Sınıq Körpü sərhəd-buraxılış məntəqəsində vəziyyət

Vətəndaşlara "Gürcüstan xəbərdarlığı"nın açması: Sərhədə çatmadan oxuyun

14760
(Yenilənib 14:02 09.04.2018)
"Bu yenilik Azərbaycandan Gürcüstana şəxsi avtomobili ilə gedənlərin sayına təsir etməyəcək"

Təranə Xudabaxşiyeva, Sputnik Azərbaycan

BAKI, 9 aprel — Sputnik. Azərbaycan əhalisinin istirahət üçün üz tutduğu xarici ölkələr arasında Gürcüstan birincilər sırasında durur. Qonşu ölkəyə üz tutanların bir qismi avtobus, qatar və ya təyyarə ilə, digər qismi isə öz şəxsi avtomobili ilə getməyə üstünlük verir.

Gürcüstanda qəbul edilmiş yeni qaydaya əsasən, mart ayının 1-dən etibarən Gürcüstana 15 gündən az olmayan müddətə şəxsi avtonəqliyyat vasitəsi ilə daxil olan xarici vətəndaşlardan avtomobil sığortası tələb olunacaq. Gürcüstan ərazisində nəqliyyat vasitəsini sığortasız idarə edən xarici vətəndaşlar isə, nəqliyyatın növündən asılı olaraq, 100-200 lari məbləğində cərimələnəcəklər.

Sputnik Azərbaycan ekspertlərlə Gürcüstandakı yeni sığorta qaydasının azərbaycanlı turistlərə nə kimi müsbət və mənfi təsirləri olacağını araşdırıb.

Sığorta eksperti Xəyal Məmmədxanlı bildirib ki, Azərbaycanda bu qanun 1996-cı ildən bəri tətbiq edilir: "Həmin ildə "Mülki məsuliyyətin icbari sığortası haqqında" Qanun qəbul edilib. "İcbari sığortalar haqqında" Qanun qəbul ediləndən sonra isə həmin qanun ləğv olundu və limitlər artırıldı. 1997-ci ildən Azərbaycana daxil olan istənilən xarici nömrəli avtomobil sərhəddə sığortalanır. İcbari sığorta bağlanmazsa, istər yerli, istər xarici vətəndaş olsun, qanunu pozan hər kəs İnzibati Xətalar Məcəlləsinə görə 50 manat cərimə olunur".

"Gürcüstan da bu qanunu 1 mart 2018-ci ildən tətbiq etməyə başlayıb. Gürcüstan ərazisinə keçən zaman sığorta olunmayan minik avtomobillərinin sürücüləri 100 lari, yük avtomobillərinin sürücüləri isə 200 lari cərimə ödəməli olacaqlar", — deyə ekspert əlavə edib.

X.Məmmədxanlının fikrincə, bu sığortanın tətbiq edilməsinin əsas səbəbi odur ki, Gürcüstana gedən avtomobil qəza törədərsə, zərər dəymiş digər avtomobilin xərcini artıq sürücü deyil, sığorta ödəyəcək. Bunu isə Gürcüstanda sığorta şirkətləri həyata keçirəcək. Qanunun Gürcüstan üçün xeyirli olub-olmamasını isə zaman göstərəcək. Əgər yol qəzaları az olarsa, gəlirləri çox, qəza çox olarsa, gəlirləri az olacaq", — ekspert deyib.

Sınıq Körpü sərhəd-buraxılış məntəqəsində vəziyyət
© Sputnik / Hikmet Orhun

Hüquqşünas Ərşad Hüseynov isə məsələyə belə aydınlıq gətirib: "Bu gün dünyanın, demək olar ki, bütün dövlətlərində avtomobil sahiblərinin mülki məsuliyyət sığortası var. 10 il bundan əvvəl Gürcüstanda da olub. Daha sonra formal, yəni kağız üzərində olduğu üçün yığışdırılıb. Artıq bu ilin mart ayından bütün dünyanın tətbiq etdiyi "Mülki məsuliyyətinin məcburi sığortası" yenidən tətbiq edilməyə başlayıb".

