Şəhid Nurlan Əsgərli

Aprel şəhidinin anasından cəsarətli çağırış: "Dik durun, ağlamayın!"

272
(Yenilənib 11:31 05.04.2018)
"Şəhadətə qovuşan balam həmişə deyərdi: "Mən əsiri eşqiyəm öz xalqımın, öz yurdumun..."

Rahim Zakiroğlu, Sputnik Azərbaycan

BAKI, 5 aprel — Sputnik. "Dördgünlük müharibə" kimi tarixə düşən aprel döyüşləri Dağlıq Qarabağda 1994-cü ildə atəşkəs sazişi imzalanandan bəri ən şiddətli döyüşlər oldu. 2016-cı il aprel ayının 1-dən 5-nə qədər davam edən bu müharibə Azərbaycan Silahlı Qüvvələrinin qələbəsi ilə nəticələndi, Ermənistan tərəfi böyük itki verdi.

Ordumuzun şücaəti nəticəsində Tərtər rayonunun Talış kəndi ətrafındakı yüksəkliklər və Seysulan kəndi, Cəbrayıl rayonunun Lələtəpə yüksəkliyi və Cocuq Mərcanlı, Goranboy rayonunun Gülüstan kəndi, Tərtər rayonunun Qazaxlar kəndi və Tərtər rayonunun Madaqiz kəndi istiqamətində yollar düşməndən azad olundu.

Təbii ki, qələbə hədiyyə edilmir, qazanılır. Qan, can hesabına əldə edilir. Azərbaycan ordusunun da dördgünlük müharibədə qələbəsi itkisiz ötüşmədi, şəhidlər verdik. Lakin bu döyüşlərdə şəhidlik zirvəsinə ucalan oğullarımız böyük qəhrəmanlıqlar göstərdilər. Bundan uzun illər sonra belə, danışılacaq qəhrəmanlıq salnaməsi yazdılar.

Aprel döyüşlərində şəhadətə qovuşan qəhrəman oğullarımızdan biri də Masallı rayonunun Kalinovka kəndində doğulub böyümüş Nurlan Bayram oğlu Əsgərli idi. Gizir Nurlan şəhidlik məqamına 21 yaşında ucaldı.

Şəhidin atası Bayram Əsgərli Sputnik Azərbaycan-ın bölgə müxbiri ilə həmsöhbət olub, oğlu haqqında xatirələrini paylaşıb: "İki oğlum var idi. Onların hər ikisi hərbçi idi. Nurlan həmişə qardaşı İntiqama oxşamaq arzusu ilə yaşayırdı. O, uşaqlıqdan hərbçi olmaq istəyirdi. Qardaşı da hərbçi olduğundan bu peşəyə marağı daha çox idi".

Ata deyib ki, Nurlanın ermənilərə nifrətinin bir səbəbi də əmisinin birinci Qarabağ müharibəsində düşmən gülləsinə tuş gəlməsi olub: "Mənim qardaşım Polad 1993-cü ildə Ağdərənin Mehmanlı kəndində yaralanmışdı. Nurlan ağlı kəsən vaxt bildi ki, əmisi ermənilərlə döyüşdə yaralanıb. Ondan sonra həmişə deyirdi ki, "Gedib əmimin qisasını alacağam". Düşmənə qarşı nifrəti sonsuz idi".

Şəhidin atası Bayram Əsgərli
© Sputnik / Rahim Murad
Şəhidin atası Bayram Əsgərli

"O, bayrağımızı çox sevirdi, həmişə bayrağa bürünüb "Masallı balası, sözünün ağası" – deyərək gəzirdi. Elə son mənzilə də çox sevdiyi üçrəngli bayrağımıza bürünüb getdi", — Rasim kişi əlavə edib.

