Təyyarə

Moskvadan Bakıya gecə reysi: Onu Rusiyada, Azərbaycanda arzu etmirlər

1240
(Yenilənib 21:32 13.04.2018)
Daxili İşlər Nazirliyi Gürcüstan əsilli kriminal avtoritetə onun burada qalmasının arzuedilən olmadığını bildirib

BAKI, 13 aprel — Sputnik. Kriminal avtoritet, mənsub olduğu mühitdə İlqar Dmanisski adı ilə tanınan 1977-ci il təvəllüdlü Əliyev İlqar İbrahim oğlu Moskvadan Bakıya deportasiya edilib. Bu barədə Sputnik Azərbaycan-a hüquq-mühafizə orqanlarından məlumat verilib.

Azərbaycan Daxili İşlər Nazirliyinin Mütəşəkkil Cinayətkarlıqla Mübarizə Baş İdarəsinə artıq Əliyevin aprelin 12-də aviareyslə gəldiyi məlumdur.

Rusiyanın hüquq-mühafizə orqanlarının qərarı ilə Əliyevə ölkə sərhədlərinə daxil olmaq ömürlük qadağan edilib. "Qanuni oğru" narkotik saxlamağa görə həbsdə yatıb və cəzasını çəkəndən sonra aprelin əvvəllərində azadlığa çıxıb.

Lakin Azərbaycan kriminal avtoritetlərlə sərt mübarizə aparır və görünür, Əliyev burada da uzun müddət qala bilməyəcək. Artıq AR-nın Daxili İşlər Nazirliyindən Gürcüstan əsilli kriminal avtoritetə onun burada qalmasının arzuedilən olmadığını bildiriblər. O, yaxın zamanlarda Azərbaycan ərazisini tərk etməlidir, əks təqdirdə müvafiq tədbirlər görüləcək.

Xatırladaq ki, Rusiya DİN-i bu yaxınlarda ən fəal "qanuni oğrular"ın siyahısını hazırlayıb. Onlar 432 nəfərdir. Onlardan 318 nəfəri hazırda azadlıqdadır, 114-ü həbsxanada. 31 "qanuni oğru" istintaq altında, 19-u isə axtarışdadır. Həmişə olduğu kimi, kriminal avtoritetlər arasında ilk yeri gürcülər (242) tutur. Sonrakı yerləri ruslar (51), ermənilər (30), yezidilər (26), azərbaycanlılar (16), abxazlar (10), çeçenlər (8) və yəhudilər (7) bölüşür.

Rusiyanın daxili işlər naziri Vladimir Kolokoltsev kriminal avtoritetlərin ölkədən çıxarılması barədə qərar qəbul edib. İlqar Dmanisski də məhz bu qərar əsasında ölkədən çıxarılıb.

1240
Teqlər:
təyyarə, Azərbaycan, Rusiya, deportasiya, kriminal avtoritet
BakuBus avtobusu

Paytaxtda daha bir marşrut xətti “BakuBus”a verilib

4
Bu gün həmçinin 11 nömrəli marşrut xəttinin də keçdiyi avtobus dayanacaq məntəqəsində sərnişinlərə qoruyucu tibbi maskalar və maarifləndirici flayerlər paylanılıb.

BAKI, 30 may - Sputnik. 11 nömrəli müntəzəm marşrut xətti üzrə sərnişindaşımaları artıq “BakuBus” avtobusları ilə həyata keçirilir. Bu isə gündəlik daha 30 min nəfərə yaxın sərnişinə keyfiyyətli və təhlükəsiz sərnişindaşıma xidmətinin göstərilməsi deməkdir. 

Sputnik Azərbaycan Bakı Nəqliyyat Agentliyinə (BNA) istinadən xəbər verir ki, ekoloji baxımdan təmiz Avro 6 standartlarına cavab verən “BakuBus” avtobusları eyni zamanda fiziki imkanları məhdud sərnişinlər üçün əlçatandır.

Dəyişikliklə əlaqədar marşrut xətti boyunca təhlillər aparılıb və əlavə olaraq 6 yeni dayanacaq məntəqəsi təşkil edilib.

Bu gün həmçinin 11 nömrəli marşrut xəttinin də keçdiyi avtobus dayanacaq məntəqəsində sərnişinlərə qoruyucu tibbi maskalar və maarifləndirici flayerlər paylanılıb. Nəqliyyat könüllüləri sərnişinlərə koronavirus infeksiyasına dair metodiki göstərişlərə riayət olunmasının, o cümlədən də maskadan istifadənin zəruriliyini izah ediblər.

Qeyd edək ki, sərnişinlərə maska və flayerlərin paylanılması aksiyası mayın 19-dan başlayıb və qarşıdakı günlərdə də davam edəcək. Ümumilikdə 100 min ədəd maskanın paylanılması nəzərdə tutulub.

4
Bakıda buludlu hava

Sabah hava heç yaxşıya doğru dəyişməyəcək

7
Mayın 30-u gündüzdən 31-i axşamadək Abşeron yarımadasında güclü xəzri küləyinin əsəcəyi gözlənilir ki, bu da meteohəssas insanlar üçün əsasən əlverişsizdir.

BAKI, 30 may - Sputnik. Mayın 31-də Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi, lakin gecə bəzi yerlərdə qısamüddətli yağış yağacağı gözlənilir. 

Milli Hidrometeorologiya Xidmətindən Sputnik Azərbaycan-a verilən məlumata görə, səhər duman olacaq, güclü şimal-qərb küləyi əsəcək.

Havanın temperaturu Abşeron yarımadasında gecə 17-19, gündüz 20-24, Bakıda gecə 17-19, gündüz 22-24 dərəcə isti olacaq.

Atmosfer təzyiqi 760 mm civə sütunu, nisbi rütubət gecə 70-80, gündüz 40-45 faiz təşkil edəcək.

Mayın 31-də Azərbaycanın rayonlarında havanın əsasən yağmursuz keçəcəyi, lakin bəzi dağlıq və dağətəyi rayonlarda şimşək çaxacağı, arabir yağış yağacağı, ayrı-ayrı yerlərdə intensiv olacağı, dolu düşəcəyi gözlənilir.

Səhər bəzi yerlərdə duman olacaq, qərb küləyi ayrı-ayrı yerlərdə arabir güclənəcək. Havanın temperaturu gecə 16-21, gündüz 30-35, dağlarda gecə 8-13, gündüz 15-20 dərəcə isti olacaq.

Tibbi-meteoroloji proqnoz:

Mayın 30-u gündüzdən 31-i axşamadək Abşeron yarımadasında güclü xəzri küləyinin əsəcəyi gözlənilir ki, bu da meteohəssas insanlar üçün əsasən əlverişsizdir.

7