Polad Osmanov

Azərbaycanda universal qabiliyyət sahibi: Di gəl, çörəyi "daşdan" çıxır

439
(Yenilənib 10:13 04.04.2018)
Döyüş tapşırığını yerinə yetirərkən aldığı kontuziya belə, onun musiqiyə olan həvəsini öldürə bilməyib

İlham Mustafa, Sputnik Azərbaycan

BAKI, 3 aprel — Sputnik. O, həvəskar musiqiçi ailəsində dünyaya göz açıb. Atası qarmon, qardaşı nağara ifaçısı olub. Körpəliyindən musiqi sədaları altında böyüməsi onu peşəkar musiqiçi olmağa həvəsləndirib. Nəticədə sonrakı həyatını sözügedən sahəyə bağlayıb.

Virtuoz musiqiçi Polad Osmanov Mingəçevir şəhərində yaşayır. O, bir çox alətlərdə peşəkar ifa edir, vokal oxuyur, musiqi qruplarına bədii rəhbərlik edir, bir sözlə, musiqiyə aid olan hər şeyi bacarır. Bütün bunlara qabiliyyəti və inadkarlığı sayəsində nail olub. Təhsilinə ara verməyə məcbur edən amansız müharibə, döyüş tapşırığını yerinə yetirərkən aldığı kontuziya belə, onun musiqiyə olan həvəsini öldürə bilməyib.

Sputnik Azərbaycan-ın bölgə müxbiri ilə söhbtətində Polad Osmanov həvəskar musiqiçi ailəsində doğulsa da, ailədə ilk peşəkar musiqiçi olmağın onun taleyinə düşməsindən, lakin bunun ona heç də asan başa gəlmədiyidən danışır: "Uşaqlıqda tar üzrə musiqi təhsili aldım. 1992-ci ildə test üsulu ilə ilk dəfə imtahan verib Asəf Zeynallı adına Bakı Musiqi Texnikumuna qəbul oldum".

"Sadəcə 3 ay oxumuşdum ki, Milli Ordu sıralarına çağırıldım. Milli Qəhrəman Asif Məhərrəmovun (Fred Asif) rəhbərliyində Azərbaycanın ilk istehkam batalyonunun üzvü oldum. 1994-cü ildə mina təmizləyən vaxtı əsgər yoldaşım minaya düşdü. O, ayaqlarını itirdi, mənsə kontuziya aldım", — deyir həmsöhbətimiz.

Mingəçevir şəhər musiqi məktəbi
© Sputnik / Ilham Mustafa
Mingəçevir şəhər musiqi məktəbi

P. Osmanov 5 illik hərbçi həyatından sonra musiqi təhsilini davam etdirib. 2000-ci ildə texnikumu bitirərək İncəsənət Universitetinə imtahan verib. Lakin 0.33 balı çatmadığından ödənişli ixtisasa düşüb. Keçmiş döyüşçü çox çətinliklərdən üzüağ çixmağı bacarsa da, 0.33-lük bal baryeri onun üçün keçilməz olub. Maddi çətinlik onun ali təhsil almasına imkan verməyib.

Festivalların birində Əməkdar artist Sabir Mirzəyevlə qarşılaşıb. Əməkdar artist bu mingəçevirli gəncin istedadını görüb və ona iş təklif edib. 2 il birgə fəaliyyətləri dövründə böyük xanəndədən çox şey öyrənən tar ifaçısı muğam oxumağın da sirlərinə yiyələnib.

Polad Osmanov bir müddət Bakıda yaşadıqdan sonra Mingəçevirə qayıtmaq məcburiyyətində qalıb: "Bakıda evsizlik, şəraitsizlik məcbur etdi ki, Mingəçevirə dönüm. Qayıtdıqdan sonra musiqi məktəbində konsertmeyster kimi işə başladım".

"Hazırda ifaçıları tarda müşayiət edirəm, ansambla bədii rəhbərlik edirəm. Fərdi olaraq vokal dərsləri verdim. Hazırda Mingəçevirdə gənc ifaçıların, demək olar ki, hamısı mənim tələbələrimdir. Düzdür, ailədə hər kəsdə yaxşı səs olsa da, məndə bu, texnika ilə əvəzlənib", — deyir universal musiqiçi.

Tar, nağara, qarmon, piano və kamançada ifa etməyi bacaran musiqiçi, eyni zamanda özünəməxsus muğam ifasıyla da seçilir. Bir müddət ixtisası üzrə fərdi şəkildə tələbə hazırlasa da, müharibə illərindən qalan xəstəliklər və şəkərli diabetdən müalicə olunması bu sahəni atmasına səbəb olub.

