Fahişə, arxiv şəkli

Bakıda "sevgi yuvaları": Ərəblər oraya qrup halında gəlirlər

72955
(Yenilənib 13:05 23.05.2018)
"Hazırda Hollandiya və digər ölkələrdə olduğu kimi ölkəmizdə də qadınların durduğu və özlərini təklif etdiyi küçə var"

Zarina Orucəliyeva, Sputnik Azərbaycan

Bakı, 23 May – Sputnik. Bakıda bəzi gecə klubları ərəb ölkələrindən olan müştərilərə xidmət göstərmək sahəsində ixtisaslaşıb. Bunu Sputnik Azərbaycan-a açıqlamasında Azərbaycan Turizm Assosiasiyasının (ATA) rəhbəri Nahid Bağırov Azərbaycanda "seks turizmi" probleminin inkişafını şərh edərkən bildirib.

Bağırov bildirib ki, bu sahədə bir neçə gecə klubu fəaliyyət göstərir: "Onlar Həsən Əliyev küçəsində, "erməni qəbiristanlığı"nın yaxınlığında yerləşir. Turistlər yüngül əxlaqa malik yerli qadınlarla tanış olmaq üçün bu klublara az qala qruplar halında gəlirlər".

Qeyd etmək lazımdır ki, ölkədə turizmin canlanması ilə Bakının Nizami küçəsində həyat daha da maraqlı olub. Bu küçədə dünyanın ən qədim peşəsinin sahibləri heç kimdən çəkinmədən öz xidmətlərini xarici vətəndaşlara təqdim edirlər.

Qiymətlərin elə də yüksək olmadığı nəzərə alınsa, çətin ki, çox adam onların xidmətindən imtina etsin. Bu sözlərin təsdiqi kimi ərəb turistlərin hotel nömrələrində pulsuz oyanaraq "sevgi kahinləri"nin qurbanı olması hallarını xatırlamaq olar.

Bu arada Bağırov qeyd edib ki, o, şəxsən qadınların Nizami küçəsində əcnəbi turistlərlə qiymət məsələsində sövdələşməsinin şahidi olub: "Mən şəxsən ərəblərin bizim qadınlara yaxınlaşması və onlara əxlaqsız təklif etməsinə əmin olmaq üçün müşahidə aparırdım. Mən belə bir halın şahidi olmuşam. Həmçinin Nizami küçəsində qızların skamyada əyləşərək ərəblərin onlara yaxınlaşmasını gözlədiklərini də görmüşəm. Hətta bunu telefona da çəkmişəm".

Onun sözlərinə görə, yerli qızlar özləri əcnəbilərlə ünsiyyətə fəal şəkildə daxil olurlar. Azərbaycan Turizm Assosasiyasının rəhbəri hüquq-mühafizə orqanlarını əməli tədbirlər görməyə və qadınları ərazidən uzaqlaşdırmağa, həmçinin faktiki olaraq fahişəxana olan gecə klublarını bağlamağa çağırıb.

"Görüləcək tədbirlərdən sonra təbii ki, turistlərin cüzi hissəsi Azərbaycana geri gəlməyəcək, lakin Respublika artıq özünü turizm ölkəsi kimi tanıda bilib və itki elə də çox olmayacaq" — N.Bağırov vurğulayıb.

"Təmiz Dünya" ictimai birliyinin sədri, hüquq müdafiəçisi Mehriban Zeynalovanın Sputnik Azərbaycan-a verdiyi məlumata görə isə, hazırda Bakıda işləyən yüngül əxlaqa malik qadınlar arasında faktiki olaraq xarici vətəndaş yoxdur: "Ayrı-ayrı hallar qeydə alınsa da, qonşu ölkələrdən seks-sənaye sahəsində gəlir əldə etmək üçün Bakıya kütləvi şəkildə qadınların gəlməsi müşahidə olunmur. Əsasən, bu sahə ilə yerlilər məşğuldur".

Zeynalova artıq bir neçə ildir ki, Səhiyyə Nazirliyi ilə birgə "Zərərin azaldılması" proqramını həyata keçirməklə immun çatışmazlığı – QİÇS-lə mübarizədə, xüsusilə əhalinin ən həssas qrupuna yardım etməyə çalışdıqlarını bildirib. Hüquq-müdafiəçisi iddia edir ki, son zamanlar yüngül əxlaqa malik qadınların sayı azalıb.