Şəhid atası deyib ki, oğlu Nurlanın cəsədini döyüş gedən ərazidən digər oğlu İntiqam çıxarıb: "Sonuncu dəfə aprelin 2-də evə zəng elədi. Əvvəlcə mənimlə danışdı, sonra anası ilə. Elə bil, şəhid olacağını bilirdi, bizimlə sanki vidalaşdı. Nurlan aprelin 4-də Talış kəndi istiqamətində gedən döyüşlərdə şəhid olub. Nurlanla döyüş yoldaşlarının yanında mərmi partlayıb. Onunla bərabər daha iki nəfər şəhid olub, iki nəfər isə yaralanıb. Həmin beş nəfəri isə döyüş meydanından Nurlanın qardaşı İntiqam çıxarıb".

Bayram Əsgərli onu da bildirib ki, həmin vaxt onlara Türkiyədən qonaqlar gəlib və Nurlan şəhid olandan sonra onu 2 medalla təltif ediblər.

Bayram kişi ilə söhbətimiz əsnasında şəhidimizin anası Ziba xanım da bizə qoşuldu. Şəhid Nurlan Əsgərli haqqında bir də anasının xatirələrini dinlədik.

Ziba xanım vurğuladı ki, Nurlan hələ kiçik yaşlarından öz yaşıdları arasında seçilib: "Yoldaşlarına sadiq idi, idmanı çox sevirdi, Vətənə bağlı idi, Allaha inamı güclü idi. Məktəb vaxtı çox sakit uşaqdı, ancaq sonradan boks və cüdo ilə məşğul oldu. Xocalı faciəsi haqqında eşitmişdi, bu da ona çox təsir etmişdi".

Şəhid anasının sözlərinə görə, oğlu uşaqlıqdan nağıl qəhrəmanına bənzəmək istəyirmiş: "Mən ona "Balaca əsgərin nağılı"nı danışardım. Nurlan özünü o nağılın qəhrəmanı kimi doğrultmaq istəyirdi. Bir dəfə ibtidai sinif müəllimi ondan böyüyəndə kim olmaq istədiyini soruşmuşdu, Nurlan da, "Müəllim, mən böyüyəndə hərbçi olacağam" demişdi".

Ziba xanım Nurlanın hərbi xidmətə çağırıldığı vaxt yaşananları da danışıb: "2014-cü il yanvarın 2-də Nurlanın çağırış vaxtı idi. Ancaq yanvarın 2-si onu əsgər aparmadılar, 10 yanvarda gedəcəyini dedilər. Nurlan narahat oldu ki, "Mən niyə gec getməliyəm? Mən də hamı ilə bir yerdə getməliyəm". Elə alındı ki, 10 yanvarda da onu əsgər aparmadılar. Nurlan bərk narahat oldu. Komissarlıqda ona demişdilər ki, bəlkə başqa göndərişə qalacaq. O, evə gəlib atasından hərbi komissarlığa getməsini istədi. Nurlan 22 yanvarda yenidən komissarlığa getdi, ona 25 yanvarda hərbi xidmətə göndəriləcəyini dedilər".

"Sevincindən uçmağa qanadı yox idi. Deyirdi, "Ana, mən də hamı kimi əsgər olacağam. Sən ağlama, əsgər anası əsgərin arxasınca heç vaxt ağlamaz". Xidmət elədiyi vaxt bircə dəfə də narazılıq etmədi", — deyə əlavə edib şəhid anası.

Ziba ana deyib ki, Nurlan hərbi xidmətinin 15-ci ayında öz istəyi ilə kəşfiyyat kursuna yazılıb: "Kəşfiyyat kursunda oxuyan vaxt Nurlanın bir köynəyi vardı. Köynəyin arxasında "Hər ananın oğlu əsgər olur, amma hər qızın sevdiyi komando ola bilməz" sözləri yazılmışdı. Nurlan qarşısına məqsəd qoyub ki, kəşfiyyatçı olmazsa, o köynəyi əyninə geyinməyəcək. Kəşfiyyatçı kursunu bitirəndə isə, həmin köynəyi geyinərək yoldaşlarına sürpriz edib. Kursu bitirən kimi evə də zəng vurdu və mənə arzusuna çatdığını, buna görə də çox sevindiyini, dedi".

