Yol Patrul Xidməti

Yol polislərinə şiddətli çağırış-xəbərdarlıq: Qorunun!

92253
(Yenilənib 13:42 30.04.2018)
Ya da inspektorlar üçün həyəcan siqnalı: Həyatınızı təhlükəyə atmayın!

BAKI, 30 aprel — Sputnik. Həzərat, mənim bu sıravi yol polislərimizə ürəyim ağrıyır. Son vaxtlar onların dərdini çəkməkdən gecələr gözümə yuxu da getmir.

Onları heçmi düşünən yoxdur? Komandirlərində, rəislərində onlara qarşı zərrə qədər mərhəmət hissi yoxdurmu? Deyək ki, komandirləri, rəisləri yaddır, qan bağları yoxdur… Bəs öz valideynləri? Ata-anaları da onların başından keçib, əlindən bezib?

Əksəriyyətini gənc və perspektivli kadrlar təşkil edən DYP inspektorları karyera, rəhbərliyin gözündə ucalma və təbii ki, çörək pulu üçün dəridən-qabıqdan çıxırlar. Vəzifələrinin öhdəsindən layiqincə gəlmək həvəsi onların gözünü örtür və bir addım qabağı görə bilmirlər.

Yaxşı, onlar cavandır, bəs məsləhət verənləri, yol göstərənləri, başlarına gələcəklər barədə xəbərdarlıq edənləri də yoxdur? Az qala, dünya insanının küçə-bayıra əleyhqazla çıxdığı bir zəmanədə bu yazıq gənclər niyə onun-bunun ağız qoxusunu ciyərlərinə çəkməlidirlər? Kiminsə sərxoş olub özünə və başqalarına ziyan vermə ehtimalı var deyə, yol polisi qardaşlarım vərəm xəstəliyi tapmalıdır?

Pis dövrdə yaşayırıq. Yoluxucu xəstəliklərin qlobal təhlükə yaratdığına dair hər gün alimlər hay-haray salırlar. SARS var, donuz qripi, "Ebola", "Zika" var… İraq olsun, 2014-2016-cı illərdə "Ebola" epidemiyasına 28000 nəfər yoluxub, bunlardan da 11000 nəfəri həyatını itirib. Ötən ilin ilk 3 ayına qədər 84 ölkədə "Zika" virusu aşkar edilib.

Ətrafımızı parazitlər, askaridlər bürüyüb. Hər yan təhlükə mənbəyidir. Etməyin-eləməyin, arkadaşlar. Nədir axı o aparatın mahiyyəti? Sərxoşluq dərəcəsini ölçən cihazı deyirəm. Öz hesabınıza da olsa, alın birini, atın maşına. Heç nə olmaz, bir az da aparatın keyfiyyət sertifikatını almağa xərciniz çıxsın. Canınızdan artıq deyil ha!

Üstəlik, bilirsiniz ki, yoluxucu xəstəlik daşıyıcısı olan insanların bəziləri aqressiv olur, başqalarını da daşıdığı xəstəliyə yoluxdurmağa çalışırlar. Nə bilirsiniz, bəlkə biri özünü sərxoşluğa vurub, sizi şübhələndirmək, nəticədə üzünüzə üfürməklə öz daxilindəki öldürücü infeksiyaları sizin burun deşikləriniz vasitəsilə tənəffüs borunuza, oradan da ağ ciyərlərinizə ötürmək istəyir?

Odur ki, aman-aman, ayıq-sayıq olun! Hətta hansısa sürücü yanınızda saxlayıb, "rəis, mən içkiliyəm, gəl üzünə üfü edim" desə belə, aldanmayın. Hətta və hətta kimsə sizi zorla yerə yıxıb nəfəsini burnunuza, hənirtisini üzünüzə toxundurmağa cəhd edə bilər… şiddətlə müqavimət göstərin, təcili PPX və ambulans çağırıb adamın aidiyyatı yerə göndərilməsinə nail olun.