"Əgər gecə klublarında 15-20 nəfər olardısa, indi onların sayı dəfələrlə azalıb. Qadınlar real həyatdan sosial şəbəkələrə üz tutublar. Onlar öz şəkillərini və telefon nömrələrini paylaşır, menecerlərdən istifadə edirlər. Onlar arasında, hətta evli qadınları da görmək olar. Lakin onlar, tamamilə küçələrdən yığışmayıblar" — Zeynalova vurğulayıb.

Nizami küçəsinə gəldikdə isə, həmsöhbətimiz orada yüngül əxlaqlı qadınların sayının azalmadığını, əksinə artdığını qeyd edib. O, bunu adıçəkilən əraziyə xarici vətəndaşların daha çox gəlməsi ilə əlaqələndirib: "Demək olar ki, hazırda Hollandiya və digər ölkələrdə olduğu kimi ölkəmizdə də qadınların durduğu və özlərini təklif etdiyi küçə var".

72955
Teqlər:
"seks turizmi", ATA, gecə klubları, Azərbaycan Turizm Assosiasiyası, əxlaqsız təklif, fahişə, Nahid Bağırov, Sputnik Azərbaycan, ərəb, Mehriban Zeynalova, Nizami küçəsi, Bakı, Azərbaycan, turist, qadın, küçə
Əlaqədar
“Qırmızı fənərlər kvartalı”nda yeni qayda: Fahişələrə baxmaq qadağan edildi
Küveytli turist Bakıda üç fahişənin gözü önündə ölüb
Evlilik proqramına getdi, fahişəliyə məcbur etdilər
Azərbaycanlı iş adamı həbsxana gözətçisinə fahişə, narkotik və içki sifariş verib
Yenidən Pərvin Abıyeva: "Aktrisa və ya müğənnisənsə, deməli fahişəsən..."
E-Təbib tətbiqi

TƏBİB-dən xəstələrə antibiotiklərlə bağlı xəbərdarlıq

3
(Yenilənib 22:59 22.10.2020)
"Xəstəliyin ilk simptomları üzə çıxan zaman bəzi insanlar özbaşına antibiotiklərdən istifadə edirlər" - TƏBİB.

BAKI, 22 oktyabr — Sputnik. Bəzən koronavirusa yoluxan gənc insanlarda da ağırlaşmalar ola bilər.

Sputnik Azərbaycan-ın məlumatına görə, bunu Səhiyyə Nazirliyinin İctimai səhiyyə və sanitariya və epidemioloji nəzarət şöbəsinin müdiri Nəzifə Mürsəlova deyib. Onun sözlərinə görə, sağlamlıq vəziyyəti normal olan 82 yaşlı insanların da koronavirusdan sağalması mümkün olub:

"Amma hər hansı gəncin xroniki xəstəliyi varsa və başqa ağırlaşmalar qeydə alınarsa, onun səhhətində daha ciddi ağırlaşmalar baş verə bilər".

N.Mürsəlova qeyd edib ki, gənc insanlar arasında ağırlaşmalar müraciətin gec edilməsi səbəbindən baş verir.

İnsanları özünümüalicədən də uzaqlaşmağı məsləhət görən N.Mürsəlova deyib ki, xəstəliyin ilk simptomları üzə çıxan zaman bəzi insanlar özbaşına antibiotiklərdən istifadə edirlər: "Bu zaman isə xəstənin vəziyyətində yaxşılaşma deyil, əksinə pisləşmə baş verir. Bu halda da xəstəxanaya düşən xəstəyə reanimasion yardım lazım olur".

3
Qarabağ - Legiya matçı

Türkiyə "Qarabağ"a qucaq açdı

26
(Yenilənib 20:24 22.10.2020)
Qardaş ölkə təmsilçiləri klubumuzun məktubuna "Stadionumuz hər zaman "Qarabağ"ın xidmətindədir" cavabını göndərib

BAKI, 22 oktyabr - Sputnik. Avropa Liqasının qrup mərhələsində Azərbaycan çempionu "Qarabağ"ın İspaniyanın "Vilyarreal" komandası ilə qarşılaşacağı meydan bəlli olub.

Sputnik Azərbaycan bildirir ki, bu barədə "Qarabağ" klubunun yaydığı açıqlamada deyilir.