Ziba xanım
© Sputnik / Rahim Murad
Ziba xanım

Şəhid anası bildirib ki, Nurlan kəşfiyyatçı kursunu bitirən kimi xidmətini davam etdirib və gizir kimi xidmət etdiyi az müddətdə özünü yaxşı doğruldub. O, oğlu ilə son telefon danışıqlarını da xatırlayıb: "Axırıncı dəfə aprelin 2-də zəng elədi dedi ki, "Ana telefonları söndürürük. Zəng etmişəm ki, mənə zəng çatmasa, narahat olmayasız. Sənə bir şey olsa, özümü bağışlamaram. Amma bir arzum var, qardaşıma layiqli qardaş olum". Mən də ona dedim, "ana sənə qurban olsun". İsrar etdi ki, "Ana o sözü mənə demə. Anasını istəməyən vətənini də istəməz".

Qürurla "Mən övladımla fəxr edirəm. Vətənimə, xalqıma layiqli övlad böyütmüşəm", — deyən Ziba xanım digər şəhid analarına da müraciət edir: "Mən şəhid analarına üz tutub deyirəm ki, bacılarım, analarım, siz dik durun, düşmən bizim ağladığımızı, sarsıldığımızı görməməlidir. Şəhid anaları məğrurdurlar, heç vaxt ağlamamalıdırlar. Düşmən görməlidir ki, biz analar necə qürurlu, necə mübariz, möhkəm dayanırıq. Övladlarımızın şəhidliyi ilə qürur duyuruq. Şəhidlər bizim qürurumuz, and yerimizdir. Biz onlarla fəxr edirik"!

Şəhid anası bizimlə söhbətini şəhid oğlunun çox sevdiyi və tez-tez dediyi, qəzəlxan Əliağa Vahidin bir misra isə bitirir: "Mən əsiri eşqiyəm öz xalqımın, öz yurdumun…"

Qeyd edək ki, Nurlan Əsgərli 2016-cı il aprel ayının 4-də şəhid olub və aprelin 5-də torpağa tapşırılıb.

272
Teqlər:
Ziba Əsgərli, Bayram Əsgərli, Nurlan Bayram oğlu Əsgərli, aprel döyüşləri, oğul, "dördgünlük müharibə", Azərbaycan ordusu, müharibə, hərbçi, şəhid, Dağlıq Qarabağ, atəşkəs, əsgər
Əlaqədar
Yakuboviç Bakının Şəhidlər Xiyabanı barədə: “Heç bilməzdim ki, belə yer var...”
Aprel şəhidinin xatirəsi əbədiləşdirildi — FOTO
"Şəhidlər Xiyabanının bazasında soyqrımı muzeyi yaradılsın"
Türkiyə yenə şəhid verdi
Prezident müharibə əlilləri və şəhid ailələrini sevindirdi
Əsgərlərin şəhid olduğu təpə belə alındı – FOTOLAR
Şəhidlər Xiyabanı ilə bağlı "həyəcan siqnalı"na cavab: "Təhlükə "Əbədi Məşəl"ə çatarsa..."
Məmur tibbi əlçəklə, arxiv şəkli

Qaydalara əməl etməyən sahibkarlar sahibkarlıq subyektlərinin adları açıqlandı

2
Reyd keçirilən obyektlərdən 43-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb.

 

BAKI, 4 dekabr — Sputnik. Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə obyektlərində reydlər davam etdirilir. Agentlikdən aparılan reydlərlə bağlı Sputnik Azərbaycan-a verilən məlumata görə, Bakı, Sumqayıt şəhərləri, Abşeron rayonu, eləcə də koronavirus (COVID-19) yoluxmalarının artması müşahidə olunan şəhər və rayonlar (Gəncə, Şəmkir, Sabirabad, Ağstafa, Mingəçevir) üzrə 488 ictimai iaşə obyektində 901 monitorinq keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.

