Çoxmərtəbəli binalar

Sosial əvəzinə güzəştli mənzillər: Heç hər kəs üçün əlçatan deyil

2712
(Yenilənib 15:55 13.04.2018)
"Bəzi insanlar var ki, sosial evlər gözləyirdi, amma onlar mənzil ala bilməyəcəklər"

Təranə Xudabaxşiyeva, Sputnik Azərbaycan

BAKI, 13 aprel — Sputnik. Son bir neçə ildir ev almaq imkanı olmayan vətəndaşlar sosial evlərin satışa çıxarılacağı zamanı səbirsizliklə gözləyirdilər. Bu günlərdə məlumat verildi ki, may ayının əvvəlindən etibarən sosial evlər artıq satışa çıxarılacaq. Mənzil İnşaatı Dövlət Agentliyinin (MİDA) rəsmi saytında da sözügedən mənzillərə sahib olmağın şərtləri barədə məlumat yerləşdirildi.

Təəssüflər olsun ki, şərtlər sosial mənzil almağı gözləyən vətəndaşların əksəriyyətini pərişan edib. Belə ki, sosial yox, güzəştli mənzillər adı ilə satışa çıxarılan mənzilləri yalnız şəhid və milli qəhrəman ailələri, məcburi köçkünlər, ən azı 3 il dövlət işində çalışan şəxslər, ən azı 5 il ümumtəhsil məktəbdə işləyən müəllimlər, elmi dərəcəsi olan şəxslər və xüsusi uğur qazanmış idmançılar ala bilərlər.

Bu şərtlərlə razılaşmayan, daha dəqiq desək, şərtlərdən məyus olan vətəndaşlar sosial şəbəkələrdə öz narazılıqlarını ifadə ediblər. Sosial şəbəkə istifadəçiləri düşünürlər ki, layihənin şərtləri heç də ədalətli deyil, şərtlər heç də sosial rifahı yaxşı olmayan insanlar üçün düşünülməyib.

Məsələ ilə bağlı Sputnik Azərbaycan-a şərh verən əmlak eksperti Ramil Osmanlı bildirib ki, bu layihə öncə sosial mənzillər kimi müzakirəyə çıxarılsa da, sonradan güzəştli mənzillər kimi tikildi: "Mənzil İnşaatı Dövlət Agentliyi yaradılandan bu günə qədər mən bu fikirləri irəli sürmüşəm ki, bu, sosial layihə deyil, kommersiya layihəsidir".

"Əvvəlki müzakirələrdə Mənzil İnşaatı Dövlət Agentliyi yaradılana qədər Dövlət Sosial Yardım Fondunun yaradılması və idarə olunması, həmçinin mənzilə ehtiyacı olan, yaşayış minimumunun tələblərinə cavab verən insanların yaşayış şəraitinin yaxşılaşdırılması məqsədi ilə Mənzil Fondunun yaradılması təklif edilmişdi. Amma Agentlik yaradılandan sonra məlum oldu ki, söhbət sosial mənzillərin yox, daha çox güzəştli mənzillərin tikintisindən və satışından gedir. Bu zaman isə, artıq layihənin kommersiya tərəfi üzə çıxır", — ekspert deyib.

Mütəxəssis şərtlərdən narazı qalan şəxslər barəsində də danışıb: "Bəzi insanlar var ki, sosial evlər gözləyirdi, amma onlar mənzil ala bilməyəcəklər. Yəqin gələcəkdə bu istiqamətdə də müəyyən addımlar atılacaq".

"Biz düşünürdük ki, layihədə 1 kvadrat metr üçün rəqəmlər 800-850 manatı keçməyəcək. Müvafiq ərazi üzrə analoji mənzillərin satışını əsas götürsək, layihədə göstərilən qiymətlər həmin ərazidə satışda olan digər hazır evlərin qiymətindən daha yüksəkdir" — R.Osmanlı bildirib.

"Amma bunları da nəzərə almaq lazımdır ki, həmin evlər mətbəx mebeli ilə təchiz olunacaq. Bir də mənzilin xarici divarları mənzilin sahəsinə aid edilmir. Eyni zamanda, siyahı ilə güzəştli ev alması mümkün olan şəxslər nağd şəkildə mənzil alarsa, bu zaman 10 faiz güzəşt əldə edəcəklər", — ekspert əlavə edib.

Mənzil İnşaatı Dövlət Agentliyinin mətbuat xidmətinin rəhbəri Diana Dadaşova isə Sputnik Azərbaycan-a qısa açıqlamasında bildirib ki, mənzillər bazar qiymətinə nisbətən çox aşağı qiymətə satılır və şərtlər bütün gözləntilərə uyğundur.

2712
Teqlər:
güzəştli mənzil, Sputnik Azərbaycan, MİDA, Mənzil İnşaatı Dövlət Agentliyi, Ramil Osmanlı, mənzil, ekspert, sosial, ev
Əlaqədar
Ekspert: “Güzəştli mənzillər bazardakı qiymətlərə təsir edəcək”
Mənzil almaq istəyənlər iyun ayınadək ehtiyatlı olsunlar, pulları "bata" bilər
Mənzil növbəsi çatmamış vəfat edərsə, ona çatacaq mənzil ailəsinə veriləcək
İkinci binadakı mənzillərin açarları sahiblərinə təqdim edildi
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

28
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

28
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət
Qanda qlükozanın miqdarının yoxlanılması

Şəkərlə bağlı xərcləri əhəmiyyətli dərəcədə azaltmaq olar

13
(Yenilənib 23:07 16.01.2021)
"Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

BAKI, 16 yanvar — Sputnik. "Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

Sputnik Azərbaycan-ın məlumatına görə, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev "Virtual Diabet Məktəbi" layihəsi üzrə Anlaşma Memorandumunun imzalanması mərasimində deyib. O bildirib ki, diabetlə əlaqəli fəsadlaşmaların sayının artması universal tibbi təminat baxımından dövlət büdcəsinə ağır maliyyə yükü yaradır:

"İlkin profilaktik tədbirləri və əhali arasında maarifləndirməni gücləndirməklə xəstəliklə bağlı xərcləri əhəmiyyətli dərəcədə azaltmaq olar. Bu baxımdan Anlaşma Memorandumu mənfi tendensiyanı müsbətə doğru çevirməkdə yeni imkanlar açır".

Agentliyin İdarə Heyətinin sədri deyib ki, hər il dünyada ölümlərin 11.3%-i şəkərli diabetlə bağlı olur.

13