Gənc cütlük

Seksual mövzuların məktəb universitetlərdə tədrisi vacibdirmi?

504
(Yenilənib 20:06 26.04.2018)
Onun sükutla yad edilməsi ölkədə sevgi, ailə və seksual münasibətlərin çoxdan öldüyünə işarə idi

BAKI, 26 aprel — Sputnik. Bir neçə il əvvəl yerli telekanallardan birində yayımlanan verilişdə seksual maarifləndirmənin əhəmiyyəti müzakirə olunurdu. Ekspert kürsüsünə dəvət olunan millət vəkili aparıcının "seksual mövzular məktəb və universitetlərdə tədris olunmalıdırmı" sualına eyni ilə belə cavab vermişdi: "Bir o qalıb ki, seksi məktəb və universitetlərə gətirək!"

Öz verdiyi cavaba məmnunluqla gülümsəyən millət vəkilini tamaşaçılar da ürəkdən alqışlamışdı. Lakin həm millət vəkili öz verdiyi cavabda özünü inkar etdiyinin fərqində deyildi, həm də tamaşaçılar nəyi alqışladıqlarını bilmirdilər.

Millət vəkilinin cavabından belə məlum olurdu ki, o, hər yerdə seksual mövzularla rastlaşmaqdan narahat olub. Təkcə həmin millət vəkili deyil, ümumilikdə Azərbaycan xalqı seksual mövzularla rastlaşmaqdan narahatdır. Türk və bütün müsəlman dünyasında seks barədə ictimai müzakirə aparmaq bir tabudur. Bu toplumun bir parçası olan millət vəkili də fərqinə varmır ki, seksual mövzular məktəb və universitetlərdə tədris olunmadığı üçün hər yerdə ifrat dərəcədə var.

Bəs hər yer dedikdə nəyi nəzərdə tuturuq? Tez-tez mediadan zorlanma xəbərləri oxuyuruq. İstər məşhur şəxslərin, istərsə də sıravi vətəndaşların intim videolarının yayılması tez-tez gündəmi işğal edir. Seksual acgözlük, qadınların seksə ac kişilər tərəfindən narahat edilməsi, yaxud yerli xanımların özünə və qarşısındakı kişiyə olan münasibətindən narazı qalan kişilərin rus, ukraynalı qadınlara qaçması, qadınların da buradakı kişilərə qane olmayıb başqa ölkələrdən ər axtarması, durmadan artan insan bazarı və bu bazarın çoxsaylı xəstəliklərə səbəb olması və s. Bütün bunların birbaşa səbəbi, əslində, yeniyetmə və gənclərin istər seksual mövzularda, istər ailə münasibətləri mövzusunda maariflənməməsidir.

Yaxşı yadımdadır ki, orta məktəbin anatomiya dərsində cinsiyyət orqanları və insanların çoxalması ilə bağlı olan iki bölməni müəlliməmiz görməzdən gəlib sonrakı paraqraflara keçmişdi. "Həyati bacarıqlara əsaslanan təhsil" adlı bir dərs də var idi. Bu dərsdə də ailə münasibətləri, evlilik, eşq, sekslə bağlı mövzular qadın müəllim tərəfindən "qara siyahı"ya salınmışdı və üzərindən sükutla keçmişdik.

Əslində, həm anatomiyadakı, həm də həyati bacarıqlara əsaslanan təhsildəki bu bölmələrin sükutla yad edilməsi ölkədə sevgi, ailə və seksual münasibətlərin çoxdan öldüyünə işarə idi. Mən sonralar anlamışdım müəllimlərin bu mövzuları sükutla keçməsinin səbəbini.

Millət vəkilinin anlamadığı da bu idi. Əgər yeniyetmə və gənclər cinsiyyət orqanları, cinsi münasibətlər, insanların çoxalması, sevgi münasibətləri, ailə münasibətləri, seksual sağlamlıq mövzularında maariflənsəydilər, bu qədər zorlanma xəbərlərinə rastlamazdıq. Bu qədər insanların intim videoları yayılmazdı və həmin videolar da sürü psixologiyası ilə gündəmə çevrilməzdi.

Azacıq açıq-saçıq geyinən qadınlar küçədə, metroda, avtobusda narahat edilməzdi. Münasibətlərdən narazı qalan kişilər və qadınlar başqa ölkələrə üz tutmazdı. Hər kəs çoxalmaq üçün cinsi münasibəti də, seksual əyləncəni də, sevgi və ailə məsələlərini də bir-birindən ayıra bilərdi.