Reyd keçirilən obyektlərdən 43-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə obyektləri aşağıdakılardır.

Bakı şəhəri üzrə:

Bakı şəhəri, Nəsimi rayonu, Səməd Vurğun ev.68 ünvanında yerləşən, hüquqi şəxs "Kobra" kiçik müəssisəsinə məxsus yeməkxana, Həsən Əliyev ev 90D ünvanında yerləşən, fiziki şəxs Məmmədov Şəadət Arif oğluna məxsus obyekt, A. M. Şərifzadə ev 33 ünvanında yerləşən, fiziki şəxs Hüseynov Sənan Rasim oğluna məxsus "Kaktus" restoranı, Nizami Rayonu, Qara Qarayev pr. ev.69 ünvanında yerləşən, fiziki şəxs Heydərov Sahib Sabir oğluna məxsus "Ləzzət dönər" evi, Nəsimi rayonu, Alı Mustafayev 37B ünvanında yerləşən, fiziki şəxs İsmayılov Pənah Ələddin oğluna məxsus kafe, Nəsimi rayonu, Alı Mustafayev 3 mkr ev.10 K ünvanında yerləşən, fiziki şəxs Arzu Ekici Bayraməli qızına məxsus kafe, Binəqədi rayonu, Süleyman Sani Axundov ev.1 A ünvanında yerləşən, fiziki şəxs Nəbiyev Səfa Rəşadət oğluna məxsus "Cıdır Düzü" restoranı, Yasamal rayonu, Şərifzadə ev.2 M. ünvanında yerləşən, fiziki şəxs Bayramov Qalib Taryel oğluna məxsus "Quzu Təndir" restoranı, G.Mehmandarov küçəsində yerləşən, fiziki şəxs Həsənov Nail Telman oğluna məxsus kafe, Səbail rayonu, Yusif Məmmədəliyev ev.19 m.1 A ünvanında yerləşən, fiziki şəxs Muradov Kamran Namiq oğluna məxsus "Nutelland" kafesi, hüquqi şəxs "Nabikoğlu" Məhdud Məsuliyyətli Cəmiyyətinə məxsus "Chef Baku" kafesi, Yeni Günəşli qesəbəsində yerləşən, fiziki şəxs Rüstəmov Samin Ələddin oğluna məxsus kafe, Lökbatan qəs., keçid 1596 ünvanında yerləşən, fiziki şəxs Əliyev Elməddin Nazim oğluna məxsus "Lion Garden" kafesi, Həsən Əliyev, ev 115A ünvanında yerləşən, fiziki şəxs Hüseynov Elvin Fuqan oğluna məxsus kafe, Sulutəpə qəs., R. Allahverdiyev 11 ünvanında yerləşən, fiziki şəxs Xəlilov Bəhmən Məhəmməd oğluna məxsus kafe, H.Cavid pr. ev 8 ünvanında yerləşən, fiziki şəxs Mahmudov Alsavad Xalid oğluna məxsus "Şaurma №1" restoranı, Səbail rayonu, Neftçi Qurban Abbasov küç., ev.24a ünvanında yerləşən, fiziki şəxs Məhərrəmov Elgün Zakir oğluna məxsus kafe, Səbail rayonu, Neftçi Qurban Abbasov küç., ev.7 M. ünvanında yerləşən, fiziki şəxs Hüseynov Xəyyam Hüseyn oğluna məxsus yeməkxana, Biləcəri, R.İsmayılov 8 ünvanında yerləşən, fiziki şəxs Namazov Telman Fərəc oğluna məxsus "Rəmiş" kafesi;

