Bloqer Əlixan Rəcəbov

"Nə qədər düzünü deyəcəyik, o qədər daşlayacaqlar"

430
(Yenilənib 21:45 21.04.2018)
"Paxıllıq, yuxarı ucalan insanın ayağının altını qazmaq, yaltaqlıq və bu kimi pis əməlləri insanlara göstərirəm"

Təranə Xudabaxşiyeva, Sputnik Azərbaycan

BAKI, 21 aprel — Sputnik. Son illər video bloqerlərin sayı durmadan artır. Kimin əlinə kamera düşürsə, bir video çəkib sosial şəbəkələrdə paylaşır və bloqer olur. Uğurlu bloqer olub-olmamaları isə videolarına baxış sayından, qısa müddətdə tanınmalarından və cəmiyyətə verdikləri mesajlardan asılıdır.

Bu gün yüzlərlə bloqerin içində seçilənlərdən biri də Əlixan Rəcəbovdur. Onun videolarında toxunduğu mövzular bu günümüzü əks etdirir.

Qısa bir zamanda tanınan və sevilən video bloqeri Sputnik Azərbaycan-a verdiyi müsahibədə daha yaxından tanıyacaqsınız.

- Əlixan Rəcəbov kimdir?

— Əlixan adi insandır. Heç kimdən seçilmək istəməyən bir şəxsdir.

- Necə oldu ki, bloqer olmaq qərarına gəldiniz?

— Milli Aviasiya Akademiyasında təhsil almışam. 2008-2013-cü illərdə tələbə olduğum müddətdə KVN-də oynamışam. Hətta Azərbaycanı Rusiyada və MDB ölkələrində təmsil etmişik. Amma bunu heç kim bilmirdi. KVN fəaliyyətim bitəndən sonra — 2016-cı ildə qərara aldım ki, cəmiyyətə demək istədiyim mesajları bloq vasitəsi ilə çatdırım. Düşündüm ki, nəsə alına bilər. Alındı da. Mən bloqer kimi tanındım.

- Hansı bloqerlərdən ilhamlandınız?

— Azərbaycanda heç kimə baxmadım. Rusiyada məşhur bloqer Yevgeni Bajenyov var. Onun vaynlarını çox bəyənirəm. Ona baxaraq bu sahədə iş görmüşəm. Azərbaycanda isə sadəcə bir nəfəri, Taleh Yüzbəyovu bəyənirəm.

Bloqer Əlixan Rəcəbov
© Sputnik / Tarana Khudabakhshiyeva
Bloqer Əlixan Rəcəbov

- Bir bloqda 2-3 obraz birləşdirirsiniz. Bu obrazlar ilə nə demək istəyirsiniz?

— Məqsədim cəmiyyətdə olan insanları özlərinə göstərmək, problemləri qabardaraq onların düzəlməsinə kömək olmaq idi. Amma olmadı. Çünki insanlar vayn və ya bloqa gülmək üçün baxırlar, ondan nəticə çıxarmaq üçün yox. Paxıllıq, yuxarı ucalan insanın ayağının altını qazmaq, yaltaqlıq və bu kimi pis əməlləri insanlara göstərirəm.

- Sizin ayağınızın altından çəkən olub?

— O qədər… Hətta nəinki çəkib, indi də çəkirlər. Nə qədər düzünü deyəcəyik, o qədər daşlayacaqlar.

- Bloqlarınızda 4-5 obraz canlandırırsınız? Hansı daha çox özünüzə yaxındır?

