Yaşayış evinin tikintisi, arxiv şəkli

Hələ belə güzəşt görməmişdik

5297
(Yenilənib 17:23 22.04.2018)
Millətimizin yaşatdığı dəyərlər sistemində güzəşt sözünün çox mühüm bir anlamı var

BAKI, 22 aprel — Sputnik. "Qozəştən" (farsca "keçmək") feilindən əmələ gəlmiş GÜZƏŞT sözünün Azərbaycan dilinin izahlı lüğətlərində müxtəlif mənaları yer alır. Məsələn:

— Başqasının xeyrinə olaraq bir şeydən və ya öz fikrindən əl çəkməyə razılaşma, əl çəkmə;

— Alış-verişdə qiyməti aşağı salma;

— Nəyinsə xatirinə bağışlama, əfv etmə;

— Başqasının səhvinin üstündən keçmək və s.

Və bir də güzəşt bağlayıcıları var. Tabeli mürəkkəb cümlənin tərkibində işlənən bağlayıcılar: "hərçənd", "hərçənd ki". Məsələn: Hərçənd ki, filankəsin heç bir savadı, qabiliyyəti yoxdur, o, yenə də yüksək vəzifə iddiasındadır.

Sözümüzün canı vəzifə-filan iddiası deyil. Biz daha çox son günlər camaatı heyrətə salan bu GÜZƏŞT sözünün özünə "takılmışık". Baxmayaraq ki (bu da güzəşt bağlayıcısıdır), güzəşt ifadəsi indiyədək leksikonumuzda heç vaxt təəccübə səbəb olmayıb, əksinə mərhəmət hissini, böyüklük əlamətini ehtiva edib, bu dəfə mənzərə tamam fərqlidir.

Yəni, hazırda insanlar harada GÜZƏŞT sözünə rast gəlirlərsə, aşağısına sosial şəbəkədə HEYRƏT hissini ifadə edən "smaylik" buraxmaqdan özlərini saxlaya bilmirlər. Təbii ki, dilimizdə və yanaşmamızdakı bu 180 dərəcəlik dəyişim səbəbsiz deyil.

Bəlli olduğu kimi, Mənzil İnşaatı Dövlət Agentliyi (MİDA), əvvəlcə sosial olaraq gözlənilən, sonradan güzəştli deyə elan edilən mənzillərin satışa çıxarılacağı tarixi və şərtləri açıqladı. Tarixlə işimiz yoxdur, amma ki, şərtlər… bir az qafaları qarışdırdı.

Bu şərtlər açıqlanar-açıqlanmaz camaatın gözünü kəlləsinə çıxaran ilk "güzəşt" o oldu ki, sən demə, paytaxt sakinlərinin "şəhər" deyə adlandırdıqları ərazilərdən xeyli uzaqda (Yasamal rayonu, Xarici dairəvi yolu, 8 ünvanında) yerləşən Yasamal Yaşayış Kompleksində (YYK) "güzəştli mənzillərin" 1 kvadratmetrinin qiyməti 950 manatdır. Yəni, şəhərə YYK-dan daha yaxın olan Yeni Yasamalın özündə həmin qiymətə (bəlkə də daha ucuz) istədiyin mənzili ala bilərsən. Həm də kimsənin güzəştini, minnətini götürmədən.

Kimlərin həmin mənzillərə sahib ola biləcəyinə gəlincə: Şəhid və milli qəhrəman ailələri, məcburi köçkünlər, azı 5 illik təcrübəsi olan müəllimlər, fəlsəfə doktoru elmi dərəcəsi olan şəxslər, idman sahəsində xüsusi xidmətləri olan vətəndaşlar. Deməli, bizim qonşuluğumuzda 15 ildir kirayədə yaşayan Həmzəyevlər ailəsi həsrətlə gözlədikləri həmin "güzəştdən" yararlana bilmək üçün neynəməlidir:

Ya içlərindən kimisə ön cəbhəyə göndərməli, ya saxta məcburi köçkün vəsiqəsi almalı, ya arayışda özlərini "Daş karxanasında müəllim" və "Evdar professor qadın" kimi qələmə verməli, ya da küçə-bacada 5-6 nəfəri vurub şil-küt edərək yerli polis bölməsinin verdiyi "Qaydasız döyüş üzrə idman ustası" xasiyyətnaməsini MİDA-ya təqdim etməlidir. Əks halda, gerçək güzəşt olunacaq kateqoriyaya aid olsa belə (burda da güzəşt bağlayıcısı köməyimizə gəlir), Həmzəyevlərə YYK-nın bloklarında müvəqqəti gecələmək güzəşti də şamil edilmir.

