Yarışların qalibi Zaman Yarışov

Şabranda at yarışında Yarışov qalib oldu

40
(Yenilənib 10:21 19.03.2018)
Finişə birinci çatan Zaman Yarışova kubok təqdim olunub

Leyla Abdullayeva, Sputnik Azərbaycan

BAKI, 16 mart — Sputnik. At muraddır deyirlər. Azərbaycan xalqı üçün at həm də igidlik, sədaqət rəmzidir. Təsadüfi deyil ki, qədim zamanlardan indiyədək davam edən at yarışlarına ölkəmizdə maraq hələ də böyükdür.

Sputnik Azərbaycan-ın bölgə müxbiri xəbər verir ki, Şabran rayonunun Rəhimli kəndində Novruz bayramı münasibətilə təşkil olunan ənənəvi at yarışları keçirilib. İlk öncə Novruz tonqalı yandırılıb. Sonra ötən ilin qalibi dövlət himnimizin sədaları altında bayrağımız qaldırıb. Tədbirdə yaxın rayonlardan gələn qonaqlar da iştirak edib.

Yarışovun mükafatlandırılması
© Sputnik / Leyla Abdullayeva
Yarışovun mükafatlandırılması

Yarışa 21 çapar qoşulub və 5 mərhələdən ibarət olub. Çaparlar 4 nəfər olmaqla qruplara bölünərək mübarizəyə aparıblar. Hər qrupun qalibi final mərhələsində iştirak etmək hüququ qazanıb.

Turnirdə "Tolqa" ləqəbli atı ilə Söhbətli kənd sakini Zaman Yarışov qalib olub. Bütün iştirakçılara həvəsləndirici mükafatlar, finişə birinci çatan Zaman Yarışova isə kubok təqdim olunub.

Şabran RİH başçısının müavini Fikrət Nuşiyev, gənc nəsil üçün tərbiyəvi əhəmiyyətə malik, xalqımızın qəhrəmanlığını simvolizə edən bu kimi qədim adət-ənənələrin təbliğ edilməsinin vacibliyini vurğulayıb.

Mərasimdə milli mətbəximizin nümunələri nümayiş etdirilib, yerli incəsənət nümayəndələrinin ifasında konsert təşkil olunub.

40
Teqlər:
at, Novruz bayramı, yarış, qalib
Avtobus

Üç yüz manat xeyir götürəcəkdi, 15 günlük həbsə düşdü - FOTO

2
(Yenilənib 16:10 08.08.2020)
İcazəsi olmayan 30 sərnişinin hər birindən 10 manat almaqla onları Bakı şəhərinə aparacağına söz verən kişinin heç sürücülük hüququ olmadığı ortaya çıxıb

Rahim Məmmədov, Sputnik Azərbaycan

BAKI, 8 avqust — Sputnik. Mingəçevir Şəhər Polis Şöbəsinin əməkdaşları tərəfindən keçirilən tədbirlərlə karantin qaydalarını pozaraq, Bakıya sərnişin daşımağa cəhd edən sürücü saxlanılıb.

Daxili İşlər Nazirliyinin Mətbuat Xidmətinin Şəki regional qrupundan Sputnik Azərabaycan-a verilən məlumata görə, qanunsuz fəaliyyətlə məşğul olan Mingəçevir şəhər sakini Vasif Osmanov idarə etdiyi “Mercedes” markalı avtobusla sərnişinləri Bakıya aparmaq istəyən zaman şəhər ərazisində polis əməkdaşları tərəfindən saxlanılıb. Yoxlanış zamanı V.Osmanovun sürücülük hüququ olmadan sükan arxasına əyləşdiyi də məlum olub. O, icazəsi olmayan 30 sərnişinin hər birindən 10 manat almaqla onları Bakı şəhərinə aparacağına dair söz verdiyini bildirib.

© AR Ministry of Internal Affairs
Saxlanılan şəxs

Sürücü Vasif Osmanov barəsində Mingəçevir Şəhər Polis Şöbəsində toplanmış materiallar hüquqi qiymət verilməsi üçün məhkəməyə göndərilib və  o, məhkəmənin qərarı ilə 15 gün müddətinə inzibati həbs edilib. Sərnişinlər barəsində isə protokol tərtib edilərək, cərimə olunublar.

2
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Balakəndə istirahət edənləri polis sıraya düzdü
Əvvəl açıq havadakı restoranlar, sonra rayonlara gediş-gəliş açılacaq
Hökumət karantin rejiminin daha da yumşaldılması barədə qərar qəbul edib
Hamam kömək etmədi: uşaq bağçasına görə valideynlər də cəzalandılar
DYP Bakını tərk etmək istəyən sürücülərə xəbərdarlıq edib
Gənələr

zaman bitəcək? Çində yeni virus yeddi adamı öldürdü

3
Çinin Szyansu əyalətində bu ilin birinci yarısında 37 nəfər yoluxub, bu yaxınlarda isə Anhoyda daha 23 nəfərdə SFTS aşkarlanıb

BAKI, 8 avqust — Sputnik. Çində yeni növ, gənələr vasitəsilə keçən SFTS tipli virus yayılıb. Bu virusdan artıq minimum 7 nəfər ölüb, 60 nəfər yoluxan var.

Sputnik Azərbaycan bildirir ki, bu barədə Global Times yazır.

Bu virus hələ 2011-ci ildə aşkarlanıb. Mütəxəssislər bildirirlər ki, gənənin yoluxdurduğu insandan SFTS virusu digər insana qan və ya selikli qişa vasitəsilə keçə bilir. 

Nəşrin məlumatına görə, Çinin Szyansu əyalətində bu ilin birinci yarısında 37 nəfər yoluxub, bu yaxınlarda isə Anhoy əyalətində daha 23 nəfərdə SFTS aşkarlanıb.

Həkimlər xatirladıblar ki, təhlükə mənbəyi gənə olduğundan, bütün təhlükəsizlik qaydalarına riayət edilərsə, panikaya əsas yoxdur. 

3
Əlaqədar
Koronavirusu spreylə dayandıracaqlar
Çində daha bir həyəcan – Bubon taunu səbəbindən fövqəladə vəziyyət
Hansı daha təhlükəlidir - koronavirus, yoxsa hantavirus?
Ultrabənövşəyi şüa koronavirusu öldürür
Spirt və xlor ən effektiv vasitədir