Yaşayış binası

Özbaşınalığa son: Artıq yeni mənzil fərdi evlərin sahibləri "kupça" ala biləcəklər

3948
(Yenilənib 13:59 25.04.2018)
Yaşayış evlərini sənədləşdirməyə macal tapmamış vətəndaşlara bunu qısa müddətdə həyata keçirməyə köməklik göstərilir

Zarina İbrahimxəlilova, Sputnik Azərbaycan

BAKI, 25 aprel — Sputnik. Azərbaycanda bir sıra qanunvericilik aktlarının təsdiqlənməsindən sonra vətəndaşlara məxsus evlərə dövlət reyestrindən çıxarışların ("kupça") və texniki pasportlar verilməsi prosesi daha da intensivləşib. Sputnik Azərbaycan-ın məlumatına görə, bu proses xeyli sadələşdirilib. Nəzəri cəhətdən artıq hər bir yeni tikilmiş binada mənzili, yaxud xüsusi evi olan şəxslər çoxdan gözlədikləri sənədi ala və öz yaşayış yerlərində qeydiyyata düşə bilərlər.

Əmlak Məsələləri Dövlət Komitəsinin məlumatına görə, mənzil-tikinti kooperativləri (MTK) tərəfindən tikilən binalarda olan mənzillərin qeydiyyatı üçün cəmi bir neçə sənəd tələb olunur: MTK ilə bağlanmış müqavilə, yaxud protokoldan çıxarış; mənzilin dəyərinin tam ödənilməsini təsdiq edən maliyyə arayışı; mənzilin eskizi və binanın istifadəyə verilməsi haqqında dövlət aktı.

Qeyd edək ki, sonuncu sənəd vətəndaşlara MTK tərəfindən təqdim edilməlidir. Tələb olunan sənədlərin tam siyahısını Əmlak Məsələləri Dövlət Komitəsinin saytından əldə etmək olar.

İndi mənzil alan hər bir vətəndaş tələb olunan sənədləri toplayaraq qeydiyyat üçün Dövlət Komitəsinə, yaxud ASAN xidmət mərkəzlərinə müraciət etmək hüququna malikdir. Bütün zəruri sənədlər təqdim edildikdən sonra "Kupça" 10 iş günü ərzində vətəndaşa təqdim edilməlidir.

"kupça" üçün ödəniləcək dövlət rüsumunun məbləği 50 manatdır. Bununla yanaşı, texniki pasport almaq üçün mənzilin sahəsindən asılı olaraq, əlavə rüsum ödəmək lazımdır. Həmin rüsumun hesablanma qaydası və kalkulyator proqramı da Dövlət Komitəsinin saytında var.

Lakin məlum olub ki, məsələlər düşündüyümüz qədər də sadə deyil. Dövlət Komitəsindən verilən izahata görə, MTK-ların da tikdikləri bütün binalar və mənzillər üçün "kupça" almaq hüququ var. Məhz burada müəyyən problemlər meydana çıxır.

Misal üçün, "Dəlidağ" MTK tərəfindən tikilən binanın sakinlərinin sözlərinə görə, özəl şirkət hər bir müştərisindən mənzilin sənədləşdirilməsi üçün 4 min manat əlavə vəsait tələb edir. Lakin sakinlər qanunla haqları olan bu sənədi əldə etmək üçün şirkətə o qədər əlavə vəsaiti ödəmək niyyətində deyil.

"Akkord" Sənaye Tikinti İnvestisiya Korporasiyası ASC tərəfindən tikilmiş Abşeron Gənclər Şəhərciyində isə, ümumiyyətlə, sakinlərə nəhayət mənzillərin rəsmiləşdirilməsi üçün sənədlərin nə vaxt veriləcəyi barədə məlumat vermək istəmirlər. Baxmayaraq ki, "Akkord" həmin binaları 2009-cu ildə tikib, oradakı mənzillərin "xoşbəxt" sahibləri nə vaxtsa öz halal zəhmətləri ilə aldıqları mənzillərin çıxarışını əldə edəcəklərindən tamamilə əllərini üzüblər, hətta heç buna ümid etmirlər də.