Əslində, bütün bunları sizə üstləriniz izah etməlidirlər. Necə ki, Vaqif Əsədov hər gün sürücü və piyadaları maarifləndirir, bəzən asta, bəzən bir qədər əsəbi tonda vətəndaşları öz sağlamlıqlarını qorumağa çağırır.

O gün də hörmətli Vaqif müəllim yenə sərt bir açıqlama verdi. Dedi, "Artıq bilmirəm bu piyadaları necə başa salım ki, öz canınızdan müğayət olun, üzünüzə qırmızı işıq yananda yolu keçməyin, piyada zolaqlarından istifadə edin". Adam haqsızdırmı – Xeyr!

"Hər bir insanın ən böyük amalı təhlükəsiz yaşamaqdır. Ancaq necə yaşamaq – ehtiyatla, yoxsa ehtiyatsızlıqla? Hər bir halda təkcə qanunun tələbi deyil, intellektual təfəkkür də deyir ki, ehtiyatla yaşamayanda, səhlənkarlıq edəndə nəticə ağır olur. Bunu bilə-bilə bəzən o qədər səhlənkarlığa yol verilir ki, sonda bizi qayğılandıran nəticənin həlli üçün kömək axtarırıq. Əgər nəzərə alsaq ki, avtoqəza hadisələrindən sonra bəzən geriyə — istintaq etməyə, sual verməyə insan qalmır, onu qınayaq, soruşaq ki, "hara tələsirdin?"" — deyə Əsədov hiddətli və qayğılı şəkildə vurğuladı.

(Yeri gəlmişkən, Vaqif müəllimin həyəcan siqnalına ilk əməli reaksiya da gəldi. Amma maraqlıdır ki, özümüzdən deyil, çinlilərdən. Məlum xəbərdarlıq açıqlaması səslənəndən cəmi bir gün sonra Çinin Xuansi şəhərində xüsusi cihaz nümayiş olundu.

Deməli, piyada keçidlərinə yerləşdirilən bu qurğu piyadalara yolu qırmızı işıqda keçməyə mane olur. Belə ki, həmin qurğu qırmızı işıq yananda yolu keçməyə cəhd edən sərnişinin üzərinə su çiləyir. Balaca sarı qurğuların üzərində qırmızı işıq və yaşıl ox işarəsi var. Qurğu piyadalara yaşıl işıqda keçməyə icazə verir, qırmızı işıqda isə onların üzərinə +26 dərəcə temperaturu olan suyu səpələyir.

Və "Yaş polis" adlandırılan bu qurğuların quraşdırılmasına cəmi 207 min dollar sərf olunub. Belə baxanda, o qədər də böyük məbləğ deyil. Son bir ayda piyada cərimələrindən yığılan vəsaitlə Bakının ara küçələrində də "Yaş polis" quraşdırmaq olar)

İndi, ey əziz sıravi yol polislərimiz! Sizin canınız heç də həmin piyadalardan, yaxud sürücülərdən az qiymətli deyil. Sizlər də bu Vətənin övladısınız, hansısa ata-anaların balalarısınız, evlərin dirəyi, ölkənin gələcəyisiniz. Niyə öz canınızın hayına qalmırsınız?! Süpürgəçiləri belə, düşünürsünüz, əyinlərinə xüsusi uniforma geydirirsiniz ki, maşın vurmasın. Bəs özünüz yazıq deyilsiniz?

Özünüzü qoruyun, əzizlərim. Lazım gələrsə, xidmət başında olarkən maska taxın, mikroblardan qorunmaq üçün…

