Bakıda Novruz yarmarkası

Bakı əhalisi üçün fürsət: Martın 25-dək artıq xərc əziyyətdən azadsınız

1457
(Yenilənib 17:57 13.03.2018)
Bayram yarmarkalarında qiymətlər və keyfiyyət əhalini qane edirmi?

İradə Cəlil, Sputnik Azərbaycan

BAKI, 13 mart — Sputnik. Bir həftədən çoxdur ki, Bakıda metrostansiyaların qarşısında Novruz bayramı ilə əlaqədar yarmarkalar fəaliyyətə başlayıb. Sputnik Azərbaycan-ın əməkdaşı bayram yarmarkalarına baş çəkib, qiymətlərlə, satılan məhsulların keyfiyyəti ilə maraqlanıb.

"Nərimanov" metrostansiyası yaxınlığında fəaliyyət göstərən yarmarkalardan ərazi sakinləri, demək olar ki, razıdır. Bakı şəhər sakini Pərvanə Əliyevanın sözlərinə görə, yarmarkada qiymətlər bazarla müqayisədə xeyli münasibdir: "Mən, adətən, bayram bazarlığını "8-ci km bazarı"nda edirdim. Amma indi burada qiymətlərə baxanda, bazara getmədim və buradan almağa qərar verdim. Həm evimizə yaxındır, yəni yükü uzun yoldan alıb gətirmək məcburiyyətində qalmıram, Həm də qiymətlər münasibdir".

Bakıda Novruz yarmarkası
© Sputnik / Irade JELIL
Yarmarkalarda satılan çərəzlərin qiymətləri müxtəlifdir

P.Əliyeva o fikirdədir ki, Novruz el bayramı olduğu üçün mütləq bayram bazarlığı edilməli, süfrələr bəzədilməlidir: "Deyilənə görə, Novruzu necə qarşılasan, bütün ilin elə keçəcək. Yadıma gəlir ki, uşaqlıqda analarımız şəkərbura, paxlava bişirərdi. Biz də onlara kömək edərdik. Novruzu sevirik ki, əyləncəli keçir, yeməklər, çərəzlər bol olur".

Həmsöhbətimiz, həmçinin bayramların əvvəlki kimi keçirilmədiyindən də gileylənir: "Nə yalan deyim, indi hər şeyin dadı qaçıb. Yediyimiz şirniyyatlar belə, o dadı vermir. Əvvəllər analarımız bayrama bir ay qamış hazırlıq işlərinə başlardılar. O qədər şirniyyat bişirərdilər ki, bayramdan neçə gün qabaq və sonra belə şəkərbura, paxlava, qoğal aparardıq məktəbə. İndi çox şey dəyişib, keçmiş bayramların yeri görünür".

Digər alıcı Hüseyn dayı yarmarkadakı qiymətlərin münasib olduğunu desə də, bir çatışmazlığın onu narahat etdiyini bildirir: "Burada satılan məhsullar yerə yaxın piştaxtalara yığılıb. Yaxşı olardı ki, bəzi məhsullar, heç olmasa, yerdən yarım metr yuxarıda yığılaraq satılaydı. Üzərinə nəsə örtüləydi".

Müsahibiz, məhz bu səbəbdən marketdən, daha baha qiymətə satılan məhsulları almağa məcbur qaldığını əlavə edir: "Baxırsan, qiymət münasibdir. Ancaq məhsulların üstü açıqdır, toz-torpaq qonur. Məcbur olursan ki, gedib, marketdən bir az bahasını alasan".

Yarmarkadakı ərzaqların keyfiyyəti, haradan gətirilməsi ilə maraqlanırıq. Satıcı Vüqar Məmmədov deyir ki, satdığı qoz-fındıq Zaqatala məhsuludur. Məhsul özünün olduğuna görə qiymətlər də münasibdir: "Öz fındıq bağımız var. Özümüz gətirib, özümüz satırıq. Sağ olsunlar ki, bizə belə şərait yaradılır".

