İnsanlar

Hər kəs onu qarşılamağa hazırlaşır, amma harada necə?

237
(Yenilənib 17:16 16.03.2018)
Azərbaycan vətəndaşları Novruzu harada keçirəcək?

Təranə Xudabaxşiyeva, Sputnik Azərbaycan

BAKI, 16 mart — Sputnik. Azərbaycan xalqının əsrlərdir qeyd etdiyi ən qədim bayramlardan biri də Novruzdur. Azərbaycanlılar bu bayramı hər il xüsusi təmtəraqla qeyd edirlər. Bu il də Novruz bayramı dövlət səviyyəsində təntənəli surətdə qeyd ediləcək. Hətta ölkədə 1 həftə qeyri-iş günü elan edilib.

Maraqlıdır, bəs insanlarımız builki Novruzu harada qeyd edəcəklər? Baharı hansı ortamda, kimlərlə qarşılamağı düşünürlər? Sputnik Azərbaycan bu sualla da sosial şəbəkə istifadəçiləri arasında sorğu keçirib. Sorğumuzda iştirak edənlərin əksəriyyəti Novruzu evlərində, ailələri ilə birlikdə qeyd etməyi planlaşdırdıqlarını bildiriblər.

Ramiz Kazımov: "Nə bayram? Mənim üçün bayram yoxdur. Artıq heç bir ilin tarixi yada düşmür. Adi günlərdən biridir".

Qafur İsayev: "Evdə keçirəcəm bayramı. Pul var ki, gəzməyə gədəsən?".

Əbülfət Talıbov: "Evdə bayram keçirəcəm".

Ceyhun Quliyev: "İşdə bayramı qarşılamaq məcburiyyətində olacam".

Jalə Məmmədli: "Bayramda Tovuza gedəcəm. Anamın yanında bayramı qarşılayacam".

Azər Kərimov: "Ailə üzvlərimlə birlikdə Novruz bayramını qeyd edəcəm".

Gülnar Hacıyeva: "Bulvarda bayramı keçirəcəm. Amma istirahət etməyəcəm, işləyəcəm".

Bəxtiyar Hacıyev: "Abşeron yarımadasında. Yəni Biləcəridən o tərəfə keçə bilməyəcəyik".

Məhəmmədəli Qəribli: "Gürcüstanda bayram tətilimi qeyd edəcəm".

Nurlan Cəfəri: "Ailədən gözəl istirahət? Novruzu evdə qeyd edib, dostumla Azərbaycan turuna çıxmağı planlaşdırırıq".

Sərdar Yusifoğlu: "Nyu-York və Boston şəhərində rəsmi görüşlər keçirəcəm, eyni zamanda istirahət edəcəm".

Mansur Piriyev: "Əlbəttə ki, kənddə, ailəm və qohumlarım ilə birlikdə bayramı qeyd edəcəm".

Günel Əbilova: "Biz də həyat yoldaşımın kəndinə qonaq gedəcəyik. Bayramı qohumlar ilə birgə keçirəcəyik".

Namidə Bingöl: "Rayona gedəcəm. Evdə bayram etməyəcəm. Neçə illərdi ki, Şamaxıya gedirəm".

Kərim Kərimli: "Mən həyat yoldaşımla birlikdə Füzuliyə gedəcəm. Orada 2018-ci il başlayandan bəri müxtəlif yaşda olan 6 qohumum vəfat edib. Heç birinin yasına gedə bilməmişik. Ya gec xəbər tutmuşuq, ya da 3, 7, 40 mərasimləri iş gününə düşdüyünə görə Bakıdan çıxa bilməmişik. İndi qarşıdan gələn bayram günlərində o ailələri bir-bir ziyarət edəcək, başsağlığı, təsəlli verəcək, gedə bilmədiyimiz üçün dil-ağız edəcəyik. Sizin də bayramınız mübarək".

Vasif Əlihüseyn: "Bu il Novruz bayramını ilk olaraq öz evimdə, xanımımla keçirəcəm. Bu günə kimi bayramı çox vaxt işdə və ya qohumların evində keçirmişəm. Amma ailə qurduğum üçün bu il öz evimdə, ailəmlə birlikdə Novruz bayramını qeyd edəcəyik".

237
Teqlər:
yer, Azərbaycan xalqı, Novruz, bayram
Əlaqədar
Pis xəbər: Novruz bayramında əfv olmaya bilər
Novruz çərşənbələrinin vazkeçilməz yeməyi
Nazirliyin "Novruz mühazirəsi"ndə azərbaycanlıların soyqırımından danışıldı
Novruzda hara gedə bilərik?
Novruzu ən qeyri-adi şəkildə qarşılayan kənd
Gəncədə vəziyyət

Məşhur türk müğənni konsertindən gələn gəliri gəncəlilərə bağışlayacaq

6
(Yenilənib 23:15 21.10.2020)
Ayhan Ulu (Pau) “Twitter” hesabında Gəncəylə bağlı paylaşımları ilə diqqət çəkib. O, erməniləri müdafiə edən eks-model Tuğba Özayla da dava edib

BAKI, 21 oktyabr — Sputnik. Ötən həftə Azərbaycanın ikinci böyük şəhəri sayılan Gəncədə ermənilərin törətdiyi 3-cü terror hadisəsinin qurbanları  dünyanın bir çox ölkələrində anılıb. Bundan başqa, Türkiyənin məşhur sənət adamları da buna səssiz qalmayıblar. Sputnik Azərbaycan xəbər verir ki, sözügedən ölkənin ulduzu Ayhan Ulu (Pau)  da “Twitter” hesabında Gəncəylə bağlı paylaşımları ilə diqqət çəkib. O, erməniləri müdafiə edən eks-model Tuğba Özayla da dava edib.