— Heç biri mən deyiləm. Kamera önündə görünəndən tam fərqliyəm. Həyatda sakitliyi sevən, toplumdan qaçan biriyəm. Bəzən hər şeydən bezib təbiətə çəkilə bilərəm. Ya da xarici ölkəyə gedə bilərəm. Məsələn, bu yaxında Gürcüstana gedib bir müddət hər şeydən dincəldim. İmkanım olsa, dostlarımla birlikdə bir sıra ölkələrə səfər edərəm. Məşhurluq mənim üçün yad hisslərdir. Əksinə, insanların içində olmaqdansa, evdə əyləşib bir filmə baxmağı daha çox sevirəm. Ümumiyyətlə insan hər şeydən bezir. Ona görə hərdən yaşadığımız mühiti və şəraiti dəyişmək lazımdır. Bir insan bir il hər gün pomidor yumurta yeyə bilməz axı. Bir müddət sonra o yeməkdən iyrənər.

- Deməli, məşhurluq sizə narahatlıq yaradır?

— Bəzi insanlar estetika, mədəniyyətdən çox uzaq davranırlar. Bu da məni bezdirir. "Ayə, Əlixan" deyə fitlə çağıranlar da olur. Düşünürlər ki, videolarda necəyəmsə, həyatda da elə olmalıyam. Ciddi olanda deyirlər, "niyə gülmürsən?" Bir sözlə, iki kəlmədən sonra səmimi münasibət yaratmaq istəyirlər. Bu da doğru deyil.

- Son vaxtlar video çəkimlərini saxlamısınız. Səbəb?

— Başa düşürəm ki, çəkdiyim videoların mənası yoxdur. Mirzə Ələkbər Sabir zamanında deyirdi, ancaq o zaman onu qəbul etmirdilər. Amma öləndən sonra dedilər, "hə, o, düz deyirdi". İndi də heç nə dəyişməyib. Artıq həvəsim yoxdur və çoxdandır video çəkmirəm. Ümumiyyətlə vayn sözünü sevmirəm.

- Niyə?

— Bir neçə il öncə vayn adlı proqram var idi. Ondan istifadə edib video çəkənlər vayner adlanırdı. Artıq o proqram yığışdırılıb, amma bizdə hələ də vaynerlər qalıb.

- Bu sahədə özünüzü inkişaf etdirmək barədə necə, düşünmüsünüzmü?

— Əlimdə imkan olsa, pul yığsam, birinci işim xaricə gedib, orada aktyorluq, ya da rejissorluq üzrə təhsil almaq olacaq. Ondan sonra özümə aktyor deyə bilərəm. Hələ ki, bloqerəm. Təhsil almadan bəzi vaynerlər kimi sinəmə döyüb, özümü aktyor adlandıra bilmərəm. Axı onların kino və aktyorluqdan, kino tarixindən xəbərləri yoxdur. Aktyor olmaq üçün ən azı Stanislavskini tanımaq lazımdır.

Bloqer Əlixan Rəcəbov Sputnik Azərbaycan agentliyinə müsahibə verərkən
© Sputnik
Bloqer Əlixan Rəcəbov Sputnik Azərbaycan agentliyinə müsahibə verərkən

- Bloqerlikdə yaş məhdudiyyəti var?

— Bloqerin də yaşı var, əlbəttə. Piramidanın zirvəsi olur. Bizdə isə bloqerlər piramidanın 2-3-cü pilləsində dayanıb, reklam işinə keçirlər.

- Bloqerlərin əksəriyyəti hər şeyi reklam edir. Sizcə, bu doğrudur?

— Bəli, çoxu corabdan başlayır, alt geyiminə kimi reklam edir. Mən hələ o səviyyəyə qalxmamışam. Burada da pis bir şey yoxdur, Kristian Ronaldu, Zoloton İbragimovic və s. dünya ulduzları belə alt-paltarı reklamına çəkiliblər. Mən isə əvvəlcə onların səviyyəsinə qalxmalıyam.

- Deyilənə görə, "Youtube"dən hər baxışa görə pul qazanmaq mümkündür. Ona görə də, bloqerlər kanala daha çox video yükləyirlər.

— Açığı deyim, videolarıma 2-3 milyon baxış olub və bu baxışlara görə 100 dollar pul qazanmışam. Özümü milyoner saya bilərəm (gülür).

