Rubl və dollar

“Pokrov Məhərrəm”in milyonlarla borcu: İş adamı hansı müğənnilərə pul xərcləyib?

556
(Yenilənib 21:26 13.04.2018)
Moskva məhkəməsi kriminal aləmdə "Pokrov Məhərrəm" adı ilə məşhur olan azərbaycanlı biznesmenin ev dustağı olmasına qərar verib

BAKI, 13 aprel — Sputnik. Moskva məhkəməsi kriminal aləmdə "Pokrov Məhərrəm" adı ilə məşhur olan azərbaycanlı biznesmen Zeynalov Məhərrəm Novruz oğlunun ev dustağı olmasına qərar verib.

Sputnik Azərbaycan-ın Rusiya KİV-lərinə istinadən məlumatına görə, Moskva ətrafındakı İstrinski rayonunun hüquq-mühafizə orqanları biznesmenlə bağlı RF Cinayət Məcəlləsinin 159-cu maddəsi (dələduzluq) üzrə istintaq aparır.

Məhərrəm Zeynalov Moskvadakı meyvə, tərəvəz və göyərti ticarəti ilə məşğul olan obyektlərə nəzarət edir. O, əvvəllər azərbaycanlı "qanuni oğru" Rövşən Canıyevin (Rövşən Lənkəranski) yaxın dairəsinə daxil olub.

Əldə etdiyimiz məlumata görə, Məhərrəm Zeynalov kiçik qardaşı Rövşənlə birlikdə "Tyoplıy stan" metrostansiyası rayonunda ticarətə başlayıb. Sonra onlar öz ticarətlərini "Şeremetyevo"ya köçürüblər. Zeynalov bir neçə iri Moskva bazarına (Vıxino və Jeleznodorojnıy rayonlarındakı Ticarət Mərkəzlərinə, Balaşixa rayonundakı yerli və xarici avtomobillərin salonuna, eləcə də bir çox digər obyektlərə) nəzarət etmiş ümumittifaq miqyaslı nüfuzlu "qanuni oğru" Hikmət Muxtarovun (Sabirabadlı Hikmət və ya Lotu Hikmət) klanına daxil olub. Xatırladaq ki, Hikmət Sabirabadlı həmçinin Çerkizov bazarına (gəlirlərinin 25%-nə), eləcə də 2006-cı il aprelin 7-də qətlə yetirildiyi Leninqrad prospektindəki əşya bazarına nəzarət edib. Muxtarovun ölümündən sonra Zeynalov Rövşən Lənkəranski (2016-cı ilin avqustunda İstanbulda qətlə yetirilib) ilə dostluq əlaqəsi yaradıb.

“Pokrov Məhərrəm” kimi tanınan Məhərrəm Quliyev
© Photo : APA
“Pokrov Məhərrəm” kimi tanınan Məhərrəm Quliyev

2013-cü ildə "Pokrovka" adı ilə məşhur olan bazanın bağlanmasından sonra Zeynalov "Four Seasons" (Dörd mövsüm) Domodedovo meyvə-tərəvəz bazasında köç salıb. Qısa müddətdən sonra o, Food City aqroklasterinə köçüb və ticarətçilərini də özü ilə ora aparıb.

Bir qədər əvvəl Sputnik Azərbaycan məlumat yaymışdı ki, qumar və qadınlara olan həvəs Moskvadakı Food City Ticarət Mərkəzi ərazisindəki iri meyvə-tərəvəz bazarının azərbaycanlı sahibi Məhərrəm Zeynalovu az qala dəmir barmaqlıqlar arasına salacaqdı. Və bu təhlükə hələ tam sovuşmayıb. Çünki təkcə keçmiş "Four Seasons" Domodedovo meyvə-tərəvəz bazasından Zeynalovla bağlı hüquq-mühafizə orqanlarına 9 nəfərdən şikayət daxil olub. Zeynalov martın 30-da Rusiya Daxili İşlər Nazirliyinin Moskva vilayəti üzrə baş cinayət-axtarış idarəsinin əməkdaşları tərəfindən saxlanılıb. Lakin bir sutka sonra azadlığa buraxılıb.

Zeynalovun həbsinə səbəb Pokrov bazarının fəaliyyət göstərdiyi vaxtdan üst-üstə yığılıb qalmış borclarıdır. Sonra məlum olub ki, biznesmen şəhərdən heç yerə getməmək şərtilə azadlığa buraxılıb. Bir sıra məlumatlara görə, onunla bağlı hüquq-mühafizə orqanlarına Food City-nin sahibi və milyarder Qod Nisanov xahiş edib.

