Rəqs edən cütlük

Möcüzə belə olar: Yıxılıb ölmək əvəzinə qalxıb oynayırlar

38485
(Yenilənib 10:01 16.04.2018)
Və ya qəribə-qəribə adamların çox qəribə-qəribə macəraları

BAKI, 16 aprel — Sputnik. Günlərin bir günü oğul atadan soruşur ki, bu opera və balet nəmənə olan şeydir? Ata bir xeyli duruxduqdan sonra deyir: "Bala, səni belə başa salım da. Tutalım, bir nəfər o birini güllələyir və vurulan adam yıxılıb ölmək əvəzinə başlayır oxuyub-oynamağa. Bax, opera və balet belə bir şeydir".

… Hansısa idarəyə müraciət edib deyirsən ki, "Müəllim, sizin filan rayon şöbənizin filan əməkdaşı məni incidir, adi bir arayış üçün get-gələ salır, xahiş edirəm, tədbir görün". Müəllim öz əməkdaşının abırsızlığından abır edib, utanıb-ölmək əvəzinə az qalır basıb sənin gözünü çıxara ki, "sən demaqoqsan, idarəmizin işinə kölgə salmağa çalışırsan, özünü yığışdır".

… "Xruşşovka"nın zirzəmisini su basıb, sakinlər sətəlcəm olur, əlac edən də yox. Məcburən mətbuata üz tuturlar. Hadisə yerinə jurnalist gedir, müşahidələr aparır, sakinləri danışdırır və peşə etikası gərəyi qarşı tərəfin – Mənzil Kommunal İstismar İdarəsinin (MKİS) də münasibətini almaq istəyir (tərəfsiz yazanda bir dərd, tərəfli yazanda ayrı). "JEK" müdiri məsələdən hali olan kimi, dərhal qaçır problem yaşanan əraziyə. Problemi həll etməyə deyil ha, sakinləri jurnalistin üzünə durmağa məcbur etməyə. Bir balaca arxalı müdir olsa, o müxbiri işdən də qovdurar: "Sən kimsən, a gədə, mənim bostanıma daş atırsan?"

… Hər bir icra başçısının "Hüquqlarının Müdafiəsi Komitəsi"nin (HMK) bir neçə "jurnalist" üzvü var. Duxun çatır, məsələn, Daşkəsəndə üzləşdiyin elementar bir qanunsuzluğu dilinə-qələminə dola. Əhəd Abıyev HMK-nın üzvləri əvvəl sosial şəbəkədə, sonra saytlarda, sabahısı gün qəzetlərdə, ardınca həftəlik və aylıq jurnallarda, hələ buraxsalar, radio-televiziya efirlərində və əllərinə keçsən, küçə-bayırda sənə bilirsən neyniyərlər?

… Peşmansan DYP-nın bir inspektoru haqda adi status, nə bilim balaca bir tənqidi xəbər yazmağa. Baxmayaraq ki, həmin qanunsuzluqla şəxsən özün üzləşmisən… O mətbuatdakı qardaş var e, DYP ilə rəsmən heç bir bağlılığı olmayan, bax o, səni "neprav", tanımadığı inspektoru "prav" çıxarmaq üçün Anqola qanunvericiliyini də eşələyib-tökər. Və imkan verməz ki, "Ay yoldaş, yol polisinin yediyi soğana görə sənin mədən niyə göynəyir?" soruşasan. Yox əgər orqanizminiz eyni qidalara öyrəşibsə, yediyiniz-içdiyiniz ayrı getmirsə və onun yediyi sənə də toxunursa, tapşır arkadaşına, bu soğan zəhrimarı yeməsin də, bizdən nə istəyirsən?

… Allah iri ərzaq şirkətlərinin ətrafında sipər almış "media-qida batalyonu"nun qəzəbindən qorusun. Birincinin şokaladının içindən tapdığın qurd yağını ikincinin çay qutusundan çıxan siçan nəcisi ilə murdarlayıb üçüncünün mədəndə həzm olunmayan çörəyinə möhtac hala gətirərlər səni. Ta ki, özün etiraf edənədək: O qurd yağı ilə siçan nəcisini hansı məqsədlə oraya qoydum və çörəyi niyə qəsdən 1 sutkadır həzm etmirəm deyə. Yəni, qarşınıza belə bir fakt çıxdısa, susun!

