Gəncədə Azərbaycan mühacirət tarixinin araşdırmaçı-jurnalist Dilqəm Əhmədin kitablarının təqdimatı

Cümhuriyyətin ilk paytaxtı son istehkamında tarixi sərgi

86
(Yenilənib 22:57 19.05.2018)
Sərgidə araşdırmaçı-jurnalist Dilqəm Əhmədin kitablarının təqdimatı və Cümhuriyyət tarixinə aid dəyərli materiallar nümayiş olunub

İlham Mustafa, Sputnik Azərbaycan

BAKI, 19 may — Sputnik. Bu gün Gəncədə Azərbaycan mühacirət tarixini araşdıran jurnalist Dilqəm Əhmədin kitablarının təqdimatı, imza günü və onun uzun illər ərzində apardığı araşdırmalar zamanı əldə etdiyi nadir foto və sənədlərin sərgisi keçirilib.

Dilqəm Əhmədin 4 il ərzində Türkiyədə bu dövrə aid topladığı materiallar, fotolar, sənədlər "Fərqlilər" və "Mühacirlərin dönüşü" adı ilə çap olunub. Müəllifin "Fərqlilər" kitabında mühacirlərlə yanaşı, Azərbaycan tarixində önəmli rol oynamış şəxsiyyətlərin həyatı haqqında unikal materiallar təqdim edilib.

Əsərdə Azərbaycan Xalq Cümhuriyyətinin qurucusu Məhəmməd Əmin Rəsulzadənin nadir fotoşəkilləri və məktubu, Mirzə Şəfi Vazeh, Məmməd Səid Ordubadi, Əmin Abid Gültəkin, Üzeyir Hacıbəyli, Əlimərdan bəy Topçubaşov, Nuru Paşa və digər görkəmli şəxsiyyətlərin həyatı haqqında maraqlı məlumatlar verilib. Ikinci kitabda isə Azərbaycan Cümhuriyyəti və mühacirəti tarixinə aid 50-ə yaxın yeni material təqdim edilib.

Gəncədə Azərbaycan mühacirət tarixinin araşdırmaçı-jurnalist Dilqəm Əhmədin kitablarının təqdimatı
© Sputnik / Ilham Mustafa
Gəncədə Azərbaycan mühacirət tarixinin araşdırmaçı-jurnalist Dilqəm Əhmədin kitablarının təqdimatı

Müəllif Sputnik Azərbaycan-a açıqlamasında sərginin Gəncədə keçirilməsinin xüsusi əhəmiyyətini qeyd edib: "Gəncə Azərbaycan Xalq Cümhuriyyətinin ilk paytaxtı və son istehkamıdır. Eyni zamanda, cümhuriyyət qurucularından olan Şeyxzamanovlar, Rəfibəylilər, Pişnamazovlar və digərlərinin vətənidir. Bu səbəbdən sərginin Gəncədə keçirilməsinin mənəvi tərəfi bizim üçün önəmliydi. Məqsədimiz insanların Cümhuriyyət tariximizi daha yaxından tanıması, öyrənməsi və hiss etməsini təmin etməkdir".

Gəncədə Azərbaycan mühacirət tarixinin araşdırmaçı-jurnalist Dilqəm Əhmədin kitablarının təqdimatı
© Sputnik / Ilham Mustafa
Gəncədə Azərbaycan mühacirət tarixinin araşdırmaçı-jurnalist Dilqəm Əhmədin kitablarının təqdimatı

Müəllif belə tədbirlərin davamlı keçirməyə çalışacağını, gələcəkdə yardımsevər insanların köməyilə fərdi muzeyini təşkil etmək niyyətində olduğunu vurğulayıb.

86
Teqlər:
Dilqəm Əhməd, Məhəmməd Əmin Rəsulzadə, Gəncə, sərgi
Təqaüdçü qadın, arxiv şəkli

Pensiyaçıların həsrətlə gözlədiyi xəbər gəldi - artımların vaxt veriləcəyi açıqlandı

47
(Yenilənib 13:57 20.01.2021)
Pensiyaların 2021-ci ilin 1 yanvar tarixinə olan məbləği həmin göstəriciyə uyğun şəkildə və cari ilin əvvəlindən indeksləşdirilərək artırılacaq.

Zülfiyyə Quluyeva, Sputnik Azərbaycan

BAKI, 20 yanvar — Sputnik. Bu ildən əmək pensiyalarının orta məbləği 338 manat, yaşa görə pensiyaların məbləği isə 370 manat olacaq. 2021-ci ilin yanvar ayı üzrə pensiyalar ödənilsə də, pensiyalara artım hesablanmayıb. Sputnik Azərbaycan pensiyaların artımının nə vaxtdan ödəniləcəyini araşdırıb.

