İş axtaran adam

Dövlətdən vətəndaşa müjdə: Bütün boş yerləri "ayağınıza gələcək"

1282
(Yenilənib 14:23 27.04.2018)
"Vakansiya bankının yaradılması əmək bazarında boş iş yerlərinə əlçatanlığın artmasına, subyektiv yanaşmaların, nöqsanların aradan qalxmasına səbəb ola bilər"

Xalid Məmmədov, Sputnik Azərbaycan

BAKI, 27 aprel — Sputnik. Azərbaycanda işsizliklə bağlı vakansiya bankı yaradılır. Vakansiya bankının yaradılması yenidən hazırlanmış "Məşğulluq haqqında" qanun layihəsinin 7-ci maddəsində əksini tapıb.

Maddəyə görə, vakansiya bankı elektron informasiya sistemində işəgötürənlərin yeni yaradılan iş yerləri və vakansiyalar barədə həmin sistemə daxil etdikləri məlumatlar əsasında müvafiq icra hakimiyyəti orqanı tərəfindən yaradılacaq. Məlumatları nəzərdə tutulmuş müddətdə elektron informasiya sisteminə daxil etməyən işəgötürənlər qanunla müəyyən edilmiş qaydada məsuliyyət daşıyacaqlar.

İqtisadçı-ekspert Rəşad Həsənov
İqtisadçı-ekspert Rəşad Həsənov

Sputnik Azərbaycan vakansiya bankının yaradılmasının işsizliyin azaldılmasına nə kimi müsbət təsir göstərəcəyini mütəxəssislərdən soruşub. İqtisadçı-ekspert Rəşad Həsənov deyib ki, indiyədək Azərbaycanda məşğulluq xidmətləri ilə vətəndaşlar arasında yaranmış ən mühüm problemlərdən biri məhz uyğun işlərin təklif edilməməsi olub: "Qanunvericiliyə görə, vətəndaş iş axtarırsa və yaxud da işsizlik müavinəti üçün müraciət edirsə, Dövlət Məşğulluq Xidməti 10 iş günü ərzində vətəndaşa yeni iş yeri təklif edir".

"Vətəndaş təklif edilən işi qəbul etmədikdə işsizlik müavinəti imkanından istifadə edə bilməz. Təklif olunan işin vətəndaşın sosial şəraitinə, bilik və bacarıqlarına uyğun olub-olmaması mühüm problemlərdən birinə çevrilirdi. Əksər hallarda onları qane etməyən işlər təklif olunurdu. Vətəndaşların razılığı olmadığı üçün onlara sosial müavinət də verilmirdi", — ekspert deyib.

İqtisadçının fikrincə, vakansiya bankının yaradılması ən mühüm problemlərdən biri olan uyğunsuzluğun aradan qalxmasına müəyyən qədər dəstək verə bilər: "Çünki vakansiya bankı yaranarsa, Azərbaycan vətəndaşlarının bu məlumatlara birbaşa, onlayn çıxışı olacaq. Belə bir şəraitdə də öz bilik və bacarıqlarına, eyni zamanda tələblərinə uyğun iş tapmaq imkanları nisbətən arta bilər".

O, qeyd edib ki, həmçinin bu bazarda rəqabətlilik də dərinləşə bilər: "Çünki, ümumiyyətlə əvvəlki dövrlərdə əksər hallarda subyektiv yanaşmaların olduğunu müşahidə edirdik və yaxşı iş yerlərini təklif etmək üçün müəyyən qədər fərdi maraqlar ortaya qoyulurdu. Amma vakansiya bankı yaradılarsa, vətəndaşın işəgötürənə çıxış imkanı olacaq. Bu isə mənfi halları müəyyən qədər azalda bilər".

Ekspertin sözlərinə görə, hazırda Azərbaycanda əmək bazarında müəyyən işədüzəltmə şirkətləri fəaliyyət göstərir və onların fəaliyyətində ciddi nöqsanlar var: "Əksər hallarda həmin şirkətlər vətəndaşları aldadırlar. Vakansiya bankının yaranması bu bazarda müəyyən qədər rəqabətli şəraitin formalaşmasına gətirib çıxara bilər".

"Digər tərəfdən, hüquqi və fiziki subyektlərin boş iş yerləri haqqında vaxtında məlumat verməsi mühüm məqamdır. Çünki bəzi hallarda, xüsusilə də əlil və digər bu kimi sosial qrupların işlə təmin etmə öhdəliyini yerinə yetirməmək üçün yaranmış vakansiyalar haqqında məşğulluq orqanlarına düzgün məlumatlar verilmirdi. Amma qanun layihəsində boş iş yerləri haqqında vaxtında məlumat vermə tələbinin qoyulması düzgün statistika aparılması imkanı yaradır", — iqtisadçı əlavə edib.