Hüquqşünasın qənaətincə, bu sığortanın olması çox vacib məsələdir: "Məsələn, bir azərbaycanlı Gürcüstana keçir və orada hər hansı bir nəqliyyat vasitəsini əzir. Amma cibində o xərci qarşılayacaq qədər pul olmur. Bu da böyük problemlərə səbəb olur. Amma həmin sürücü az məbləğdə pul ödəyib sığorta edirsə, bu zaman artıq dərd etmir. Sığorta özü onun işini həll edir".

Ə.Hüseynov düşünür ki, yeni qayda Azərbaycandan Gürcüstana şəxsi avtomobili ilə gedənlərin sayına təsir etməyəcək: "Çünki sığorta xərci böyük məbləğ deyil və əksinə, sürücünün özü üçün yaxşıdır".

Qeyd edək ki, minik avtomobilləri üçün 15 günlük sığorta haqqı 30 lari (20.70 manat), 30 günlük 50 lari (34.54 manat), 90 günlük 90 lari (62 manat), 1 illik 295 lari (203 manat) təşkil edir.

Xatırladaq ki, Daxili İşlər Nazirliyi (DİN) Respublika Baş Dövlət Yol Polisi İdarəsi (RBDYPİ) ötən həftə Azərbaycandan Gürcüstana səfər edən nəqliyyat vasitələrinin sahiblərinə və sürücülərə müraciət edib. İdarədən bildirilib ki, Gürcüstanın Azərbaycandakı Səfirliyinin məlumatına əsasən, 15 dekabr 2017-ci il tarixdə Gürcüstan ərazisində hərəkət edən xarici ölkədə qeydə alınmış nəqliyyat vasitəsi sahibinin mülki məsuliyyətinin icbari sığortası haqqında qanun qəbul olunub, 26.01.2018-ci il tarixdə isə icbari sığorta üzrə öhdəliklərin yerinə yetirilməsi və anlaşılmazlıqların həlli üçün icbari sığorta mərkəzi yaradılıb. Bununla əlaqədar 1 mart 2018-ci il tarixdən etibarən nəqliyyat vasitəsinin sahibi və ya sürücüsü Gürcüstan ərazisində olacağı bütün müddət ərzində öz mülki məsuliyyətini sığortalamalıdır.

Gürcüstanın qanunvericiliyinə əsasən, cari il mart ayının 1-dən icbari sığorta müqaviləsi olmayan şəxslərin cərimə olunması nəzərdə tutulduğundan DİN RBDYPİ Gürcüstana səfərə gedən nəqliyyat vasitəsi sürücülərinin və sahiblərinin diqqətinə çatdırır ki, Gürcüstan ərazisinə daxil olarkən gömrük məntəqələrində (Sarpi, Qırmızı Körpü, Kazbeqi, Sadaxlo) və digər sərhədlərə yaxın mərkəzi şöbələrdə (banklar, ödəniş qutusu, veb sayt və brokerlər məntəqələrində) həmin ölkədə qalacağı müddətə uyğun (15 gün, 30 gün, 90 gün, 1 il) sığorta paketini əldə etsinlər.

14760
Teqlər:
"Mülki məsuliyyətin icbari sığortası haqqında" Qanun, Xəyal Məmmədxanlı, mart, müddət, sığorta, lari, ölkə, Ərşad Hüseynov, əhali, Gürcüstan, ekspert, Azərbaycan, qanun, cərimə, avtomobil
Əlaqədar
Millət vəkili: “Gürcüstanda əmin-amanlığın olmasında Azərbaycanın rolu var”
Bakıdakı Gürcüstan bayrağı endirildi
Gürcüstana gedənlərə bəd xəbər
Azərbaycan, Türkiyə və Gürcüstan müdafiə nazirlərinin görüşü keçirilib
Ekspert: “Azərbaycan Gürcüstana ixracın artırılması üçün addımlar atmalıdır”
Azərbaycan - Gürcüstan sərhədində olay
Bu gündən etibarən Gürcüstana getmək istəyənlərin diqqətinə!
Azərbaycan manatı, arxiv şəkli

Pensiya kapitalı ədalət - qalaqlanan problemlər üçün çözüm təklifi

6
(Yenilənib 17:59 26.11.2020)
"Bəzi hallarda vətəndaş uzun müddət çalışır, lakin ya o, pensiya yaşına çatmır, ya da pensiya yaşına çatdıqdan müəyyən müddət sonra dünyasını dəyişir", - Vüqar Bayramov

