
Teqlər:
paylaşım, nazir, məktəbəqədər təhsil