Kseniya Sobçak azərbaycanlı fotoqrafın obyektivində

Rusiyalı siyasətçi alt paltarda azərbaycanlı fotoqrafın obyektivində

339
(Yenilənib 20:26 22.04.2018)
Aslanov Ukrayna estradasının 45 yaşlı primadonnası İrina Bilık ilə evlidir və ondan Təbriz adlı oğlu var

BAKI, 22 aprel — Sputnik. Tanınmış azərbaycanlı fotoqraf, stilist və müğənni Aslan Əhmədov məşhur rusiyalı siyasətçi Kseniya Sobçakın yeni açıq-saçıq fotolarını dərc edib.

Sputnik Azərbaycan xəbər verir ki, fotoqraf bundan əvvəl dərc etdiyi fotoların geniş maraq doğurduğunu görərək, yenidən bu addımı atmaq qərarına gəlib. Əhmədov fotoları Instagram sosial şəbəkəsindəki səhifəsində yerləşdirib. Fotolarda Sobçak alt paltarda poz verir.

Əhmədov yazıb: "Əvvəlki postlaq və teqlərdən görünür ki, qədim 2005-ci ilin fotosessiyası mənim izləyicilərimin xoşuna gəlib. Yuxuya getməmişdən öncə daha bir neçə fotoya baxın. Və unutmayın ki, bu sadəcə incəsənətdir".

Kseniya Sobçak azərbaycanlı fotoqraf Aslan Əhmədovun fotosessiyasında. 2005-ci il
Kseniya Sobçak azərbaycanlı fotoqraf Aslan Əhmədovun fotosessiyasında. 2005-ci il

Sobçak özü köhnə fotolarının dərc edilməsinə heç bir reaksiya göstərməyib.

Qeyd edək ki, fotoqraf öz studiyasında bir şox rusiyalı məşhurun fotosunu çəkib.

Kseniya Sobçak azərbaycanlı fotoqraf Aslan Əhmədovun fotosessiyasında. 2005-ci il
© Photo : INSTAGRAM / ASLANAHMADOV
Kseniya Sobçak azərbaycanlı fotoqraf Aslan Əhmədovun fotosessiyasında. 2005-ci il

Aslan Əhmədov Bakıda doğulub və böyüyüb, sonra işləmək üçün Moskvaya köçüb. O, geniş publikaya vizajist kimi tanışdır. Məşhur aktrisa Lüdmila Qurçenko uzun illər Aslanın xidmətindən yararlanıb.

O, həm də "Qolos" musiqi layihəsində iştirak edib. Hazırda rusiyalı məşhurlar üçün fotosessiyalar və kliplər çəkir.

Aslanov Ukrayna estradasının 45 yaşlı primadonnası İrina Bilık ilə evlidir və ondan Təbriz adlı oğlu var.    

339
Teqlər:
Aslan Əhmədov, açıq-saçıq, Kseniya Sobçak, foto
Təlim hərbi hissələrində gənc əsgərlərin qəbulu

MN: Təlim hərbi hissələrində gənc əsgərlərin qəbulu davam edir

2
(Yenilənib 19:44 19.01.2021)
Hərbi qulluqçular şəxsi heyətin qəbul məntəqələrində qeydiyyatdan keçdikdən sonra müvafiq bölgü aparılır.

BAKI, 19 yanvar — Sputnik. "Azərbaycan Respublikası vətəndaşlarının 2021-ci il yanvarın 1-dən 30-dək müddətli həqiqi hərbi xidmətə çağırılması haqqında" ölkə Prezidenti İlham Əliyevin müvafiq sərəncamının icrası ilə bağlı Azərbaycan Ordusunun təlim hərbi hissələrində gənc əsgərlərin qəbulu keçirilir.

Bu barədə Sputnik Azərbaycan-a Müdafiə Nazirliyindən məlumat verilib.

