Qubadakı qədim Günbəzli hamamın açılış mərasimi

Qubadakı qədim "Günbəzli hamam" təmir edildi

160
(Yenilənib 12:11 30.03.2018)
Qırmızı kərpicdən inşa edilmiş bu tarixi hamam Nazirlər Kabinetinin qərarı ilə yerli daşınmaz tarix və mədəniyyət abidələri siyahısına daxil edilib

BAKI, 26 mart — Sputnik. Bu gün Amerika səfirlərinin Mədəni İrsin Qorunması Fondunun maliyyə dəstəyi, Azərbaycanın Mədəniyyət və Turizm Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti ilə birgə bərpa edilən Qubadakı qədim "Günbəzli hamam"ın açılış mərasimi keçirilib.

Qubadakı qədim Günbəzli hamamın açılış mərasimi
© Sputnik / Leyla Abdullayeva
Qubadakı qədim "Günbəzli hamam"ın açılış mərasimi

Sputnik Azərbaycan-ın bölgə müxbirinin məlumatına görə, açılış mərasimində ABŞ-ın Azərbaycandakı səfiri R. Sekuta, mədəniyyət naziri Əbülfəz Qarayev, Quba rayon İcra Hakimiyyətinin başçısı Ziyəddin Əliyev, ictimaiyyət nümayəndələri iştirak edib. Çıxışlarda bildirilib ki,18-ci əsrin sonu və 19-cu əsrin əvvəllərində şərq memarlıq üslubunda — qırmızı kərpicdən inşa edilmiş bu tarixi hamam Nazirlər Kabinetinin qərarı ilə yerli daşınmaz tarix və mədəniyyət abidələri siyahısına daxil edilib.

Hamamın binasının fasad, dam, divar, pilləkən hissəsi və otaqları yenilənərək əsaslı bərpa edilib, ətrafı hasarlanıb. Ərazidə xüsusi bərpa işləri görülüb. Açılış mərasimində qeyd olunub ki, vaxtilə hamam kimi fəaliyyət göstərmiş bu tarixi abidə indi hamam statusu daşımayacaq, vətəndaşlara, sakin və turistlərə açıq olacaq. Burada yerli sənətkarların əl işlərindən ibarət sərgilər, müxtəlif tədbirlər keçiriləcək.

Mədəniyyət və turizm naziri Əbülfəs Qarayev bildirib ki, ABŞ səfirliyinin maliyyə dəstəyi ilə bərpa edilən "Günbəzli hamam"ın təmir işlərində Azərbaycan ustaları çalışıb, günbəzin tarixi formasında heç bir dəyişiklik edilməyib: "Qədimdən necə idisə, elə də bərpa olunub. Bu abidələr bizim sərvətimizdir, kökümüzü ifadə edən rəmzlərdir. Azərbaycan hər zaman multikultural ənənələrə sadiq olan torpaq olub. Qubada yerləşən bu abidənin bərpasına xarici ölkənin gücünün cəlb olunması bu rayonda mövcud olan mühitə hörmət əlaməti kimi qəbul olunmalıdır".

Əbülfəz Qarayev bu tarixi hamamın bərpasının Qubaya gələn yerli və əcnəbi turistlər üçün xüsusilə maraqlı olacağını deyib.

Qubadakı qədim Günbəzli hamamın açılış mərasimi
© Sputnik / Leyla Abdullayeva
ABŞ-ın Azərbaycandakı səfiri Robert Sekutanın çıxışı

İştirakçıların diqqətinə çatdırılıb ki, 2001-ci ildən fəaliyyətdə olan Amerika səfirlərinin Mədəni İrsin Qorunması Fondu indiyədək 100-dən çox ölkədə müxtəlif qədim və tarixi binaların, nadir əlyazma və muzey kolleksiyalarının, bir sözlə, məhv olmaq təhlükəsində olan mədəni abidələrin bərpasına dəstək verib və xeyirxah missiya bundan sonra da uğurla davam etdiriləcək.

Quba rayon İcra Hakimiyyətinin başçısı Ziyəddiin Əliyev qubalılar adından hamamın bərpasındakı xüsusi xidmətlərinə görə Amerikanın Azərbaycandakı səfiri Robert Sekutaya və xanımına təşəkkür edib.

160
Teqlər:
"Günbəzli hamam", təmir, mədəniyyət və turizm naziri Əbülfəs Qarayev, Robert Sekuta, Mədəniyyət və Turizm Nazirliyi
İtaliyada epdimioloji vəziyyət

İtaliyada sabahdan yeni qadağalar tətbiq olunacaq

13
İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

BAKI, 25 oktyabr - Sputnik. İtaliyada epidemioloji vəziyyətin pisləşməsi səbəbindən oktyabrın 26-dan məhdudiyyətlər artırılır.

