Aktyor Elşən Hacıbabayev

Tanınmış aktyor: "Mikayıl Mirzəyə qayıtdım ki, alə..."

915
(Yenilənib 19:14 08.04.2018)
Elşən Hacıbabayev: "Serial aktyor üçün qazanc mənbəyidir"

Təranə Xudabaxşiyeva, Sputnik Azərbaycan

BAKI, 8 aprel — Sputnik. 20 ildir səhnədə olan, son illərdə isə "İsi" obrazı ilə məşhurlaşan aktyor Elşən Hacıbabayev Sputnik Azərbaycan-a müsahibə verib. Aktyor son işləri, yaradıcılıq planları haqqında danışıb. Artıq Elşən kimi yox, "İsi" kimi tanınan aktyor bu obraz ilə bağlı başına gələn maraqlı hadisələri bölüşüb.

- Yasamalda böyümüsünüz, "Yasamal uşağı"nın aktyor olması bir qədər qəribə deyilmi?

— Əslində, mən zərgər olmaq istəyirdim. İncə iş olduğu üçün çox böyük marağım var idi o sənətə. 14 yaşım olanda atamla birlikdə zərgərliyin sirlərinə yiyələnmək üçün texnikum axtarmağa başladıq. Mədəni Maarif Texnikumunda zərgərlik fakültəsi var idi. Texnikuma gedəndə gördük ki, orada aktyorluq fakültəsinə də qəbulun olduğu elan edilib. Atam məndən soruşdu ki, "aktyor olmaq istəyirsən?" "Nə bilim, pis olmaz" — deyə cavab verdim. Getdik Mikayıl Mirzənin yanına. O, çox zəhmli kişi idi. Etiraf edim ki, sonralar ondan qorxmağa başladım. O zaman Mikayıl müəllim məndən soruşdu ki, "harada oxuyursan?" Mən də Yasamalda böyüyən uşaq, dəliqanlı vaxtım, dava etdiyimə görə gözümün altı göyərmişdi. Mikayıl müəllimin sualına cavab verdim ki: "Alə, de burda, 18-də". Mikayıl müəllim mənim cavabımdan şoka düşdü. Atama dedi ki, "bu uşaq mütləq aktyor olmalıdır, onun sərbəstliyi və hazırcavablığını çox bəyəndim".

Aktyor Elşən Hacıbabayev
© Sputnik / Murad Orujov
Aktyor Elşən Hacıbabayev

- Bəzən olur ki, aktyor özü də hansısa bir obrazını bəyənmir. Siz bu günə kimi oynadığınız hansı obrazı bəyənməmisiniz?

— Aktyor oynadığı pis və yaxşı obrazının da arxasında durmalıdır. Çünki hər iksi də onundur. Mənim isə karyeram dövründə bəyənmədiyim bir obrazım var. "Samedik" filmində oynadığım obraz mənə çox yaddır. Axı film aktyorun deyil, rejissorundur. Rejissor necə istəyirsə, aktyor da o cür oynamalıdır. Aktyor rejissorun marionetkasıdır. O, necə istəyir, aktyoru filmdə elə göstərir. Aktyorlar da maddi məsələyə görə bəyənmədikləri obrazları belə oynamağa məcbur olurlar.

- Elşən Hacıbabayev illərdir aktyor kimi fəaliyyət göstərir. Amma "İsi" obrazı onu daha da məşhur etdi. Həyatda sizi "İsi" deyə çağırırlar, yoxsa Elşən?

— Ən çox "İsi" deyə müraciət edirlər. Hətta çoxu məni oğru kimi tanıyır. Elə insanlar var ki, oğru olduğumu düşünürlər. Bir ay öncə avtomobilimi qarət etmişdilər. Sosial şəbəkələrdə bu hadisəni paylaşmışdım. Bir neçə nəfər cavab yazmışdı ki, "oğrudan-oğruya halaldır". Amma bu yaxşıdır, mənə çox xoşdur. İnsanları oğru olduğuma inandıra bilmişəmsə, bu özü böyük uğurdur. Bir neçə gün öncə övladımı bir tədbirə aparmışdım. Orda bir balaca uşaq bütün günü "İsi" deyib arxamca gəlirdi. Bu, mənim üçün xoş idi. İsi obrazından sonra mənə daha çox təkliflər gəlməyə başladı. Bir sözlə, İsi ilə karyeram müsbətə doğru dəyişdi.

- Həyatda necə, heç oğurluq etmisiniz?

— Uşaq vaxtı qonşunun bağı var idi. Məhlə uşaqları ilə yığışıb o bağdan meyvə oğurlayardıq. Hətta bağ sahibinin oğlu da bizimlə birlikdə öz bağlarına oğurluğa girərdi. Hərdən bağ sahibi özü bizə şərait yaradırdı ki, meyvə oğurlayaq. Ondan başqa heç nə oğurlamamışam. Onu da deyim ki, İlham Qasımov bu obraz üçün məni bir neçə dəfə kastinqə çağırandan sonra qərar verdi.

