Xəyalə xanım qızı Jalə ilə

Onların başqa çarəsi yoxdur: "Xahiş edirəm, nəfəsim olun..."

3638
(Yenilənib 10:21 17.04.2018)
"Əmilərdən, dayılardan, xalalardan, bibilərdən rica edirəm ki, mənim nəfəsim olsunlar..."

Rahim Zakiroğlu, Sputnik Azərbaycan

BAKI, 17 aprel — Sputnik. Masallı rayonunun Xəlfələr kənd sakini Xəyalə Qəmbərova düz 9 ildir ki, gecəsini gündüzünə qatıb, xəstə balasının qayğısını çəkir. Bu illər ərzində ana, demək olar ki, özünü unudub, qadın olduğunu yadından çıxarıb, bütün həyatını ancaq xəstə qızına həsr edib. 9 ildir yuxusu da ərşə çəkilib, təbəssümü də, həyat eşqi də. Ürəyindəki çarəsizlik, ümidsizlik çöhrəsində donub sanki.

Sputnik Azərbaycan-ın bölgə müxbiri, bəlkə bir kömək edən tapıldı deyə, həmin dərdli anayla görüşüb, üzləşdikləri dərdə işıq tutmağa çalışıb.

Ana danışır ki, 9 ildir ürək xəstəliyindən əziyyət çəkən Jalə Qənbərova onun böyük qızıdır: "Doğulandan 12 gün sonra epilepsiya tutması və yüksək temperaturu oldu. Ancaq 4 aylığında bildik ki, qızımın ürək qüsuru var. Bir neçə həkimə apardıq, onlar da dedilər ki, anadangəlmədir, keçib gedəcək. Lakin keçmədi".

Xəyalə xanım qızı Jalə ilə
© Sputnik / Rahim Murad
Xəyalə xanım qızı Jalə ilə

Jalə hazırda 3-cü sinifdə oxumalıdır. Ancaq o, həmyaşıdlarından həm boyda, həm də çəkidə xeyli geri qalıb. Yaşıdları kimi məktəbə getmək, dərs oxumaq istəsə də, buna taqəti yoxdur: "Ürək probleminin elə ciddi olmasını bilmirdik deyə 1-ci sinif yaşı çatanda məktəbə qoyduq. Amma çox gedə bilmədi, təngnəfəs olurdu".

"Bu dərs ilinin əvvəlində məktəbə qoyduq. Gördüm, yenə gedə bilmir, qoymadım daha. Məktəb bizdən 2 kənd aralıda yerləşir. Buna görə də Jalə məktəbə gedə bilmir. Getdiyi vaxtlarda maşınla gedən uşaqlara qoşulurdu. Piyada, demək olar, yeriyə bilmir", — qadın danışır.

Anasının dediyinə görə, Jalənin indi də ayaqları tutulur, tez-tez boğazı şişir, əlləri və dodaqları göyərir, 9 yaşı olmasına baxmayaraq, ancaq ağrıkəsici və antibiotiklərin gücünə yaşayır: "Demək olar ki, həftədə 3 gün qızdırmalı olur, 3 gün sonra bir az düzəlir, yemək yeyir. Yaxşı yeməyi də yoxdur".

Xəyalə Qənbərovanın sözlərinə görə, həkimlər qızının ürək çəpərində yırtıq olduğunu və bunun da yalnız əməliyyat yolu ilə müalicəsi olduğunu deyiblər: "Dekabr ayında Jaləni apardıq Bakıda Topçubaşov adına Elmi-Cərrahiyə Mərkəzinə. Orada dedilər ki, əməliyyat olunmalıdır. Düzü, imkansızlıqdan heç soruşmadıq ki, əməliyyata nə qədər vəsait lazımdır, qayıtdıq kəndə".

Jalənin əməliyyatına isə ailənin maddi imkanı yol vermir: "Elə həmin ay istəyirdik ki, uşağı aparıb əməliyyat etdirək. Bir az ordan-burdan pul toplamışdıq, dekabrın 26-da səhər saat 09:00-da evimiz yandı. Əlimizdə olan pulları qoyduq, qonşuların, kəndçilərimizin köməyi ilə evi bir təhər bərpa etdik. Jalənin əməliyyatı isə qaldı…"

9 ildir ürək qüsuru ilə çətinliklə yaşayan Jalənin sağalmaq, yaşıdları ilə birlikdə məktəbə getmək şansı var. Bunun üçün isə 4-5 min manat lazımdır: "Dərslərini oxumağa həvəsi var, məktəbə gedə bilmədiyi üçün evdə məşğul oluram. Əzbərdən oxuya bilmir, nəfəsi kəsilir".

Çarəsiz ana Xəyalə Qənbərova imkanlı şəxlərdən onlara yardım etməyi xahiş edir: "Mehriban xanımdan, Heydər Əliyev Fondundan xahiş edirəm ki, qızımı əməliyyat etdirməyə kömək etsinlər. İmkanı çatan insanlardan xahiş edirəm, qızımın müalicəsi üçün bizə dəstək olsunlar".