© Sputnik / Ilham Mustafa
Onun bacarığı hər kəsi heyrətə salır

Musiqi məktəbindən maaş alsa da, iki övlad atası olan Polad Osmanov hazırkı vəziyyətdə bununla ailə dolandırmağın mümkünsüz olduğunu deyir. Məcbur qalıb müəyyən toylarda iştirak etdiyini bildirir.

Müsahibimiz əsas gəlirini isə, şəhərdə yerləşən otel-restoranların birində virtuoz ifa etməklə çıxarır. Sakit və kiçik auditoriyada tar, piano və vokal ifaçılığı edən Polad müəllim əsl musiqinin belə mühitdə çatdırılmasına daha çox üstünlük verir.

439
Teqlər:
virtuoz ifa, Polad Osmanov, ifa, musiqiçi, musiqi, Mingəçevir
Əlaqədar
Azərbaycanda fenomenal etibar sahibi: 40 ildir gözləyir ki...
Azərbaycanda fenomen böyüyür
Musiqiçi qeyri-adi hərəkəti ilə tamaşaçıları heyrətləndirməyi bacardı
Azərbaycandakı qeyri-adi məkanda möcüzələr yaşanır
Azərbaycanda qeyri-adi təbiət hadisəsi baş verib
Tibbi maskada olan qızlar, arxiv şəkli

Koronavirusla mübarizəyə həsr olunmuş beynəlxalq fotomüsabiqə elan olunub

4
Müsabiqə dünyanın bütün yerlərindən olan peşəkar fotomüxbirlər üçün açıqdır. Kütləvi informasiya vasitələrində çalışan peşəkar xəbər fotoqrafları müsabiqədə iştirak edə bilər.

BAKI, 23 noyabr — Sputnik. Rusiyanın TASS agentliyinin təşkilatçılığı ilə "Koronavirusla mübarizəyə həsr olunmuş xəbərlər üzrə foto mükafatları" müsabiqəsi elan olunub.

Sputnik Azərbaycan xəbər verir ki, müsabiqə dünyanın bütün yerlərindən olan peşəkar fotomüxbirlər üçün açıqdır. Kütləvi informasiya vasitələrində çalışan peşəkar xəbər fotoqrafları müsabiqədə iştirak edə bilər.

Bu, COVID-19 pandemiyası ilə mübarizə mövzusuna həsr olunmuş beynəlxalq fotomüsabiqədir. Təqdim edilən fotoşəkillər yalnız pandemiya ilə əlaqəli olmalıdır. Müsabiqənin şərtlərinə görə yalnız əvvəllər mediada yayımlanan fotoşəkillər keçərlidir.

Birinci yerin qalibinə 10 min dolları veriləcək.

Ətraflı məlumat almaq və müraciət etmək üçün https://npacontest.com/ ünvanına daxil olun

4
Teqlər:
müsabiqə, COVID-19, Koronavirus

Azərbaycanın Rus İcması Prezident İlham Əliyevə müraciət edib

8
(Yenilənib 20:19 23.11.2020)
Rus icması: "Azərbaycan Respublikası Prezidentinin, Ermənistan Respublikası baş nazirinin və Rusiya Federasiyası Prezidentinin üçtərəfli bəyanatı 30 illik müharibəyə son nöqtə qoydu və Azərbaycanın qalib statusunu təsbit etdi".

BAKI, 23 noyabr - Sputnik. Azərbaycanın Rus İcması Prezident, Azərbaycan Silahlı Qüvvələrinin Ali Baş Komandanı İlham Əliyevə müraciət edib.

Sputnik Azərbaycan xəbər verir ki, məktubda deyilir: “Möhtərəm cənab Prezident, Ali Baş Komandan İlham Heydər oğlu!

İcazə verin, Azərbaycanın Rus İcması adından Sizi və Azərbaycan Respublikasının Birinci vitse-prezidenti Mehriban xanım Əliyevanı bütün Azərbaycan xalqının düşmən üzərində birmənalı, möhtəşəm Qələbəsi münasibətilə təbrik edək. Ermənistan Respublikasının işğalçı qüvvələri darmadağın edildi və geri çəkildi.

Azərbaycan Respublikası Prezidentinin, Ermənistan Respublikası baş nazirinin və Rusiya Federasiyası Prezidentinin üçtərəfli bəyanatı 30 illik müharibəyə son nöqtə qoydu və Azərbaycanın qalib statusunu təsbit etdi.

Möhtərəm İlham Heydər oğlu, biz bilirik ki, Siz BMT Təhlükəsizlik Şurasının 4 qətnaməsinə müvafiq olaraq bu münaqişənin dinc yolla nizamlanması üçün nə mümkündürsə etdiniz. Lakin Ermənistanın destruktiv mövqeyi danışıqlarda irəliləyişə nail olmağa imkan vermədi, onun daimi hərbi provokasiyaları bu il sentyabrın 27-də münaqişənin eskalasiyasına gətirib çıxardı.

