Bərdə rayonunun Əliyanlı kəndi ərazisindəki zibillik

Əliyanlıların fəryadı Bakıya qədər çatdı: "Bizi xilas edin!"

26115
(Yenilənib 10:07 04.05.2018)
"O vaxtdan bəri hələ də gözümüz yolda, qulağımız səsdədir ki, hansısa səlahiyyətli gəlib bu acınacaqlı durumumuza bir çarə qılacaq"

Musa Muradlı, Sputnik Azərbaycan.

BAKI, 4 may — Sputnik. Bərdə rayonunun Əliyanlı kəndində ekoloji fəlakət hökm sürür. Belə ki, kənardan gətirilən məişət tullantıları kənddəki yaşayış evlərinin yanına atılır. Heyvan mənşəli tullantıların yaratdığı üfunət qoxusu isə dözülməzdir. Yaxınlıqdakı əkin sahələrində də zibilliyin yaratdığı fəsadlar açıq-aşkar ortadadır.

Kənd sakinlərinin iddiasına görə, bu xoşagəlməz vəziyyətlə bağlı əlaqədar yerli təşkilatlara müraciətlər etsələr də, heç bir müsbət faydası olmayıb. Kənd sakini Sayad Paşayeva Sputnik Azərbaycan-ın bölgə müxbirinə danışır ki, iki dəfə rayon icra hakimiyyətinə gedib, məsələ barədə məlumat verib, amma xeyri olmayıb.

"Mənə dedilər ki, "gedin, gəlib probleminizi həll edəcəyik". O vaxtdan bəri hələ də gözümüz yolda, qulağımız səsdədir ki, hansısa səlahiyyətli gələcək, bu acınacaqlı durumumuza bir çarə qılacaq. Gəlib-gedən isə əsla yoxdur. Ciyərlərimizə iyli, üfunətli havanı çəkmək məcburiyyətindəyik" — müsahibimiz bildirir.

"Evimizdən bezmişik. Əkin sahəsini becərmək üçün də bura heç kim gəlmir. Deyirlər ki, gedib özümüzü xəstə salmayacağıq ki. Əliyanlı qəssabları kəsdikləri heyvanların qan qarışıq tullantılarını gətirib bura tökürlər. Qana, qoxuya gələn itlərin əlindən də evlərimizdən çölə də çıxa bilmirik", — Sayad Paşayeva qeyd edir.

Əliyanlı kənd sakini Əvəz Əhmədov da mövcud vəziyyətdən gileylənir: "Buradakı üç hektar əkin sahəsində pambıq əkirəm. Hər il əkdiyimi becərmək üçün çox çətinlik çəkirəm. Heç kim baş alıb gedən bu anti-sanitariyaya, üfunətə görə becərmə üçün işləməyə gəlmir. Ağız-burunlarını parça, dəsmalla sarısalar belə, faydası olmur. Gələn alaqçılar burdakı qoxuya dayana bilməyib qaçırlar".

  • Bərdə rayonunun Əliyanlı kəndi ərazisindəki zibillik
    Bərdə rayonunun Əliyanlı kəndi ərazisindəki zibillik
    © Sputnik / Musa Muradlı
  • Bərdə rayonunun Əliyanlı kəndi ərazisindəki zibillik
    Bərdə rayonunun Əliyanlı kəndi ərazisindəki zibillik
    © Sputnik / Musa Muradlı
  • Bərdə rayonunun Əliyanlı kəndi ərazisindəki zibillik
    Bərdə rayonunun Əliyanlı kəndi ərazisindəki zibillik
    © Sputnik / Musa Muradlı
  • Bərdə rayonunun Əliyanlı kəndi ərazisindəki zibillik
    Bərdə rayonunun Əliyanlı kəndi ərazisindəki zibillik
    © Sputnik / Musa Muradlı
1 / 4
© Sputnik / Musa Muradlı
Bərdə rayonunun Əliyanlı kəndi ərazisindəki zibillik

Ə.Əhmədov da vurğulayır ki, vəziyyətlə bağlı bir neçə dəfə kəndin bələdiyyəsinə, icra nümayəndəsinə müraciət etsələr də, şikayətlərinə baxan olmayıb.