- Yeni bloqer olmaq istəyənlərə məsləhətiniz nədir?

— Çəkməsinlər. Bloqer olmasınlar. Daha ciddi və lazımlı işlə məşğul olsunlar. Onsuz, bir müddət sonra bezəcəklər.

430
Teqlər:
Əlixan Rəcəbov, "stress çarxı", bloqer, məşhur, video

Göyçaylı xəstəni polis küçədə tutdu

7
Məmmədov evdə özünü təcrid etməli olduğu halda karantin qaydalarını pozaraq ictimaiyyət arasına çıxıb. Polis əməkdaşları tərəfindən onun olduğu yer müəyyən olunub və yaşadığı ünvana göndərilib

 

BAKI, 5 dekabr — Sputnik. Göyçay şəhər sakini Xasi Məmmədov COVID-19 virusunun daşıyıcısı olduğu üçün ev şəraitində müalicəyə cəlb olunub.

Sputnik Azərbaycan DİN-in Mətbuat Xidmətinin Şəki regional qrupundan verilən məlumata istinadla xəbər verir ki, ancaq o, evdə özünü təcrid etməli olduğu halda karantin qaydalarını pozaraq ictimaiyyət arasına çıxıb. Polis əməkdaşları tərəfindən onun olduğu yer müəyyən olunub və yaşadığı ünvana göndərilib.

X.Məmmədov barəsində Göyçay RPŞ-nin İstintaq bölməsində araşdırma aparılır.

7
Teqlər:
polis, karantin, qayda pozuntusu, xəstə, Koronavirus, Göyçay
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Məmur tibbi əlçəklə, arxiv şəkli

Qaydalara əməl etməyən sahibkarlar sahibkarlıq subyektlərinin adları açıqlandı

12
Reyd keçirilən obyektlərdən 43-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb.

 

BAKI, 4 dekabr — Sputnik. Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə obyektlərində reydlər davam etdirilir. Agentlikdən aparılan reydlərlə bağlı Sputnik Azərbaycan-a verilən məlumata görə, Bakı, Sumqayıt şəhərləri, Abşeron rayonu, eləcə də koronavirus (COVID-19) yoluxmalarının artması müşahidə olunan şəhər və rayonlar (Gəncə, Şəmkir, Sabirabad, Ağstafa, Mingəçevir) üzrə 488 ictimai iaşə obyektində 901 monitorinq keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.

Reyd keçirilən obyektlərdən 43-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə obyektləri aşağıdakılardır.

Bakı şəhəri üzrə:

