Vaqif Rüstəmov

Azərbaycanda 15 yaşlı dahi peyda olub - "Ginnesin Rekordlar Kitabı"na müraciət

3454
(Yenilənib 12:34 13.03.2018)
"İki aylıq kursdan sonra mən 20 min söz oxuya bilirdim"

İradə Cəlil, Sputnik Azərbaycan

BAKI, 13 mart — Sputnik. Bir dəqiqədə 20 mindən çox söz oxumaq… Düzdür qulağa inanılmaz gəlir, amma bu, mümkündür. Sürətli oxumaq mövzusunda bir çox tanınmış xarici şirkətlərdə bununla bağlı seminarlar keçirilir, insanlar sırf sürətli oxumaq vərdişinə yiyələnmək üçün kurslara yazılır.

Sputnik Azərbaycan-ın qonağı olan 15 yaşlı Vaqif Rüstəmov da belələrindəndir. O, Masazırda yerləşən 2 saylı orta məktəbdə təhsil alır. Sürətli oxumaq bacarığına isə kursda yiyələnib.

Dediyinə görə, sürətli oxu bacarığına həvəs onda 2015-ci ildən yaranıb: "Türkiyə telekanallarında yayımlanan şouların birində iştirakçı bir dəqiqədə çox sayda söz oxuyurdu. O zaman qarşıma məqsəd qoydum ki, mən bu oğlandan daha çox söz oxuyacağam. Sonra valideynlərim məni kursa yazdırdı. İki aylıq kursdan sonra 20 min söz oxuya bilirdim".

Vaqif Rüstəmov
© Sputnik / Irade JELIL
Vaqif Rüstəmov

V.Rüstəmov, həmçinin dərs əlaçısıdır. O, bütün dərslərini vaxtından əvvəl mənimsəyir, məktəbdə sinif yoldaşlarından seçilir. Hazırda 8-ci sinifdə oxusa da, demək olar ki, 11 illik tədris proqramını bitirib. Buna görə də, mümkün olacağı təqdirdə, 9-cu sinifdən ali təhsil müəssisələrinə keçirilən qəbul imtahanında özünü sınamağı düşünür.

Vaqif deyir ki, sürətli oxumağı öyrəndiyi kursda onunla rəqabət aparacaq kimsə olmayıb: "Kursa əmim oğlu və dayım oğlu da mənimlə birgə gedirdi. Onlar iki ayda 2 min söz mən isə, 20 min söz oxuya bildim. Hazırda 20 mindən çox söz oxuyuram".

Vaqifin arzusu "Ginnesin Rekordlar Kitabı"na düşməkdir. Buna görə o, hər gün məşq edir və söz oxuma sürətini artırır: "Valideynlərim "Ginnesin Rekorlar Kitabı"na düşməyim üçün müraciət edib. Ancaq bizə hələ cavab gəlməyib. İstəyirəm, universitetə daxil olum və insanları inandıra bilim ki, mən sürətli oxuyuram".

V.Rüstəmov qeyd edir ki, sürətli oxuma üçün metronom texnikasından istifadə edir: "Gözləri oynatma, sağa-sola, yuxarı-aşağı baxma, barmaq izləmə metodu ilə oxumağı inkişaf etdirirəm. Hansı kitabı oxuyuramsa, yadımda qalır. Amma müəllimlərim deyir ki, yaşıma uyğun kitablar oxuyum. Bu, beynimin inkişafı üçün önəmlidir. Özümə uyğun olmayan ədəbiyyatları oxuyanda başa düşə bilmirəm. Yaşıma uyğun kitabları oxuyanda isə yadımda qalır".

Hazırda Vaqif gündə 3-4 kitab oxuya bilir. Deyir ki, bir kitabı 20 dəqiqəyə oxuyub bitirə bilir və oxuduqları yaddaşında qalır.

V.Rüstəmov diplomat olmaq, vətəninə xidmət etmək arzusundadır: "Mənim bu bacarığa yiyələnməyimdə dayımın da böyük rolu olub. Dayım Xalid Məhəmmədov işinin peşəkarı olan diş həkimidir. Hər zaman stomatologiya sahəsindəki yenilikləri öyrənir, öz işində tətbiq edir. Mən də onun kimi seçəcəyim sahənin peşəkarı olmaq istəyirəm. İnanıram ki, Azərbaycanı layiqincə təmsil edən diplomat olacağam".

Vaqif atası Bəxtiyar Rüstəmovla
© Sputnik / Irade JELIL
Vaqif atası Bəxtiyar Rüstəmovla

Vaqifin atası Bəxtiyar Rüstəmov da oğlunun "Ginnesin Rekordlar Kitabı"na düşməsini arzulayır. Dediyinə görə, bunun üçün müraciət etsələr də, onlara bildirilib ki, həmin kitaba düşmək 18 yaşından sonra mümkündür. Rüstəmovlar ailəsi övladlarının təhsili üçün əllərindən gələni əsirgəmir və bu istedadın ona uğur gətirəcəyinə inanırlar.