Biz, Azərbaycanın rus əhalisi Sizin mətinliyinizə, müdrikliyinizə və qəti qələbəyə qədər getmək əzminizə görə Sizə səmimi təşəkkürümüzü və dərin minnətdarlığımızı bildiririk.

Sizin rəhbərliyinizlə igid, rəşadətli ordumuz qısa müddətdə çoxsaylı kəndləri, şəhərləri erməni işğalından azad etdi və Ermənistanı tam hərbi kapitulyasiya aktını imzalamağa məcbur etdi.

Respublikanın rus vətəndaşlarının çoxu 1990-cı illərin əvvəlində olduğu kimi, bu dəfə də Azərbaycan xalqı ilə çiyin-çiyinə dayandı və Azərbaycan sərhədlərinin pozulmazlığı hüququnu müdafiə edərək ölkəmizin ərazi bütövlüyünün bərpa olunmasında iştirak etdi.

Biz Sizin sözlərinizi xatırlayırıq ki, bu gün biz birlikdəyik və heç kəs bu birliyi poza bilməz.

Cənab Prezident, Sizin Ali Baş Komandan, diplomat, siyasi xadim və öz ölkəsinin vətəndaşı kimi fəaliyyətiniz sabahkı quruculuq gününə qəti əminlik yaradır, o vaxt minlərlə insan öz evlərini yenidən tikmək, müharibə dəhşətlərinin nə demək olduğunu bilməyən yeni nəsil tərbiyə etmək üçün işğaldan azad olunmuş torpaqlara qayıda biləcəklər.

Azərbaycanda və onun ayrılmaz tərkib hissəsi olan Dağlıq Qarabağ bölgəsinin torpağında sülhün və firavanlığın bərpa edilməsi üzrə titanik səylərinizə görə sağ olun.

Sizin Azərbaycan xalqına səmimi müraciətləriniz bu xalqın qəlbində inam oyatdı, düşməni darmadağın etmək və Azərbaycanın ərazi bütövlüyünü qorumaq üçün xalqı vahid cəbhə kimi sıx birləşdirdi. Biz doğma Qarabağ regionunu azad etdik, bu gün bizim bayrağımız Şuşada – Qarabağın ürəyində dalğalanır. Məcburi köçkünlər tezliklə öz doğma yurdlarına qayıdacaq və bütün ölkəmiz yenidən firavanlaşacaq.

Bütün Azərbaycan xalqı çoxdan gözlədiyimiz şanlı Qələbə gününü Sizinlə birlikdə bayram edəcək.

Yaşasın Ali Baş Komandan!

Yaşasın çoxmillətli Azərbaycan xalqı!

Yaşasın Azərbaycan Ordusu!

Qarabağ Azərbaycandır!”

Bildirilib ki, müraciət Azərbaycan Rus İcmasının Respublika Şurasının iclasında qəbul edilib.

8
Teqlər:
Ermənistan, Azərbaycan, BMT-nin qətnamələri, kapitulyasiya, Üçtərəfli bəyanat, Prezident İlham Əliyev, rus icması
Prezident İlham Əliyev və birinci xanım Mehriban Əliyeva işğaldan azad edilmiş Ağdam şəhərində

Prezident İlham Əliyev Ağdamda Azərbaycan bayrağını ucaldıb - VİDEO

0
Səfər zamanı Prezident və Birinci xanım Ağdam Cümə məscidində olublar. Həmçinin Prezident İlham Əliyev Ağdamda Azərbaycan bayrağını qaldırıb.

BAKI, 23 noyabr — Sputnik. Noyabrın 23-də Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyev və birinci xanım Mehriban Əliyeva işğaldan azad edilmiş Ağdam şəhərində olublar.

Səfər zamanı Prezident və Birinci xanım Ağdam Cümə məscidində olublar. Həmçinin Prezident İlham Əliyev Ağdamda Azərbaycan bayrağını qaldırıb.

Ağdam rayonu Ermənistan silahlı qüvvələri tərəfindən noyabrın 20-də üçtərəfli bəyanatın şərtlərinə əsasən azad edilib.

Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 9-da imzalanıb. Azərbaycan Respublikasının Prezidenti İlham Əliyev və Rusiya Federasiyasının Prezidenti Vladimir Putin Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanata görə, Ağdam rayonu 2020-ci il noyabrın 20-dək Azərbaycan Respublikasına qaytarılır. 2020-ci il noyabrın 15-də Azərbaycan Respublikasına Kəlbəcər rayonu, dekabrın 1-də Laçın rayonu qaytarılır. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

https://mod.gov.az/az/news/prezident-ilham-eliyev-ve-birinci-xanim-mehriban-eliyeva-isgaldan-azad-edilmis-agdam-seherinde-olublar-yenilenecek-video-33867.html

0