Dövlət yol polisi əməkdaşı

Sosial şəbəkədə nüfuz qazanan yol polisi Sputnik Azərbaycan-a danışdı

921
(Yenilənib 10:18 16.04.2018)
DYP-nin əməkdaşı: "Bu zaman biz də sürücülərə anladırıq ki, siz gecikməklə qayda pozan zaman başqa insanları da təhlükə altına qoyursunuz"

Təranə Xudabaxşiyeva, Sputnik Azərbaycan

BAKI, 15 aprel — Sputnik. Bir neçə gün öncə paytaxtda sürücülərdən birinin polis tərəfindən müşahidə kamerası vasitəsi ilə çəkib sosial şəbəkələrdə paylaşdığı video müzakirələrə səbəb olub. Sürücü məlum videonu paylaşaraq yol polisinin onu haqsız yerə saxladığını iddia edib. Lakin o, gözlədiyi reaksiyanın əksi ilə qarşılaşıb. Belə ki, videonu izləyən sosial şəbəkə istifadəçilərinin, demək olar ki, hamısı sürücünü yox, yol polisini dəstəkləyib.

"Yol hərəkəti haqqında" Qanunu bəndlərinə qədər dəqiq bilən və qayda pozmuş sürücüyə təmkinlə izah edən, sürücünün inad göstərməsini səbirlə qarşılayan Dövlət Yol Polisinin (DYP) əməkdaşı sosial mediada böyük rəğbət qazanıb.

DYP işçisi Mirzəliyev Xəqani
© Sputnik / Murad Orujov
DYP işçisi Mirzəliyev Xəqani

Sputnik Azərbaycan-ın əməkdaşı həmin nümunəvi DYP işçisini taparaq onunla həmsöhbət olub. Sözügedən videonun qəhrəmanı Mirzəliyev Xəqani suallarımızı da eyni təmkinlə cavablandırıb:

— Neçə ildir Dövlət Yol Polisində işləyirsiniz?

— Artıq iki ildir ki, Bakı Şəhər Yol Polis İdarəsində yol patrul xidmətinin inspektoru vəzifəsində çalışıram. Bu sənəti çox sevirəm. Elə təhsilimi də məhz bu sahə üzrə almışam.

— Azərbaycanda yol polisi işləmək çətin deyil?

— Polis peşəsi, ümumiyyətlə ağır sənətdir. Çünki polis qətiyyətli, daha səbirli və dözümlü, cəsarətli olmalıdır, qorxaqlıq göstərməməlidir, vəziyyətdən daha tez çıxmağı bacarmalıdır. Eyni zamanda polis vətəndaşlarda ünsiyyət zamanı kobudluğa yol verməməlidir.

— Qadın sürücülərə münasibətiniz? Adətən kişi sürücülər ən çox qadın sürücülərdən şikayət edir…

— Hazırda qadın sürücülər yol-hərəkət qaydalarına ciddi riayət edirlər. Onu deyə bilərəm ki, artıq sürücülərin hər biri qayda-qanuna əməl edirlər. Sürücülərin çoxu qanunu yaxşı bilirlər. Bu da sevindirici haldır.

— Son zamanlar sürücülərin bəziləri DYP əməkdaşı ilə danışarkən onları videoya çəkirlər. Buna münasibətiniz?

— Münasibətim normaldır. Əlbəttə, hər bir sürücü polisi xəbərdar edəndən sonra, onun şəxsi həyatına müdaxilə etmədən iş prosesini çəkə bilər. Qanun buna icazə verir. Ona görə də heç bir etirazımız yoxdur.

— Bilmədən cərimə edən və ya yolu azan sürücülərə kömək edirsiniz?

— Əlbəttə. Bir polis əməkdaşı kimi bizim fəaliyyət prinsipimiz humanistlik olduğu üçün belə sürücülərə yolu izah edirik, başa salırıq, lazımı istiqamətdə hərəkət etmələrinə köməklik göstəririk.

DYP işçisi Mirzəliyev Xəqani
© Sputnik / Murad Orujov
DYP işçisi Mirzəliyev Xəqani

— Məlum hadisə ilə sosial şəbəkələrdə kifayət qədər tanındınız. Simanız tanınmasa da, haqqınızda danışan çox oldu. Bunu gözləyirdiniz?

— Gözləmirdim. Polis əməkdaşı olaraq bu, mənim xidməti vəzifələrimdən biridir. Polis olaraq mən hər bir vətəndaşa qanun çərçivəsində yaxınlaşıb, ona özümü təqdim etməliyəm. Sürücünün pozduğu qanunu izah etməliyəm və təbii ki, qanun çərçivəsində sürücü barədə tədbirlər həyata keçirməliyəm.

— Xidmətdə olmadığınız zaman özünüz heç qayda pozmuşunuz?