Daşınmaz əmlak üzrə ekspert Nüsrət İbrahimov hesab edir ki, belə hallarda cavabdehləri məsuliyyətə cəlb etmək çox çətindir: "Polis MTK əleyhinə olan şikayətlərə baxa bilmir, çünki onun hərəkətlərində cinayət tərkibi yoxdur".

"Eyni zamanda, adamlar dövlət orqanlarına da şikayət edə bilmirlər, çünki MTK özəl sektora aiddir. Belə olan təqdirdə isə vətəndaşlar ancaq məhkəmələrə müraciət edə bilərlər" — ekspert Sputnik Azərbaycan-a açıqlamasında bildirib.

Bütün bunlarla yanaşı, bu sahə ilə bağlı müsbət xəbərlər də var. Bu ilin əvvəlindən Bakıda və regionlarda "Kütləvi küpçalaşdırma" ümumaksiyası keçirilir. Yaşayış evlərini sənədləşdirməyə macal tapmamış vətəndaşlara bunu qısa müddətdə həyata keçirməyə köməklik göstərilir.

3948
Teqlər:
dövlət reyestrindən çıxarış, müqavilə, Sputnik Azərbaycan, kupça, MTK, Əmlak Məsələləri Dövlət Komitəsi, vətəndaş, rüsum, mənzil, Azərbaycan, qanun, ev
Əlaqədar
"Kupça"ların verilməsinə dair vacib dəyişiklik: Artıq çox gözləməli olmayacaqsınız
"Kupça" almaq işi artıq çox asanlaşdı
"Kupça"ların verilməsi ilə bağlı yenilik
"Kupça"sız mənzillərə ipoteka krediti veriləcək?
İmtahan, arxiv şəkli

Nazirlikdən imtahanlarla bağlı açıqlama

10
(Yenilənib 22:45 15.01.2021)
Nicat Məmmədlinin sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib.

BAKI, 15 yanvar — Sputnik. "Pandemiyadan sonra – ola bilər ki, yaz, yaxud da daha sonrakı semestrdə ənənəvi imtahan sessiyasına keçəcəyik". Sputnik Azərbaycan-ın məlumatına görə, bunu Təhsil Nazirliyinin Elm, ali və orta ixtisas təhsili şöbəsininn müdiri Nicat Məmmədli deyib. Onun sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib. "İmtahanların təşkilində güzəştlərin olması ilə bağlı təkliflər edilir. Amma hazırkı pandemiya dövrü bizdən təhsilə daha məsuliyyətli yanaşmağı tələb edir".

Şöbə müdiri bildirib ki, ötən ilin dekabrında imtahan sessiyasının keçirilməsi haqqında əmr imzalanıb: "Sessiya imtahanları onlayn qaydada 4 həftə ərzində keçiriləcək. Əslində keçən ilin son semestrindən dərslər onlayn keçirilir. Bu, bütün təhsil sistemi üçün bir çağırışdır. Əsas vacib məsələ bir çox hallarda imtahanların formalarının keçirilməsi idi. Bundan əvvəl imtahanlar daha çox yazılı şəkildə keçirilirdi".

10
Bakıda avtomobil tıxacı, arxiv şəkli

Dünyada yollar, məsafələr qısaldılsa da, Azərbaycanda əksinədir

35
(Yenilənib 22:25 15.01.2021)
Hazırda orta hesabla 6 saatı yola sərf etdiyimizi nəzərə alsaq, aylıq olaraq bu rəqəmin azı 120 saat olduğunu deyə bilərik. Bu isə o deməkdir ki, gündəlik olaraq ictimai nəqliyyatdan istifadə edən şəxslər təkcə son 5 ayda 600 saatını yola sərf edib.