(MİDA deyir ki, vətəndaşlara güzəştli şərtlərlə təklif olunan mənzillərin satış qiyməti Azərbaycan Respublikasının İpoteka və Kredit Zəmanət Fondu tərəfindən təyin edilmiş orta bazar qiymətindən aşağı müəyyən OLUNMUŞDUR). Tutalım, Həmzəyevlər sadalanan kriteriyalardan hər hansı birinə uyğun gəldi. Bu 5 nəfərlik ailənin yerləşməsi üçün, heç olmasa 2 otaqlı bir mənzil lazımdır. YYK-da da həmin ortabab mənzilin qiyməti, təxminən 50 min manatdır.

Yoldaş Həmzəyev o mənzili kredit yolu ilə ala bilmək üçün qohum-əqrəbadan minimum 5 min manat borc tapıb (o da tapa bilsə) ilkin ödəniş etməli və 30 il ərzində hər ay 200-250 manat kredit ödəməlidir. Qohumların 5 minini də, inşallah oğlu böyüyər, işləyər, qazanar, qaytarar.

Yuxarıda GÜZƏŞT sözünün mənalarından danışırdıq axı. İndi bu ifadənin YYK-dakı şərtlərlə nə dərəcədə uyğunluğu var, bunu MİDA düşünsün. Bizim bildiyimiz isə odur ki, izahlı lüğətdə yer almasa belə, millətimizin yaşatdığı dəyərlər sistemində daha bir anlamı var GÜZƏŞT sözünün: İtirəcəyin böyük bir şey yoxdursa, hər şeyə rəğmən, heç bir ŞƏRT qoşmadan böyüklüyünü göstər!

5297
Teqlər:
YYK, Yasamal Yaşayış Kompleksi, vətəndaş, şəhər, sakin, MİDA, Mənzil İnşaatı Dövlət Agentliyi, təəccüb, şərt, qiymət, ailə, mənzil, güzəşt
Əlaqədar
Ekspert: “Güzəştli mənzillər bazardakı qiymətlərə təsir edəcək”
Mənzil almaq istəyənlər iyun ayınadək ehtiyatlı olsunlar, pulları "bata" bilər
Mənzil növbəsi çatmamış vəfat edərsə, ona çatacaq mənzil ailəsinə veriləcək
Yeni binalarda mənzil alanlar üçün müjdə
Füzuli rayonunda minaya düşən mülki avtomobil

Füzulidə minaya düşən şəxslərin meyitləri ailələrinə təhvil verilib

63
(Yenilənib 21:42 28.11.2020)
Agentliyin mütəxəssisləri tərəfindən ərazidə aparılmış tədqiqat zamanı 90-BL-558 dövlət qeydiyyat nişanlı “Toyota” markalı avtomobilin 2 ədəd tank əleyhinə minaya düşdüyü məlum olub.

BAKI, 28 noyabr - Sputnik. 2020-ci il 28 noyabr tarixində saat 15:10 radələrində Füzuli rayonunun işğaldan azad olunmuş Aşağı Seyidəhmədli kəndində mülki əhalinin girişi qadağan olunan təhlükəli ərazidə mina hadisəsi baş verib. Bu barədə Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) məlumat daxil olub.

© Azerbaijan National Agency for Mine Action
Füzuli rayonunda minaya düşən mülki avtomobil

ANAMA-dan Sputnik Azərbaycan-a verilən məlumata görə, agentliyin mütəxəssislərindən ibarət əməliyyat-axtarış qrupu dərhal həmin əraziyə göndərilib, aparılmış xilasetmə əməliyyatı zamanı xüsusi təhlükəsizlik zolağı açılaraq Hacıyev Şakir Məhərrəm oğlu, Hacıyev Firuddin Məhərrəm oğlu, Hüseynov Zülfüqar Adışirin oğlu və Adilzadə Zibeydə Şakir qızının meyitləri ərazidən götürülərək aidiyyəti üzrə təhvil verilib.

© Azerbaijan National Agency for Mine Action
Füzuli rayonunda minaya düşən mülki avtomobil

Agentliyin mütəxəssisləri tərəfindən ərazidə aparılmış tədqiqat zamanı 90-BL-558 dövlət qeydiyyat nişanlı “Toyota” markalı avtomobilin 2 ədəd tank əleyhinə minaya düşdüyü məlum olub.

"Agentlik tərəfindən bir daha bildiririk ki, işğaldan azad olunmuş ərazilər mina və partlamamış hərbi sursatlardan (PHS) təmizlənməmiş həmin ərazilərə təhlükəsizlik səbəbindən mülki şəxslərin girişi qəti qadağandır", - ANAMA bildirib. 

63
Teqlər:
mina, Füzuli rayonu, Füzuli, ANAMA
Aktyor Taleh Yüzbəyov, arxiv şəkli

"Əri döymüş gəlini, bir yandan da it qapdı" - Yüzbəyovdan yeni film

27
(Yenilənib 20:51 28.11.2020)
Yüzbəyovun çəkdiyi "Əri döymüş gəlini, bir yandan da it qapdı" və ya "Karantin balladası" qısa zamanda "Youtube" portalında trendə düşüb.