Aktyor Elşən Hacıbabayev
© Sputnik / Murad Orujov
Aktyor Elşən Hacıbabayev

- Peşəkar aktyorun dəfələrlə kastinqə getməsinə necə baxırsınız?

— Əla baxıram. Bu, həm rejissor, həm də aktyor üçün önəmlidir. Aktyorların bəziləri bu prosesi bəyənmir, amma mən fərqli düşünürəm.

- İyirmi ilə yaxındır Gənc Tamaşaçılar Teatrının aktyorusunuz. Həm də filmə çəkilirsiniz…

— Mən Mədəniyyət və İncəsənət Universitetinin "Dram və kino aktyoru" fakültəsini bitirmişəm. Teatrda işləməyi isə çox sevirəm. Teatr mənim üçün zövq məkanıdır, tam ayrı ab-havadır. Mənim üçün tamaşaçı alqışından məhrum olmaq böyük faciə olar.

- Gənc Tamaşaçılar Teatrında, xüsusilə məktəblilər üçün tamaşa göstərirsiniz. Uşaqlar və gənclər həqiqəti üzə deyən olurlar. Onlarla işləmək çətin deyil?

— Əslində, məhz həqiqəti çılpaqlığı ilə dedikləri üçün çətindir. Hətta valideynlər də kənardan reaksiya verirlər. Amma mənfi reaksiya olmur. Şükürlər olsun, tamaşalara tələbat da çoxdur. Mən tamaşa zamanı çox vaxt uşaqlarla ünsiyyət qururam. Hətta "Qırmızı papaq" tamaşasında canavarı oynayıram. Uşaqlardan canavar kimi Qırmızı papağın yerini soruşuram. O dəqiqə mənə onun yerini göstərirlər. Və ya yaxına gedəndə üzümü, bir az da olsa, görən kimi tanıyırlar, "İsidir" — deyə səslənirlər.

- Teatrda aktyor istədiyi ifadəni işlədə bilir. Siz də tez-tez ssenaridən çıxaraq öz sözlərinizlə tamaşaya rəng qatırsınız. Bu zaman rejissor irad tutmur ki?

— Uğurlu alınanda, əksinə bəyənir və alqışlayır. Uğursuz alınanda isə deyir, "gərək etməyəydin".

- Seriallar aktyora nə verir?

— Serial aktyor üçün qazanc mənbəyidir. Amma obrazı yaxşı canlandırmalısan ki, həm əlavə təkliflər əldə edəsən, həm də öz sənət "CV"-də pis obraz olmasın.

915
Teqlər:
Elşən Hacıbabayev, müsahibə, serial, aktyor
Koronavirus testi, arxiv şəkli

Yenə yüksəlir: Azərbaycanda daha 103 nəfər koronavirusa yoluxub

14
(Yenilənib 17:32 14.08.2020)
İndiyədək ölkədə ümumilikdə 34 018 nəfərin koronavirus infeksiyasına yoluxması faktı müəyyən edilib, onlardan 31 490 nəfər müalicə olunaraq sağalıb, 504 nəfər vəfat edib

BAKI, 14 avqust — Sputnik. Azərbaycanda koronavirus (COVID-19) infeksiyasına 103 yeni yoluxma faktı qeydə alınıb, 221 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, analiz nümunələri müsbət çıxan 4 nəfər vəfat edib.

Qeyd edək ki, Azərbaycanda mayın 13-də ilk dəfə ikirəqəmli yoluxma halı (65 nəfər) qeydə alınmışdı. Bundan sonrakı dövrdə gün ərzində 500-dən də yuxarı qalxan yoluxma sayı uzun müddət sonra avqustun 9-da 87, 10-da isə 79 nəfərə düşmüşdü.

Посмотреть эту публикацию в Instagram

Публикация от Sputnik Azərbaycan (@sputnik.az)

İndiyədək ölkədə ümumilikdə 34 018 nəfərin koronavirus infeksiyasına yoluxması faktı müəyyən edilib, onlardan 31 490 nəfər müalicə olunaraq sağalıb, 504 nəfər vəfat edib, aktiv xəstə sayı 2 024 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 7 969, ötən müddət ərzində isə ümumilikdə 820 002 test aparılıb.

14
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Koronavirusa yoluxanların sayı 21 milyona yaxınlaşır
Həkim koronavirusun insanın beynini necə sıradan çıxarmasından danışıb
Hindistan koronavirus əleyhinə dərmanın satışına başladı - 64 manata
Rusiya dünyada koronavirus əleyhinə peyvəndi qeydiyyatdan keçirən ilk ölkə oldu
Koronavirusa qarşı peyvənddən xəstələnmək olarmı?
Kəndir, arxiv şəkli

Ayrılıq ölümə səbəb oldu

14
(Yenilənib 16:45 14.08.2020)
Meyitin ətraflı müayinəsi, xaricinə keçirilən baxışda gözlə görülən xəsarət və xəsarət izləri aşkarlanmayıb

BAKI, 14 avqust — Sputnik. Son günlər sosial şəbəkələrdə intihar etmiş bir nəfər Gəncə şəhər sakininin ölüm səbəbləri barədə həqiqətə uyğun olmayan, əsassız xəbərlər yayılıb.

