Bakı beynəlxalq avtovağzalı

Bayram günlərində daşınan sərnişinlərin sayı açıqlandı

20
(Yenilənib 19:16 27.03.2018)
Qeyd edək ki, ötən illərlə müqayisədə onlayn bilet satışında da aktivlik müşahidə olunub.

BAKI, 27 mart — Sputnik. Bakı Beynəlxalq Avtovağzal Kompleksindən bir günə 18 mindən çox sərnişin daşınıb. Bu barədə Sputnik Azərbaycan-a Avtovağzalın mətbuat xidmətinin rəhbəri Yaşar İsakov məlumat verib. O, bildirib ki, sərnişin daşımalarının müasir standartlara uyğun həyata keçirilməsi məqsədilə Bakı Beynəlxalq Avtovağzal Kompleksində quruculuq və təmir-bərpa işlərinin aparılmasına baxmayaraq, kompleks hər il olduğu kimi, bu Novruz bayramı ərəfəsində də xüsusi iş rejimində fəaliyyət göstərib.

"Bayram günlərində yarana biləcək sərnişin sıxlığının qarşısını almaq və kompleksin ahəngdar işləməsini təmin etmək məqsədilə Bakı Beynəlxalq Avtovağzal Kompleksi martın 15-dən 27-dək gücləndirilmiş iş rejimində çalışıb. Belə ki, adi vaxtda gün ərzində 300-340 nəqliyyat vasitəsilə təxminən 7-8 min sərnişin yola salındığı halda, bayram günlərində 5200-dən çox reyslə 140 mindən çox sərnişin daşınıb. Müqayisə üçün qeyd edək ki, ötən il Novruz bayramı günlərində 4866 reyslə 123 mindən artıq sərnişin daşınmışdı" —deyə İsakov qeyd edib.

Onun sözlərinə görə, bayram günlərində ən çox sərnişin sıxlığı martın 19-da müşahidə olunub. Həmin gün 700-dən artıq reyslə 18 800-dən çox sərnişin yola salınıb.

Qeyd edək ki, ötən illərlə müqayisədə onlayn bilet satışında da aktivlik müşahidə olunub.

20
Əlaqədar
Bakıda qadın sərnişin kişi sürücünü döyüb - VİDEO
Bakıda metroda sərnişin öldü
Avtobus taksi ilə toqquşdu, yaşlı sərnişin ağır zədə aldı
Sərnişin gedişhaqqına görə taksi sürücüsünü qətlə yetirdi
İranda sərnişin təyyarəsi qəzaya uğradı, çoxlu sayda ölən var