Səbail rayonu, Bayıl yaşayış sahəsi, Buxta küçəsində çökmə hadisəsi

Sakinlərin diqqətinə: Sabah sürüşmə ərazisi ilə bağlı tədbir görüləcək

42
(Yenilənib 18:18 17.05.2018)
"Sabahdan mümkün olan ərazilərdə mayaklar qoyacağıq və bundan sonra proses barədə ətraflı məlumat vermək mümkün olacaq"

BAKI, 17 may — Sputnik. "Mayın 15-də Bayıl Amfiteatrı zonası, bayraq meydanını ilə üzbəüz Buxta 9 ünvanında baş verən sürüşmə zamanı iki ev tamamilə uçub, 2 evə zərər dəyib və 20 ev təhlükəli vəziyyətdədir. İnsanları oradan çıxarıblar". Bu sözləri Sputnik Azərbaycan-a Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin Geoloji Planlama Ekspedisiyasının rəisi Əziz Qaralov deyib.

Qaralov qeyd edib ki, sürüşməyə səbəb ərazinin həddən artıq yüklənməsidir: "Yamacın 45 dərəcəyədək meylliliyi var. Terrasvari yamac düz dikə qədər kəsilib. Və terrasların üzərində, kəsiyin üstündə necə gəldi evlər tikilib. Evlər bir-birinə çox yaxındır. Ara küçələrin eni 1 metrdən artıq deyil. Alt hissəsi isə narın dənəli qumdur. Bu da zaman-zaman kanalizasiya sularının təsiri ilə yuyulur və dayanıqlılığını itirir. Belə olan vəziyyətdə də çökmə tipli sürüşmə baş verir".

Qaralovun sözlərin görə, hazırda ərazidə çoxsaylı çatlar var: "Biz gözləyirik ki, ərazi tamamilə boşalsın. Hazırda əhali əşyalarını daşıyır. Sabah ərazidə prosesi izləmək üçün mayaklar qoyacağıq. Bu gün səhərdən əməkdaşlarımız, ərazinin xəritəsini hazırlayır. Sabahdan mümkün olan ərazilərdə mayaklar qoyacağıq və bundan sonra proses barədə ətraflı məlumat vermək mümkün olacaq".

Buxta küçəsi, 9 ünvanındakı sürüşmə sahəsində müşahidə edilən gərginliyin Teleqüllənin yaxınlığındakı sürüşmə sahəsinə təsirindən danışan Ə.Qaralov əlavə edib ki, yeni sürüşmə hadisəsinin qeydə alındığı Buxta 9 küçəsi Teleqüllənin yaxınlığındakı sürüşmə sahəsindən aralıda yerləşir.

42
Əlaqədar
Bayıl qəsəbəsində yenidən sürüşmə oldu: Hadisə yerinə təcili yardım gəldi
Şamaxıda fövqəladə vəziyyət: Sürüşmə nəticəsində 3 yol dağıldı
Şamaxıda sürüşmə kabusu: Evlərdə çatlar yaranıb
Bayıl sürüşmə zonasından yeni xəbər
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

15
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

15
Bakıda tibbi maska taxmış şəxs, arxiv şəkli

Bakıda koronavirus ocağı bu ərazidir

19
(Yenilənib 23:42 23.01.2021)
Ölkəmizdə koronavirusa ən çox yoluxma faktı Bakı şəhərində müşahidə olunub. Belə ki, ümumi yoluxma hallarının 52,2 faizi paytaxtda qeydə alınıb.

 

BAKI, 23 yanvar — Sputnik. Bakı şəhəri üzrə yeni növ koronavirus (COVID-19) infeksiyasına yoluxma göstəriciləri açıqlanıb. Sputnik Azərbaycan-ın koronavirusinfo.az saytına istinadən məlumatına görə, paytaxtın rayonları arasında ən yüksək yoluxma göstəricisi Binəqədi rayonunda qeydə alınıb.

Belə ki, paytaxt üzrə yoluxma hallarının 15 faizi həmin rayonun payına düşür. Bakı şəhərinin digər rayonlarına gəlincə, yoluxma hallarının 13,1 faizi Xətai, 12,2 faizi Yasamal, 10,8 faizi Sabunçu, 8,2 faizi Nərimanov, 8,2 faizi Suraxanı, 7,8 faizi Nəsimi, 7 faizi Nizami, 6,8 faizi Xəzər, 5,4 faizi Qaradağ, 5 faizi Səbail, 0,5 faizi Pirallahı rayonlarında qeydə alınıb.

Qeyd edək ki, ölkəmizdə koronavirusa ən çox yoluxma faktı Bakı şəhərində müşahidə olunub. Belə ki, ümumi yoluxma hallarının 52,2 faizi paytaxtda qeydə alınıb.

19