Həbs

Cinayətin cəzası törədildiyi vaxta görə dəyişəcək

232
(Yenilənib 13:21 15.05.2018)
Hərbi vəziyyət zamanı cinayətin törədilməsi cəzanı ağırlaşdıran hallar siyahısına daxil edilib

BAKI, 15 may — Sputnik. Cinayət Məcəlləsinin 61-ci maddəsinə (Cəzanı ağırlaşdıran hallar) dəyişiklik edilib. Sputnik Azərbaycan xəbər verir ki, dəyişikliyə görə, məcəllənin 61.1.11-ci maddəsinə "fövqəladə" sözündən sonra "və ya hərbi" sözləri əlavə edilib.

Təklif olunan mətndə deyilir ki, cinayətin fövqəladə və ya hərbi vəziyyət, təbii və ya digər ictimai fəlakət şəraitində, habelə kütləvi iğtişaşlar zamanı törədilməsi cəzanı ağırlaşdıran haldır. Mövcud mətndə isə deyilir ki, cinayətin fövqəladə vəziyyət, təbii və ya digər ictimai fəlakət şəraitində, habelə kütləvi iğtişaşlar zamanı törədilməsi cəzanı ağırlaşdıran haldır.

Cinayət Məcəlləsinin mövcud 61-ci maddəsi cəzanı ağırlaşdıran halları nəzərdə tutur. Qanunvericilik cinayətin fövqəladə vəziyyət, təbii və ya digər ictimai fəlakət şəraitində, habelə kütləvi iğtişaşlar zamanı törədilməsini Məcəllənin 61.1.11-ci maddəsinə cəzanı ağırlaşdıran hal kimi daxil edib.

"Hərbi vəziyyət haqqında" qanun 2017-ci il 14 fevral tarixdə qəbul edildikdən sonra artıq cinayətin hərbi vəziyyət zamanı törədilməsini də cəzanı ağırlaşdıran hallar siyahısına daxil edilməsini nəzərdə tutur. Dəyişikliklərin əsas məqsədi "Hərbi vəziyyət haqqında" Azərbaycan Respublikasının 2017-ci il 14 fevral tarixli qanununun tətbiqi ilə əlaqədar qanunvericiliyin təkmilləşdirilməsidir.

Qeyd edək ki, qanun layihəsi Milli Məclisin mayın 1-də keçirilən plenar iclasında səsə qoyularaq qəbul edilib.

232
Teqlər:
"Hərbi vəziyyət haqqında" qanun, ağırlaşdıran hal, hərbi vəziyyət, maddə, Cinayət Məcəlləsi, cinayət, cəza, fövqəladə vəziyyət
Əlaqədar
Sərnişinlər cibgiri ağır cəzalandırdı - VİDEO
Paytaxt sakinlərini narahat edən problemə aydınlıq gətirildi: Cəzalanacaqlar
"Şərəfsizlər, Allah bəlanızı versin" deyən türk ulduza rekord cəza – VİDEO
Azərbaycanda baş redaktora ağır cəza verildi
Daha bir əməlin cəzası sərtləşdirildi - Həbs
Zakir Qaralov "İzvestiya" qəzetini cəzalandırmağı xahiş edir
Facebook şirkətinin Menli Parkdakı ofisinin qarşısında like ikonası, arxiv şəkli

İllinoys sakinləri məhkəmədə Facebook-dan 650 milyon dollar uddular

8
Facebook əvvəl kollektiv iddianın yoluna qoyulması üçün 550 milyon dollar təklif etmiş, ancaq San-Fransisko dairə məhkəməsi bu məbləğin kifayət qədər olmayacağını bildirmişdi

BAKI, 27 fevral — Sputnik. Kaliforniya məhkəməsi İllinoys ştatı sakinlərinin kollektiv iddiasını təmin etmək üçün Facebook şirkətinin 650 milyon dollarlıq təklifini təsdiqləyib. 

Sputnik Azərbaycan-ın məlumatına görə, bu barədə Chicago Tribune yazır.

İllinoys ştatının sakinləri 2015-ci ildə məhkəmədə Facebook şirkətinə qarşı iddia qaldıraraq onun üztanıma texnologiyasından istifadə edərək biometrik məlumatları topladığını və bu səbəbdən qanunu pozduğunu demişdilər. Facebook əvvəl kollektiv iddianın yoluna qoyulması üçün 550 milyon dollar təklif etmiş, ancaq San-Fransisko dairə məhkəməsi bu məbləğin kifayət qədər olmayacağını bildirmişdi.

Məhkəmənin qərarına əsasən, ştatın 1.6 milyon sakinindən hər biri kompensasiya qismində şirkətdən ən azı 345 dollar alacaq. Məbləğin bir qismi hüquqşünasın xidmətinin ödənməsinə sərf olunacaq.

Hakim Ceyms Donato bu işi "əlamətdar nəticə" adlandırıb: "Ümumilikdə iddianın təmin olunması rəqəmsal mühitdə hər zaman aktual problem olan şəxsi məlumatların qorunması baxımından istehlakçılar üçün ciddi qələbə deməkdir". 

Bir qədər öncə Facebook-dan bildirilib ki, sosial şəbəkədə üztanıma texnologiyasından avtomatik olaraq istifadə edilməyəcək. Şirkətdən bəyan ediblər ki, istifadəçilərin hər zaman üztanıma texnologiyasından istifadə edib-etməmə kimi seçimi olub, ancaq söz veriblər ki, gələcəkdə bu funksiya ilkin variantda söndürüləcək, istifadəçilər ondan istifadə etmək istəsələr, bunu əyarlarda özləri tənzimləyə biləcəklər.

8
Teqlər:
ABŞ, İllinoys, iddia, məhkəmə, Facebook
Türkiyədə epidemioloji vəziyyət

Məşhur aktyorun koronavirus tədbiri - tez-tez test etdirir

9
Aktyor ötən ay 750 min TL-yə (təxminən 168 min manat) aldığı treyleri çəkiliş meydanında saxlayır və yalnız ondan istifadə edir.

BAKI, 27 fevral — Sputnik. Aktyor Kıvanç Tatlıtuğ tərəf-müqabili Özge Özpirinçci ilə baş rolunu paylaşdığı "Bir Denizaltı Hikayesi" serialının çəkilişləri zamanı koronavirus səbəbi ilə bəzi tədbirlər görüb.

Sputnik Azərbaycan Türkiyə mətbuatına istinadən xəbər verir ki, aktyor çəkiliş heyətinin onun üçün hazırladığı treyleri (təkərlər üstündə ev - red.) qəbul etməyib.

Aktyor ötən ay 750 min TL-yə (təxminən 168 min manat) aldığı treyleri çəkiliş meydanında saxlayır və yalnız ondan istifadə edir. 37 yaşlı aktyor tez-tez koronavirus testi etdirərək virusa yoluxub-yoluxmadığını yoxlayır.

9
Teqlər:
test, Koronavirus, COVID-19, serial, aktyor, Türkiyә
Mövzu:
Yeni tip koronavirus pandemiyası