… Bir vətəndaş vardı, xırdaca da dərdi. Dərdini demək üçün öz deputatının qəbuluna düşə bilmirdi. Yalançılar sözü, 3 aya yaxın deputatın köməkçisinə yalvar-yaxar etmişdi ki, 10 dəqiqəlik onu qəbul etsin, problemi həll etməyə gücü çatmasa belə, canı sağ olsun, hələ bir dinləsin. Xeyri olmamışdı. Adam əlacsızlıqdan bir sayt vasitəsilə açıq müraciət etmişdi ki, "Ay deputat, balana qurban olum, məni qəbul et". Səhəri gün o deputat o vətəndaşın əmisini yanına çağırıb itin sözünü demişdi: "Əəə, utanıb-ölmürsünüz, əəə, mənim adımı orda-burda hallandırırsınız? Özümüz də eyni rayondanıq e"…

38485
Teqlər:
abır, inspektor, müdir, DYP, opera, balet, problem, qəbul, vətəndaş, mətbuat, deputat, jurnalist
Əlaqədar
Başımız bəladaymış, xəbərimiz yox - DİQQƏT
Azərbaycanda o insanları təhqir etməyin cəzası yoxdur
Bütün Azərbaycan vətəndaşları qarşısında tələb!
Nəyiniz var-nəyiniz yox, evə daşıyın, qapıları bağlayın
Yeni nazir gəlir, həm də yeniliklərlə
O, artıq yoxdur, gözümüz aydın
Elnur Hüseynov, arxiv şəkli

"Eurovision" ulduzlarından Gəncə terroru barədə klip

37
(Yenilənib 20:03 28.10.2020)
"Say Hallelujah" mahnısına çəkilmiş videoklip Fidan Hüseynovanın rəsmi "Youtube" kanalında təqdim edilib. Sənətçilər klip vasitəsi ilə həqiqəti bütün dünyaya çatdırmağa çalışıblar.

BAKI, 28 oktyabr — Sputnik. "Eurovision" mahnı müsabiqəsinin ulduzları Elnur Hüseynov və Fidan Hüseynova Ermənistanın Gəncədə törətdiyi terror aktları barədə klip çəkiblər. Sputnik Azərbaycan xəbər verir ki, "Say Hallelujah" mahnısına çəkilmiş videoklip Fidan Hüseynovanın rəsmi "Youtube" kanalında təqdim edilib. Sənətçilər klip vasitəsi ilə həqiqəti bütün dünyaya çatdırmağa çalışıblar.

Müğənni kliplə bağlı danışarkən bunları deyib: "Oktyabrın 4, 11 və 17-də Azərbaycanın hərbi əməliyyatlar zonasından kənarda yerləşən, əhalisinin sayına görə ikinci ən böyük şəhəri olan Gəncəyə üç raket hücumu nəticəsində 26 nəfər həlak olub. Həlak olanlar arasında 10 qadın və 6 uşaq var. Daha 138 nəfər yaralanıb. İndi informasiya müharibəsi gedir və hər kəsin öz silahı var: bizim mahnımız ingilis dilində olduğu üçün istədim ki, yenidən o mahnıya qayıdaq və bütün həqiqəti dünyaya çatdıraq. Bu arzumu Fidanın atası Yaqub müəllimə bildirəndə o, mənim ideyamı ürəkdən dəstəklədi".

Rejissor Ülviyyə Könül bildirib ki, bu klipin ərsəyə gəlməsində məqsəd həqiqəti bəşəriyyətə çatdırmaqdır: "Mənim fikrimcə, bu klip çox güclü material yaratmağa kömək edib, çünki bu mövzuya laqeyd qalmaq mümkün deyil".

Layihə müəlliflərinin sözlərinə görə, bu gün dünya birliyi anlamalıdır ki, Ermənistanın terrorçu qoşunları Azərbaycan ərazisində vuruşur, lakin Qarabağın hüdudlarından uzaqlarda dinc əhaliyə qarşı vəhşiliklər törədirlər.