92253
Teqlər:
komandir, nəfəs, ebola, yol polisləri, infeksiya, aparat, qurğu, inspektor, "Zika", vərəm, piyada, mikrob, cihaz, Vaqif Əsədov, yoluxucu xəstəlik, epidemiya, DYP, virus, rəis, sürücü, təhlükə
Əlaqədar
DYP-dən həssas çağırış: "Hara tələsirdin?"
DYP rəsmisi: "Bu, təkcə sükan deyil, həm də özünüzün və sərnişinlərinizin həyatıdır"
DYP postuna hücum edən şəxs həbs edilib
DYP sürücülərin müdafiəsinə qalxdı: "Hər şeyi onların üstünə yıxmaq olmaz"
Sürücülərin nəzərinə: DYP-nin müraciətinə diqqət edin
Yol polisindən həyəcan siqnalı və ciddi dəyişiklik anonsu
Sosial şəbəkədə nüfuz qazanan yol polisi Sputnik Azərbaycan-a danışdı
Bakıda yol polisi kütləvi cərimələrə başladı
Azərbaycanın yol polisi Fransanın yol hərəkəti qaydalarına qarşıdır
Yol polisindən sürücülərə falçılıq dərsi: Tap görüm cərimən varmı
Yanğınsöndürənlər, arxiv şəkli

Zavodun tavanı ailələrin başına uçdu, maşınlar partladı - Xırdalanda qorxunc olay

11
Yaşayış sahələrinin vəziyyətinin qiymətləndirilməsindən sonra ailələrin burada yaşamağının təhlükəli olduğu məlum olub. Dövlət Komitəsi məcburi köçkünlərin kirayə mənzillərə yerləşdirilməsi ilə bağlı qərar qəbul edib

BAKI, 29 noyabr - Sputnik. Xırdalanda məcburi köçkünlərin müvəqqəti məskunlaşma yerində baş vermiş uçqunla bağlı məlumat yayılıb.

Qaçqınların və Məcburi Köçkünlərin İşləri üzrə Dövlət Komitəsi mətbuat xidmətindən verilən məlumata görə, noyabrın 28-də Abşeron rayonunu, Xırdalan şəhərində keçmiş Yüngül Konstruksiyalar Zavodunda uçqun baş verib.

Hadisə ilə bağlı məlumat daxil olduqdan dərhal sonra Qaçqınların və Məcburi Köçkünlərin İşləri üzrə Dövlət Komitəsinin aidiyyəti şöbəsinin və yerli sektorunun nümayəndələri orada olub, ailələrin vəziyyəti ilə tanış olublar.

Yanğın baş verən ünvanda yaşayan 9 məcburi köçkün ailəsi müvəqqəti məskunlaşıb. Hadisə nəticəsində ölən və xəsarət alan olmayıb.

İlkin ehtimala görə, hadisə yağış sularının təsiri nəticəsində meydana gəlib. Belə ki, keçmiş zavodun beton tavanı uçaraq Kəlbəcər rayonundan məcburi köçkün Verdiyev Seymur Dilqəm oğluna məxsus "Mitsubishi" və Laçın rayonundan məcburi köçkün Məmmədov Taleh Zahid oğluna məxsus "Volkswagen" markalı iki avtomobilin üzərinə dağılıb. Nəticədə avtomobillərdə yanğınla müşahidə olunan partlayış baş verib. Yanğın dərhal söndürülüb.

Yaşayış sahələrinin vəziyyətinin qiymətləndirilməsindən sonra ailələrin burada yaşamağının təhlükəli olduğu məlum olub. Dövlət Komitəsi məcburi köçkünlərin kirayə mənzillərə yerləşdirilməsi ilə bağlı qərar qəbul edib.

Hazırda FHN-in mütəxəssisləri tərəfindən hadisənin başvermə səbəbləri araşdırılır.

Araşdırmadan sonra yekun rəy veriləcək. Rəy əsasında müvafiq hüquqi addımlar atılacaq.

11
Teqlər:
yanğın, partlayış, avtomobil, məcburi köçkünlər, bina, zavod, Xırdalan
Qax rayonundakı Kürmük məbədi

Müsəlmanlarla xristianların birgə ibadət etdikləri məkan - VİDEO

19
(Yenilənib 15:24 29.11.2020)
Məbədgahı müsəlmanlarla bərabər, xristianlar da eyni gündə ziyarət edirlər. Dini etiqadlarından asılı olmayaraq, vaxtilə əcdadlarının müqəddəs saydığı bu yeri ziyarət etməklə, hər kəs öz arzularının yerinə yetirilməsini diləyir və hərə öz dilində Allaha dualar edir

BAKI, 29 noyabr — Sputnik. Kürmük məbədi Azərbaycanın Qax rayonu ərazisində vaxtilə mövcud olmuş qədim alban məbədinin (I-III əsrlərdə) qalıqları üzərində XIX əsrdə inşa edilib.

