Fəridə İbrahimova

Bakı polisi modelin gözəlliyi qarşısında görün hala düşdü

1717
(Yenilənib 20:52 02.05.2018)
Bakı gecələrini seyrə çıxarkən İbrahimova özünü saxlaya bilməyib polis maşınına oturub

Kəmalə Əliyeva, Sputnik Azərbaycan

BAKI, 2 may — Sputnik. Bakı polisi Azərbaycan əsilli ukraynalı modelin — "Miss Ukrayna-2015" müsabiqəsinin ikinci vitse-missi titulunun sahibi Fəridə İbrahimovanın gözəlliyi qarşısında duruş gətirə bilməyərək ona öz avtomobilini güzəştə gedib.

Sputnik Azərbaycan-ın məlumatına görə, İbrahimova bu barədə videoçarxı özünün Instagram-dakı səhifəsində paylaşıb.

Model yenidən bir neçə günlüyə Bakıya gəlib və vaxtının çoxunu dostları ilə keçirir.

Bakı gecələrini seyrə çıxarkən İbrahimova özünü saxlaya bilməyib polis maşınına oturub. Polis məmnuniyyətlə modelin onun xidməti maşınının sükanı arxasına oturmasına imkan verib. Çarxda Fəridənin polis maşınına oturduğu anı qeydə alan şəxs "Fəridə, sən polissən?" — deyə soruşur. O isə işvə-nazla "bəli" cavabını verir. Çarxı paylaşan Fəridə "Bakı polisini sevirəm" yazıb.

Belə anlaşılır ki, sevgiyə təşnə olan Bakı polisi modelin gözəlliyi qarşısında əriyərək ona xidməti maşınına oturmaq və özünü polis kimi hiss etmək imkanı yaradıb.

İbrahimova bir sıra Ukrayna brendlərinin simasıdır. Məşhur dizaynerlərin Ukrayna və Azərbaycanda keçirilən bütün moda həftələrində iştirak edir. Hazırda o, daha çox xarici həmkarları ilə birlikdə reklam layihələri ilə məşğul olur. İbrahimova özünün şəxsi həyatını açıb göstərməməyə çalışır və onu ehtiyatla gizlədir.

1717
Teqlər:
model, maşın, Instagram, polis

Xırdalanda partlamış evin dağıntıları altından qadın meyiti çıxarılıb

65
(Yenilənib 00:34 26.01.2021)
Dağıntılar altından bir nəfərin cəsədi çıxarılıb. Həmin şəxsin 1988-ci il təvəllüdlü Musayeva Aytən Tacəddin qızı olduğu bildirilir.

BAKI, 26 yanvar - Sputnik. Xırdalanda partlayışda həlak olan qadının nəşi dağıntılar altından çıxardılıb.

Sputnik Azərbaycan-ın məlumatına görə, Xırdalanda baş verən partlayışda 1988-ci il təvəllüdlü Aytən Tacəddin qızı Musayeva faciəli şəkildə dünyasını dəyişib. Bu barədə Sputnik Abşeron MRX-nın direktoru Mehriban Qaralova məlumat verib. O, bildirib ki, Xırdalanda baş vermiş hadisə nəticəsində 6 nəfər müxtəlif dərəcəli bədən xəsarətləri ilə xəstəxanaya yerləşdirilib, onlardan biri uşaqdır.

Partlayış zamanı xəsarət alanlardan biri Musayev Vüsal Firuddin oğlunun həyat yoldaşı Aytən Musayeva dağıntılar altından ölü tapılıb. Onun azyaşlı qızının axtarışları davam edir. Oğlu 10 yaşlı Musayev Firuddin Vüsal oğlu və həyat yoldaşı xəstəxanada müalicə alırlar.

Partlayış zamanı xəsarət alanlar 1983-cü il təvəllüdlü Musayev Vüsal Firuddin oğlu, onun 10 yaşlı oğlu, 2009-cu il təvəllüdlü Musayev Firuddin Vüsal oğlu, 8 yaşlı qızı, 2012-ci il təvəllüdlü Musayeva Fatimə Vüsal qızı, Musayeva Ziyafət Qafar qızı və Gözəl Səmədovadır.

Dağıntılar altından çıxarılan digər şəxslər 1968-ci il təvəllüdlü Ələzova Simayə Mövlud qızı, 2006-cı il təvəllüdlü Şükürzadə Xədicə Bəxtiyar qızı,  1989-cu il təvəllüdlü Əliyev Emil Arif oğlu və 1988-ci il təvəllüdlü Hüseynov Arif Əbülfəz oğludur. 

Qeyd edək ki, 25 yanvar 2021-ci il tarixində Fövqəladə Hallar Nazirliyinin "112" qaynar xəttinə Abşeron rayonu, Xırdalan şəhəri, 27-ci məhəllə adlanan ərazidə uçqunla nəticələnən partlayış hadisəsinin baş verməsi barədə məlumat daxil olub.

FHN-dən Sputnik Azərbaycan-a verilən məlumata görə, dərhal əraziyə FHN-in müvafiq xilasetmə qüvvələri cəlb olunub. Əməliyyat şəraiti qiymətləndirilərkən məlum olub ki, uçqun ikimərtəbəli fərdi yaşayış evində baş verib.

Partlayış dalğasının təsirindən yaxınlıqdakı binaların şüşələri sınıb. FHN-in əməkdaşları tərəfindən operativ axtarış-xilasetmə əməliyyatı davam edir.

 

65
Xırdalanda partlayış yerində

Xırdalanda dağıntılar altından xilas edilənlərin sayı artır

21
Görülmüş operativ tədbirlər nəticəsində FHN-in xilasediciləri tərəfindən dağıntı altından daha bir nəfər xilas olunaraq aidiyyəti üzrə təhvil verilib.

BAKI, 25 yanvar — Sputnik. Abşeron rayonu, Xırdalan şəhəri, 27-ci məhəllə adlanan ərazidə yerləşən və partlayış nəticəsində uçqun baş vermiş ikimərtəbəli fərdi yaşayış evində Fövqəladə Hallar Nazirliyinin qəza-xilasetmə qüvvələri tərəfindən axtarış-xilasetmə əməliyyatı davam etdirilir.

APA xəbər verir ki, görülmüş operativ tədbirlər nəticəsində FHN-in xilasediciləri tərəfindən dağıntı altından daha bir nəfər xilas olunaraq aidiyyəti üzrə təhvil verilib. Bununla da xilasedicilər tərəfindən xilas edilmiş vətəndaşların sayı 6-ya çatıb.

Axtarış-xilasetmə əməliyyatı davam edir. Əlavə məlumat veriləcək.

21