Jalə də xeyirxah insanlardan onun səsinə səs vermələrini rica edir: "Mən də dərsə getmək istəyirəm, uşaqlara, bacı-qardaşıma qoşulmaq, qaçmaq, oynamaq istəyirəm. Ancaq buna nəfəsim çatmır. Əmilərdən, dayılardan, xalalardan, bibilərdən rica edirəm ki, mənim nəfəsim olsunlar…"

3638
Teqlər:
Jalə Qəmbərova, Xəyalə Qənbərova, Xəlfələr kəndi, fiziki qüsur, Masallı rayonu, ürək, vəsait, xəstə, məktəb, qız, ana, uşaq
Əlaqədar
Heydər Əliyev Fondu Kemerovoda zərər çəkənlərə yardım edib
Yaşamaq istəyənlər var, yardım edin!
Hər kəsə təmənnasız gecələmə, qidalanma, hətta maddi yardım - Azərbaycanda
Mən “Şaxta Baba” olacağam: Sputnik Azərbaycan-ın yardım kampaniyası başa çatdı
Zəlzələdən zərər çəkənlərə belə yardım edilib
Məktəbdə dərs prosesi, arxiv şəkli

Müəllimlərin nəzərinə: Qiymətləndirmə qaydası açıqlandı

6
(Yenilənib 15:47 20.01.2021)
Bu barədə Təhsil Nazirliyinin "Xüsusi karantin rejimi dövründə ümumi təhsil müəssisələrində təhsilalanların attestasiyasının (məktəbdaxili qiymətləndirmənin) aparılmasının müvəqqəti qaydaları"nda bildirilib.

BAKI, 20 yanvar — Sputnik. Xüsusi karantin rejimində summativ qiymətləndirmə zamanı suallar hər sinif və fənn üzrə 4 müxtəlif səviyyədə tərtib edilir. Sputnik Azərbaycan-ın məlumatına görə, bu, Təhsil Nazirliyinin "Xüsusi karantin rejimi dövründə ümumi təhsil müəssisələrində təhsilalanların attestasiyasının (məktəbdaxili qiymətləndirmənin) aparılmasının müvəqqəti qaydaları"nda bildirilib.

1-ci səviyyə üzrə suallar qiymətləndirmənin 20 faizini (20 bal), 2-ci səviyyə üzrə 30 fazini (30 bal), 3-cü səviyyə üzrə 30 faizini (30 bal) və 4-cü səviyyə üzrə 20 faizini (20 bal) təşkil edir. Qiymətlər "2", "3", "4" və "5" olaraq müəyyənləşdirilir. 30 baladək suallar (30 da daxil olmaqla) "2", 30 baldan 60-dək (60 da daxil olmaqla) "3", 60 baldan 80-dək (80 də daxil olmaqa) "4", 80 baldan 100-dək (100 də daxil olmaqla) "5" kimi qiymətləndirilir.

6
Teqlər:
Təhsil Nazirliyi, məktəbli, məktəb, müəllimlər, müəllim
Bakıda klinikaların birində koronavirus testi

Azərbaycanda koronavirus: rəqəmlər azalır

5
(Yenilənib 17:05 20.01.2021)
İndiyədək ölkədə ümumilikdə 228 028 nəfərin koronavirus infeksiyasına yoluxması faktı müəyyən edilib, onlardan 217 617 nəfər müalicə olunaraq sağalıb, 3 044 nəfər vəfat edib

BAKI, 20 yanvar - Sputnik. Azərbaycan Respublikasında koronavirus (COVID-19) infeksiyasına 332 yeni yoluxma faktı qeydə alınıb, 897 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 12 nəfər vəfat edib.

İndiyədək ölkədə ümumilikdə 228 028 nəfərin koronavirus infeksiyasına yoluxması faktı müəyyən edilib, onlardan 217 617 nəfər müalicə olunaraq sağalıb, 3 044 nəfər vəfat edib, aktiv xəstə sayı 7 367 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 7 991, ötən müddət ərzində isə ümumilikdə 2 336 498 test aparılıb.

5
Teqlər:
statistika, Azərbaycan, test, Koronavirus, epidemiya, COVID-19
Mövzu:
Azərbaycanda koronavirus: son xəbərlər
Bakıda qarlı hava, arxiv şəkli

Sabah yollar buz bağlayacaq

0
(Yenilənib 15:49 20.01.2021)
Havanın temperaturu gecə 0-5 dərəcə şaxta, gündüz 4-7 dərəcə isti, dağlarda gecə 10-15 dərəcə şaxta, bəzi yerlərdə 20 dərəcəyədək şaxta, gündüz 3-7 dərəcə şaxta olacaq.

BAKI, 20 yanvar — Sputnik. Sabah Bakıda və Abşeron yarımadasında havanın arabir yağıntılı olacağı, bəzi yerlərdə sulu qar, qar yağacağı, axşama doğru tədricən kəsiləcəyi gözlənilir. Arabir güclənən şimal-qərb küləyi günün ikinci yarısında mülayimləşəcək.

Sputnik Azərbaycan Milli Hidrometeorologiya Xidmətinin verdiyi məlumata istinadla xəbər verir ki, havanın temperaturu Abşeron yarımadasında gecə 0 dərəcəyə yaxın, gündüz 1-3, Bakıda gecə 0 dərəcəyə yaxın, gündüz 1-3 dərəcə isti olacaq. Atmosfer təzyiqi normadan yüksək 766 mm civə sütunundan 776 mm civə sütununa yüksələcək, nisbi rütubət 80-90 faiz olacaq.

Yanvarın 21-də Azərbaycanın rayonlarında arabir yağıntılı olacağı, bəzi yerlərdə qar yağacağı, gündüz əsasən yağmursuz keçəcəyi gözlənilir. Ayrı-ayrı yerlərdə duman olacaq. Qərb küləyi bəzi yerlərdə arabir güclənəcək. Havanın temperaturu gecə 0-5 dərəcə şaxta, gündüz 4-7 dərəcə isti, dağlarda gecə 10-15 dərəcə şaxta, bəzi yerlərdə 20 dərəcəyədək şaxta, gündüz 3-7 dərəcə şaxta olacaq. Dağlıq və dağətəyi rayonlarda yolların buz bağlayacağı ehtimalı var.

0