/ CƏMİYYƏT
Zakir Qaralov "İzvestiya" qəzetini cəzalandırmağı xahiş edir
(Yenilənib 16:50 17.04.2018)
Zakir Qaralov Rusiyanın baş prokurorundan "İzvestiya" qəzeti ilə bağlı ölçü götürməyi xahiş edibBAKI, 17 aprel — Sputnik. Azərbaycanın baş prokuroru Zakir Qaralov rusiyalı həmkarı Yuri Çaykaya müraciət edib.
Sputnik Azərbaycan-ın məlumatına görə, Qaralovun müraciəti 16 aprel 2018-ci il tarixdə "İzvestiya" qəzetinin informasiya portalında Ermənistanın eks-prezidenti Serj Sarqsyanla müsahibədə Azərbaycan Respublikasının işğal olunmuş ərazilərində yerləşən qondarma rejimin bayrağının və digər şüarların nümayiş etdirilməsidir.
Baş prokuror müraciətində ölkəmizin suverenliyi və ərazi bütövlüyünə qarşı yol verilmiş qanunazidd hərəkətləri qəti şəkildə pisləyib. Həmçinin qeyd edib ki, informasiya portalının redaksiyası tərəfindən yol verilmiş təxribat Azərbaycan ictimaiyyəti arasında geniş rezonans doğurub. Qaralov bu məsələ ilə bağlı Rusiyada obyektiv və ədalətli şəkildə araşdırma aparılacağına, həmin hərəkətlərə qısa müddətdə hüquqi qiymət veriləcəyinə əminliyini ifadə edib.
Qeyd edək ki, "İzvestiya"nın saytında yayımlanan müsahibəni Serj Sarqsyandan jurnalist Aleksey Zabrodin götürüb. Müsahibədə separatçı Dağlıq Qarabağ rejiminin bayrağının əks olunduğu və "Müstəqil Artsağa xoş gəlmisiniz" sözlərinin yazıldığı bilbordun şəkli yayımlanıb. Müsahibənin suallarından biri Dağlıq Qarabağ münaqişəsinə həsr olunub.
1917-ci ildə nəşrə başlamış "İzvestiya" qəzetinin hazırkı baş redaktoru erməni əsilli Arsen Ohanesyandır.
/ CƏMİYYƏT
