Arıçılıq təsərrüfatı

Astara arıçıları kömək istədi: Balımızı brend kimi dünyaya çıxararıq

94
(Yenilənib 16:23 21.04.2018)
“Yeganə problem əldə edilən məhsulun qablaşdırılmasıdır”

Rahim Zakiroğlu, Sputnik Azərbaycan

BAKI, 21 aprel — Sputnik. Astarada arıçıları əsas narahat edən məsələlərdən biri əldə etdikləri balın qablaşdırılması üçün şəraitin olmamasıdır. Sputnik Azərbaycan-ın bölgə müxbirinin verdiyi məlumata görə, astaralı arıçılar bu və digər məsələləri Türkiyədən olan professor Banu İcəl ilə birgə seminarda müzakirə ediblər.

B.İncəl bölgədə arıçılıq üçün əlverişli şəraitin olması və burada olan arı növlərinin yüksək keyfiyyətli bal əldə etməyə imkan verdiyini vurğulayıb: “Arıçılıq üçün bu yerlərdə çox yaxşı şərait var və çox yüksək keyfiyyətli bal əldə etmək mümkündür. Bəlkə də bu torpaqlar Azərbaycan arıçılıq sahəsinin başlanğıc nöqtəsidir. Lakin bu balı istehsal edib sata bilmək lazımdır”.

  • Arıçılıq təsərrüfatı
    Arıçılıq təsərrüfatı
    © Sputnik / Rahim Murad
  • Arıçılıq təsərrüfatı
    Arıçılıq təsərrüfatı
    © Sputnik / Rahim Murad
  • Arıçılıq təsərrüfatı
    Arıçılıq təsərrüfatı
    © Sputnik / Rahim Murad
1 / 3
© Sputnik / Rahim Murad
Arıçılıq təsərrüfatı

Seminar bitdikdən sonra yerli fermerlərin arı ailələrinə baxış keçirilib. Yerli arıçılar bildiriblər ki, bu il qış aylarında havaların soyuq keçməməsi arı ailələri üçün əlverişli olub. Ötən ildən fərqli olaraq fermerlər bu il ikiqat bal toplamağı düşünürlər. Astara Arıçılar Cəmiyyətinin sədri Arif Nəzir bildirib ki, bal üçün qablaşdırma yerləri olsa, onlar Astara balını brend məhsul kimi xarici dövlətlərə də sata bilərlər.

Fermer Tural Hidayətov artıq arı ailələrinin Aran bölgəsinə köçürülməsinə start verdiklərini deyib.

Qeyd edək ki, Astarada 12 minə yaxın arıçı var və ümumilikdə 26 minə yaxın arı ailəsi saxlanılır.

94
Teqlər:
bal, arıçılıq, Astara, seminar
BMT iclası

BMT Təhlükəsizlik Şurası Dağlıq Qarabağa görə toplandı

27
(Yenilənib 02:52 30.09.2020)
Üzvlər güc tətbiq edilməsini kəskin şəkildə qınayaraq, mülki şəxslər də daxil olmaqla, insan tələfatından təəssüfləndiklərni bəyan ediblər

BAKI, 30 sentyabr — Sputnik. BMT Təhlükəsizlik Şurasının Dağlıq Qarabağdakı vəziyyətlə bağlı fövqəladə iclası keçirilib.

Sputnik Azərbaycan APA-ya istinadən bildirir ki, bağlı qapılar arxasında keçən iclasda Şuranın 15  daimi və qeyri-daimi üzvü iştirak edib.

Təhlükəsizlik Şurasının üzvləri Dağlıq Qarabağ münaqişəsi zonasında təmas xətti boyunca irimiqyaslı hərbi əməliyyatlarla bağlı xəbərlərdən narahatlıqlarını ifadə ediblər. Üzvlər güc tətbiq edilməsini kəskin şəkildə qınayaraq, mülki şəxslər də daxil olmaqla, insan tələfatından təəssüfləndiklərni bəyan ediblər.

Təhlükəsizlik Şurası üzvləri, BMT Baş Katibinin tərəflərin döyüşü dərhal dayandırmaq, gərginliyi azaltmaq və gecikmədən substantiv danışıqlara qayıtmaq çağırışını dəstəklədiklərini bəyan ediblər. 

