Vüsal Nuriyev

Kriminal avtoritet Yardımlıda saxlanıldı

412
(Yenilənib 21:14 22.05.2018)
Narkotik vasitəni əvvəlcədən gizlədilmiş yerdən satış məqsədilə götürdükləri müəyyən edilib

Rahim Zakiroğlu, Sputnik Azərbaycan

BAKI, 22 may — Sputnik. Yardımlı Rayon Polis Şöbəsinin əməkdaşları uğurlu əməliyyat-axtarış tədbiri həyata keçiriblər.

DİN Mətbuat Xidmətinin Lənkəran Regional Qrupundan Sputnik Azərbaycan-a verilən məlumata görə, nəticədə külli miqdarda narkotik vasitə aşkar edilərək dövriyyədən çıxarılıb. Yardımlı rayonu ərazisində narkotik vasitələrin qanunsuz dövriyyəsində şübhəli bilinən 3 nəfər – Masallı şəhər sakinləri Zaur Nuriyev, əvvəllər məhkum olunmuş Orxan Dəyyanov və Vüsal Nuriyev Yardımlı RPŞ-nin əməkdafları tərəfindən saxlanılıblar.

Qeyd edək ki, əvvəllər məhkum olunmuş Vüsal Nuriyev cinayətkar aləmdə "Krıtıy Vüsal" ləqəbi ilə tanınır.

Saxlanılan şəxslərdən 3 bükümdə ümumi çəkisi 2 kiloqram 610 qram narkotik vasitə olan tiryək aşkar edilərək götürülüb. Müəyyən edilib ki, narkotik vasitə Yardımlı rayonu ərazisinə İran İslam Respublikasından qaçaqmalçılıq yolu ilə keçirilib və saxlanılan şəxslər onu əvvəlcədən gizlədilmiş yerdən satış məqsədilə götürüblər.

Faktla bağlı Yardımlı Rayon Polis Şöbəsində Azərbaycan Respublikası Cinayət Məcəlləsinin müvafiq maddəsi ilə cinayət işi açılıb və araşdırmalar davam etdirilir.

412
Teqlər:
kriminal avtoritet, Yardımlı, narkotik, həbs
 Koronavirus testi, arxiv şəkli

Azərbaycanda koronavirus testlərinin sayı açıqlandı

0
(Yenilənib 16:57 27.05.2020)
Ötən müddət ərzində yeni yoluxma hallarının müəyyənləşdirilməsi ilə əlaqədar ölkədə 280 663 test aparılıb.

BAKI, 27 may — Sputnik. Azərbaycanda indiyə qədər koronavirusa görə aparılan testlərin sayı məlum olub.

Sputnik Azərbaycan xəbər verir ki, bu barədə Nazirlər Kabineti yanında Operativ Qərargah məlumat yayıb.

Ötən müddət ərzində yeni yoluxma hallarının müəyyənləşdirilməsi ilə əlaqədar 280 663 test aparılıb.

Hazırkı dövrədək ölkəmizdə 4 568 nəfərin koronavirus infeksiyasına yoluxması faktı müəyyən edilib, onlardan 2 897 nəfər müalicə olunaraq sağalıb, 54 nəfər vəfat edib, 1 617 nəfərin xüsusi rejimli xəstəxanalarda müalicəsi davam etdirilir.

0
Koronavirus xəstəsi

Daha 165 nəfər yoluxan aşkarlandı, ölənlər var

14
(Yenilənib 16:50 27.05.2020)
Hazırkı dövrədək ölkəmizdə 4568 nəfərin koronavirus infeksiyasına yoluxması faktı müəyyənləşib, onlardan 2897 nəfər müalicə olunaraq sağalıb, 54 nəfər vəfat edib

BAKI, 27 may — Sputnik. Azərbaycanda 165 yeni koronavirus infeksiyasına yoluxma faktı qeydə alınıb, 78 nəfər müalicə olunaraq sağalıb və evə buraxılıb.

Azərbaycan Respublikası Nazirlər Kabineti yanında Operativ Qərargahından Sputnik Azərbaycan-a bildirilib ki, COVID-19 üçün götürülən analiz nümunələri müsbət çıxmış 1949 və 1957-ci il təvəllüdlü iki nəfər vəfat edib.

Hazırkı dövrədək ölkəmizdə 4568 nəfərin koronavirus infeksiyasına yoluxması faktı müəyyənləşib, onlardan 2897 nəfər müalicə olunaraq sağalıb, 54 nəfər vəfat edib, 1617 nəfərin xüsusi rejimli xəstəxanalarda müalicəsi davam etdirilir. Həmin şəxslərdən 49 nəfərin vəziyyəti ağır, 63 nəfərin vəziyyəti orta ağır qiymətləndirilir, digərlərinin səhhəti stabildir.

Ötən müddət ərzində yeni yoluxma hallarının müəyyənləşdirilməsi ilə əlaqədar 280.663 test aparılıb.

14