Sputnik Azərbaycan xəbər verir ki, Mədəniyyət Nazirliyi "Xristian irsimizi tanıyaq" layihəsi çərçivəsində Kürmük məbədi haqqında qısa videoçarx hazırlayıb.

Məlumat üçün bildirək ki, sözügedən məbədgahı müsəlmanlarla bərabər, xristianlar da eyni gündə ziyarət edirlər. Dini etiqadlarından asılı olmayaraq, vaxtilə əcdadlarının müqəddəs saydığı bu yeri ziyarət etməklə, hər kəs öz arzularının yerinə yetirilməsini diləyir və hərə öz dilində Allaha dualar edir.

Burada maraqlı cəhətlərdən biri də odur ki, "Kürmük oba" bayramında xristian zəvvarlar da İslam dininin haram buyurduğu donuz ətindən imtina edirlər.

19
Teqlər:
ibadətgah, ibadət, xristianlar, müsəlmanlar, "Kürmük oba" bayramı, Kürmük məbədi, Qax, Azərbaycan
Mövzu:
Azərbaycanın görməli yerləri, turizm obyektləri
ABŞ dollarları, arxiv şəkli

Cinsi istismar qurbanlarına dəstək üçün yığılan pulları rəhbərin maaşına xərclədilər

0
(Yenilənib 17:34 29.11.2020)
Charity Navigator kimi xeyriyyə fondlarına nəzarət edən qruplar QHT-lərə gəlirlərinin 75%-ni öz missiyalarını yerinə yetirməyə, 25%-ni isə müxtəlif inzibati məqsədlərə xərcləməyi tövsiyə edir

BAKI, 29 noyabr - Sputnik. Yaradılmasında Riz Uizerspun, Emi Şumer, Bri Larson kimi Hollivud ulduzlarının iştirak etdiyi cinsi istismara qarşı populyar hərəkat Time's Up ianələrin böyük qismini zorakılıq qurbanlarına deyil, öz rəhbərliyinin maaşına xərcləyirmiş.

Sputnik Azərbaycan bildirir ki, bu barədə New York Post qəzeti vergi sənədlərinə istinadən məlumat yayıb.

Bildirilir ki, yaradıldığı 2018-ci il ərzində təşkilat 3,67 milyon dollar toplaya bilib. Bunlardan 1,4 milyon dolları əməkhaqlarına, ancaq 312 min dollar cinsi istismara məruz qalmışlara hüquqi yardım fonduna sərf olunub. Bundan əlavə, 157 min dollardan çox konfranslara, 288 min dollar - reklama, 940 min dollar - "hüquqi xərclərə", 58 min dollar - səyahətə və 112 min dollar PR-kampaniyasına sərf edilib.

Charity Navigator kimi xeyriyyə fondlarına nəzarət edən qruplar QHT-lərə gəlirlərinin 75%-ni öz missiyalarını yerinə yetirməyə, 25%-ni isə müxtəlif inzibati məqsədlərə xərcləməyi tövsiyə edir. Qəzetin məlumatına görə, Time's Up gəlirlərinin 38%-ni əməkhaqlarına sərf edib.

Time's Up hərəkatı 2018-ci ildə, tanınmış aktyor, siyasətçi, jurnalist və digər məşhur şəxslərə, o cümlədən prodüser Harvi Vaynşteyn və aktyor Kevin Speysiyə qarşı açılmış seksual istismar ittihamlarından sonra yaradılıb. Hərəkatın qayəsi cinsi istismar qurbanlarına dəstəklə məşğul olmaqdır.

 

0
Teqlər:
ABŞ, Hollivud, maaş, fond, pul, qurbanlar, cinsi istismar