Vurğulanır ki, hazırda ölkəmizin bütün cəbhəboyu əks-hücum əməliyyatları uğurla davam edir və ölkəmizdə hərbi vəziyyət elan edilib. İki gün öncə UEFA İcraiyyə Komitəsi ölkəmizdə vəziyyəti nəzərə alaraq, "Qarabağ"ımızın qrup mərhələsində ilk ev oyununu neytral meydanda keçirilməsi ilə bağlı qərar qəbul edib. Və "Vilyarreal"la matçının hansı ölkədə keçirilməsi ilə bağlı UEFA tərəfindən bir neçə ölkə klubumuza təqdim edilmişdir.

"Lakin həmin ölkələrdə klubumuzun təhlükəsizliyi, klubumuza qarşı hər hansı bir təxribat olması ehtimalı və digər məsələləri nəzərə alan klubumuz tərəfindən anında UEFA-ya məlumat verilib və "Vilyarreal"la matçın hər zaman öz dəstəyi ilə yanımızda olan Türkiyədə keçirilməsi üçün tutarlı əsaslarla müraciət göndərilib və bu müraciət UEFA tərəfindən müsbət qarşılanıb.

Ali futbol qurumunun tələbi ilə qarşılaşma bu mövsüm avrokuboklarda ev sahibliyi etmiş stadionda keçirilməlidir. Bununla bağlı qardaş Türkiyə təmsilçilərinə klubumuz tərəfindən məktub ünvanlanıb. Və qardaş ölkə təmsilçiləri klubumuzun məktubuna "Stadionumuz hər zaman "Qarabağ"ın xidmətindədir" cavabını göndərib. Başda "Qalatasaray" olmaqla, öz dəstəyini əsirgəməyən qardaş ölkə təmsilçilərinə təşəkkür edirik.

Hazırda Çempionlar Liqasının qrup mərhələsində iştirak edən "İstanbul Başakşehir" klubunun stadionu isə texniki cəhətdən UEFA-nın tam təmin olunduğuna görə "Qarabağ"ımız "Vilyarreal"la ev matçını məhz "Başakşehir"in Fatih Terim adına stadionunda keçirəcək", - açıqlamada deyilir.

"Qarabağ" Futbol Klubu "Başakşehir" klubuna könüldən göstərdiyi dəstəyə görə təşəkkürünü bildirib.

26
Teqlər:
Türkiyə, qrup mərhələsi, Avropa Liqası, "Qarabağ" FK, futbol
Əlaqədar
Qurban Qurbanov: “Fikrimiz Azərbaycan əsgərlərinin yanındadır”
"Qarabağ" qardaş Türkiyəni seçdi
Yaşıl sahənin adamı: "Gün gələcək, Şuşada Avropa çempionatı keçirəcəyik"
Dünya futbolunun türk ulduzu Azərbaycana dəstəyini ifadə etdi
UEFA rəhbəri: "Ümid edirəm ki, Qarabağdakı münaqişə tezliklə sülh yolu ilə həll ediləcək"
Yəhudilər, arxiv şəkli

Azərbaycanın yəhudi icması dünya yəhudilərinə müraciət etdi: Azərbaycanın yanında dayanın!

0
(Yenilənib 23:09 22.10.2020)
Azərbaycanın işğal olunmuş torpaqlarının dərhal azad olunması üçün Etmənistana təsir etmək istiqamətində mümkün olan hər şeyi edin

BAKI, 22 oktyabr - Sputnik. Azərbaycandakı yəhudi cəmiyyətləri dünya yəhudilərinə və yəhudi təşkilatlarına müraciət ünvanlayıb.

Yəhudi icmasından Sputnik Azərbaycan-a daxil olan müraciətdə deyilir:

"Azərbaycan zəngin tarixə mədəniyyətə və multikultural dəyərlərə malik bir ölkədir. Bu ölkədə qanunlara riayyət edən hər kəs milliyyətindən, irqindən asılı olmayaraq sülh və təhlükəsizlikdə yaşayır. Biz, Azərbaycan yəhudiləri burada təxminən 2000 ildir ki, sülh və təhlükəsiz şəraitdə yaşayırıq. Tam əminliklə deyə bilərik ki, azərbaycanlılar çox sülhsevər, dinc, tolerant və muktikultural dəyərlərə çox sadiq insanlardır. Azərbaycanda sinaqoqlar, yəhudi məktəbləri və bağçaları fəaliyyət göstərir. Bizim ölkədə müxtəlif xalqların nümayəndələri dostluq və həmrəylik içərisində yaşayır. Azərbaycan dövləti etnik azlıqlar da daxil olmaqla öz vətəndaşlarına qarşı çox tolerant və qayğıkeşdir.