Nigar İsgəndərova, Sputnik Azərbaycan

BAKI, 26 noyabr — Sputnik. Dünyanın ən yaxşı pensiya sisteminə malik olan 39 ölkəsinin adları açıqlanıb. "Mercer CFA" institutunun "Global Pension Index 2020" hesabatına görə, 2020-ci ildə dünyanın ən yaxşı pensiya sisteminə malik ölkəsi Niderland olub. Bu ölkənin indeksi ötən illə müqayisədə 81-dən 82,6-a yüksəlib. İkinci yerdə qərarlaşan Danimarkanın isə builki indeksi 80,3-dən 81,4 bəndə qədər yüksəlib. Siyahının üçüncü yerinə isə İsrail (74,2 bənd) layiq görülüb.

Hazırda Niderlandda pensiya yaşı 66-dır. 2024-cü ilədək ölkədə pensiya yaşının aylıq artım dinamikası dondurulur. Yalnız 2024-cü ildə ölkədə pensiya yaşı 67 olacaq və bundan sonra hər il bu müddət daha öncəki müddətlə müqayisədə çox cüzi olaraq artmaqda davam edəcək. Digər ölkələrlə müqayisədə Niderlandda pensionerlər daha firavan həyat yaşayırlar ki, bunun da səbəbi ölkədəki qanunlardır.

Ölkədə yaşlılığa görə verilən pensiya olan AOW-dan yararlanmaq üçün şəxslərin Niderlandda çalışdığı hər il üçün 2 faiz illik AOW vəsaiti toplanmalıdır. Məsələn, şəxs pensiya yaşına çatdıqda sadəcə olaraq 40 ildir ki, Niderlandda yaşamış olarsa, bu zaman AOW vəsaitinin 80 faizini əldə etmiş olacaq.

Bundan başqa, ölkə qanunları ağır işdə çalışanlara daha tez pensiyaya çıxmaq hüququnu verir. Bununla yanaşı, istəyən hər kəs 3 il daha tez yaşlılıq pensiyasına çıxa bilmək hüququna malik olur.

Pensiya sisteminə görə 39 ölkə arasında ikinci olan Danimarkada isə bu yaş həddinin aşağı endirilməsi müzakirə edilir.

Ölkənin Baş naziri Mette Frederiksen pensiya yaşının 65-dən 61-ə endirilməsi üçün təkliflərin verildiyini də vurğulayıb:

"Danimarka vətəndaşları hər gün işləmək, pul qazanmaq üçün səhər tezdən oyanır, ağrı və acı ilə işə gedirlər. Bəlkə də belləri, dizləri, çiyinləri ağrıyır, bəlkə də çox acı çəkirlər. Bu səbəbdən biz uzun illərdir çalışanlar, çalışdığı müddətdə vergilərini ödəyən və ağır işə cəlb olunanlar üçün təkliflər vermişik. Yeni qanun layihəsinə görə, 42-44 il çalışanlar 1-4 il daha tez pensiyaya çıxa biləcəklər. 2022-ci ildə 38 min şəxs bundan yararlana biləcək".

Qeyd edək ki, qarşıdakı 10 il ərzində Danimarkada pensiya yaşının 68 olacağı planlaşdırılır.

Son illərdə Azərbaycanda da pensiya sisteminin təkmilləşdirilməsi istiqamətində müxtəlif işlər görülüb. Lakin bununla belə, bəzi problemlər hələ də həllini tapmamış qalır. Bəs Azərbaycanda pensiya sistemində hansı qalaqlanmış problemlər həllini gözləyir?

Saxla samanı... Kartda olan pulları necə artırmalı?>>

Millət vəkili Vüqar Bayramov Sputnik Azərbaycan-a açıqlamasında bu haqda danışıb: "Son illər Azərbaycanda pensiya sistemində bir sıra islahatlar aparılıb. Xüsusən də 2018-ci ildən pensiya sisteminin təkmilləşdirilməsi müşahidə olunub. Biz mütəmadi olaraq pensiya islahatlarının davamlı olması və pensiya sisteminin daha da təkmilləşdirilməsi üçün təkliflərimizi təqdim edirik. Qiymətləndirmələr onu göstərir ki, indiki halda həm pensiya kapitalı ilə bağlı, həm də pensiya kartından istifadə ilə bağlı islahatların davam etdirilməsinə ehtiyac var".