Kənd sakini Pərviz Abulkərimov isə zibilin düz onların yaşadıqları evin qarşısına töküldüyünü deyir: "Dözülməz vəziyyətlə bağlı dəfələrlə icra hakimiyyətinə, kənd bələdiyyəsinə etdiyimiz müraciətlərin heç bir faydası yoxdur. Bura yaşayış evidir. Bir daha onlara deyirik ki, gəlsinlər, bizim iydən, üfunətdən necə əzab çəkdiyimizi gözləri ilə görsünlər. Uşaqlar yemək yeyə bilmirlər, tez-tez xəstələnirlər. Axı biz hara gedək, başımıza nə çarə qılaq?".

Evi zibilxanaya çevrilmiş əraziyə yaxın olanlardan biri də kənd sakini İlham Qurbanovdur. O da acınacaqlı durumdan şikayətçidir: "Dəfələrlə müraciət etməyimizə baxmayaraq, burdakı zibilliyi təmizləyən yoxdur. Milçək əlindən, qəssabların gətirib tulladığı leşin iyindən evimizdə yaşaya bilmirik. Ötən illərdə gəlib təmizləyir, vəziyyətin bir az yüngülləşməsi üçün hansısa işlər görürdülər. Amma bu il burada yaşayan adamların taleyi tamam yaddan çıxıb".

"Mənim də evim buradadır. Mal-qara da buralarda gəzə bilmir. Heyvanların ayağına şüşə qırıntıları dolur. Heyvan mənşəli tullantılara görə bura yığışan saysız-hesabsız itlər həyatımız üçün təhlükə yaradır. İy və üfunətdən dayanmaq olmur. Tədbir görülməsə, hamımız buranın yaratdığı xəstəliyin qurbanları olacağıq", — deyə kənd sakini Elşad Həsənov da mövcud vəziyyətdən haray edir.

Kənd sakini Elşad Həsənov
© Sputnik / Musa Muradlı
Kənd sakini Elşad Həsənov

Əliyanlı bələdiyyəsinin sədri Telman İbişov da Sputnik Azərbaycan-a açıqlamasında zibil tökülən ərazidəki acınacaqlı vəziyyət barədə kənd sakinlərinin dediklərini təsdiq edib: "Bərdə Rayon İcra Hakimiyyətinə məlumat verilib. Texnika verilsə, yanacağına kömək edərik, ərazini təmizlədərik. Əks halda, ərazinin mühafizəsini təşkil eləmək bizim imkanlar xaricindədir".

Bələdiyyə sədri əraziyə atılan zibilin kənddən daşınmadığını, Bərdə şəhərindən gətirilib tullanıldığını da qeyd edib. Zibilliyin insanların həyatı üçün yaratdığı təhlükənin nə zaman aradan qaldırılacağı barədə isə heç nə deməyib. Görünür, əliyalınlıların fəryadı hələ uzun müddət davam edəcək.

Onu da qeyd edək ki, Azərbaycan Respublikası Konstitusiyasının maddələrindən biri də, hər kəsin sağlam ətraf mühitdə yaşaması ilə bağlıdır. Ümid edək ki, əlaqədar təşkilatlar, cavabdeh vəzifəli şəxslər Əliyanlı sakinlərinin üzləşdiyi ekoloji fəlakətə bundan sonra biganə qalmayacaqlar, dərhal problemin həlli istiqamətində lazımi işlər görüləcək.

26115
Teqlər:
Bərdə Rayon İcra Hakimiyyəti, Əliyanlı kəndi, tullantı, Bərdə rayonu, zibil, problem, sakin, ekoloji fəlakət
Əlaqədar
Zibil qutusundan milyonlarla qiyməti olan qızıl çıxdı
Zibil qutusunda tapılan sərvət onu milyonçu edəcək, əgər...
Yeddi ildən sonra zibilin içində itib-batacağıq
Bura zibil atmayın, "zibil"ə düşərsiniz!
Onlar bu ölkəyə zibil atmaq üçün gedirlər
Zibillikdən gələn səslər hamını təəccübləndirib
Zibil qutusunda doğranmış halda meyiti tapılan qadını öldürən şəxs tutulub
Bakıda tibbi maska taxmış şəxs, arxiv şək

Bakıda koronavirusa ən çox yoluxma bu rayondadır

0
(Yenilənib 12:09 30.10.2020)
Binəqədidə koronavirusa yoluxma 14.6 faiz, Xətaidə 12.7 faiz, Yasamalda 11.6 faiz, Sabunçuda 11.5 faiz, Nəsimidə 8.6 faiz təşkil edib.

BAKI, 30 oktyabr — Sputnik. Bakının rayonları üzrə koronavirusa yoluxma statistikası açıqlanıb. Sputnik Azərbaycan-ın "koronavirus.info" saytına istinadən məlumatına görə, hazırda ən yüksək yoluxma Binəqədi rayonundadır.