Zeynalovun bu qədər borclarının üst-üstə yığılmasına səbəb onun qumara və qadınlara olan düşkünlüyüdür. O, eyni zamanda kazinolara və vətənindən olan şou-biznes nümayəndələrinə səxavətlə pul xərcləyir. Əlbəttə, Məhərrəm Zeynalovun Azərbaycanın hansısa şou-biznes ulduzları ilə flirt etdiyi ilə bağlı nə hələlik jurnalistlər tərəfindən bir işarə vurulmayıb. Lakin bu, onu yaxından tanıyanlara heç də sirr deyil. O, külli miqdarda pulunu sevgili olduğu müğənnilərin populyarlaşdırılmasına sərf edir. Əldə etdiyimiz məlumata görə, Zeynalov öz tanışlarına bir neçə milyon dollar borcludur.

556
Teqlər:
müğənni, şou-biznes, borc, milyonlar, həbs, Pokrov Məhərrəm
Əlaqədar
Məşhur "Pokrov Məhərrəm" azad edildi
Məşhur “Pokrov Məhərrəm” həbs edildi – VİDEO
Koronavirus testi, arxiv şəkli

Azərbaycanda son sutkada 714 nəfər koronavirusa yoluxdu - Yenə rekord

0
(Yenilənib 15:17 21.10.2020)
Aktiv xəstə sayı 5 503 nəfərdir. Ötən müddət ərzində 1 milyon 250 min 736 test aparılıb. Bugünkü test sayı isə 9 072-dir.

BAKI, 21 oktyabr — Sputnik. Azərbaycanda bu gün koronavirus infeksiyasına 714 yeni yoluxma faktı qeydə alınıb, 176 nəfər müalicə olunaraq sağalıb və evə buraxılıb. Sputnik Azərbaycan-ın məlumatına görə, bu barədə Nazirlər Kabineti yanında Operativ Qərargah məlumat yayıb.

Son sutkada 7 nəfər COVID-19-dan vəfat edib. Hazırkı dövrədək ölkəmizdə 46 min 593 nəfərin koronavirus infeksiyasına yoluxması faktı müəyyən edilib. Onlardan 40 min 448 nəfər müalicə olunaraq sağalıb, 642 nəfər vəfat edib. Aktiv xəstə sayı 5 503 nəfərdir. Ötən müddət ərzində 1 milyon 250 min 736 test aparılıb. Bugünkü test sayı isə 9 072-dir.

0
İlham Əliyev, arxiv şəkli

Dövlət başçısı: Hər gün bayrağımız yeni bir yaşayış məntəqəsində ucaldılır

34
Ölkə başçısı Azərbaycan vətəndaşlarının bu gün işğaldan azad edilmiş bütün torpaqlara qayıdacağına əmin olduğunu vurğulayıb.

BAKI, 21 oktyabr — Sputnik. "Öz doğma torpaqlarını görməyən, işğaldan sonra dünyaya göz açan hər bir azərbaycanlı həmin torpaqlara qayıtmaq arzusu ilə yaşayıb".

Sputnik Azərbaycan xəbər verir ki, bu barədə Azərbaycan Prezidenti İlham Əliyev öz "Twitter" hesabında yazıb.

Ölkə başçısı Azərbaycan vətəndaşlarının bu gün işğaldan azad edilmiş bütün torpaqlara qayıdacağına əmin olduğunu vurğulayıb.

"Hər gün bayrağımız yeni bir yaşayış məntəqəsində ucaldılır. Budur Azərbaycan dövlətinin, Azərbaycan xalqının gücü", - deyə o əlavə edib.

34
Mövzu:
Azərbaycan və Ermənistan arasında müharibə
Su-34 təyyarəsi, arxiv şəkli

Rusiyada qırıcı qəzaya uğradı

0
"Su-24" təyyarəsi planlı təlim-məşq uçuşu həyata keçirərkən Xabarovsk diyarında qəzaya uğrayıb. Pilotlar katapult ediblər.

BAKI, 21 oktyabr — Sputnik. Rusiyaya məxsus "Su-34" qırıcısı Xabarovsk diyarında qəzaya uğrayıb. Sputnik Azərbaycan "RİA Novosti"yə istinadən xəbər verir ki, bu barədə Rusiya Müdafiə Nazirliyinin Şərq Hərbi Dairəsinin mətbuat xidməti məlumat yayıb.

"Su-24" təyyarəsi planlı təlim-məşq uçuşu həyata keçirərkən Xabarovsk diyarında qəzaya uğrayıb. Pilotlar katapult ediblər. Onların sağlamlığı üçün təhlükə yoxdur. Ekipaj üzvləri evakuasiya edilib", -deyə Şərq Hərbi Dairəsinin yaydığı məlumatda bildirilir.

Faktla bağlı araşdırmalar başlayıb.

0