Satıcı onu da əlavə edir ki, bayrama hələ bir neçə gün qalmasına baxmayaraq, alıcı kütləsi az deyil: "Görürsünüz ki, hər qiymətə məhsul var. Bəzən olur ki, alıcı ucuz məhsula üstünlük verir. Bəzən isə bahalıdan az miqdarda almağa. Yəni hər şey insanın öz istəklərindən asılıdır. 200-300 qram alan da var, 2-3 kiloqram da".

Bakıda Novruz yarmarkası
© Sputnik / Irade JELIL
"28 may" metrostansiyası yaxınlığında təşkil edilmiş Novruz yarmarkası

Qeyd edək ki, bayram çadırlarında çərəzlərin qiymətləri müxtəlifdir. Belə ki, qoz-fındıq 7-14, şabalıd 7-9, badam ləpəsi 25, fındıq ləpəsi 12-15, turşu 5-8, kişmiş, iydə 8-10, innab 5 manata satılır. Meyvələrin qiymətinə gəlincə isə, banan 2-3, portağal 1,80, alma 1-2 manatadır.

Yarmarkada Novruzun simvolu olan səmənilərin qiyməti isə ölçüsündən asılı olaraq dəyişir. Belə ki, 1 manatdan tutmuş 10 manata qədər müxtəlif qiymətlərə səməni almaq mümkündür.

Bakı Şəhər İcra Hakimiyyətinin Xidmət və Ticarət Departamentinin mətbuat xidmətinin rəhbəri Əliabbas Bağırovun Sputnik Azərbaycan-a verdiyi məlumata görə, şəhərin 10 ərazisində bayram yarmarkası üçün çadırlar quraşdırılıb və onların fəaliyyəti davam edir.

"Yarmarkalar metrostansiyalarının qarşısında olsa da, rayonlar üzrə fəaliyyət göstərir. Həmin rayonlar isə Yasamal, Səbail, Nəsimi, Nərimanov, Nizami və Xətai rayonlarıdır. Metronun "Nərimanov" stansiyasının qarşısında 5 çadır quraşdırılıb. Amma bu, 5 yarmarka demək deyil. Yarmarka kimi 1 obyektdir, sadəcə 5 ədəd kiçik çadırdan ibarətdir", — deyə qurum sözçüsü əlavə edib.

Ə.Bağırovun sözlərinə görə, yarmarkalar mart ayının 25-dək davam edəcək.

1457
Teqlər:
metrostansiya, şəkərbura, satıcı, paxlava, Sputnik Azərbaycan, Novruz bayramı, alıcı, market, Bakı, yarmarka, bazar, qiymət
Əlaqədar
Bayram yarmarkaları açılır
Əmək yarmarkası: 634 vakansiya, 19 təcrübə proqramı
Ən şirin yarmarka
Arıçılıq məhsulları yarmarkası fəaliyyətə başlayıb

Dünya futbolunun əfsanəsi FOTOlarda

0
(Yenilənib 00:47 26.11.2020)
Dieqo Maradonanın oyunu dedikdə yəqin ki, öncə göz önünə onun sinəsini qabağa verərək rəqib oyunçuları aldadaraq bütün meydançanı keçməsi göz önünə gələcək.

Xəbər verildiyi kimi, dünya futbolunun əfsanəsi argentinalı Dieqo Armando Maradona dünyasını dəyişib. Maradona 60 yaşında infarktdan həyatını itirib. 

Əfsanəvi hücumçu azrkeçlərin yadında yalnız fenomenal oyunu ilə deyil, həm də qalmaqallarla yadda qalıb. 

Məsələn, 1986-cı ildə Argentina yığmasının qızıl medal qazandığı dünya çempionatında Maradonanın 1/4 finalda İngiltərə yığmasının qapısından əl ilə keçirdiyi top uzun müddət müzakirə mövzusu olub. Səbəbkarın özü hakimin hesaba aldığı topu "tanrının əli" vasitəsilə qapıdan keçirdiyini bildirib.

1991-ci ildə isə İtaliya çempionatının oyunundan sonra dopinq-testdən keçən Maradonanın kokain qəbul etdiyi aşkarlanıb.

Bütün bunlara baxmayaraq, futbolla maraqlanan hər kəs Dieqo Maradonanı futbol dahisi, təkbaşına oyunun taleyini həll edə bilən oyunçu kimi xatırlayacaq.

