Sürücülük vəsiqəsi

Başımız bəladaymış, xəbərimiz yox - DİQQƏT

30534
(Yenilənib 10:44 19.03.2018)
Bir də ayılacaqsınız ki, sürücülük vəsiqəniz əldən gedib

BAKI, 19 mart — Sputnik. Normalda belədir ki, cəmiyyətdə hər hansı bir problem meydana çıxırsa, mətbuat həmin nöqsanı ictimailəşdirir, müvafiq dövlət qurumunu bununla bağlı məlumatlandırır və həmin qurum da həm yardımçı olduğu üçün KİV-ə təşəkkür edir, həm də sözügedən problemin həllinə səfərbər olur. Belə zəncirvari fəaliyyət sayəsində cəmiyyət üçün faydalı nəticə meydana çıxır. Üstəlik jurnalist və məmurlar da boşuna maaş almış olmurlar.

Amma bizdə təcrübə və qayda necədir? Vətəndaş sıxıntı yaşadığı hansısa məsələ barədə KİV-ə üz tutur, KİV o problemi mövzuya çevirir və yönəldir aidiyyatı dövlət qurumunun üstünə ki, "filankəs müəllim, bu haqda nə deyə bilərsiniz?" Təbii ki, filankəs müəllim də heç sualı sonadək dinləmədən qətiyyətlə həmin iddianı təkzib edir. Əgər jurnalist dərhal sağollaşıb dəstəyi asmaz və azacıq dirəşərsə, filankəs müəllim şikayətçi vətəndaşın adının açıqlanmasını tələb edir. Qulağını çəkmək üçün.

Nəticədə reallığımıza uyğun olaraq, nə jurnalist şikayətçinin kimliyini açıqlayır, nə də filankəs müəllim məsələni daha da dərinləşdirir. Tərəflər sülh şəraitində məsələni bağlayırlar. Qaldırılan problem də zamanla mətbuatın maraq dairəsindən çıxaraq, vətəndaşın çiynində, məmurunsa vicdanında yük kimi qalır.

Ötən həftə Sputnik Azərbaycan-da maraqlı və kifayət qədər suallar doğuran bir məsələ qaldırıldı. Belə ki, texniki pasportla Əhmədə, baş etibarnamə ilə Məmmədə məxsus olan, Gülməmmədin isə sadəcə sürmək sürmək hüququ olduğu avtomobillə törədilən qayda pozuntularının cəriməsi kimin adına gəlir və ya gəlməlidir?

Adəti üzrə sualı, birbaşa dəxli olan qurum – Dövlət Yol Polisi İdarəsi deyil, ekspertlər cavablandırmışdılar. Tam əminliyim var ki, sual əvvəlcə hörmətli Kamran Əliyevə və Vaqif Əsədova ünvanlanıb, amma onların qəbuluna düşmək mümkün olmayıb. Nəticədə jurnalist, ən azından yol-nəqliyyat məsələlərindən anlayışı olan mütəxəssislərə müraciət etməli olub ki, heç olmasa vətəndaşları düşündürən sual cavabsız qalmasın.

Beləliklə, ekspertlərin mövcud qanunvericiliyə əsasən verdikləri cavablardan məlum olub ki, sən demə, bal və pul cəriməsi Gülməmmədin adına yazılırmış. Hətta ekspertlərdən biri sərt şəkildə "yazılmalıdır da!" deyib.

"Bəlkə də yüz minlərlə insan var ki, etibarnamə ilə avtomobil idarə edirlər. Mülkiyyətçinin avtomobildən xəbəri yoxdur. Sadəcə avtomobil adınadır, amma faktiki olaraq maşını etibarnamə ilə sürən insan idarə edir. Ona görə ən doğru qərar cərimələrin sonuncu etibarnamə ilə idarə edən şəxsə getməsidir" – deyə o vurğulayıb.

Ağlabatan arqumentdir və haqsız da deyil. Lakin mən bir anlıq özümü qoyuram Gülməmmədin yerinə. Özüm də saf adamam, insanlara inanıram, ayrıca qanun-filandan o qədər də məlumatlı deyiləm.

