Rahim Namazovun öldürüldüyü yerdə polis təhqiqat aparır

"Lotu Quli"ni söyən avtoritetin arvadı öldürüldü

704
Onun ailə üzvləri ilə birlikdə 2010-cu ildə Fransaya mühacirət etdiyi bildirilir

BAKI, 30 mart — Sputnik. Kriminal aləmdə Rahim Şəkinski kimi tanınan şəxs və həyat yoldaşı Fransada güllələnib. Sputnik Azərbaycan xarici mətbuata istinadla xəbər verir ki, hadisə Tuluza şəhərinin yaxınlığındakı Kolomye şəhərində qeydə alınıb. "Audi" markalı avtomobildən düşən şəxs digər avtomobildə olan Rahim Namazovla həyat yoldaşına 7 güllə vurub və hadisə yerindən qaçıb.

Rahim Namazov
© France 3
Rahim Namazov

Fransada silahlı hücuma məruz qalan Rahim Namazovun kriminal avtoritetlərlə əlaqələrinin olduğu bildirilir. Hadisənin hansı motivdə baş verməsi araşdırmalardan sonra məlum olacaq.

Qeyd edək ki, R.Namazov Azərbaycanda məhkumluq həyatı yaşayıb. O cümlədən dələduzluğa görə 1 il icbari həbs cəzası alıb. Onun Azərbaycanda müxtəlif şəxslərdən pul alaraq onları aldatdığı da bildirilir.

Fransa polisi Rahim Namazovun arvadı Aidanın başından güllə yarası aldığını və vəziyyətinin kritik olduğunu açıqlayıb. Polis daha sonra onun xəstəxanada öldüyü barədə məlumat verib. Rahim Namazov isə çiynindən güllə yarası alıb. Hadisə yerində polis və prokurorluq əməkdaşları təhqiqat aparır.

Fransa KİV-ləri Rahim Namazovu "siyasi mühacir" və "jurnalist" kimi təqdim edir. Onun ailə üzvləri ilə birlikdə 2010-cu ildə Fransaya mühacirət etdiyi bildirilir. Namazovlar ailəsi Fransada üç uşağı ilə yaşayırmış.

O da məlumdur ki, R.Namazov Fransaya jurnalist adı altında mühacirət edib, "YouTube"də Namazovun özünün bu barədə danışıqlarına rast gəlinir.

Bir neçə həftə əvvəl "Rahim Şəkinski" İstanbulda məskunlaşmış azərbaycanlı "qanuni oğru" "Lotu Quli"nin ünvanına söyüşlər yağdıraraq onu "YouTube"də yerləşdirib. O, özünü İstanbulda güllələnmiş Rövşən Lənkəranskinin tərəfdarı kimi təqdim edib. Bundan sonra "Lotu Quli"nin tərəfdarları Rahim Şəkinskiyə "YouTube" vasitəsilə söyüşlər ünvanlayıblar. Qarşılıqlı söyüşmə günlərlə davam edib.

704
Teqlər:
güllələmə, kriminal aləm, avtoritet, Lotu Quli, Fransa
Məmur, arxiv şəkli

Yardımla bağlı saxtakarlıq edən vəzifəli şəxslər məhkəməyə çıxarılacaqlar

0
DSMF-nin Şabran rayon şöbəsinin sabiq müdirinin qanunsuz əməllərinə dair cinayət işi məhkəməyə göndərilib

BAKI, 16 may — Sputnik. Dövlət Sosial Müdafiə Fondunun Şabran rayon şöbəsinin sabiq müdirinin qanunsuz əməllərinə dair cinayət işi məhkəməyə göndərilib. Baş Prokurorluqdan Sputnik Azərbaycan-a verilən məlumata görə, Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Şabran rayon şöbəsində 2017-2020-ci illər ərzində dövlət büdcəsindən ayrılan vəsaitlərin icrası vəziyyətinin yoxlanılması zamanı nöqsanların aşkar edilməsi faktı ilə bağlı həmin dövlət qurumundan daxil olmuş materiallar əsasında Baş prokuror yanında Korrupsiyaya qarşı Mübarizə Baş İdarəsində Azərbaycan Respublikasının Cinayət Məcəlləsinin müvafiq maddələri ilə cinayət işi başlanılmaqla istintaq aparılıb.