R.Rəsənov onu da vurğulayıb ki, həmçinin ehtiyacı olanların işlə təmin edilməsində dövlətin vasitəçilik imkanları yaranır: "Bu, sahibkar üçün də müsbət aadımdır. Sahibkar belə bir rəqabətli platformada özünə daha keyfiyyətli işçi tapmaq imkanı əldə edəcək. Yaxşı iş yerləri üçün müraciətlərin sayı çox olacaq. Və müraciət edənlər arasından düzgün seçimin edilməsi sahibkarın ən uyğun, optimal işçini tapmasına da şərait yaradacaq".

"Vakansiya bankının yaradılması bu istiqamətdə dövlət siyasətinin müəyyən qədər çevikləşməsinə, əmək bazarında boş iş yerlərinə əlçatanlığın artmasına, subyektiv yanaşmaların, nöqsanların aradan qalxmasına səbəb ola bilər", — deyə o bildirib.

Azərbaycan Dövlət İqtisad Universitetinin (UNEC) dosenti Elşən Bağırzadə isə bildirib ki, Azərbaycan kimi inkişaf etməkdə olan ölkələrdə əmək bazarındakı əsas problemlərdən biri də informasiya problemidir: "Yəni əmək bazarı kifayət qədər təşkilatlanmadıqda burada ciddi bir informasiya problemi olur. Məsələn, vakansiyalar var, amma, gizlədilir, elanlara çıxarılmır və s.".

Azərbaycan Dövlət İqtisad Universitetinin (UNEC) dosenti Elşən Bağırzadə
© Photo : UNEC-in mətbuat xidməti
Azərbaycan Dövlət İqtisad Universitetinin (UNEC) dosenti Elşən Bağırzadə

"Vakansiya bankının yaradılması çox yaxşı haldır. Burada müəyyən məcburedici tədbirlərin nəzərdə tutulması da çox yaxşıdır. Belə ki, işəgötürənlər məlumatları nəzərdə tutulmuş müddətdə elektron informasiya sisteminə daxil etməlidirlər. Əks təqdirdə məsuliyyət daşıyacaqlar. Çünki Azərbaycan şəraitində əgər belə bir məcburedici tədbir olmasaydı, yəqin yenə də vakansiyalar gizlədiləcək, məsuliyyətsiz yanaşma olacaqdı", —E.Bağırzadə vurğulayıb.

Vakansiya bankının yaradılmasını müsbət qiymətləndirdiyini deyən ekspert əlavə edib ki, dünyanın əksər ölkələrində də belə tədbirlər mövcuddur: "Dövlətin əsas funksiyalarından biri odur ki, işəgötürənlərlə iş axtaranları effektli, səmərəli bir şəkildə görüşdürə bilsin və bu da həmin prosesin bir elementidir".

Qeyd edək ki, qanun layihəsinə görə, elektron informasiya sistemi işəgötürənlərin Əmək Məcəlləsinə və bu qanunun müvafiq maddəsinə uyğun olaraq həmin sistemə daxil etdikləri məlumatlar əsasında hər bir işəgötürən üzrə ştat vahidlərinə dair cədvəl yaradacaq.

1282
Teqlər:
elektron informasiya sistemi, vakansiya bankı, Rəşad Həsənov, qanun layihəsi, Elşən Bağırzadə, məşğulluq, İqtisadçı-ekspert, işsizlik, maddə, Azərbaycan
Əlaqədar
Regionlarda yeni iş yerlərinin açılmasına ciddi təkan
Azərbaycanda dövlət qurumunun əməkdaşı iş yerində ölü olaraq tapıldı
Durmadan 20 saat telefona baxdı, başına iş gəldi
İş axtaranlar üçün mühüm xəbər
Azərbaycan manatı, arxiv şəkli

Pensiya kapitalı ədalət - qalaqlanan problemlər üçün çözüm təklifi

11
(Yenilənib 17:59 26.11.2020)
"Bəzi hallarda vətəndaş uzun müddət çalışır, lakin ya o, pensiya yaşına çatmır, ya da pensiya yaşına çatdıqdan müəyyən müddət sonra dünyasını dəyişir", - Vüqar Bayramov

Nigar İsgəndərova, Sputnik Azərbaycan

BAKI, 26 noyabr — Sputnik. Dünyanın ən yaxşı pensiya sisteminə malik olan 39 ölkəsinin adları açıqlanıb. "Mercer CFA" institutunun "Global Pension Index 2020" hesabatına görə, 2020-ci ildə dünyanın ən yaxşı pensiya sisteminə malik ölkəsi Niderland olub. Bu ölkənin indeksi ötən illə müqayisədə 81-dən 82,6-a yüksəlib. İkinci yerdə qərarlaşan Danimarkanın isə builki indeksi 80,3-dən 81,4 bəndə qədər yüksəlib. Siyahının üçüncü yerinə isə İsrail (74,2 bənd) layiq görülüb.