Bakı şəhəri, Nəsimi rayonu, Səməd Vurğun ev.68 ünvanında yerləşən, hüquqi şəxs "Kobra" kiçik müəssisəsinə məxsus yeməkxana, Həsən Əliyev ev 90D ünvanında yerləşən, fiziki şəxs Məmmədov Şəadət Arif oğluna məxsus obyekt, A. M. Şərifzadə ev 33 ünvanında yerləşən, fiziki şəxs Hüseynov Sənan Rasim oğluna məxsus "Kaktus" restoranı, Nizami Rayonu, Qara Qarayev pr. ev.69 ünvanında yerləşən, fiziki şəxs Heydərov Sahib Sabir oğluna məxsus "Ləzzət dönər" evi, Nəsimi rayonu, Alı Mustafayev 37B ünvanında yerləşən, fiziki şəxs İsmayılov Pənah Ələddin oğluna məxsus kafe, Nəsimi rayonu, Alı Mustafayev 3 mkr ev.10 K ünvanında yerləşən, fiziki şəxs Arzu Ekici Bayraməli qızına məxsus kafe, Binəqədi rayonu, Süleyman Sani Axundov ev.1 A ünvanında yerləşən, fiziki şəxs Nəbiyev Səfa Rəşadət oğluna məxsus "Cıdır Düzü" restoranı, Yasamal rayonu, Şərifzadə ev.2 M. ünvanında yerləşən, fiziki şəxs Bayramov Qalib Taryel oğluna məxsus "Quzu Təndir" restoranı, G.Mehmandarov küçəsində yerləşən, fiziki şəxs Həsənov Nail Telman oğluna məxsus kafe, Səbail rayonu, Yusif Məmmədəliyev ev.19 m.1 A ünvanında yerləşən, fiziki şəxs Muradov Kamran Namiq oğluna məxsus "Nutelland" kafesi, hüquqi şəxs "Nabikoğlu" Məhdud Məsuliyyətli Cəmiyyətinə məxsus "Chef Baku" kafesi, Yeni Günəşli qesəbəsində yerləşən, fiziki şəxs Rüstəmov Samin Ələddin oğluna məxsus kafe, Lökbatan qəs., keçid 1596 ünvanında yerləşən, fiziki şəxs Əliyev Elməddin Nazim oğluna məxsus "Lion Garden" kafesi, Həsən Əliyev, ev 115A ünvanında yerləşən, fiziki şəxs Hüseynov Elvin Fuqan oğluna məxsus kafe, Sulutəpə qəs., R. Allahverdiyev 11 ünvanında yerləşən, fiziki şəxs Xəlilov Bəhmən Məhəmməd oğluna məxsus kafe, H.Cavid pr. ev 8 ünvanında yerləşən, fiziki şəxs Mahmudov Alsavad Xalid oğluna məxsus "Şaurma №1" restoranı, Səbail rayonu, Neftçi Qurban Abbasov küç., ev.24a ünvanında yerləşən, fiziki şəxs Məhərrəmov Elgün Zakir oğluna məxsus kafe, Səbail rayonu, Neftçi Qurban Abbasov küç., ev.7 M. ünvanında yerləşən, fiziki şəxs Hüseynov Xəyyam Hüseyn oğluna məxsus yeməkxana, Biləcəri, R.İsmayılov 8 ünvanında yerləşən, fiziki şəxs Namazov Telman Fərəc oğluna məxsus "Rəmiş" kafesi;

Sumqayıt şəhəri, 3-cü mkr ünvanında yerləşən, fiziki şəxs Rəhimov Zaur Tofiq oğluna məxsus "Köz Dönər" kafesi, 9-cu mkr ünvanında yerləşən, fiziki şəxs Şamıyev Elvin Rəhim oğluna məxsus "Hicaz Dönər" kafesi, 13-cü mkr ünvanında yerləşən, fiziki şəxs Əliyev İlham İsmayıl oğluna məxsus "Tea" kafesi, Səməd Vurğun ev.25 ünvanında yerləşən, fiziki şəxs Zamanov Rasim Nadir oğluna məxsus "Rəvan" çay evi, 17-ci mkr ünvanında yerləşən, fiziki şəxs Ağayev Seymur Engels oğluna məxsus "Ordubad" kafesi, 3 mkr. Bakı küçəsində yerləşən, fiziki şəxs Cəfərov Nurəddin Allahverdi oğluna məxsus "Lider Dönər" kafesi, 34-cü məh. ünvanında yerləşən, fiziki şəxs Bayramov Müşviq Etibar oğluna məxsus "Dönər Kabab" kafesi, 3-cü mkr ünvanında yerləşən, fiziki şəxs Şıxvəliyev İlham Gülməmməd oğluna məxsus "Bahar" kafesi, 40-cı məh. ünvanında yerləşən, fiziki şəxs Allahverdiyev Bəhram Sədirxan oğluna məxsus "Nərgiz" kafesi, Bədəlbəyli küç., ev 22 ünvanında yerləşən, fiziki şəxs Hacıyev Həsən Qaimşad oğluna məxsus "Nübar" kafesi;