Şahpəri Abbasova, Sputnik Azərbaycan

BAKI, 28 noyabr — Sputnik. Taleh Yüzbəyov yeni filmini təqdim edib. Sputnik Azərbaycan xəbər verir ki, aktyor senaristi və rejissoru olduğu filmi "Youtube" hesabında paylaşıb. Film ailə-məişət mövzusundadır. "Karantin balladası" adlanan film karantin dövründə insanların yaşadığı maddi və mənəvi çətinliklərdən bəhs edir. Yüzbəyov film barədə özünün "Facebook" hesabında bunları deyib:

"Bu videonun senarisini mayda yazıb, karantinə görə ancaq avqustda çəkə bildik. Sentyabrın 28-i paylaşmaq istəyirdik ki, müharibə başladı. İkinci korona dalğasında gecikmiş video olsa da paylaşmaq istədik".

Qeyd edək ki, "Əri döymüş gəlini, bir yandan da it qapdı" və ya "Karantin balladası" qısa zamanda "Youtube" portalında trendə düşüb.

27

"Qafqazın Xirosiması" - fransız kanalı Ağdamı belə adlandırdı

0
(Yenilənib 21:43 28.11.2020)
“Bu şəhər o qədər dağıdılıb ki, bəzən onu “Qafqazın Xirosiması” adlandırırlar. 1980-ci illərin sonlarında 40 min əhalisi olan Ağdam bu gün “ruhlar şəhəri”dir" - France-24.

BAKI, 28 noyabr - Sputnik. “France-24” kanalı işğaldan azad edilmiş Ağdam rayonu haqqında reportaj yayımlayıb.

Sputnik Azərbaycan AZƏRTAC-a istinadla xəbər verir ki, reportajda münaqişəyə son qoyan razılaşmaya əsasən, dekabrın 1-də Laçın rayonunun Azərbaycana təhvil verilməli olduğu bildirilir. Qeyd edilir ki, bununla da Azərbaycan Dağlıq Qarabağın ətrafındakı 7 rayonun hamısını geri qaytarmış olacaq.

Kanalın xüsusi müxbirləri Lüdoviq dö Fuko, Katrin Norestrent və Hüseyn Əsədin Ağdamdan hazırladıqları reportajda deyilir:

“Bu şəhər o qədər dağıdılıb ki, bəzən onu “Qafqazın Xirosiması” adlandırırlar. 1980-ci illərin sonlarında 40 min əhalisi olan Ağdam bu gün “ruhlar şəhəri”dir. Bu gün Ağdamda hələ də qalan yeganə bina məsciddir. Bu şəhər 30 il əvvəl Birinci Qarabağ müharibəsi zamanı böyük strateji əhəmiyyət daşıyırdı. 1993-cü ildə bu şəhərin itirilməsi müharibənin dönüş nöqtəsi oldu. Buranın sakinləri köç etmək məcburiyyətində qaldı. Bu gün məcburi köçkünlər qayıdırlar və dağılmış binaları görürlər”.

Reportajda Ağdam sakini Zülfü Qasımovun bu fikirlərinə də yer verilir: “Belə bir şəhəri bu günə salmaq olarmı? Bu evləri belə dağıtmaq olarmı? Siz bu evlərin keçmişini görsəydiniz bilərdiniz ki, ən müasir evlər, ən yaxşı tikilmiş evlər ancaq Ağdamda olub. Onlar bilirdilər ki, burada yaşamayacaqlar. Onların inamı yox idi ki, burada qalsınlar. Çünki qalmaqları mümkün deyildi. Ona görə də əllərinə düşən hər şeyi dağıdıblar”.

Reportajda qeyd edilir ki, bərpa işlərindən əvvəl təhlükəsizliyi təmin etmək lazımdır. Azərbaycan tərəfindən azad edilmiş digər rayonlar kimi, Ağdam da mina ilə doludur. Hakimiyyət orqanları bu istiqamətdə işə başlayıblar.

ANAMA-nın əməliyyat qərargahının rəhbəri İdris İsmayılov deyir ki, 4500-ə yaxın piyada əleyhinə mina, 2000-ə yaxın tank əleyhinə mina, 750-yə yaxın isə müxtəlif növ bombalar aşkar edilərək zərərsizləşdirilib.

Reportajda, həmçinin Azərbaycanın işğaldan azad edilmiş ərazilərə vurulmuş ziyanı 10 milyardlarla dollar həcmində dəyərləndirdiyi və Ermənistan tərəfindən təzminat almaq üçün məhkəmələrə müraciət edəcəyi diqqətə çatdırılır.

0
Teqlər:
Xirosima faciəsi, Xirosima, Qafqaz, ANAMA, Ağdam şəhəri, Ağdam