Qeyd edək ki, Vaqif Rüstəmov sürətli oxu bacarığını bizə də əyani şəkildə nümayiş etdirdi. O, Çingiz Aytmatovun "Gün var əsrə bərabər" romanından 1 dəqiqə ərzində 35 səhifə oxuya bildi.

3454
Teqlər:
dəqiqə, 'Ginnesin Rekordlar Kitabı', Vaqif Rüstəmov, sürətli oxumaq, oğlan, kurs, söz, kitab
Əlaqədar
Azərbaycanda fenomenal etibar sahibi: 40 ildir gözləyir ki...
Youtube fenomeni dünyasını dəyişdi
Azərbaycanda fenomen böyüyür
Boksçu, arxiv şəkli

Azərbaycan idmançılarının Tokio gündəliyi: boksçularımızdan ilk qələbə

11
Tayfur Əliyevin ardınca Lorenso Sotomayor da rinqdə sözünü deyə bilməyib. Üzgüçülükdə iki təmsilçimiz sondan dördüncü yeri tutub. Məhəmməd Abdullayev isə 1/8 finala adlayıb.

BAKI, 24 iyul - Sputnik. Boksçu Məhəmməd Abdullayev Azərbaycandan olan dəri əlcək ustaları arasında Tokiodakı Olimpiadada qələbə qazanan yeganə idmançı oldu. Sputnik Azərbaycan-ın məlumatına görə, şənbə günü, iyulun 24-də Bəhreyn təmsilçisi Denis Latipovla görüşündən idmançımız qalib ayrılıb. 

91 kq çəki dərəcəsində 1/16 finaldakı görüş 3:1 hesabı ilə Abdullayevin xeyrinə bitib. 

O, ilk iki raundu udub, sonuncuda uduzsa da, görüşün qalibi olub. 1/4 finalda Abdullayev Özbəkistan təmsilçisi Bahodir Calolovla görüşəcək.

----------

16:13

Azərbaycanın daha bir boksçusu Tokio Yay Olimpiadasını tərk edib.

Sputnik Azərbaycan bildirir ki, titullu idmançı, Riodakı 2016-cı il Olimpiadasının gümüş mükafatçısı Lorenso Sotomayor (69 kq) 1/16 finalda Gürcüstan təmsilçisi Əsgərxan Madiyevə uduzub. 

Görüş üçüncü raundda Sotomayorun zədə alması səbəbindən dayandırılıb (qanaxma). Ancaq Azərbaycan yığmasının kubalı legioneri üçün qələbə ümidi heç yox idi də: ilk iki raundu o uduzmuşdu.

Bu gün daha bir boksçumuz rinqə çıxacaq. 91 kq çəki dərəcəsində çıxış edən Məhəmməd Abdullayev Bəhreyn təmsilçisi Denis Latipovla qarşılaşır. 

1/16 mərhələdə 57 kq çəki dərəcəsində çıxış edən boksçumuz - Tayfur Əliyev də hakimlərin mübahisəli qərarından sonra çıxışını dayandırmışdı. O, Vyetnam təmsilçisi Duaonq Van Nquenə qarşı döyüşürdü. Sonda nokdauna düşməsinə rəğmən beş hakimdən dördü ilk raundda Əliyevi qalib hesab etdi. Ancaq ikinci raundda Tayfurun rəqibindən geri qalmamasına rəğmən bütün hakimlər qələbəni vyetnamlıya verdilər. 

Üçüncü raundda Əliyev azacıq önə çıxsa da, ümumi hesabda Nquen qalib olub (2:3).

Üzgüçülərimiz də uduzdular 

Üzgüçülər Maksim ŞemberevMəryəm Şeyxəlizadəxangah Tokiodakı Olimpiadada uğursuz çıxış ediblər.

400 m məsafədə kompleks üzgüçülükdə çıxış edən Şemberev 4:19.40 dəqiqə nəticə ilə çıxışını yekunlaşdırıb. O, öz yarımqrupunda sonuncu - səkkizinci yer tutub. Ümumi sıralamada isə 29 iştirakçı arasında 26-cı ola bilib. Yarımfinala çıxa bilməyən Şemberev Olimpiadadakı işini yekunlaşdırıb.

Şemberev üçün bu, ikinci Olimpiadadır. 2012-ci ildə Londonda o, Ukrayna bayrağı altında çıxış edirdi.

100 m məsafədə batterflyay üsulu ilə yarışda Məryəm Şeyxəlizadəxangah finişə 1:01,37 dəqiqə nəticə ilə çataraq, üç nəfərdən ibarət yarımqrupda birinci olub. Yekun hesabda isə 33 yarışçı arasında 30-cu olub və o da Tokiodakı çıxışını bitirib.

Azərbaycan Tokio-2020-də

Tokio Yay Olimpiadasında ölkəmizi 44 idmançı təmsil edəcək. Onlar 40 lisenziya qazanaraq 14 idman növündə - cüdo, güləş, bədii gimnastika, idman gimnastikası, karate, boks, taekvondo, yüngül atletika, güllə atıcılığı, qılıncoynatma, veloidman, badminton, üzgücülük və triatlonda - çıxış edəcəklər.