Belə ki, Binəqədidə koronavirusa yoluxma 14.6 faiz, Xətaidə 12.7 faiz, Yasamalda 11.6 faiz, Sabunçuda 11.5 faiz, Nəsimidə 8.6 faiz, Nərimanovda 8.0 faiz, Suraxanıda 8.0 faiz, Nizamidə 7.2 faiz, Qaradağda 6.7 faiz, , Xəzərdə 5.9 faiz, Səbaildə 4.8 faiz, Pirallahıda 0.3 faiz təşkil edib.

0

Uşaq bağçalarında tədris bərpa edilmir

13
"Bağçalarda onlayn təhsil mümkün olmadığına görə tədris bərpa edilmir. Amma hansısa bağça onlayn şəkildə fəaliyyət göstərmək istəyərsə, burada qeyri-qanuni nəsə yoxdur"

BAKI, 30 oktyabr — Sputnik. Məktəbəqədər təhsil müəssisələri və uşaq bağçalarının fəaliyyəti ənənəvi formada bərpa edilmir. Sputnik Azərbaycan-ın məlumatına görə, bunu Təhsil naziri Emin Əmrullayev bu gün keçirdiyi brifinqdə deyib. Nazir qeyd edib ki, azyaşlı uşaqlara xüsusi qayğının onlayn göstərilməsi məqbul hesab edilmir: "Bağçalarda onlayn təhsil mümkün olmadığına görə tədris bərpa edilmir. Amma hansısa bağça onlayn şəkildə fəaliyyət göstərmək istəyərsə, burada qeyri-qanuni nəsə yoxdur".

E.Əmrullayev şagird yerdəyişməsindəki fasiləyə də aydınlıq gətirib. O bildirib ki, bu, növbəti həftədən aradan qaldırılacaq: "Əvvəlki dövrlərdə müəyyən qeyri-müəyyənlik qeydə alınsa da, növbəti həftələrdən sistemin işə salınması mümkün olacaq".

13
(0:50 / 4.16Mb / просмотров видео: 1)

Erməni terrorunun qurbanına çevrilmiş 53 yaşlı Goranboy sakininin evi necə görünür video

0
Dünən Goranboyun Tapqaraqoyunlu kəndində fərdi yaşayış evinə düşən mərmi 53 yaşlı qadının həyatına son qoyub. Onun evinin bu faciədən sonra necə göründüyünü videomuzda izləyin.

Yaşadığı evinin həyətində öz gündəlik işləri ilə məşğul olan kənd sakini 53 yaşlı Flora Ziyadova qəlpə yarasından elə hadisə yerindəcə dünyasını dəyişib. Hadisə zamanı qadın evində tək olub. Onun evi də tamamilə yararsız hala düşüb.

Hazırda prokurorluq əməkdaşları mövcud şəraitdə mümkün olan bütün istintaq tədbirlərini həyata keçirir. Ermənistan SQ atəşkəs rejiminin tələblərini kobud şəkildə pozmaqda və dinc mülki əhaliyə qarşı cinayət əməllərini törətməkdə davam edir.

Dağlıq Qarabağdakı növbəti, sayca üçüncü atəşkəs rejimi barədə razılaşma oktyabrın 26-da yerli vaxtla səhər saat 08: 00-da qüvvəyə minib. Lakin Ermənistan silahlı qüvvələri razılaşma əldə olunandan dərhal sonra Tərtər və Ağdamın cəbhəyanı kəndlərini, oktyabrın 27-də isə Bərdə rayonunu atəşə məruz qoyub.

Ermənistan silahlı qüvvələri, sentyabrın 27-də, səhər saat 06:00 radələrində geniş miqyaslı təxribatlar həyata keçirərək Azərbaycan ordusunun bütün cəbhə xətti boyunca mövqelərini və cəbhə bölgəsində yerləşən yaşayış məntəqələrini iri çaplı silahlardan, minaatanlardan və müxtəlif çaplı artilleriya qurğularından intensiv şəkildə atəşə tutublar.

Ermənistan silahlı qüvvələrinin döyüş fəaliyyətininin qarşısını almaq və mülki əhalinin təhlükəsizliyini təmin etmək üçün Azərbaycan ordusunun komandanlığı bütün cəbhə boyu qoşunların əks-hücum əməliyyatına başlamağa qərar verib.

0
Mövzu:
Azərbaycan və Ermənistan arasında müharibə