Balıq satışı

Bu qiymətlər birdən-birə iki dəfə niyə qalxdı belə?

941
(Yenilənib 14:07 01.03.2018)
Ərzaq bazarında gözlənilməz bahalaşma: Qiymətlərin daha da qalxacağı deyilir

İradə Cəlil, Sputnik Azərbaycan

BAKI, 1 mart — Sputnik. Son zamanlar dəniz məhsullarının, xüsusilə balığın qiyməti iki dəfəyə qədər artıb. Belə ki, əgər bir neçə ay öncə kütümün kiloqramı 7, berjin 10, nərənin 20 manat idisə, indi kütüm 12-14, berj 22, nərə isə 30 manata satılır. Sputnik Azərbaycan əməkdaşının həmsöhbət olduğu satıcılar bildirirlər ki, bu qiymətlər hələ bayramda da artacaq.

Balıq
© Sputnik / Ilham Mustafa

Satıcı Nail Cavadovun sözlərinə görə, hava şəraiti ilə əlaqədar olaraq balıq ovu çətinləşib: "Həmçinin insanlar Novruz bayramı qabağı balığa daha çox üstünlük verirlər. Bunlar da balığın qiymətinə təsirini göstərir. Qarşıda çərşənbələr, bayram var. Düşünürəm ki, hələ 5-6 manat da bahalaşacaq".

N.Cavadov qeyd edir ki, balıq ən ucuz yay vaxtı satılır: "Çünki yayda çox az adam balıq alır. Həm də bahalaşma digər dəniz məhsullarından da yan keçməyib. Bütün məhsullarda ən az 30 faiz bahalaşma var. Bunu daim dəniz məhsulları istifadə edənlər daha yaxşı bilir".

Digər satıcı Samir Əliyev də deyir ki, balığın bahalaşması müvəqqəti xarakter daşıyır: "Mövsüm və bayramqabağı olduğu üçün bahalaşma özünü bütün dəniz məhsullarının qiymətində göstərir".

Hisə verilmiş balıq
© Sputnik / Irade JELIL
Hisə verilmiş balıq

Qida eksperti Elsevər Fərzəliyev isə balıqların qiymətinin dəyişməsini mövsümlə əlaqələndirir: "Yəni ovlanma şərtləri ilə əlaqədar olaraq qiymət bahalaşa və ya ucuzlaşa bilər. Çünki indi balığın ovlanması, digər fəsillərlə müqayisədə daha çətindir, hansı ki, bu hal qiymətin bahalaşmasını şərtləndirən ən vacib amillərdən sayılır".

Satışda olan balıqlar
© Sputnik / Irade JELIL
Satışda olan balıqlar

Lakin Azad İstehlakçılar Birliyinin sədri Eyyub Hüseynov diqqətə çatdırır ki, ölkədə başqa ərzaq məhsullarının bahalaşdığı bir zamanda balığın qiymətinin artması da gözlənilən idi: "Balıq ekoloji cəhətdən təmiz məhsuldur. Buna görə də, onun bahalaşması gözlənilən idi".

"Bundan əlavə, Azərbaycanın dənizkənarı ölkə olmasına baxmayaraq, ölkədə balıq bazarı yoxdur. Təbii ki, bu da balığın qiymətinə təsir edir", — müsahibimiz vurğulayır.

E.Hüseynovun sözlərinə görə, Azərbaycanda balıq bazarının 60 faizini idxal olunan balıqlar təşkil edir: "Azərbaycana bir çox ölkələrdən, o cümlədən Vyetnamdan sağlamlıq üçün təhlükəli olan, dondurulmuş balıqlar gətirilir. Buna görə də, istehlakçılar balıq alarkən diqqətli olmalıdır".

941
Teqlər:
dəniz məhsulları, satıcı, ucuz, baha, mövsüm, Eyyub Hüseynov, bayram, balıq, manat, qiymət
Əlaqədar
Balıqçının toruna qeyri-adi varlıqlar düşdü – FOTOLAR
Məşhur şirkətin keçmiş rəhbəri Sabirabadda balıq ovunda öldü
Balıq tutmağa getmişdi, faciənin qurbanı oldu
İnsanlar köpək balıqlarını belə ovlayırlar
Göydən balıq yağdı
Gölə balığa getmişdi, amma ölümünü tapdı
İlham Əliyev, arxiv şəkli

Dövlət başçısı: Hər gün bayrağımız yeni bir yaşayış məntəqəsində ucaldılır

29
Ölkə başçısı Azərbaycan vətəndaşlarının bu gün işğaldan azad edilmiş bütün torpaqlara qayıdacağına əmin olduğunu vurğulayıb.