Hazırda Niderlandda pensiya yaşı 66-dır. 2024-cü ilədək ölkədə pensiya yaşının aylıq artım dinamikası dondurulur. Yalnız 2024-cü ildə ölkədə pensiya yaşı 67 olacaq və bundan sonra hər il bu müddət daha öncəki müddətlə müqayisədə çox cüzi olaraq artmaqda davam edəcək. Digər ölkələrlə müqayisədə Niderlandda pensionerlər daha firavan həyat yaşayırlar ki, bunun da səbəbi ölkədəki qanunlardır.

Ölkədə yaşlılığa görə verilən pensiya olan AOW-dan yararlanmaq üçün şəxslərin Niderlandda çalışdığı hər il üçün 2 faiz illik AOW vəsaiti toplanmalıdır. Məsələn, şəxs pensiya yaşına çatdıqda sadəcə olaraq 40 ildir ki, Niderlandda yaşamış olarsa, bu zaman AOW vəsaitinin 80 faizini əldə etmiş olacaq.

Bundan başqa, ölkə qanunları ağır işdə çalışanlara daha tez pensiyaya çıxmaq hüququnu verir. Bununla yanaşı, istəyən hər kəs 3 il daha tez yaşlılıq pensiyasına çıxa bilmək hüququna malik olur.

Pensiya sisteminə görə 39 ölkə arasında ikinci olan Danimarkada isə bu yaş həddinin aşağı endirilməsi müzakirə edilir.

Ölkənin Baş naziri Mette Frederiksen pensiya yaşının 65-dən 61-ə endirilməsi üçün təkliflərin verildiyini də vurğulayıb:

"Danimarka vətəndaşları hər gün işləmək, pul qazanmaq üçün səhər tezdən oyanır, ağrı və acı ilə işə gedirlər. Bəlkə də belləri, dizləri, çiyinləri ağrıyır, bəlkə də çox acı çəkirlər. Bu səbəbdən biz uzun illərdir çalışanlar, çalışdığı müddətdə vergilərini ödəyən və ağır işə cəlb olunanlar üçün təkliflər vermişik. Yeni qanun layihəsinə görə, 42-44 il çalışanlar 1-4 il daha tez pensiyaya çıxa biləcəklər. 2022-ci ildə 38 min şəxs bundan yararlana biləcək".

Qeyd edək ki, qarşıdakı 10 il ərzində Danimarkada pensiya yaşının 68 olacağı planlaşdırılır.

Son illərdə Azərbaycanda da pensiya sisteminin təkmilləşdirilməsi istiqamətində müxtəlif işlər görülüb. Lakin bununla belə, bəzi problemlər hələ də həllini tapmamış qalır. Bəs Azərbaycanda pensiya sistemində hansı qalaqlanmış problemlər həllini gözləyir?

Saxla samanı... Kartda olan pulları necə artırmalı?>>

Millət vəkili Vüqar Bayramov Sputnik Azərbaycan-a açıqlamasında bu haqda danışıb: "Son illər Azərbaycanda pensiya sistemində bir sıra islahatlar aparılıb. Xüsusən də 2018-ci ildən pensiya sisteminin təkmilləşdirilməsi müşahidə olunub. Biz mütəmadi olaraq pensiya islahatlarının davamlı olması və pensiya sisteminin daha da təkmilləşdirilməsi üçün təkliflərimizi təqdim edirik. Qiymətləndirmələr onu göstərir ki, indiki halda həm pensiya kapitalı ilə bağlı, həm də pensiya kartından istifadə ilə bağlı islahatların davam etdirilməsinə ehtiyac var".

"Nəzərə almalıyıq ki, minimum pensiya məbləği artdıqca tələb olunan minimum pensiya kapitalı da artır. Bu səbəbdən vacibdir ki, pensiya kapitalının müəyyən hissəsinin dövlət tərəfindən kompensasiya edilməsi mexanizminə baxılsın. Daha yaxşı olardı ki, vəsaitlərin, xüsusən də həssas qruplar üçün olan vəsaitlərin bir hissəsi kompensasiya olunsun", - deyə millət vəkili əlavə edib.

O bildirib ki, böyük pensiya kapitalına malik vətəndaşlarımıza ABŞ-da olduğu kimi daha tez pensiyaya çıxmaq hüququnun verilməsinə ehtiyac var: "Ona görə də biz minimum pensiya kapitalı ilə yanaşı, pensiyaya çıxmaqla bağlı minimum kapital yığıldıqdan sonra belə bir hüququn verilməsinin tərəfdarıyıq.