504
Teqlər:
seks, tədris, münasibət, sevgi, efir, məktəb, ailə, telekanal, müəllim
Əlaqədar
Seksuallığın özü: Bakılı model öz cazibəsi ilə ərəb dünyasını fəth edib
ABŞ-da daha bir seks qalmaqalı: 13 yaşlı uşağı...
Fatimə Abbasquliyeva: “Onun seks kölələrindən biri olmaq istəmədim”
Seksual həyatı yaxşılaşdırmaq üçün bu məsləhət görülür...
Bakıda ağlasığmaz seksual təcavüz
Beynəlxalq qalmaqal: BMT könüllüləri suriyalı qadınlara seks təklif edir
Yaponiyada qoruyucu maskada olan insanlar

Avropanın "ağ siyahısı": yaponları oradan silirlər

0
(Yenilənib 00:58 27.01.2021)
Avropa Birliyi sərhədlərini Yaponiya vətəndaşlarının üzünə bağlamağa hazırlaşır. Bu ölkənin "ağ siyahı"dan çıxma ehtimalı yüksəkdir

BAKI, 27 yanvar - Sputnik. Avropa Birliyi ölkələrinə gəlməyə icazəsi olan insanların siyahısından Yaponiya vətəndaşları çıxarıla bilər.

Sputnik Azərbaycan bildirir ki, Avropa Birliyinin bu niyyəti barədə Bloomberg öz mənbələrinə istinadən yazır. 

Agentliyin məlumatına görə, bu qərar Yaponiyada koronavirusa yoluxmanın artması ilə bağlıdır.  

Mənbə bildirib ki, Avropa Birliyinin yenilənmiş "ağ siyahısı"nda cəmi yeddi ölkə olacaq və yalnız bu ölkələrin vətəndaşları AB-yə üzv ölkələrə səyahət edə biləcəklər. 

Siyahıdakı "xoşbəxtlər" isə Avstraliya, Çin, Yeni Zelandiya, Ruanda, Sinqapur, Cənubi Koreya və Tailanddır. COVID-19-a yoluxma sayının kəskin artması səbəbindən Böyük Britaniya bu siyahını yanvarın 1-dən tərk edib. 

0
Teqlər:
Koronavirus, qadağa, Avropa Birliyi, vətəndaşlar, Yaponiya
Mövzu:
Yeni tip koronavirus pandemiyası
Tərəzi, kökəlmək, köklük

Diabetə qalib gəlməyin çox asan yolu

2
(Yenilənib 00:44 27.01.2021)
Diabetə on iki həftə ərzində qalib gəlmək mümkündür. Amerikalı alimlərin araşdırmasına görə, minimal karbohidratlı pəhriz həm sağaldır, həm də arıqladır

BAKI, 27 dekabr - Sputnik. On iki həftə boyunca minimal karbohidrat pəhrizinə riayət edən insanlar ikinci tip diabetə qalib gəlmək şansını təxminən 30% artırırlar. 

Sputnik Azərbaycan bildirir ki, bu barədə Diabetes.co.uk portalı Texasın A&M Universitetinin (ABŞ) əməkdaşlarının araşdırmalarına istinadən yazır.

Tədqiqatda 1357 nəfər iştirak edib. Yaşları 47 ilə 67 arasında dəyişən bu şəxslərin əksəriyyəti artıq çəki və ya piylənmədən əziyyət çəkib. Onlar on iki həftə ərzində minimal karbohidrat pəhrizinə riayət ediblər. Bundan 6 ay və bir il sonra isə mütəxəssislər tədqiqatda iştirak edənlərin səhhətlərini təkrar yoxlamadan keçiriblər. 

Qeyd olunur ki, pasiyentlər nişastalı karbohidratlardan (daha çox kartof və makaronda olur) imtina ediblər. Alimlər belə nəticəyə gəliblər ki, 6 aydan sonra bu qrup insanların xəstəliyin əlamətlərini azaltmaq şansları digər pəhrizlərə riayət edənlərlə müqayisədə daha çoxdur. 

Elmi tədqiqatın müəllifləri qeyd ediblər ki, gələcəkdə onlar kalorilərə nəzarətlə bağlı da bir sıra tədqiqatlar aparmaq niyyətindədirlər. Bununla onlar minimal karbohidratlı pəhrizin arıqlamağa və diabetin remissiyasına davamlı müsbət təsir göstərdiyinə əmin olmaq istəyirlər.

* Minimal karbohidratlı pəhriz - sutkada 100-150 qramdan artıq olmayan karbohidratın qəbul olunmasını nəzərdə tutan qida rejimidir. Bundan başqa, burada istifadə olunan karbohidratın əksər hissəsi böyük miqdarda lifə malik tərəvəz və tam buğdaların payına düşməlidir. 

Bu pəhriz həm diabet xəstələrinə, həm də arıqlamağa çalışan idmançılara məsləhət görülür. O, qanda şəkərin miqdarını tənzimləmək üçün əla üsul sayılır.

2