Sputnik Azərbaycan “Qafqazinfo”ya istinadla məlumat verir ki, bu gün İtaliya Baş Nazirinin Mətbuat xidməti tərəfindən açıqlanan yeni qaydalara uyğun olaraq bütün kinoteatr, teatr, idman zalları və hovuzlar bağlanacaq.

Restoran və barlar işə davam edəcək, lakin vaxt məhdudiyyəti ilə - axşam saat 6-dək.

Qeyd edək ki, İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

13
Koronavirus testi, arxiv şəkli

Ölkədə daha 946 nəfər COVID-19-a yoluxub, 228 nəfər sağalıb

35
Azərbaycanda COVID-19-a yeni yoluxma hallarının müəyyənləşdirilməsi ilə əlaqədar aparılan testlərin sayı da açıqlanıb.

BAKI, 25 oktyabr - Sputnik. Azərbaycan Respublikasında koronavirus (COVID-19) infeksiyasına 946 yeni yoluxma faktı qeydə alınıb, 228 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 7 nəfər vəfat edib.

Azərbaycanda COVID-19-a yeni yoluxma hallarının müəyyənləşdirilməsi ilə əlaqədar aparılan testlərin sayı da açıqlanıb.

Nazirlər Kabineti yanında Operativ Qərargahdan verilən məlumata görə, ölkədə son sutka ərzində 10037, hazırkı dövrədək isə 1291534 test aparılıb.

35

İlham Əliyev Azərbaycanı dəstəkləyən ölkələrin başçılarına məktublar ünvanlayıb

0
Prezident BMT TŞ-da Azərbaycanı dəstəkləyən ölkələrin dövlət və hökumət başçılarına məktublar ünvanlayıb.

BAKI, 25 oktyabr - Sputnik. Məlum olduğu kimi, bu günlərdə BMT Təhlükəsizlik Şurasında Ermənistan-Azərbaycan münaqişəsi ilə bağlı baş tutmuş müzakirələrdə Qoşulmama Hərəkatının və eyni zamanda, hazırda Təhlükəsizlik Şurasının üzvü olan ölkələr - İndoneziya, Tunis, Niger, Dominikan Respublikası, Vyetnam, Cənubi Afrika Respublikası və Sent-Vinsent və Qrenadin təklif edilən sənəd layihəsinə Təhlükəsizlik Şurasının 1993-cü ildə qəbul edilmiş 822, 853, 874, 884 saylı qətnamələrinə istinadın daxil edilməsinə dair israrlı mövqe nümayiş etdiriblər. Nəticədə Təhlükəsizlik Şurasının daimi üzvləri olan ATƏT-in Minsk qrupunun həmsədr ölkələri hazırladıqları bəyanat layihəsini geri götürməyə məcbur olublar.

Sputnik Azərbaycan xəbər verir ki, bununla əlaqədar, Azərbaycan Respublikasının Prezidenti İlham Əliyev tərəfindən İndoneziya, Tunis, Niger, Dominikan Respublikası, Vyetnam, Cənubi Afrika Respublikası və Sent-Vinsent və Qrenadinin dövlət və hökumət başçılarına məktublar ünvanlanıb.

Prezident İlham Əliyev, arxiv şəkli
© Official website of President of Azerbaijan Republic

Məktublarda BMT Təhlükəsizlik Şurasında keçirilmiş müzakirələr zamanı göstərdikləri prinsipial mövqeyə görə sözügedən ölkələrə təşəkkür ifadə olunub.

Məktublarda qeyd edilib ki, bu ölkələrin belə qəti mövqe sərgiləmələri onların Bandunq prinsiplərinə, Qoşulmama Hərəkatının dəyərlərinə sadiqliyini, multilateralizmə və beynəlxalq hüquqa olan hörmətini nümayiş etdirir. Bu mövqe ikitərəfli münasibətlərimizdə tarixi dostluq əlaməti kimi qəbul olunur.

Daha sonra məktublarda bildirilir ki, həmin ölkələrin davamlı dəstəyi münaqişənin beynəlxalq hüquq və Təhlükəsizlik Şurasının məlum qətnamələri əsasında həllinə töhfə verəcək.

Sonda isə ikitərəfli münasibətlərimizin, eləcə də BMT və Qoşulmama Hərəkatı çərçivəsində çoxtərəfli əməkdaşlığımızın uğurla inkişaf edəcəyinə əminlik ifadə olunub.

0
Mövzu:
Azərbaycan və Ermənistan arasında müharibə