Tanışım Məmməd isə biclik-giclik bilən adamdır. Mənə təklif edir ki, "gəl sənə avtomobili idarə etmək üçün etibarnamə verim, nə vaxt ehtiyacın olsa, götür sür". Təklifini qəbul edirəm, üstəlik mənə etibar etdiyi üçün şükranlığımı dilə gətirirəm.

Aydın məsələdir ki, həftə səkkiz, mən doqquz Məmmədə maşın üçün ağız açası deyiləm, adamın işi-gücü var. İndi etibarnamə verib deyə avtomobildən dədə malım kimi istifadə edəsi deyiləm ki. Ayda-iki ayda bir dəfə 1-2 saatlıq götürürəm və özgə malı olduğu üçün çox ehtiyatla idarə edib, sonra qaytarıb özünə verirəm.

Qaqam Məmməd isə şəhərdə bir qırmızı işıq, magistralda bir radar buraxmır, hamısına öz imzasını atır. Altda qalanın canı çıxsın. Çünki cərimələrin mənim adıma yazılacağından, öz sürücülük vəsiqəsinin tər-təmiz qalacağından xəbərdardır. Üstəlik bəllidir ki, mənim əlimdəki etibarnamə avtomobili satmaq, bağışlamaq, dəyişdirmək hüququ vermir, sadəcə sürə bilərəm, o da Məmməddən fürsət düşərsə.

İndi əziz DYP-də oturanlar və orada oturmasa belə, mövcud durumun ədalətli olduğunu iddia edənlər, mən neyləməliyəm? İş işdən keçəndən sonra agah oluram ki, adımda 500 manat cərimə və 20 bal var, sürücülük vəsiqəm əldən gedir. O zaman nə etməliyəm? Deyək ki, Məmmədin yaxasından yapışıb pul cəriməsini ödətdirdim, bəs bal cəriməsi? O balları kimə "yedizdirim"?

Yazının əvvəlindəki 3 kiçik abzası xatırlayırsınız, yəqin. Bu fakt üzrə də müvafiq qurumların hörmətli müəllimlərinə müraciət edilsə, heç şübhəsiz, yaranmış müəmmalı vəziyyətdən bir çıxış yolu tapmağa çalışmaq əvəzinə, işin üstünü elə ustalıqla malalayacaqlar ki, mətbuat bir daha bu məsələyə qayıtmayacaq…

30534
Teqlər:
etibarnamə, bal, sürücülük vəsiqəsi, yol polisi, pul, sual, mətbuat, müəllim, dövlət qurumları, cərimə, cəmiyyət
Əlaqədar
Hadisə yerindən qaçan sürücü ələ keçdi
Sürücüləri geyimə görə cərimə edə bilərlər
Sürücülər çaşqınlıq içində: Yaxşı, cərimələr kimə yazılmalıdır?
Sərxoş sürücü hirsindən arvadının və qonşuların maşınını əzdi - VİDEO
Piyada haqlıdır, yoxsa sürücü - qanun nə deyir? – VİDEO
Azərbaycanda qadın avtobus sürücüsü: "Qorxuram, amma sərnişinlərə hiss etdirmirəm"
Məktəb, arxiv şəkli

Uşaqlar hansı yaşdan etibarən maska taxmalıdırlar?

14
Rusiyanın Paster adına Epidemiologiya və Mikrobiologiya Elmi Tədqiqat İnstitutunun mütəxəssisləri belə hesab edirlər ki, 12 yaşdan başlayaraq uşaqlarda virusa qarşı həssaslıq yaranır.

BAKI, 24 oktyabr — Sputnik. Bütün dünyadan koronavirus epidemiyası yayıldığı gündən bu yana hansı yaşdan etibarən uşaqların maska taxmalı olduqları məsələsi də ən çox müzakirə olunan mövzulardan biridir. Rusiyalı ekspert bu suala dəqiq cavab verib.

Sputnik Azərbaycan RİA Novosti-yə istinadən bildirir ki, mütəxəssislər 12 yaşdan etibarən bütün uşaq və yeniyetmələrin maska taxmasını tövsiyə edirlər. Rusiyanın Paster adına Epidemiologiya və Mikrobiologiya Elmi Tədqiqat İnstitutunun mütəxəssisi belə hesab edir ki, bu yaşdan başlayaraq uşaqlarda virusa qarşı həssaslıq yaranır. Mütəxəssisin sözlərinə görə, bununla belə, uşaqlar COVID-19 virusunun aktiv daşıyıcıları hesab olunmurlar. Müşahidələr göstərir ki, bu virus əksər hallarda uşaqlara böyüklərdən yoluxur.