BAKI, 21 oktyabr — Sputnik. "Öz doğma torpaqlarını görməyən, işğaldan sonra dünyaya göz açan hər bir azərbaycanlı həmin torpaqlara qayıtmaq arzusu ilə yaşayıb".

Sputnik Azərbaycan xəbər verir ki, bu barədə Azərbaycan Prezidenti İlham Əliyev öz "Twitter" hesabında yazıb.

Ölkə başçısı Azərbaycan vətəndaşlarının bu gün işğaldan azad edilmiş bütün torpaqlara qayıdacağına əmin olduğunu vurğulayıb.

"Hər gün bayrağımız yeni bir yaşayış məntəqəsində ucaldılır. Budur Azərbaycan dövlətinin, Azərbaycan xalqının gücü", - deyə o əlavə edib.

29
Mövzu:
Azərbaycan və Ermənistan arasında müharibə
Bakıda yağışlı hava

Sabaha hava proqnozu açıqlandı

14
Tibbi-meteoroloji proqnoza gəldikdə isə, oktyabrın 22-23-də Abşeron yarımadasında meteoroloji amillərin mülayim tərəddüdü meteohəssas insanlar üçün əsasən əlverişlidir.

BAKI, 21 oktyabr — Sputnik. Sabah Bakıda və Abşeron yarımadasında havanın dəyişkən buludlu olacağı, arabir tutulacağı, günün birinci yarısında bəzi yerlərdə duman olacağı, çiskinli yağış yağacağı gözlənilir. Mülayim cənub küləyi əsəcək.

Sputnik Azərbaycan Milli Hidrometeorologiya Xidmətinin verdiyi məlumata istinadla xəbər verir ki, havanın temperaturu Bakıda və Abşeron yarımadasında gecə 12-14, gündüz 18-20 dərəcə isti olacaq. Atmosfer təzyiqi normadan yüksək 771 mm civə sütunundan 767 mm civə sütununa enəcək, nisbi rütubət gecə 70-80, gündüz 55-60 faiz təşkil edəcək.

Oktyabrın 22-də Azərbaycanın rayonlarında hava şəraitinin əsasən yağmursuz keçəcəyi, lakin gecə və səhər bəzi yerlərdə duman olacağı, yağış yağacağı gözlənilir. Mülayim şərq küləyi əsəcək. Havanın temperaturu gecə 10-15, gündüz 18-23, dağlarda gecə 3-7, gündüz 14-18 dərəcə isti olacaq.

Tibbi-meteoroloji proqnoza gəldikdə isə, oktyabrın 22-23-də Abşeron yarımadasında meteoroloji amillərin mülayim tərəddüdü meteohəssas insanlar üçün əsasən əlverişlidir.

14
(1:13 / 9.91Mb / просмотров видео: 1)

İşğalçıların döyüş meydanında atıb-qaçdığı növbəti hərbi texnikalar - VİDEO

10
(Yenilənib 15:03 21.10.2020)
Azərbaycan ordusunun hərbçiləri yenə Ermənistan silahlı qüvvələrinin hərbi texnikasını qənimət olaraq götürüblər.

Müdafiə Nazirliyi Ermənistan silahlı qüvvələrinin döyüş meydanında atıb-qaçdığı, həmçinin bölmələrimiz tərəfindən məhv edilən növbəti hərbi texnikaları nümayış etdirib. 

Sputnik Azərbaycan həmin görüntüləri təqdim edir.

Qeyd edək ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.

Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.

Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.

Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.

Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.

Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.

Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.

Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.

Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.

Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.

Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.

Oktyabrın 20-də Füzuli rayonunun Dördçinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Aybasanlı, Cəbrayıl rayonunun Səfərşa, Həsənqaydı, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

10
Mövzu:
Azərbaycan və Ermənistan arasında müharibə