Təhlükəsizlik Şurasının üzvləri ATƏT-in Minsk Qrupu həmsədrlərinin mərkəzi rolunu tam dəstəklədiklərini bildiriblər və tərəfləri ilkin şərtlər olmadan dialoqun təcili bərpası üçün Minsk Qrupu həmsədrləri ilə işləməyə çağırıblar.

27
Teqlər:
açıqlama, fövqəladə iclas, BMT Təhlükəsizlik Şurası, erməni təxribatı, Ermənistan-Azərbaycan Dağlıq Qarabağ münaqişəsi
Əlaqədar
Hikmət Hacıyev: "Ermənistan radarlara baxsın"
Ermənistan ordusunun son günlərdə öldürdüyü azərbaycanlıların sayı açıqlandı
İlham Əliyev: "Azərbaycan öz xalqını, öz insanlarını, öz torpağını müdafiə edir" – VİDEO
MN: "Ermənistan tərəfi köhnə videoları yeni görüntülər kimi təqdim edir”
Füzuli istiqamətində Ermənistan SQ-nin əks-hücum cəhdi dəf edilib

Cəbrayıl rayonu istiqamətində düşmənin döyüş texnikaları məhv edilib - VİDEO

200
(Yenilənib 01:19 30.09.2020)
Erməni işğalçılarının sentyabrın 27-də başladığı təxribatın qarşısını almaq üçün Azərbaycan Ordusu bütün cəbhə boyu hücuma keçib

BAKI, 30 sentyabr - Sputnik. Bu gün cəbhənin Cəbrayıl rayonunu istiqamətində düşmənin döyüş texnikaları bölmələrimiz tərəfindən məhv edilib.

Sputnik Azərbaycan bildirir ki, bu barədə məlumatı Azərbaycan Müdafiə Nazirliyi yayıb.

Erməni işğalçılarının sentyabrın 27-də başladığı təxribatın qarşısını almaq üçün Azərbaycan Ordusu bütün cəbhə boyu hücuma keçib. Sentyabrın 29-u səhər saatlarından etibarən Füzuli şəhərinin azad olunması uğrunda ordumuzun hücumu davam edir. Səhər saat 07.00-08.00 radələrində cəbhənin Füzuli-Cəbrayıl istiqamətində Ermənistan qoşunlarının daha 4 tankı qəhrəman əsgərlərimiz tərəfindən məhv edilib. Hazırda döyüşlər davam edir. 

Bu gün Füzuli rayonunun işğal altında olan Aşağı Veysəlli kəndi istiqamətindən üzbəüz mövqelərimizə basqın etməyə cəhd göstərən Ermənistan ordusunun hərəkətinin qarşısı bölmələrimiz tərəfindən qətiyyətlə alınıb və düşmən geri çəkilməyə məcbur edilib. Geri çəkilərkən məhv edilmiş erməni əsgərlərinin meyitləri döyüş meydanında qalıb.

Xocavənd rayonunun Hadrut yaşayış məntəqəsi istiqamətində yerləşən Ermənistan ordusunun 1-ci alayının, 3-cü taborunun komanda-müşahidə məntəqəsi dəqiq atəşlə darmadağın edilib. 

Eçmiədzin rayonunda dislokasiya olunan və işğal edilmiş ərazilərimizdə gedən döyüşlərə cəlb edilmiş Ermənistan ordusunun 61-ci əlahiddə mühəndis alayının 13516 saylı hərbi hissəsinin komandiri Spartak Köçəryan, Cəbrayıl rayonu istiqamətində yerləşdirilən Ermənistan ordusunun 18-ci motoatıcı diviziyasının artilleriya rəisi polkovnik Karen Babayan da bu gün məhv ediliblər. Ermənistan ordusunun 18-ci motoatıcı diviziyasının 9-cu alayının komandiri polkovnik Artyom Poqosyan isə ağır yaralanıb.

200
Teqlər:
Azərbaycan Ordusu, döyüş texnikası, tank, Cəbrayıl, döyüş, cəbhə, Ermənistan-Azərbaycan Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Həsənqaya yaxınlığında Ermənistan ordusunun mövqeləri darmadağın edilib
Müdafiə Nazirliyi: Ermənistan ordusunun alay komandiri ağır yaralanıb
Füzuli istiqamətində Ermənistan SQ-nin əks-hücum cəhdi dəf edilib
Hadrut istiqamətində Ermənistanın komanda müşahidə məntəqəsi darmadağın edilib
Müdafiə Nazirliyi: Ermənistan ordusunun polkovniki Karen Babayan məhv edilib