14
Koronavirus modeli, arxiv şəkli

Koronavirus daha tez öldürməyə başlayıb

27
Alimlər eyni zamanda SARC –CoV-2 –nin mutasiya edə bildiyini də təsdiqləyib. Onların fikrincə, mutasiya xəstəliyin ağırllaşmasına səbəb olmasa da, sürətlə yayılmasına səbəb ola bilər.

BAKI, 24 oktyabr — Sputnik. Koronavirus pandemiyasının ikinci dalğasında virusun ağırlaşmış formasında olan xəstələr birinci dalğa ilə müqayisədə daha tez ölür.

Sputnik Azərbacan Rusiya mətbuatına istinadla xəbər verir ki, bu barədə Britaniyanın fövqəladə hallar üzrə elmi məsləhət qrupunun hesabatında deyilir.

Alimlər bütün ölkə üzrə xəstəxanalarda olan 76700 sakinin məlumatlarını təhlil edərək bu nəticəyə gəlib.

Belə ki, avqustun 1-nə olan dövr ərzində koronavirusn əlamətləri müşahidə edilən gündən etibarən ağırlaşaraq ölümlə nəticələnmə 13 gün ərzində baş verirdi. Hazırda bu dövr qısalıb və ölümlə nəticələnmə bir həftəyə baş verir.

Alimlərin fikrincə, bu neqativ dinamika xəstəliyin müalicəsinin inkişafı ilə əlaqəlidir. Belə ki, hazırda həkimlər daha çox xəstənin həyatını xilas edə bilir. Xəstəlikdən ölənlər isə digər sağlamlıq problemləri olan zəif orqanizmi olan şəxslərdir.

Alimlər eyni zamanda SARC–CoV-2–nin mutasiya edə bildiyini də təsdiqləyib. Onların fikrincə, mutasiya xəstəliyin ağırllaşmasına səbəb olmasa da, sürətlə yayılmasına səbəb ola bilər.

27
ABŞ bayrağı, arxiv şəkli

ABŞ-ın Bakıdakı Səfirliyi terror təhlükəsi haqda xəbərdarlıq edib: Bu otellərdən uzaq olun

23
(Yenilənib 22:35 24.10.2020)
Bildirilib ki, səfirlik təhlükəsizliklə bağlı vəziyyəti nəzərdən keçirməyə davam edəcək və ehtiyac olduğu təqdirdə əlavə məlumat verəcək.

BAKI, 24 oktyabr — Sputnik. ABŞ-ın Azərbaycandakı Səfirliyi, "Abşeron J.W. Marriott" kimi otellər də daxil olmaqla, potensial olaraq Bakının digər yerlərində ABŞ vətəndaşlarına və xarici vətəndaşlara qarşı baş verə biləcək terror hücumları və qaçırmalar barədə etibarlı məlumatlar əldə edib.

Sputnik Azərbaycan səfirliyin rəsmi saytına istinad edərək xəbər verir ki, ABŞ vətəndaşlarına amerikalıların və ya əcnəbilərin toplaşa biləcəyi yerlərdə çox ehtiyatla davranmaları tövsiyə olunur.

Xəbərdarlıqda aşağıdakı tədbirlər qeyd edilib:

- Ehtiyatlı və sayıq olun.

- Kütlənin çox olduğu yerlərdən yayının.

- Öz profilinizi büruzə verməyin.

- Ətrafınızdan xəbərdar olun.

- Əcnəbilərin sıx olduğu yerlərdə diqqətli olun.

- Yerli mediayanı diqqətdə saxlayın.

Bildirilib ki, səfirlik təhlükəsizliklə bağlı vəziyyəti nəzərdən keçirməyə davam edəcək və ehtiyac olduğu təqdirdə əlavə məlumat verəcək.

Qeyd edək ki, bir müddət əvvəl Azərbaycan Dövlət Təhlükəsizlik Xidməti ölkəmizdə gözlənilən erməni terroru ilə bağlı vətəndaşlara xəbərdarlıq edib.

23