— İstər patrul avtomobilində, istərsə də mülki avtomobilimdə sükan arxasında əyləşən zaman maksimum dərəcədə qayda pozmamağa çalışıram. Patrul avtomobilində qayda pozarkən isə hərəkətdə olan digər sürücüləri təhlükə altına qoymayaraq, sayrışan işıqları yandıraraq hərəkət edirəm. Buna da bizə qanunla icazə verilir. Şəxsi avtomobilimdə isə qaydalara tam riayət edirəm. Polis orqanlarında işləməyə başlayandan daha çox məsuliyyətli olmuşam. Bu iki il ərzində şəxsi avtomobilimdə heç bir qayda pozmamışam. Çünki, kimisə qayda pozduğu üçün məsuliyyətə cəlb edirəmsə, mən özüm də o qaydanı poza bilmərəm.

DYP işçisi Mirzəliyev Xəqani
© Sputnik / Murad Orujov
DYP işçisi Mirzəliyev Xəqani

— Polis olmadan öncə harada çalışmısınız?

— Magistr təhsili aldığım üçün bu sahədə işləyə bilməzdim. O vaxta kimi özəl sektorda çalışmışam. Azərbaycan Texniki Universitetinin Nəqliyyat fakültəsində "Yol hərəkətinin təşkili və təhlükəsizliyi" ixtisası üzrə magistr təhsili almışam. Təhsilimi bitirəndən sonra sənədlərimi Daxili İşlər Nazirliyinə vermişəm. Tam şəffaf şəkildə seçimlər nəticəsində işə qəbul olunmuşam.

— Qayda pozan sürücüləri saxlayan zaman qanundan yayınmaq üçün nə kimi bəhanələr gətirirlər?

— Bəhanə edən sürücülər çox olur. Ən çox "tələsirəm, gecikirəm" bəhanələri olur. Bu zaman biz də sürücülərə anladırıq ki, siz gecikməklə qayda pozan zaman başqa insanları da təhlükə altına qoyursunuz. Belə olmaz. Çalışırıq bu halların qarşısını alaq.

921
Teqlər:
yol polisi, polis, Dövlət Yol Polisi İdarəsi, Xəqani Mirzəliyev
Əlaqədar
Polis: İnsanların üstünə maşın sürən şəxs terrorçu olmayıb
Bakıda növbəti polis-sürücü dialoqu: Bu dəfə qanun keşikçisi haqlı oldu – VİDEO
Qoruyucu geyimdə olan tibb işçiləri, arxiv şəkli

Pandemiya beş ayını tamam elədi, alimlər hələ bir qərara gələ bilmədilər

1
(Yenilənib 19:10 05.08.2020)
"Sadəcə olaraq, maska nə zaman taxılmalıdır, ilk olaraq bunu dəqiqləşdirmək lazımdır. Adi hallarda qarşınızda he kim yoxdursa, yaxud da arada 2-3 metrdən artıq məsafə varsa, küçədə açıq havada gəzirsizsə, bu zaman maska taxmağa ehtiyac yoxdur" - Ədalət Rüstəm

Nigar İsgəndərova, Sputnik Azərbaycan

BAKI, 5 avqust — Sputnik. Alimlər maska, şərf və sipər arasındakı fərqi aşkarlayıblar. Belə ki, insanlar üzərində aparılan sınaq zamanı belə qənaətə gəlinib ki, maska və şərf sipərlə müqaysədə insan səhhəti üçün daha təhlükəlidir. Belə ki, maska taxarkən və şərflə ağzı bağlayarkən insan daha çox karbon qazı ilə təmasda olur, nəinki sipər taxarkən.

Bu səbəbdən də alimlər maska, şərf deyil, sipər taxmağı tövsiyə edirlər. Çünki maska və şərf karbon dioksidi yenidən ciyərlərə geri qaytarır ki, bu da insan səhhəti üçün təhlükəlidir. Uzun müddət maska taxmaq qandakı oksigenin həcminin azalması deməkdir. Eyni zamanda bu, həm də beyinə gedən oksigenin həcminin azalması deməkdir. Bu isə insanın özünü daha zəif hiss etməsinə səbəb olmaqla yanaşı ö lüm üçün də faktor ola bilər. Yəni, ölüm riski də yarada bilər.

Bu gün artıq təhsilin bərpa olunduğu bir çox ölkələrdə də şagirdlər maska deyil, sipər taxırlar.

Azərbaycan Tibb Universitetinin dosenti Ədalət Rüstəm Sputnik Azərbaycan-a açıqlamasında bu fikirlərlə raızlaşmadığını bildirib. O belə hesab edir ki, maska digərləri ilə müqayisədə mövcud vəziyyətdə daha effektivdir: "Üz sipəri də faydalıdır. Lakin bunların arasında ən faydalısı elə maskadır. Maskanın karbon qazını geri qaytarması boş söhbətdir. Çünki maska taxarkən hava kənarlardan çıxır".