Nigar İsgəndərova, Sputnik Azərbaycan

BAKI, 15 yanvar — Sputnik. Bu gün dünyanın bir çox ölkələri məhz yolları, məsafələri qısaltmaq, xüsusən də işçi qrupun rahatlığı üçün müəyyən planlar üzərində çalışırlar. Lakin Azərbaycanda bu müddət azalmaq əvəzinə daha da artırılır. Pandemiyadan öncə getdiyimiz yarım saatlıq yol bu gün 2 saatlıq yola çevrilib. Ümumiyyətlə, pandemiyadan əvvəl də Azərbaycanda bənzər mənzərə müşahidə edilirdi. Bu isə xüsusən gündəlik olaraq işə gedən şəxslər üçün böyük problemə səbəb olur. Yəni, qısa məsafəni hər iki istiqamət üçün qət edən şəxs gününün 4-5, indiki halda isə hətta 6-7 saaatını da yolda keçirmiş olur. Bəs nə etməli?

Öncə dünya ölkələrinin təcrübəsinə nəzər yetirək. Bu gün əksər ölkələrdə artıq şəhərin mərkəzində avtobusların hərəkəti məhdudlaşdırılır. Belə ki, müəyyən məsafədən gələn şəxslər şəhərin mərkəzində avtomobilini park edərək mərkəzdən lazım olan ünvana ya velosiped, ya da ki, ictimai nəqliyyatdan istifadə etməklə çatmış olur. Belə olan halda həm əlavə yanacağa qənaət edilmiş olur, həm havanın çirklənməsinin qarşısı alınır, həm şəhər mrəkəzi sərnişin və piyadalar üçün daha uyğun bir vəziyyətə gəlir, həm də avtomobillərin olmaması səbəbi ilə əlaqədar olaraq tıxaclar yaranmır və beləcə məsafə daha da qısaldılmış olur. 

Sputnik Azərbaycan bu problemlərin həlli barədə nəqliyyat üzrə ekspert Hüseyn Abdullayevlə söhbətləşib. "Azərbaycanda avtobus marşrut xətlərinin planlaşdırılmasında böyük problemlər var. Ümumiyyətlə, heab edirəm ki, Bakının avtobus-marşrut şəbəkəsi yenidən müasir prinsiplərlə qurulmalıdır. Vaxt itkisinə səbəb olan nüanslar aradan qaldırılmalıdır. Avtobuların yollarda gecikməsinin qarşısını almaq üçün müəyyən addımlar atılmalı, ayrıca zolaqlar salınmalı, dəhlizlərdə avtobuslara üstünlük verilməlidir. Bir sözlə ümumilikdə nəqliyyat infrastrukturu ilə bağlı islahatlar aparılmalıdır" - ekspert deyib.

"Magistral avtobus xətlərinin də köməkçi avtobus xətləri olmalıdır. İyerarxiyalı sistemdə mütləqdir ki, bir nəqliyyatdan digər nəqliyyat xəttinə keçid mümkün qədər tez baş versin. Bunun üçün bu marşrutlar hamısı qısa intervalla işləməlidir. Bundan başqa, insanlar böyük məsafələr qət etməməli və hər mübadilə üçün əlavə gediş haqqı ödəməməlidirlər. Lakin qeyd edim ki, Azərbaycanda nəqliyyat sistemində bir pərakəndəlik var, avtobus, metro və dəmiryolu xətti ilə ayrılıqda müəyyən qurumlar məşğul olurlar. Əsas dəhlizlərdə isə avtobuslara üstünlük verilmir", - deyə eskpert bildirir.

Xarici təcrübədən danışdıqda isə, o qeyd edir ki, avtobus marşrutları, həm də digər nəqliyyat növəri arasında konkret iyerarxiya olmalıdır: "Yəni, müəyyənləşir ki, bu xətlərdən hansılar magistral, hansılar köməkçi nəqliyyat yollarıdır. Əsas magistral marşrut xətlərinə sərnişinlərin çıxışını təmin etməkdir", - deyə ekspert əlavə edib.