Sumqayıt şəhəri, 3-cü mkr ünvanında yerləşən, fiziki şəxs Rəhimov Zaur Tofiq oğluna məxsus "Köz Dönər" kafesi, 9-cu mkr ünvanında yerləşən, fiziki şəxs Şamıyev Elvin Rəhim oğluna məxsus "Hicaz Dönər" kafesi, 13-cü mkr ünvanında yerləşən, fiziki şəxs Əliyev İlham İsmayıl oğluna məxsus "Tea" kafesi, Səməd Vurğun ev.25 ünvanında yerləşən, fiziki şəxs Zamanov Rasim Nadir oğluna məxsus "Rəvan" çay evi, 17-ci mkr ünvanında yerləşən, fiziki şəxs Ağayev Seymur Engels oğluna məxsus "Ordubad" kafesi, 3 mkr. Bakı küçəsində yerləşən, fiziki şəxs Cəfərov Nurəddin Allahverdi oğluna məxsus "Lider Dönər" kafesi, 34-cü məh. ünvanında yerləşən, fiziki şəxs Bayramov Müşviq Etibar oğluna məxsus "Dönər Kabab" kafesi, 3-cü mkr ünvanında yerləşən, fiziki şəxs Şıxvəliyev İlham Gülməmməd oğluna məxsus "Bahar" kafesi, 40-cı məh. ünvanında yerləşən, fiziki şəxs Allahverdiyev Bəhram Sədirxan oğluna məxsus "Nərgiz" kafesi, Bədəlbəyli küç., ev 22 ünvanında yerləşən, fiziki şəxs Hacıyev Həsən Qaimşad oğluna məxsus "Nübar" kafesi;

Abşeron rayonu, Xırdalan şəhərində yerləşən, fiziki şəxs Mirzəyev Elçin Yaşar oğluna məxsus "Qədim Bakı" kafesi, Xırdalan şəhərində yerləşən, fiziki şəxs Bağırov Həşim Məmməd oğluna məxsus kafe, Mehdiabad qəsəbəsində yerləşən, fiziki şəxs Əlizadə Şahin Qərib oğluna məxsus "Zirvə" kafesi, Xırdalan şəh., H.Əliyev prospektində yerləşən, fiziki şəxs Soltanov Ramin Rəfayət oğluna məxsus "Aziz Baba" dönər evi, Saray ŞTQ-də yerləşən, fiziki şəxs Səmədov Rasim Rafiq oğluna məxsus "Ziya" kafesi, Buzovna ştq ev.342 M. ünvanında yerləşən, fiziki şəxs Əskərov Azər Firudin oğluna məxsus "Sherlocks" kafesi;

Digər şəhər və rayonlar üzrə:

Ağstafa şəhəri, M.Ə.Rəsulzadə küçəsində yerləşən, fiziki şəxs Kosayev Qara Mirzə oğluna məxsus kafe;

Şəmkir, Dəllər qəsəbəsində yerləşən, fiziki şəxs Aslanov Rövşən Akif oğluna məxsus kafe; Gəncə şəhəri Ş.İ.Xətai 157 ünvanında yerləşən, fiziki şəxs Süleymanov Məmmədəli İslam oğluna məxsus kafe, Ş.İ.Xətai ev.0 M.0 ünvanında yerləşən, fiziki şəxs Tağızadə Heydər Fazil oğluna məxsus dönər evi, Təbriz küçəsi ev.315 ünvanında yerləşən, fiziki şəxs Qurbanov Kamran Sədrəddin oğluna məxsus yeməkxana;

Mingəçevir şəhərində yerləşən, fiziki şəxs Hacıyev Nurlan Arzuman oğluna məxsus obyekt, H.Hüseynov küç., ev.30 M. ünvanında yerləşən, fiziki şəxs Abbasov Rubail Yaşar oğluna məxsus restoran, Maqomayev 14 ünvanında yerləşən, fiziki şəxs Rövşən Bilalov Rasim oğluna məxsus kafe.

Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektlərində yoxlama-nəzarət tədbirlərini davam etdirir və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcək.