Pandemiyadan belə qazanmaq olar: brilyantlarla bəzədilmiş qoruyucu maskalar satılır>>

"Sadəcə olaraq, maska nə zaman taxılmalıdır, ilk olaraq bunu dəqiqləşdirmək lazımdır. Adi hallarda qarşınızda heç kim yoxdursa, yaxud da arada 2-3 metrdən artıq məsafə varsa, küçədə açıq havada gəzirsizsə, bu zaman maska taxmağa ehtiyac yoxdur. Maskanı qısa məsafə oduqda taxmaq lazımdır. Xüsusən də qapalı məkanlarda taxmaq vacibdir.  Maska taxmaq müddəti 15-20 dəqiqədirsə, bu müddətdə karbon qazı ziyan verməyəcək. Karbon qazı ümumiyyətlə geri qayıtmır, maskanın kənarlarından xaric olunur", - deyə Ə.Rütəm əlavə edib.

1
Əlaqədar
Dünyanın koronavirus büdcəsi tükənir: xəstəliyə necə qalib gələcəyik?
Koronavirus öləcək: maskanı benzinə batırın...
Azərbaycan COVİD-19 infeksiyasının payız sıçrayışına hazır olmalıdır - rusiyalı həkim
Tramp əsəbiləşdi: "Hamı maska taxsa da, virus yox olmayacaq"
Bəla gələndə tək gəlmir: Payızı gözləyək, vəziyyət bir az da pisləşə bilər
Arxeoloji qazıntılar, arxiv şəkli

Gözlənilməz "kömək"! Sel suları Şamaxıda antik dövrə aid nekropolu üzə çıxardı

3
(Yenilənib 19:10 05.08.2020)
Qeyd edək ki, Şamaxı rayonunun Quşçu kəndi antik və ilk orta əsrlər dövrlərinə aid abidələrlə zəngindir. Vaxtilə burada Qalacıq yaşayış yeri, antik və ilk orta əsrlər dövrünə aid nekropollarda geniş miqyaslı arxeoloji tədqiqat işləri aparılıb.

BAKI, 5 avqust — Sputnik. Bir neçə gün öncə yağan güclü yağış nəticəsində yaranan sel suları Şamaxı rayonu Quşçu kəndi ərazisində antik dövrə aid nekropolun aşkar olunmasına səbəb olub.

Bu barədə Sputnik Azərbaycan-a Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin mətbuat katibi Fariz Hüseynov məlumat verib.

O bildirib ki, sel suları kənd sakini Namiq Mustafayevə məxsus həyətyanı sahədə qədim qəbirlərin üzərini açıb. Kənd sakini bu barədə Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinə məlumat verib.

Onun sözlərinə görə, bununla əlaqədar AMEA-nın Arxeologiya və Etnoqrafiya İnstitutunun Şamaxı Arxeoloji Ekspedisiyasının rəisi Akif Quliyev və rayon üzrə abidə mühafizəçisi Yasin Nuriyev əraziyə baxış keçiriblər. Baxış zamanı məlum olub ki, sel suları nəticəsində vətəndaşa məxsus həyətyanı sahənin yamac hissəsində 9 qəbir üzə çıxıb. Torpaq qəbirlərin üzəri iri sal daşlarla bağlanıbmış. Qəbirlər torpaq səthindən 1,5-1,8 metr dərinlikdə yerləşir.

"Ərazidə aparılan araşdırmalar nəticəsində 10 ədəd müxtəlif ölçülü və biçimli saxsı məmulatlar, saxsıdan olan fiqurlar - bütlər, qrifon, heyvan fiqurları (at, qoç), metal pullar aşkar olunub. Tapıntılar arasında quş başlı insan fiqurlar böyük maraq doğurur. Bu tip qrifonlar Qədim Misirdə müdriklik və elm ilahəsi Totu səciyələndirirdi", -deyə F.Hüseynov qeyd edib.

Qurumun rəsmisi əlavə edib ki, qəbir kamerasından aşkar edilmiş numizmatika materialları nekropolun b.e. I əsrinə aid olduğunu təsdiqləyir. Abidədə aparılacaq arxeoloji tədqiqat işləri bir çox mətləblərə aydınlıq gətirəcək.

Qeyd edək ki, Şamaxı rayonunun Quşçu kəndi antik və ilk orta əsrlər dövrlərinə aid abidələrlə zəngindir. Vaxtı ilə burada Qalacıq yaşayış yeri, antik və ilk orta əsrlər dövrünə aid nekropollarda geniş miqyaslı arxeoloji tədqiqat işləri aparılıb.

3