"Nəzərə almalıyıq ki, minimum pensiya məbləği artdıqca tələb olunan minimum pensiya kapitalı da artır. Bu səbəbdən vacibdir ki, pensiya kapitalının müəyyən hissəsinin dövlət tərəfindən kompensasiya edilməsi mexanizminə baxılsın. Daha yaxşı olardı ki, vəsaitlərin, xüsusən də həssas qruplar üçün olan vəsaitlərin bir hissəsi kompensasiya olunsun", - deyə millət vəkili əlavə edib.

O bildirib ki, böyük pensiya kapitalına malik vətəndaşlarımıza ABŞ-da olduğu kimi daha tez pensiyaya çıxmaq hüququnun verilməsinə ehtiyac var: "Ona görə də biz minimum pensiya kapitalı ilə yanaşı, pensiyaya çıxmaqla bağlı minimum kapital yığıldıqdan sonra belə bir hüququn verilməsinin tərəfdarıyıq.

Yəni vətəndaşa pensiya yaşına çatmadan yığılan kapitaldan istifadə etmə hüququnun verilməsi məqsədəuyğundur. Bu da təbii ki, kapitalla bağlı yığımlara marağı artırmaqla yanaşı, eyni zamanda imkan verəcək ki, vətəndaşlarımız bəzi hallarda pensiya yaşını gözləmədən də pensiya kapitalının bir hissəsindən faydalana bilsinlər".

"Digər məsələ isə pensiya kapitalının müəyyən hissəsinin varisə transfer edilməsi ilə bağlıdır. Çünki bəzi hallarda vətəndaş uzun müddət çalışır, lakin ya o, pensiya yaşına çatmır, ya da pensiya yaşına çatdıqdan müəyyən müddət sonra dünyasını dəyişir. Bu səbəbdən həmin kapitalın bir hissəsinin vətəndaşın varisinə transfer edilməsi mexanizmi təqdirəuyğun olardı. Bu da nəticə etibarı ilə pensiya sistemində ədalətin daha da məqsədəuyğunluğu üçün önəmlidir", - deyə V.Bayramov əlavə edib.

6
Teqlər:
Vüqar Bayramov, təklif, varis, kapital, təqaüd, pensiya

Ermənistandakı hərbi bazada Rusiya hərbçisinin cəsədi tapılıb

16
(Yenilənib 21:33 26.11.2020)
Rusiya hərbi bazasının Ermənistandakı Cənub Hərbi Dairəsi üzrə komandanlığının komissiyası hüquq-mühafizə orqanları ilə birlikdə müqavilə əsasında hərbçinin ölümü ilə bağlı araşdırma aparır. H

BAKI, 26 noyabr - Sputnik. Ermənistanın Gümrü şəhərində Rusiyanın 102-ci hərbi bazasının hərbi qulluqçusu ölü tapılıb.

Bu barədə Sputnik Ermənistan-a Cənub Hərbi Dairəsinin mətbuat xidmətindən bildirilib. Ermənistan İstintaq Komitəsinin Şirak Regional İstintaq İdarəsi hazırda hərbçinin ölümü ilə bağlı materialları toplayır.

Bildirilir ki, 36 yaşlı rus hərbçinin həyat əlamətləri olmayan cəsədi onun hərbçi yoldaşları tərəfindən aşkar edilib. Onun üzərində hər hansı zorakılıq əlamətlərinə rast gəlinməyib: 

"Rusiya hərbi bazasının Ermənistandakı Cənub Hərbi Dairəsi üzrə komandanlığının komissiyası hüquq-mühafizə orqanları ilə birlikdə müqavilə əsasında hərbçinin ölümü ilə bağlı araşdırma aparır. Hərbçinin cəsədində zorakılıq əlamətlərinə rast gəlinməyib".

Hazırda hadisənin baş vermə şəraiti və səbəbləri araşdırılır.

Cinayət xəbərləri saytı shamshyan.com-un yazdığına görə, ölən şəxs 36 yaşlı müqaviləli hərbçi A.P.-dir.

16