Azərbaycan üçün bu, 2004-cü ildə Afinada keçirilən Olimpiya Oyunlarından bəri ən az sayda Olimpiya lisenziyasıdır, o vaxt idmançılarımız 38 lisenziya qazanmışdılar.

2008-ci ildə Pekində azərbaycanlı idmançılar 44, 2012-ci ildə Londonda 53, 2016-cı ildə Rio-de Janeyroda 56 lisenziya qazanıblar. 1996-cı ildən bəri olimpiadalarda idmançılarımız 43 medal qazanıblar ki, bunun da 7-si qızıl, 11-i gümüş, 25-i isə bürüncdür.

Eləcə də oxuyun:

11
Teqlər:
üzgüçülük, boks, Tokio Yay Olimpiya Oyunları
 Tibb işçisi Dövlət Gömrük Komitəsinin hospitalında, arxiv şəkli

Pandemiyanın başa çatmasına hələ çox var - ÜST rəsmisi

4
"Delta" ştammı Avropada çox geniş yayılıb və qarşıdakı aylarda bütün dünyada ən geniş yayılmış ştamm olacaq.

BAKI, 24 iyul — Sputnik. Koronavirus pandemiyasının başa çatmasına hələ çox var. "Delta" ştammı Avropada çox geniş yayılıb və qarşıdakı aylarda bütün dünyada ən geniş yayılmış ştamm olacaq.

Sputnik Azərbaycan xəbər verir ki, Avropa Xəstəliklərin Profilaktikası və onlara Nəzarət Mərkəzinin və ÜST-ün Avropa Regional Bürosunun məlumatında bu barədə xəbərdarlıq edilib.

Məlumata görə, aparılmış müşahidələr göstərir ki, iyunun 28-dən iyulun 11-dək təhlil üçün kifayət qədər məlumat təqdim etmiş 28 ölkədən 19-da "Delta" ştammı üstünlük təşkil edir. Cari meyllərin təhlili belə deməyə əsas verir ki, qarşıdakı aylarda "Delta" variantı qlobal miqyasda üstünlük təşkil edəcək. Avropa ölkələrinin, demək olar ki, hamısında bu ştamm aşkar edilib. Əgər daha güclü virus yaranmasa, "Delta" variantı geniş yayılmaqda davam edəcək".

ÜST-ün Avropa Regional Bürosunun direktoru Hans Klüge deyib: "Pandemiyanın başa çatmasına hələ çox var. Təəssüf ki, bizim regiona daxil olan ölkələrin çoxunda "Delta" ştammının yayılması hallarının xeyli artması müşahidə olunur".

H.Klüge daha sonra bildirib ki, əhalinin peyvəndlənməsi üzrə bütün səylərə baxmayaraq, milyonlarla insan hələ də peyvəndlənməyib və bu səbəbdən onların xəstəxanaya düşmək riski qalır.

Koronavirusun ştammları

Xatırladaq ki, Uhanda SARS-Cov-2 yeni tip koronavirusunun yayılması barədə məlumatı 2019-cu il dekabrın 31-də Çin Ümumdünya Səhiyyə Təşkilatına verib. 2020-ci ilin martında isə ÜST koronavirus epidemiyasını pandemiya elan edib.

2021-ci il iyunun 2-də Ümumdünya Səhiyyə Təşkilatı qərar verib ki, COVID-19-a səbəb olan koronavirus ştammları bundan sonra yunan əlifbasının hərfləri ilə adlandırılsın.

Bunadək koronavirus ştammları "coğrafi" adlarla bilinirdi – virusun yeni versiyası hansı ölkədə geniş yayılırdısa, həmin ölkənin adı ilə da adlandırılırdı. Ancaq ÜST-də belə hesab etdilər ki, bu sistem ayrı-seçkiliyə səbəb olur və ölkələr haqqında əsassız mənfi assosiasiya yarada bilər. Elə bu səbəbdən də, SARS-CoV-2-nin "Çin mənşəli" virus adlandırılmasına son qoyulub.

Beləliklə, hazırda koronavirusun "Britaniya" ştammı "Alfa", Cənubi Afrika ştammı "Beta", "Braziliya" ştammı "Qamma", Hindistan ştammı "Delta", Cənubi Amerika ştammı isə "lyambda" adlandırılır.

Xatırladaq ki, Səhiyyə Nazirliyi, İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyinin birgə yaydığı məlumata görə, son dövrdə ölkə xaricindən gələn şəxslərdən alınmış nümunələrdən 31-də B.1.617 (Delta) variantı aşkar olunub. Nümunələrdən 9-da isə B.1.1.7 (20 Alpha V1, Britaniya) variantı aşkar olunub.

Onu da əlavə edək ki, Baş nazir Əli Əsədovun imzaladığı qərara əsasən, Azərbaycan ərazisində xüsusi karantin rejiminin müddəti 1 sentyabr saat 06:00-dək uzadılıb.

Eləcə də oxuyun:

4
Teqlər:
pandemiya, 'Delta' ştammı, ştamm, Koronavirus, epidemiya, COVID-19
Mövzu:
Yeni tip koronavirus pandemiyası