Bu barədə Sputnik Azərbaycan-a DİN-in Mətbuat Xidmətinin Gəncə şəhərindəki regional qrupunun baş inspektoru, polis baş leytenantı Eşqin Qasımov məlumat verib.

Onun sözlərinə görə, iyul ayının 18-də Gəncə şəhər Baş Polis İdarəsinin Nizami Rayon Polis İdarəsinə bir nəfərin xidməti ərazidəki binalardan birinin damında intihar etməsi ilə bağlı məlumat daxil olub. Şəhər Prokurorluğunun və Baş Polis İdarəsinin əməkdaşları hadisə yerində olublar, prokuror-kriminalistin və məhkəmə-tibb ekspertinin iştirakı ilə meyitə baxış keçirilib, digər zəruri hərəkətlər yerinə yetirilib.

İlkin araşdırma zamanı müəyyən edilib ki, Gəncə şəhər sakini Kamran Qasımov iyulun 16-da yaşadığı binanın damında özünü asaraq intihar edib: "Faktla bağlı Gəncə şəhər Prokurorluğunda Azərbaycan Respublikasının Cinayət Məcəlləsinin 125-ci maddəsi (Özünü öldürmə həddinə çatdırma - Təqsirkardan maddi, xidməti və ya sair cəhətdən asılı olmuş zərərçəkmiş şəxsi onunla amansız rəftar etmə, onun ləyaqətini mütəmadi olaraq alçaltma, ona hədə-qorxu gəlmə yolu ilə özünü öldürmə və ya özünü öldürməyə cəhd həddinə çatdırma) ilə başlanan cinayət işi üzrə zəruri istintaq hərəkətləri aparılıb. Meyitin ətraflı müayinəsi, xaricinə keçirilən baxışda gözlə görülən xəsarət və xəsarət izlərinin aşkarlanmayıb, mərhumun həyat yoldaşından ayrıldığı üçün dərin psixoloji gərginlik keçirməsi nəticəsində intihar etməsinə dair əsaslı dəlillər toplanıb".

Hazırda faktla bağlı araşdırmalar davam etdirilir.

14
Rusiya hökumətinin rəhbəri Mixail Mişustin, arxiv şəkli

"Mişustin yaxşıdır, ətrafı pisdir"

2
Rusiya vətəndaşları Prezident Vladimir Putinə etimad göstərsələr də, əksəriyyəti hökumətin işini mənfi qiymətləndirir

BAKI, 14 avqust — Sputnik. Rusiyalıların 55%-i Rusiya Prezidenti Vladimir Putinə etimad göstərir. Bu, "İctimai rəy" Fondunun (FOM) keçirdiyi sorğu nəticəsində məlum olub.

Sorğunun nəticələrinə görə, vətəndaşların 55%-i dövlət başçısına etibar edir. Rəyi soruşulanların 34%-i Putinə etimad göstərməyib, 11%-i cavab verməkdə çətinlik çəkib. Bununla yanaşı, respondentlərin 58%-i hesab edir ki, Putin öz postunda yaxşı işləyir, 27%-i bunun əksini düşünür. Sorğu iştirakçılarının 15%-i Putinin necə işlədiyi barədə suala cavab verməkdə tərəddüd edir.

Rəyi soruşulanların 37%-i hökumətin işini daha yaxşı, 46%-i daha pis qiymətləndirib, 17% isə cavab verməkdə çətinlik çəkib. RF Baş naziri Mixail Mişustinin fəaliyyətini respondentlərin 44%-i yaxşı, 19%-i pis qiymətləndirir, 37%-i isə cavab verməkdə tərəddüd edib.

"Əgər qarşıdakı bazar günü Rusiya Dövlət Dumasına seçkilər keçirilsəydi, kimə səs verərdiz?" sualına rusiyalıların 30%-i "Vahid Rusiya Partiyasına" cavabını veriblər. Rəyi soruşulanların 11%-i Kommunist Partiyasını, 11%- i RLDP-nı, 5%-i "Ədalətli Rusiya"nı seçəcəyini deyib. Respondentlərin 14% -i başqa partiyaların adını çəkib, 9%-i isə deyib ki, ümumiyyətlə seçkiyə getməzdi.

Ümumrusiya telefon sorğusu 7-9 avqust tarixlərində, yaşı 18-dən yuxarı olan 4 min respondent arasında keçirilib. Statistik nisbi xəta 1,9%-dən çox deyil.

2