Müdafiə nazirinin əmri ilə gənc əsgərlərin sağlamlığının qorunub saxlanılması məqsədilə yoluxucu xəstəliklərə qarşı profilaktik və əks-epidemik tədbirlər görülür. Eyni zamanda, müxtəlif mövsümi xəstəliklərdən qorunmaqla bağlı şəxsi heyətlə müvafiq maarifləndirmə işləri aparılır və onların sağlamlığına nəzarət məqsədi ilə gündəlik termometriyası keçirilir.

Hərbi qulluqçular şəxsi heyətin qəbul məntəqələrində qeydiyyatdan keçdikdən sonra müvafiq bölgü aparılır.

  • Təlim hərbi hissələrində gənc əsgərlərin qəbulu
    © AR Ministry of Defence
  • Təlim hərbi hissələrində gənc əsgərlərin qəbulu
    © AR Ministry of Defence
  • Təlim hərbi hissələrində gənc əsgərlərin qəbulu
    © AR Ministry of Defence
1 / 3
© AR Ministry of Defence
Təlim hərbi hissələrində gənc əsgərlərin qəbulu

Tibb məntəqələrində hərbi həkim komissiyası tərəfindən müayinə olunduqdan sonra hərbi qulluqçuların hər birinə tibbi kitabça açılır və gənc əsgərlərə müvafiq qaydada məişət xidmətləri göstərilir.

Hərbi qulluqçular bütün təminat növlərinə qoyulurlar və normalara uyğun olaraq qış hərbi geyim forması ilə təmin edilirlər.

Gənc əsgərlərin hazırlığı proqramına uyğun olaraq şəxsi heyətə sıra hazırlığı məşğələləri keçirilir və onlara hərbi intizamın möhkəmləndirilməsi üzrə mühazirələr oxunur.

2
Pasport, arxiv şəkli

Şəxsiyyət vəsiqəsilə Türkiyəyə səfəri nəzərdə tutan layihə müzakirə olunacaq

8
(Yenilənib 19:39 19.01.2021)
Azərbaycan Respublikası vətəndaşının şəxsiyyət vəsiqəsi Türkiyəyə səyahət edən Azərbaycan vətəndaşları üçün vizadan azad səyahət çərçivəsində etibarlı sərhədkeçmə sənədlərinin siyahısına daxil edilib

BAKI, 19 yanvar — Sputnik. Azərbaycan vətəndaşlarının Türkiyəyə şəxsiyyət vəsiqəsi ilə səyahət etməsini nəzərdə tutan qanun layihəsi Milli Məclisə daxil olub.

Sputnik Azərbaycan xəbər verir ki, bu, Milli Məclisin Beynəlxalq münasibətlər və parlamentlərarası əlaqələr komitəsinin bu gün keçirilən iclasının gündəliyinə daxil edilən "Azərbaycan Respublikası Hökuməti ilə Türkiyə Respublikası Hökuməti arasında qarşılıqlı olaraq vizadan azad etmə haqqında 25 fevral 2020-ci il tarixində Bakı şəhərində imzalanmış Sazişə dəyişikliklər edilməsi haqqında Azərbaycan Respublikası Hökuməti ilə Türkiyə Respublikası Hökuməti arasında 1 saylı Protokol"un təsdiq edilməsi barədə" qanun layihəsində əksini tapıb.

Layihəyə əsasən, Azərbaycan Respublikası vətəndaşının şəxsiyyət vəsiqəsi Türkiyə Respublikasına səyahət edən Azərbaycan Respublikası vətəndaşları üçün vizadan azad səyahət çərçivəsində etibarlı sərhədkeçmə sənədlərinin siyahısına daxil edilib.

Bu məsələ eyni zamanda Türkiyə vətəndaşlarının Azərbaycana səfərinə də şamil olunacaq.

Qanun layihəsi müzakirələrdən sonra plenar iclasa tövsiyə olunub.

8