Sputnik Azərbaycan əfsanənin müxtəlif görüntülərini təqdim edir. 

 

0
  • © REUTERS / Carlos Barria

    Argentinalı futbolçu Dieqo Maradona müsahibə zamanı, 2010-cu il.

  • © REUTERS / Action Images / Juha Tamminen

    Argentinanın hücumçusu Maradona DÇ-1986-nın dörddəbir final matçında İngiltərə yığmasına qarşı oyunda.

  • © AP Photo / Carlo Fumagalli, file

    Dieqo Armando Maradona DÇ-1986-ın finalında AFR üzərində qələbədən sonra kuboku başı üzərinə qaldırır.

  • © REUTERS / Stringer

    Dieqo Maradona həyat yoldaşı Klaudiya və anası ilə toyda, 1989-cu il.

  • © Sputnik / Vladimir Rodionov

    İtaliyanın "Napoli" klubunun futbolçusu Dieqo Maradona Moskvanın "Spartak" komandası ilə oyundan sonra, 1990-cı il.

  • © AFP 2020 / Daniel Garcia

    Argentina millisinin kapitanı Dieqo Maradona DÇ-1994-də Yunanıstan komandasının qapısına vurduğu qolu qeyd edir.

  • © REUTERS / Stringer

    Futbol əfsanəsi Dieqo Maradona və Kuba lideri Fidel Kastro, 2001-ci il.

  • © REUTERS / Marcos Brindicci

    Maradona Kuba siqarı və Çe Qevaranın tatusu ilə, 2006-cı il.

  • © AFP 2020 / Stringer

    Futbol əfsanəsi Dieqo Maradona kolumbiyalı futbolçu Karlos Valderamanın karyerasını başa vurması ilə əlaqədar təşkil olunan şənlikdə rəqs edir, 2004-cü il.

  • © AP Photo / Matt Sayles

    Futbol əfsanəsi Diyeqo Maradona Kannda özünə dair sənədli filmin nümayişi zamanı, 2008-ci il.

  • © AFP 2020 / Valery Hache

    Dieqo Maradona qızları ilə birgə 61-ci Kann kinofestivalında "Maradona" sənədli filminin premyerasından əvvəl, 2008-ci il.

  • © REUTERS / Eddie Keogh


    Futbol məşqçisi Maradona komandasının DÇ-2010-da Nigeriya millisinə vurduğu qolu qeyd edir.

  • © Sputnik / Sergey Guneev

    Rusiya Prezidenti Vladimir Putin, braziliyalı futbolçular Pele və Dieqo Maradona FİFA-2018 futbol üzrə dünya çempionatının püşkatmasından əvvəl.

  • © REUTERS / Marcos Brindicci

    Argentinalı futbol ulduzu Dieqo Maradona sevgilisi ilə, 2017-ci il.

  • © REUTERS / Grigory Dukor

    Futbol əfsanəsi Dieqo Maradona Kremldə, 2017-ci il.

Teqlər:
Argentina, braziliyalı futbolçu Pele, futbol, Dieqo Maradona
Kənd məktəbi, arxiv şəkli

Ucqar kəndlərdə məktəblərin azkomplektli formada fəaliyyətinə yol veriləcək

7
(Yenilənib 08:09 26.11.2020)
Bu, Prezident İlham Əliyevin dünən təsdiqlədiyi "Təhsil haqqında" qanunda dəyişiklik edilməsi barədə" qanunda əksini tapıb.

BAKI, 25 noyabr — Sputnik. Ucqar kənd yerlərində şagirdlərin sayından asılı olmayaraq, ibtidai və ümumi orta ümumtəhsil məktəblərinin azkomplektli formada fəaliyyətinə yol veriləcək.

Sputnik Azərbaycan-ın məlumatına görə, bu, Prezident İlham Əliyevin dünən təsdiqlədiyi "Təhsil haqqında" qanunda dəyişiklik edilməsi barədə" qanunda əksini tapıb.

Qanuna əsasən, şagirdlərin sayı az olan ibtidai siniflərdən komplekt siniflər təşkil olunacaq.

7
Teqlər:
ümumtəhsil məktəbləri, "Təhsil haqqında" Qanun, Prezident İlham Əliyev, məktəb