Yəni vətəndaşa pensiya yaşına çatmadan yığılan kapitaldan istifadə etmə hüququnun verilməsi məqsədəuyğundur. Bu da təbii ki, kapitalla bağlı yığımlara marağı artırmaqla yanaşı, eyni zamanda imkan verəcək ki, vətəndaşlarımız bəzi hallarda pensiya yaşını gözləmədən də pensiya kapitalının bir hissəsindən faydalana bilsinlər".

"Digər məsələ isə pensiya kapitalının müəyyən hissəsinin varisə transfer edilməsi ilə bağlıdır. Çünki bəzi hallarda vətəndaş uzun müddət çalışır, lakin ya o, pensiya yaşına çatmır, ya da pensiya yaşına çatdıqdan müəyyən müddət sonra dünyasını dəyişir. Bu səbəbdən həmin kapitalın bir hissəsinin vətəndaşın varisinə transfer edilməsi mexanizmi təqdirəuyğun olardı. Bu da nəticə etibarı ilə pensiya sistemində ədalətin daha da məqsədəuyğunluğu üçün önəmlidir", - deyə V.Bayramov əlavə edib.

11
Teqlər:
Vüqar Bayramov, təklif, varis, kapital, təqaüd, pensiya

Ermənistandakı hərbi bazada Rusiya hərbçisinin cəsədi tapılıb

16
(Yenilənib 21:33 26.11.2020)
Rusiya hərbi bazasının Ermənistandakı Cənub Hərbi Dairəsi üzrə komandanlığının komissiyası hüquq-mühafizə orqanları ilə birlikdə müqavilə əsasında hərbçinin ölümü ilə bağlı araşdırma aparır. H

BAKI, 26 noyabr - Sputnik. Ermənistanın Gümrü şəhərində Rusiyanın 102-ci hərbi bazasının hərbi qulluqçusu ölü tapılıb.

Bu barədə Sputnik Ermənistan-a Cənub Hərbi Dairəsinin mətbuat xidmətindən bildirilib. Ermənistan İstintaq Komitəsinin Şirak Regional İstintaq İdarəsi hazırda hərbçinin ölümü ilə bağlı materialları toplayır.

Bildirilir ki, 36 yaşlı rus hərbçinin həyat əlamətləri olmayan cəsədi onun hərbçi yoldaşları tərəfindən aşkar edilib. Onun üzərində hər hansı zorakılıq əlamətlərinə rast gəlinməyib: 

"Rusiya hərbi bazasının Ermənistandakı Cənub Hərbi Dairəsi üzrə komandanlığının komissiyası hüquq-mühafizə orqanları ilə birlikdə müqavilə əsasında hərbçinin ölümü ilə bağlı araşdırma aparır. Hərbçinin cəsədində zorakılıq əlamətlərinə rast gəlinməyib".

Hazırda hadisənin baş vermə şəraiti və səbəbləri araşdırılır.

Cinayət xəbərləri saytı shamshyan.com-un yazdığına görə, ölən şəxs 36 yaşlı müqaviləli hərbçi A.P.-dir.

16

Çavuşoğlu Qarabağ məsələsini NATO-nun gündəminə gətirdi

0
(Yenilənib 22:33 26.11.2020)
Türkiyənin xarici işlər naziri Mövlud Çavuşoğlu ilə NATO-nun baş katibi Yens Stoltenberq Dağlıq Qarabağ və digər regional münaqişələri müzakirə ediblər.

BAKI, 26 noyabr - Sputnik. Türkiyənin xarici işlər naziri Mövlud Çavuşoğlu və NATO-nun baş katibi Yens Stoltenberq arasında telefon danışığı olub.

Sputnik Azərbaycan Türkiyə mediasına istinadla xəbər verir ki, telefon danışığı zamanı tərəflər regional gündəmin aktual məsələlərini, o cümlədən Dağlıq Qarabağı müzakirə ediblər.

Türkiyə XİN rəhbəri və NATO-nun baş katibi Şərqi Aralıq dənizi, Əfqanıstan və Liviya böhranı barədə də fikir mübadiləsi aparıblar.

Çavuşoğlu Stoltenberqə İrini Hərəkatı çərçivəsində Aralıq dənizindəki Türkiyə ticarət gəmisində axtarış aparılmasının beynəlxalq hüquqa zidd və yolverilməz olduğunu bildirib.

0
Teqlər:
Aralıq dənizi, Liviya, Dağlıq Qarabağ, Türkiyə xarici işlər naziri Mövlud Çavuşoğlu, Mövlud Çavuşoğlu, baş katibi Yens Stoltenberq, Yens Stoltenberq, NATO