Lakin biz qeyd etməliyik ki, artıq 30 ilə yaxındır ki, Azərbaycanın torpaqlarını işğal altında saxlayan Ermənistan dəfələrlə Azərbaycanda yaşayan xalqların arasında düşmənçilik toxumu səpməyə cəhd edib, lakin bu əməlindən faydalana bilməyib. Müharibə zonasında verdiyimiz şəhidlərimizlə yanaşı  Ermənistan hökumətinin mülki əhaliyə qarşı törətdiyi cinayətlər və təxribatlar bizim birliyimizin bağlarını və aramızdakı qardaşlığı daha da gücləndirib. 

Biz çox təəssüflə qeyd edirik ki Ermənistan hökumətinin bizim mülki və hərbi infrastrukturlarımıza qarşı və həmçinin Azərbaycan vətəndaşlarına qarşı davamlı təxribatlar törətməkdən əl çəkmək niyyətində olmadığı aşkardır.  Sentyabrın 27-dən etibarən Ermənistan silahlı qüvvələri atəşkəs rejimini pozdu və təmas xəttində yerləşən azərbaycanlı mülki əhalinin yaşadığı əraziləri iriçaplı silahlardan və artilleriya qurğularından intensiv şəkildə atəşə tutdu. Buna cavab olaraq  Azərbaycan ordusunun bu günə qədər davam edən uğurlu əks hücumu nəticəsində Azərbaycan ordusu Ermənistanın işğalı altında olan ərazilərinin nəzərəçarpacaq bir qismini azad edib.

Hərbi uğursuzluqlarını həzm edə bilməyən Ermənistan silahlı qüvvələri münaqişə zonasından kilometrlərlə uzaq olan Azərbaycan şəhərlərinə raket zərbələri endirdi. Burada xüsusilə Gəncə şəhəri qeyd olunmalıdır, Gəncədə bu gün böyük Yəhudi icması yaşayır. İki dəfə raket hücumuna məruz qalan Gəncədə çox sayda mülki şəxslər həlak oldular.  Bütün bunlara rəğmən biz bəzi Yəhudi  təşkilatlarının bu gün də humanitar hüququ pozaraq regionda sülh və sabitliyi gözardı edən təcavüzkar ölkə Ermənistanla bağlı doğru məlumatlara sahib olmamaqla əlaqəli xəbərlərdən çox məyusuq və bu bizi çox narahat edir. Azərbaycanda yaşayan Yəhudi icmaları olaraq biz əziz soydaşlarımız sizə müraciət edirik.

Dünya ictimaiyyətini yanıltmağa yönəlmiş yanlış məlumatlandırma da daxil olmaqla təcavüzkar Ermənistanın təxribatlarına inanmayın, dost Azərbaycan xalqının və hökumətinin ədalətli mübarizəsində onların yanında dayanın və Azərbaycanın işğal olunmuş torpaqlarının dərhal azad olunması üçün Etmənistana təsir etmək istiqamətində mümkün olan hər şeyi edin".

Qeyd edək ki, müraciəti Azərbaycan Dağ Yəhudiləri İcmasının sədri Milix Yevdayev, Azərbaycan Aşkenazi Yəhudi İcmasının sədri Aleksandr Şarovski, Azərbaycanın Gürcü Yəhudi İcmasının sədr müavini Rabbi Zamir İsayev və Azərbaycanda Amerika Yəhudi Təşkilatının "Vaad L'hatzolas Nidchei Yisroel" direktoru Rabbi Şmuel Siman Tov imzalayıb.

0
Əlaqədar
Yəhudiləri niyə sevməliyik?
Yəhudilər Qarabağda Azərbaycanın qələbəsi üçün dua etdilər
Yəhudilər Azərbaycana təşəkkür etdilər
Azərbaycanlı çobanın eşqinə yəhudilər heyran oldular