Ağstafa şəhəri 25-ci məhəllədə yol

Ağstafa camaatından yağmur duası, amma yağmaması üçün...

11487
(Yenilənib 00:24 07.03.2018)
Sakinlər dəfələrlə icra hakimiyyətinə gedib problemlərini bildirdiklərini deyirlər

İlham Mustafa, Sputnik Azərbaycan

BAKI, 7 mart — Sputnik. Ağstafa şəhəri, 25-ci məhəllənin sakinləri yolsuzluqdan əziyyət çəkirlər. Onlar yaşadıqları küçəyə gedən yolun tamamilə yarasız hala düşməsindən şikayətçidirlər. Sputnik Azərbaycan-ın bölgə müxbirinə danışan məhəllə sakini Xəyal Şıxıyev artıq 3 ildir bu vəziyyətin yaşandığını deyir.

"5 ildir ki, burada yaşayırıq. Əvvəllər yolumuz bu qədər bərbad deyildi. 3 il əvvəl kanalizasiya və su xətlərinin çəkilişindən sonra tamam bərbad hala düşdü. Azacıq yağış yağan kimi maşınla küçəyə girmək mümkün olmur. Özüm taksi sürücüsüyəm. Maşınımı 3 ildir o biri küçədə, qonşunun həyətində saxlayıram. Bir dəfə yağış yağanda 1 həftə küçəyə girmək olmur", — deyə X.Şıxıyev bildirir.

Ağstafa şəhəri 25-ci məhəllədə yol
© Sputnik / Ilham Mustafa
Ağstafa şəhəri 25-ci məhəllədə yol

Digər sakin Ceyhun Rüstəmov isə deyir ki, yol bərbad vəziyyətdə olduğundan uşaqlar məktəbə gedə bilmir, dəfələrlə yolda yıxılıb evə qayıtmağa məcbur olublar. O, yollarına ən azı çınqıl döşənməsini istədiklərini vurğulayır.

"Asfalt istəmirik, heç olmasa, daşdan, çınqıldan gətirib tökələr. Hamı kasıb adamdı burda, imkan yoxdur ki, özümüz bir əncam çəkək. Küçənin qurtaracağı Bakı-Qazax yoluna çıxır. Lakin quraqlıqda da o yoldan istifadə etmək mümkün deyil", — C.Rüstəmov vurğulayır.

Sakinlər məsələ ilə bağlı 3 dəfə rayon icra hakimiyyətində olduqlarını deyirlər. Onlara hər gedişlərində "tələsməyin", "çəkiləcək" sözləri deyilsə də, problemin indiyədək həll olunmadığını bildirirlər.

Məsələ ilə bağli Ağstafa şəhər bələdiyyəsinin sədri Etibar Hacıyevlə əlaqə saxladıq. Bələdiyyə sədri Sputnik Azərbaycan-a açıqlamasında məsələdən xəbərsiz olduğunu, nümayəndəliyə sözügedən ərazi ilə bağlı şikayət daxil olmadığını bildirib. Etibar Hacıyev sakinlərin müraciət edəcəyi təqdirdə, məsələni araşdırıb, imkanları daxilində köməklik göstəriləcəyini deyib.

11487
Teqlər:
25-ci məhəllə, Ağstafa şəhəri, bərbad, palçıq, yol, küçə, yağış
Əlaqədar
Küçələrdə leşlər, ətrafda qan və üfunət - Qubada nə baş verir?
Paytaxtın nəqliyyat axınına təsir edən küçə yenidən qurulur
Daha bir küçə təmirə bağlanıb
İki dövlət qurumu üz-üzə gəldi: Paytaxtın məşhur küçəsində nə baş verir?
Bakı karantinin yumşaldılmasından sonra

Kafe-restoran həsrətliləri üçün son tarix

3
Ölkə ərazisində xüsusi karantin rejiminin müddətinin 2021-ci il 1 aprel saat 06:00-dək uzadılmasına qərar verilsə də müəyyən yumşalmalar var

BAKI, 16 yanvar — Sputnik. Nazirlər Kabineti yanında Operativ Qərərgah kafe və restoranların yerində xidmət göstərəcəyi tarixi açıqlayıb. Sputnik Azərbaycan-ın məlumatına görə, 2021-ci il 1 fevral saat 00:00-dan etibarən ölkə ərazisində ictimai iaşə obyektləri, eləcə də restoran, kafe və çay evləri və bu kimi digər məkanlarda müştərilərə saat 06:00-dan 00:00-dək yerində xidmətlər bərpa olunur.

Qeyd edək ki, Azərbaycan ərazisində yeni növ koronavirus (COVID-19) xəstəliyi ilə bağlı mövcud sanitar-epidemioloji vəziyyət təhlil edilmiş, virusun yayılmasının və onun törədə biləcəyi fəsadların qarşısının alınması məqsədi ilə ölkə ərazisində xüsusi karantin rejiminin müddətinin 2021-ci il 1 aprel saat 06:00-dək uzadılmasına qərar verilib. Azərbaycanda xəstəliyin yayılma dinamikasında müəyyən stabillik müşahidə olunduğundan sərtləşdirilmiş xüsusi karantin rejimi çərçivəsindəki məhdudiyyətlərin bir qisminin 2021-ci il 18 yanvar saat 00:00-dan yumşaldılması qərara alınıb.

3
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Gözəllik salonu, arxiv şəkli

Bu sahələrin fəaliyyətinə yanvarın 25-dən icazə veriləcək

7
Ancaq xəbərdarlıq da var: Fəaliyyətinə icazə verilən iş və xidmət sahələrində pandemiya dövrü ilə əlaqədar Azərbaycan Respublikası Nazirlər Kabinetinin müvafiq qərarları ilə müəyyən edilmiş məhdudiyyət və tələblərə ciddi riayət olunmalıdır

BAKI, 16 yanvar — Sputnik. Azərbaycanda sərtləşdirilmiş xüsusi karantin rejimi çərçivəsindəki məhdudiyyətlərin bir qisminin 2021-ci il 18 yanvar saat 00:00-dan yumşaldılması qərara alınıb. Sputnik Azərbaycan 2021-ci il 25 yanvar saat 00:00-dan etibarən ölkə ərazisində fəaliyyətinə icazə verilən iş və xidmətlərin siyahısını təqdim edir:

● ticarət obyektlərinin fəaliyyəti (ictimai iaşə obyektləri, kafe, çay evləri və bu kimi məkanlarda müştərilərə yerində xidmət və iri ticarət mərkəzlərinin, "Mall"ların fəaliyyəti istisna olmaqla);

● bərbərxanaların, gözəllik salonlarının fəaliyyəti və kosmetik xidmətlər (o cümlədən, bu sahələrdə müştərinin evində və ya digər məkanda xidmət);

● muzey və sərgi zallarının fəaliyyəti;

● şəhərlərarası və rayonlararası hərəkət.

Fəaliyyətinə icazə verilən iş və xidmət sahələrində pandemiya dövrü ilə əlaqədar Azərbaycan Respublikası Nazirlər Kabinetinin müvafiq qərarları ilə müəyyən edilmiş məhdudiyyət və tələblərə ciddi riayət olunmalıdır.

7
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar