Qazax-Gəncə bölgəsində yerləşən dağıdılmış qəbiristanlıqlardan tapılmış bəzək əşyaları

Azərbaycanda nadir tapıntı etdilər, amma qorxudan yerini demirlər

923
(Yenilənib 23:01 27.04.2018)
Məzarlıq məhv edildiğindən, sümüklər bölgənin ətrafına dağılıb

Zarina Orucəliyeva, Sputnik Azərbaycan

BAKI, 27 aprel — Sputnik. Arxeoloqlar tam təsadüfən Qazax-Gəncə bölgəsində yerləşən dağıdılmış qəbiristanlıqlardan birində qızıl və bürünc bəzək əşyaları aşkarlayıblar. Bunu Sputnik Azərbaycan-a AMEA Arxeologiya və Etnoqrafiya İnstitutunun elmi işlər üzrə direktor müavini, Nəcəf Müseyibli bildirib.

O, deyib ki, bu yaxınlarda Goranboy, Şəmkir, Tovuz və Ağstafa rayonlarındakı tarixi abidələri öyrənmək üçün respublikanın qərb regionuna ekspedisiya təşkil ediblər.

"Biz orada işləyəndə gördük ki, qəbirlərdən biri dağıdılıb. Bunun səbəbi təbii amillər də ola bilərdi, antropogen müdaxilə də. Görünür, buradan dəfələrlə heyvan sürüləri keçib və buna görə hər şey torpağa qarışıb" – deyə arxeoloq bildirib.

Mütəxəssislər qəbirləri öyrənməyə başlayarkən, orada zərgərlik məmulatları və keramik qab hissələri aşkarlayıblar. Onların sayəsində qəbirlərin yaşını müəyyən etmək mümkün olub. Onlar eramızdan əvvəl birinci minilliyin birinci yarısına aiddir (2700-3000 il).

Qazax-Gəncə bölgəsində yerləşən dağıdılmış qəbiristanlıqlardan tapılmış bəzək əşyaları
© Photo : Arxeologiya və Etnoqrafiya İnstitutunun mətbuat xidməti
Qazax-Gəncə bölgəsində yerləşən dağıdılmış qəbiristanlıqlardan tapılmış bəzək əşyaları

Məzarlıq məhv edildiğindən, sümüklər bölgənin ətrafına dağılıb.

Müseyiblinin sözlərinə görə, onların zinət əşyaları tapdıqları məzar yeganə məzar deyil. Ətrafda daha bir neçə məzar da var.

Həmin dövrlərdə Azərbaycan ərazilərində Xocalı-Gədəbəy mədəniyyəti mövcud olub. 

Bu, Şərqi və Mərkəzi Zaqafqaziya arxeologiya mədəniyyətinin son tunc dövrü və erkən dəmir dövrünü (e.ə. XIII—VII əsrlər) əhatə edir. Həmin dövrlərdə sözügedən ərazilərdə ilk dövlət qurulmağa başlayıb. Cəmiyyətdə sosial münasibətlərin təşəkkül tapma prosesləri gedib və tapılan bəzək əşyaları da onların sahiblərinin yüksək mənsəbə aid olduğunu göstərir.

Bu tapıntının digər vacib tərəflərindən biri də odur ki, indiyə qədər Xocalı-Gədəbəy mədəniyyətinə aid bu qədər qızıl-zinət əşyaları tapılmamışdı. Oradan ümumilikdə 52 ədəd zərgərlik məmulatı – sırğalar, üzüklər, iki medalyon, boyunbağı və yarpaq şəklində muncuqlar aşkarlanıb.

Arxeoloqlar dəfinə axtaranlardan qorxduqları üçün qazıntıların aparıldığı yeri dəqiq nişan vermirlər. Sadəcə bildiriblər ki, bu məlumatlar yalnız institutun hesabatında əks olunacaq.

923
Teqlər:
dəfinə, qızıl-zinət əşyaları, arxeoloqlar, tapıntı, bürünc
Dieqo Armando Maradona

Maradonanın həkimi ittihamlara cavab verdi

13
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

13
Teqlər:
axtarış, ittiham, həkim, ölüm, Dieqo Armando Maradona
Микрофон

Uşaq "Avroviziya"sının qalibi bəlli oldu - VİDEO

14
(Yenilənib 23:14 29.11.2020)
Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər

BAKI, 29 noyabr - Sputnik. Fransanı təmsil edən Valentina Trünel J'imagine mahnısı ilə beynəlxalq "Uşaq Avroviziyası-2020" müsabiqəsinin qalibi olub.

Sputnik Azərbaycan bildirir ki, müsabiqənin finalı Polşada telekörpü formatında keçirilib. Valentina peşəkar münsiflər heyəti və tamaşaçıların səsi ilə 200 xal toplayıb.

İkinci yerə Qazaxıstan təmsilçisi Karakat Başanova, üçüncü yerə isə İspaniyadan Solea layiq görülüblər.

Rusiya təmsilçisi Sofya Feskova 88 xalla 10-cu yeri tutub. Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər.

İştirakçıların nəticələri peşəkar münsiflər heyəti və tamaşaçıların müsabiqənin saytındakı səsverməsi ilə təyin olunub. Böyüklərin "Avroviziya"sından fərqli olaraq, burada tamaşaçılar öz ölkələrinə səs verə bilirdilər. Ancaq bu zaman tamaşaçılar minimum üç bəyəndikləri iştirakçıya səs verməli idilər.

14
Teqlər:
Fransa, final, müsabiqə, Polşa, Uşaq Avroviziyası, uşaqlar