Bundan başqa, İzmirin məşhur ifaçılarından olan Pau bir neçə konsertinin gəlirini Gəncə qətliamından zərər görən şəxslərə bağışlayacağını bildirib: "Gələn həftə konsertlərimdən götürəcəyim gəliri Gəncə xalqına bağışlayacağam. Həmişə yanınızdayam. Azərbaycana hər zaman dəstək verəcəyəm".

Qeyd edək ki, Türkiyənin dünya şöhrətli müğənnisi, meqastar Tarkan da Gəncədə baş verən terrora səssiz qalmayıb. O,  “Instagram” hesabında ermənilərin Gəncəyə xain hücumunu pisləyən paylaşım edib.

“Dualarım qardaş ölkə Azərbaycanladır. Xain hücumlarda həyatını itirənlərə allahdan rəhmət, ailə və yaxınlarına başsağlığı, yaralılara şəfa diləyirəm. Çox kədərliyəm. Qəlbim Azərbaycan xalqı ilədir”, - ulduz müğənni qeyd edib.

6
Teqlər:
dəstək, konsert, müğənni, məşhurlar, Türkiyə, ölənlər və yaralılar, erməni təxribatı, raket zərbələri, Gəncə
Mövzu:
Azərbaycan və Ermənistan arasında müharibə
Əlaqədar
Erməni terrorunun qurbanları dünyanın dörd bir yanında anıldı
Qəlbimiz Azərbaycanla döyünür - Türkiyə müxalifətinin lideri
Gəncə istiqamətində Ermənistanın PUA-sı məhv edildi
Bir gecədə üç nəvəsini itirən Sənayət nənə: “Ləman bu il tələbə olacaqdı” – video
Türk ulduzları Gəncə terroruna səssiz qalmayıblar
Kompüter arxasında qız, arxiv şəkli

Azərbaycanda Kommunal Xidmətlər üzrə Vahid İnformasiya Sisteminin sınaqlarına başlanacaq

3
(Yenilənib 23:08 21.10.2020)
Bu, istehlakçıların bütün kommunal xidmətlər üzrə onlara aid məlumatları vahid şəxsi kabinet üzərindən idarə etmələrinə imkan yaradır

BAKI, 21 oktyabr — Sputnik. Kommunal Xidmətlər üzrə Vahid İnformasiya Sistemi və Vahid Çağrı Mərkəzinin yaradılması nəzərdə tutulur.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O qeyd edib ki, "Açıq hökumətin təşviqinə dair 2020-2022-ci illər üçün Milli Fəaliyyət Planı"na əsasən, Kommunal Xidmətlər üzrə Vahid İnformasiya Sistemi və Vahid Çağrı Mərkəzinin yaradılması nəzərdə tutulur: “"Dövlət informasiya ehtiyatları və sistemlərinin formalaşdırılması, aparılması, inteqrasiyası və arxivləşdirilməsi Qaydaları"nın təsdiq edilməsi və elektron hökumətlə bağlı bəzi tədbirlər haqqında Azərbaycan Respublikası Prezidentinin Fərmanı ilə Kommunal Xidmətlər Vahid İnformasiya Sisteminin operatoru funksiyaları Energetika Nazirliyinə həvalə edilib.

Cari ilin sonuna kimi "ASAN xidmət" tərəfindən sistemin test fazasına başlanması planlaşdırılır. Bu, istehlakçıların bütün kommunal xidmətlər üzrə onlara aid məlumatları vahid şəxsi kabinet üzərindən idarə etmələrinə imkan yaradır. Kommunal xidmətlər üzrə vahid informasiya bazasının yaradılması bu sahədə həyata keçirilən siyasətin mərkəzləşdirilməsi və sistemləşdirilməsi, müvafiq xidmətlər üzrə müraciətlərin vahid platformadan ünvanlanması, bu xidmətlərin hər kəs üçün daha əlçatanlığı və fasiləsizliyi, yaranan çətinliklərin operativ həlli baxımından faydalıdır”.

“Vətəndaş müraciətlərinin obyektiv araşdırılaraq cavablandırılması, xidmətlərin icrası zamanı sui-istifadə hallarının qarşısının alınması, xidmətlərin icra vəziyyətinə dair mərkəzləşdirilmiş təhlil və hesabatların aparılması, istifadəçilər tərəfindən xidmətin keyfiyyətinə dair təklif və iradların toplanması, həmçinin vətəndaş məmnunluğunun artırılması məqsədilə yaradılacaq Vahid Çağrı Mərkəzinin formalaşdırılması ilə bağlı Konsepsiya layihəsi də Nazirlər Kabinetinə təqdim edilib. Bütün bu tədbirlər açıqlıq, şəffaflıq və hesabatlılıq prinsiplərini əsas tutaraq dövlət xidmətlərinin təkmilləşdirilməsinə, ictimai nəzarətin gücləndirilməsinə xidmət edəcək”, - deyə nazir bildirib.

3