Millət vəkili Fazil Mustafa isə fərqli fikirdədir. Bu barədə Sputnik Azərbaycan-a danışan millət vəkili belə bir infrastrukturun qurulmasının mümkünsüzlüyündən bəhs edir: "Hazırda yollarda yaranan sıxlıq ilk növbədə metro ilə bağlıdır. Bu səbəbdən əksəriyyət minik avtomobilindən istifadə etmək məcburiyyətində qalır. Məktəblər açılmasa da, şəhərdə fəlakətli səviyyədə tıxaclar var. Pandemiya şəraitində yaranan vəziyyət təbiidir. Çünki avtobuslar da riskli olduğundna insanlar şəxsi avtomobillərə üstünlük verirlər. Bu səbəbdən hələlik çıxış yolu haqda danışmaqda çətinlik çəkirəm. Amma düşünürəm ki, tədricən metronun açılmasını görməliyik. Çünki nəqliyyatda hədsiz yüklənmə var".

Millət vəkili heab edir ki, şəhərin mərkəzinə çatmamış avtomobillərin park edilməsi təcrübəsini Azərbaycanda tətbiq etmək çətin olar: "Düşünürəm ki, bunun heç faydası da olmayacaq. Çünki bizdə normal elektrik qatarı yoxdur. Bu təcrübə yalnız düzgün infrastrukturun qurulduğu şəhərlər üçün keçərlidir. Bizdə isə düzgün infrastruktur qurulmayıb, şəhərsalmanın prinsipləri pozulub. Xaricdə belədir ki, məktəbəqədər yaşda olan uşaqlar üçün xüsusi avtobuslar var. Bizdə məktəbəqədərlər 25 faiz təşkil etsə də, heç bunu da təmin edə bilmirik".

Bir sözlə, hazırda gündəlik hesabla 6 saatı yola sərf etdiyimizi nəzərə alsaq, aylıq olaraq bu rəqəmin azı 120 saat olduğunu deyə bilərik. Bu isə o deməkdir ki, gündəlik olaraq ictimai nəqliyyatdan istifadə edən şəxslər təkcə son 5 ayda 600 saatını yola sərf edib. 

Qeyd edək ki, pandemiyadan öncə isə gündəlik olaraq işə gedib-gələn və bir qədər şəhərin mərkəzindən kənarda qalan şəxslər 4 saatını yola sərf edirlər. Yəni, aylıq olaraq bu 80 saat, illik olaraq isə 960 saatdır.

Hələlik isə ümid təkcə metronun açılmasına qalır...

35
Türkiyə Prezidenti Rəcəb Tayyib Ərdoğan koronavirusdan peyvənd vurdurur

Ərdoğan koronavirus peyvəndindən sonra: "Sapsağlamam"

0
(Yenilənib 00:05 16.01.2021)
Türkiyə Prezidentinə yanvarın 14-də Çinin "Sinovac" şirkətinin istehsalı olan "CoronaVac" vaksini vurulub.

BAKI, 16 yanvar — Sputnik. Bu ana qədər hər hansı bir yan təsiri olmayıb. Sputnik Azərbaycan "Hurriyet" nəşrinə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında bildirib.

"Bu ana qədər hər hansı bir yan təsiri olmayıb. Sapsağlamam. 28 gün sonra ikinci iynəmizi vurduracağıq", - deyə Ərdoğan qeyd edib.

Qeyd edək ki, Türkiyə Prezidenti Rəcəb Tayyib Ərdoğan canlı yayımda koronavirusa qarşı peyvənd edilib.

Türkiyə Prezidentinə Çinin "Sinovac" şirkətinin istehsalı olan "CoronaVac" vaksini vurulub.

0