Əmək və Əhalinin Sosial Müdafiəsi Nazirliyindən Sputnik Azərbaycan-a bildirilib ki, Dövlət Statistika Komitəsindən orta aylıq nominal əmək haqqına dair məlumatlar nazirliyə göndərildikdən və Prezidentin müvafiq sərəncamından sonra pensiyalar yanvar ayının artımı daxil olmaqla ödəniləcək. Nazirlik bu məsələdə icraedici funksiya daşıyır.

Dövlət Statistika Komitəsindən Sputnik Azərbaycan-ın sorğusuna verilən cavabda isə bildirilir ki, 2020-ci il üzrə istehlak qiymətləri indeksinə dair məlumatlar Əmək və Əhalinin Sosial Müdafiəsi Nazirliyinə artıq göndərilib:

"Orta aylıq nominal əmək haqqına dair məlumatlar isə Dövlət Statistika Komitəsinin Statistik işlər proqramına uyğun olaraq cari ilin fevral ayının ilk ongünlüyündə təqdim ediləcək".

Qeyd edək ki, "Əmək pensiyaları haqqında" Qanunda əmək pensiyalarının ildə bir dəfə ölkə üzrə orta aylıq nominal əməkhaqqının illik artım tempinə uyğun olaraq indeksləşdirilməsi nəzərdə tutulur. Cari il üçün pensiyaların indeksləşdirilərək artırılması da Dövlət Statistika Komitəsindən Əmək və Əhalinin Sosial Müdafiəsi Nazirliyinə təqdim olunacaq rəsmi məlumatda 2020-ci il üzrə ölkəmizdə orta aylıq nominal əməkhaqqının artım tempi göstəricisi əsasında həyata keçiriləcək. Pensiyaların 2021-ci ilin 1 yanvar tarixinə olan məbləği həmin göstəriciyə uyğun şəkildə və cari ilin əvvəlindən indeksləşdirilərək artırılacaq.

47
Məktəblərin birində, arxiv şəkli

Bu şagirdlərin summativ qiymətləndirilməsi aparılmayacaq

26
(Yenilənib 12:52 20.01.2021)
II-XI sinif şagirdlərinin qiymətləndirilməsi fənni tədris edən müəllim tərəfindən distant formada aparılır.

BAKI, 20 yanvar — Sputnik. Birinci sinif şagirdlərinin summativ qiymətləndirilməsi aparılmayacaq.

Sputnik Azərbaycan-ın məlumatına görə bu, Təhsil Nazirliyinin "Xüsusi karantin rejimi dövründə ümumi təhsil müəssisələrində təhsilalanların attestasiyasının (məktəbdaxili qiymətləndirmənin) aparılmasının müvəqqəti qaydaları"nda bildirilib.

II-XI sinif şagirdlərinin qiymətləndirilməsi fənni tədris edən müəllim tərəfindən distant formada aparılır. Qiymətləndirmə 100 ballıq şkala ilə ölçülür.

26
Teqlər:
Azərbaycan Təhsil Nazirliyi, Təhsil Nazirliyi
Müharibə iştirakçılarının reabilitasiyası

Şəhid müharibə iştirakçılarının ailələrinə dəstək davam edir

0
(Yenilənib 15:07 20.01.2021)
3200-dən çox şəxsə Əmək və Əhalinin Sosial Müdafiəsi Nazirliyi tərəfindən sosial-psixoloji dəstək və reabilitasiya xidməti göstərilib.

BAKI, 20 yanvar — Sputnik. Vətən müharibəsində şəhid olmuş qəhrəmanlarımızın ailə üzvləri, müharibə iştirakçıları, müharibədən zərər çəkənlər, erməni terroruna məruz qalanlardan ibarət olmaqla artıq 3200-dən çox şəxs Əmək və Əhalinin Sosial Müdafiəsi Nazirliyi tərəfindən sosial-psixoloji dəstək və reabilitasiya xidməti ilə əhatə olunub.

Nazirlikdən Sputnik Azərbaycan-a verilən məlumata görə, qeyd olunan kateqoriyalara aid 2500 ailə ilə görüşülüb, psixoloqlardan ibarət qruplar tərəfindən onlardan ehtiyacı olan 1840 ailə ilə fərdi və ailə terapiyası, psixokorreksiya işləri aparılıb. Həmçinin "Onlayn psixoloji dəstək xidməti"nə daxil olmuş 610 zəng üzrə evlərinə gedilməklə psixoloji dəstək tədbirləri görülüb. Eyni zamanda, Nazirliyin reabilitasiya müəssisələrində 20-si şəhidlərin və yaralı hərbçilərin uşaqları, qalanları hərbi qulluqçular olmaqla 300-dən çox şəxsə, Bakı Sağlamlıq Mərkəzində və Sərhəd Qoşunları Hospitalında müalicə olunanlardan 28 hərbi qulluqçuya sosial-psixoloji reabilitasiya xidmətləri göstərilib.

125 hərbi qulluqçu 530-dan çox reabilitasiya vasitəsi, 7 nəfər yaralanmış qazi əlil arabası, 6 hərbçi yüksək texnologiyalı 8 müasir protezlə təmin edilib.

0