Mahnının sözləri Cəlal Qurbanovundır. Misraları ingilis dilinə tərcümə etmiş şairə Nigar Həsənzadə deyir:

"Bu mahnı doğma Azərbaycanımızın övladlarına, müharibə nəticəsində həyatlarını itirmiş günahsız qurbanlara görə bizim ümumi harayımız və fəryadımızdır. Bu mahnı dünya birliyini həqiqətin gözünün içinə baxmağa, öz ambisiyalarını müvəqqəti də olsa, unutmağa, mənfur erməni diasporunun təsirinə uymamağa və terrorçu ermənilərin bəşəriyyət əleyhinə törətdiyi dəhşətli cinayətlərə görə onları mühakimə etməyə çağırışdır".

37
Mövzu:
Azərbaycan və Ermənistan arasında müharibə
Şəhid general Polad Həşimovun portreti, arxiv şəkli

Türkiyədə general Həşimovun adına park salındı - VİDEO

44
(Yenilənib 20:31 28.10.2020)
Osmanqazi bələdiyyəsinin sədri Mustafa Dündar və Azərbaycanın Türkiyədəki səfirliyinin müşaviri Ruslan Abdullayev mərasimdə çıxış ediblər

BAKI, 28 oktyabr - Sputnik. Ermənistan silahlı qüvvələrinin Tovuz rayonu istiqamətindən ölkəmizə xain hücumları nəticəsində şəhid olan Azərbaycan Silahlı Qüvvələrinin generalı Polad Həşimovun əziz xatirəsi Türkiyədə əbədiləşdirilib.

Sputnik Azərbaycan-ın məlumatına görə, Bursanın Osmanqazi rayonunun Dəmirtaş bölgəsində Polad Həşimovun adı verilən yeni park salınıb.

Parkın açılış mərasimi Azərbaycan və Türkiyənin dövlət himnləri səsləndirilməsi ilə başlayıb. Sonra şəhidlərimizin əziz xatirəsi bir dəqiqəlik sükutla yad olunub, onların ruhuna dualar oxunub.

Osmanqazi bələdiyyəsinin sədri Mustafa Dündar və Azərbaycanın Türkiyədəki səfirliyinin müşaviri Ruslan Abdullayev mərasimdə çıxış ediblər.

44
Əlaqədar
Türkiyədə Polad Həşimovun xatirəsi əbədiləşdirilir
"Təhlükəsizlik baxımından bizim üçün Türkiyənin önəmi qiymətsizdir" – Azərbaycanlı general
"Yeni şəhidlərimiz olmasın" - Polad Həşimovun portretini yaradan rəssam - VİDEO
Avropa İttifaqının bayrağı (Aİ), arxiv şəkli

Dağlıq Qarabağ münaqişəsinin sülh yolu ilə həllinə dair substantiv danışıqlara çağırdı

0
Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanon atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı bəyanat yayıb.

BAKI, 29 oktyabr - Sputnik. Avropa İttifaqı Rusiya, Fransa və ABŞ-ın vasitəçiliyi ilə atəşkəsə dair üç razılaşmadan sonra Dağlıq Qarabağ və ətrafında döyüşlərin hələ də davam etdiyini və daha çox mülki şəxslərin hədəf alınmasını qəbuledilməz hesab edir.

Sputnik Azərbaycan xəbər verir ki, bu barədə Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanonun atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı verdiyi bəyanatda bildirilib.

Bəyanatda, o da qeyd edilib ki, Avropa İttifaqı münaqişə tərəflərinə beynəlxalq humanitar hüquqa əsasən, mülki  şəxsləri qorumaq öhdəliklərini bir daha xatırladır.

"Avropa İttifaqı tərəfləri sonuncu dəfə 25 oktyabrda Vaşinqtonda razılaşdırıldığı kimi, gecikmədən Dağlıq Qarabağ münaqişəsinin sülh yolu ilə həllinə dair substantiv danışıqlara başlamağa çağırır", - deyə bəyanatda bildirilir.

0