Müəyyən edilib ki, Fondun Şabran rayon şöbəsinin müdiri İlqar Rzayev işlədiyi müddətdə həmin şöbənin mühasibat uçotu sektorunun müdiri Elvin Hüseynov və digər vəzifəli şəxsləri ilə birlikdə vətəndaşların müraciəti əsasında ünvanlı dövlət sosial yardımın təyin edilməsindən imtina edilməsi üçün əsaslar olduğu halda, vəzifə saxtarkarlığına yol verməklə dövlət büdcəsinə ümumilikdə 341 min manat ziyan vurublar.

Toplanan sübutlarla İlqar Rzayev, Elvin Hüseynov və digərlərinə CM-nin 179.3.2 (israf etmə külli miqdarda törədildikdə), 308.2 (vəzifə səlahiyyətlərindən sui-istifadə ağır nəticələrə səbəb olduqda ), 314.2-ci (səhlənkarlıq ağır nəticələrə səbəb olduqda) və digər maddələri ilə yekun ittiham elan edilərək cinayət işi baxılması üçün Bakı Ağır Cinayətlər Məhkəməsinə göndərilib.

İstintaq zamanı vurulmuş maddi ziyanın 138 min manat olan hissəsinin ödənilməsi təmin edilib.

Eləcə də oxuyun: 

Birdəfəlik verilən uşaq pulunun verilməsi zamanı problemlər bundan qaynaqlanır

KİV-lər və QHT-lər xidməti müqavilə ilə işçi çalışdıra bilməyəcəklər

Vəzifəli şəxsin qanunsuz əməlləri ifşa edilib

Nazir: "DSMF-nin büdcə asılılığı azalıb"

 

0
Teqlər:
məhkəmə, cinayət işi, vəzifəli şəxs, DSMF

Azərbaycan Ordusu Ermənistanla sərhəddə təlimlərə başlayır

5
Mayın 17-də Naxçıvan Qarnizonunda müxtəlif qoşun növü birləşmə və hissələrinin cəlb edilməsi ilə komanda-qərargah təlimi keçiriləcək.

BAKI, 16 may — Sputnik. 2021-ci tədris ilinin döyüş hazırlığı planına uyğun olaraq mayın 17-də Naxçıvan Qarnizonunda müxtəlif qoşun növü birləşmə və hissələrinin cəlb edilməsi ilə komanda-qərargah təlimi keçiriləcək.

Sputnik Azərbaycan xəbər verir ki, mayın 20-dək davam edəcək təlimdə praktiki fəaliyyətlərə cəlb olunan birləşmə və hissələr təlim-döyüş tapşırıqlarına uyğun təyinat rayonlarına çıxarılaraq məşq etdiriləcək.

Qeyd edək ki, Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin təsdiq etdiyi plana əsasən, mayın 16-dan Azərbaycan Ordusunda qoşun növlərinin cəlb edilməsi ilə təlimlər keçirilir. Müdafiə nazirinin rəhbərliyi ilə keçirilən təlimə 15000 nəfərədək şəxsi heyət, 300-dək tank və digər zirehli texnika, 400-dək müxtəlif çaplı raket və artilleriya qurğusu, yaylım atəşli reaktiv sistemləri, minaatan və tank əleyhinə vasitələr, 50-dək hərbi aviasiya və müxtəlif təyinatlı pilotsuz uçuş aparatları cəlb olunub.

 

Eləcə də oxuyun: 

Döyüşə hazır olma vəziyyəti və antiterror əməliyyatı: Ordumuzda təlimlər başlayıb

Azərbaycan yollarında hərbi maşınlar: nə baş verir? - VİDEO

Azərbaycan HHQ-nin döyüş təyyarələri, Bayraktar və digər PUA-lar səmaya qalxdı

5
Teqlər:
sərhəd, hərbi təlimlər, Azərbaycan Ordusu, Azərbaycan, Naxçıvan