Abşeron rayonu, Xırdalan şəhərində yerləşən, fiziki şəxs Mirzəyev Elçin Yaşar oğluna məxsus "Qədim Bakı" kafesi, Xırdalan şəhərində yerləşən, fiziki şəxs Bağırov Həşim Məmməd oğluna məxsus kafe, Mehdiabad qəsəbəsində yerləşən, fiziki şəxs Əlizadə Şahin Qərib oğluna məxsus "Zirvə" kafesi, Xırdalan şəh., H.Əliyev prospektində yerləşən, fiziki şəxs Soltanov Ramin Rəfayət oğluna məxsus "Aziz Baba" dönər evi, Saray ŞTQ-də yerləşən, fiziki şəxs Səmədov Rasim Rafiq oğluna məxsus "Ziya" kafesi, Buzovna ştq ev.342 M. ünvanında yerləşən, fiziki şəxs Əskərov Azər Firudin oğluna məxsus "Sherlocks" kafesi;

Digər şəhər və rayonlar üzrə:

Ağstafa şəhəri, M.Ə.Rəsulzadə küçəsində yerləşən, fiziki şəxs Kosayev Qara Mirzə oğluna məxsus kafe;

Şəmkir, Dəllər qəsəbəsində yerləşən, fiziki şəxs Aslanov Rövşən Akif oğluna məxsus kafe; Gəncə şəhəri Ş.İ.Xətai 157 ünvanında yerləşən, fiziki şəxs Süleymanov Məmmədəli İslam oğluna məxsus kafe, Ş.İ.Xətai ev.0 M.0 ünvanında yerləşən, fiziki şəxs Tağızadə Heydər Fazil oğluna məxsus dönər evi, Təbriz küçəsi ev.315 ünvanında yerləşən, fiziki şəxs Qurbanov Kamran Sədrəddin oğluna məxsus yeməkxana;

Mingəçevir şəhərində yerləşən, fiziki şəxs Hacıyev Nurlan Arzuman oğluna məxsus obyekt, H.Hüseynov küç., ev.30 M. ünvanında yerləşən, fiziki şəxs Abbasov Rubail Yaşar oğluna məxsus restoran, Maqomayev 14 ünvanında yerləşən, fiziki şəxs Rövşən Bilalov Rasim oğluna məxsus kafe.

Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektlərində yoxlama-nəzarət tədbirlərini davam etdirir və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcək.

12
Teqlər:
Nəsimi rayonu, Bakı şəhəri, sahibkarlıq subyektləri
Чингиз Абдуллаев

Xalq yazıçısı: “Tariximizi unutsaq, onlar yenidən işğala başlamaq üçün güc toplayacaqlar”

0
(Yenilənib 09:49 05.12.2020)
Xalq yazıçısı Çingiz Abdullayev deyir ki, bizim uşaqlarımızın, nəvələrimizin belə bir muzeyi olmalıdır ki, onlar gəlib görsünlər və heç zaman yaddan çıxarmasınlar
Çingiz Abdullayev: “Bizim tarixi muzeylərimiz çox olmalıdır”

Prezident İlham Əliyev Bakı şəhərində Vətən müharibəsi memorial kompleksinin və Zəfər muzeyinin yaradılması haqqında Sərəncam imzalayıb.

Xalq yazıçısı Çingiz Abdullayev Sputnik Azərbaycan-a deyir ki, imzalanmış bu Sərəncam çox lazımlıdır:

“Bizim uşaqlarımızın, nəvələrimizin belə bir muzeyi olmalıdır ki, onlar gəlib görsünlər və heç zaman yaddan çıxarmasınlar. Əgər biz bu tarixi unutsaq, onlar torpaqlarımızı işğal etmək üçün yenidən güc toplayacaqlar. Mən inanmaq istəyirəm ki, bu məsələ həmişəlik həll olunub, müharibə bitib və biz bir daha torpaqlarımızı itirməyəcəyik. Bizim tarixi muzeylərimiz çox olmalıdır ki, uşaqlarımız tariximizi bilsinlər”.

Çingiz Abdullayevin geniş şərhinə audiofaylda qulaq asa bilərsiniz

0