2
Teqlər:
Nəsimi rayonu, Bakı şəhəri, sahibkarlıq subyektləri
Bayılda sürüşmə zonası

Təbiətlə məmurlar sanki Bayıl sakinlərinin qəsdinə durublar - FOTOLAR

9
(Yenilənib 22:32 04.12.2020)
"Bizə bildirdilər ki, burada yaşamaq həyatımız üçün təhlükəlidir. Amma bizim buradan başqa yerdə evimiz yoxdur. Ona görə də məcburuq burada yaşayaq".

İradə Cəlilova, Sputnik Azərbaycan

BAKI, 4 dekabr — Sputnik. Bakının Bibiheybət qəsəbəsində yenidən torpaq uçqunu olub. Sputnik Azərbaycan bu barədə xəbər tutan kimi hadisə yerinə yollanıb. Bibiheybət məscidindən bir qədər aşağıda, yamacda baş verən torpaq uçqunu ərazidə olan evlərdə yaşayanlar üçün təhlükə yaradıb. Ərazidə yaşayan sakinlər Sputnik Azərbaycan-a bildiriblər ki, torpaq uçqunu gecə saatlarında baş verib. Bu səbəbdən də dövlət qurumları burada yaşayan insanlara evlərini tərk etməyi tövsiyyə edib.

  • Bayılda sürüşmə zonası
    © Sputnik / Irade JELIL
  • Bayılda sürüşmə zonası
    © Sputnik / Irade JELIL
  • Bayılda sürüşmə zonası
    © Sputnik / Irade JELIL
  • Bayılda sürüşmə zonası
    © Sputnik / Irade JELIL
  • Bayılda sürüşmə zonası
    © Sputnik / Irade JELIL
  • Bayılda sürüşmə zonası
    © Sputnik / Irade JELIL
1 / 6
© Sputnik / Irade JELIL
Bayılda sürüşmə zonası

Nazilə Məmmədova adlı sakin bildirib ki, bu ərazidə yerləşən evlərdə kirayə qalan sakinlər evlərdən köçüb: "Dövlət qurumlarının nümayəndələri gəlib əraziyə baxış keçirdilər. Bizə bildirdilər ki, burada yaşamaq həyatımız üçün təhlükəlidir. Amma bizim buradan başqa yerdə evimiz yoxdur. Ona görə də məcburuq burada yaşayaq" - deyə sakin bildirib.

Sakinlərlə söhbət əsnasında öyrəndik ki, ərazidəki evlərin heç birinin kupçası yoxdur. Odur ki, sakinlər əgər köçsələr, evlər sökülərsə onlara kompensasiya verilib-verilməyəcəyini bilmək istəyirlər: "Buradakı evlərin heç birinin sənədi yoxdur. Amma burada ev alsan, torpaq alsan bir kvadratmetri 2000 manatdır. Belə məlumatlar var ki, sökülərsə evlərə görə sakinlərə hər kvadrat metrə iki min manat ödəniləcək. Amma rəsmi qurumlar bizə bu barədə heç bir söz deməyiblər".

Sakinlər bildirir ki, yamacda yağıntılar çox olanda torpaq uçqunları baş verir. Amma onlar buna adətkərdə olublar: "Biz də istəyərik ki, bu təhlükəli yerdən köçək. Amma buna görə gərək bizə kompensasiya ödənilsin. Çünki, bizim başqa yerdə evimiz yoxdur. Nə də imkanımız yoxdur ki, köçüb başqa yerdə kirayə yaşayaq".

Sakinlər dövlət qurumlarının gələcəyi nəticəni gözlədiklərini söyləyiblər.

Məsələyə Səbail Rayon İcra Hakimiyyətindən münasibət bildirən olmadı. Ekologiya və Təbii Sərvətlər Nazirliyinə ünvanladığımız sorğunun da cavabını gözləyirik.

9
Teqlər:
Səbail rayon İcra Hakimiyyəti, Ekologiya və Təbii Sərvətlər Nazirliyi, Bayıl, sürüşmə, torpaq uçqunu