CƏMİYYƏT
Cəmiyyətin həyatında baş verən aktual hadisələr

Paytaxt əhalisinin gözlədiyi təklif: Əndişələrə son qoyulacaq

© Sputnik / Murad OrujovYasamal rayonu, Şərifzadə küçəsi 33 ünvanında yerləşən yataqxanaların söküntüsünə başlanıb
Yasamal rayonu, Şərifzadə küçəsi 33 ünvanında yerləşən yataqxanaların söküntüsünə başlanıb - Sputnik Azərbaycan
Abunə olmaq
Tikinti şirkətləri ilə vətəndaşlar arasındakı narazılıqlara necə son qoymaq olar?

İradə Cəlil, Sputnik Azərbaycan

BAKI, 26 fevral — Sputnik. Pilot layihələrin tikintisi Bakı şəhərindəki istismar müddəti bitmiş köhnə binaların yeniləri ilə əvəzlənməsinə xidmət edir. Pilot layihələrin işə düşməsi sayəsində onlarla binalar sökülərək yeniləri ilə əvəzlənir.

Avropa İttifaqının təmsilçisi Denis Daniilidis - Sputnik Azərbaycan
CƏMİYYƏT
Aİ-nin yunan əsilli nümayəndəsi: Bakılılar, binaları sökməyin!

Artıq xeyli binalar sökülüb, yeniləri tikilərək sakinlərə təhvil verilib. Lakin bəzi hallarda mənzil sahibləri ilə tikinti şirkətləri arasında narazılıqlar baş verir və bu səbəbdən söküntü işləri xeyli müddət uzanır.

Söküntü işlərinin yubanması tikinti şirkətlərinin işlərinin axsamasına, gecikməsinə və xeyli əlavə xərclərə səbəb olur. Bu narazılıqlar isə bəzi əmlak sahiblərinin tikinti şirkətlərinə qarşı olan inamsızlığından irəli gəlir. Şirkət rəhbərləri ilə əmlak sahibləri arasında bağlanmış müqavilələrə dövlət zəmanət versə də, bəzi vətəndaşlar tikinti şirkətlərinin sahibləri ilə bağlanılmış müqavilənin elə də tutarlı sənəd olmamasını səbəb kimi göstərirlər.

Bəs bu narazılıqlara necə son qoymaq olar?

Tikinti eksperti Elnur Fərzəliyev Sputnik Azərbaycan-a açıqlamasında bildirib ki, bu narazılıqlara son qoymaq üçün vətəndaşlarla tikinti şirkəti arasında bağlanılacaq müqavilələrə bəzi əlavələr etməyə ehtiyac duyulur: "Söküntü işləri aparılmazdan öncə vətəndaşın mənzili qiymətləndirmə şirkətləri tərəfindən real satış qiymətinə uyğun qiymətləndirilməlidir. Hər bir mənzilin tam dəyəri şirkət tərəfindən qiymətləndirmə şirkətlərinin təyin etdiyi qiymətə uyğun, etibarlı sığorta şirkəti tərəfindən bina tikilib təhvil verilən günə qədər sığortalanmalıdır".

Жилые дома в Баку, фото из архива - Sputnik Azərbaycan
CƏMİYYƏT
Yaşayış binalarının tikinti qaydası dəyişir, universal dizayn tətbiq olunacaq

"Vətəndaşla şirkət arasında bağlanılmış razılıq müqaviləsi notarial qaydada aparılmalıdır. Belə olan təqdirdə, evi sökülən sakinlərlə tikinti şirkətləri arasında narazılıqlara son qoyula bilər", — o bildirib.

Ekspert qeyd edib ki, indiki halda yaşayış obyektlərinə qoyulan maksimum dəyər kvadratmetr üçün 1500, qeyri-yaşayış obyektlərinə qoyulan standart qiymət isə 1000 manatdır: "Təbii ki, çox zaman mənzil sahibləri evin yerləşdiyi ərazidən asılı olaraq verilən pul və ya təklif edilən evlə razılaşmaq istəmir. Bu narazılıqları aradan qaldırmağın yeganə yolu isə, söküntü və müqavilələrin bağlanması zamanı üçüncü tərəflərin iştirakıdır".

E.Fərzəliyevin fikrincə, müqavilələrə bu əlavələr olunarsa, hər bir əmlak sahibi heç bir tərəddüd etmədən mənzilinin sökülməsinə razılığını verəcək.

© © SputnikGözləyirəm
Gözləyirəm - Sputnik Azərbaycan
Gözləyirəm

Hüquqşünas Fərid Həmidli isə Sputnik Azərbaycan-a deyib ki, son zamanlar tikinti şirkətləri və vətəndaşlar arasında narazılıqların daha da artmasının səbəbi vətəndaşın öz evini baha qiymətləndirməsi, tikinti şirkətinin isə ərazini daha ucuz alması məsələsidir: "Bu problemin yeganə həlli isə evlərin qiymətləndirilməsidir. Bu zaman vətəndaş əmin ola bilər ki, tikinti şirkəti onu aldatmır".

"Bu, hüquqi səlahiyyətə malik olan bir qurum tərəfindən edilməli və vətəndaşa hüquqi qüvvəyə malik olan sənəd verilməlidir. Bu, vətəndaşlar arasında yaranan narazılığa son qoya bilər" — həmsöhbətimiz qeyd edib.

F.Həmidli bildirib ki, bəzən vətəndaşlar yaşadıqları ərazinin dəyəri az olduğu halda, 2-3 qat baha satmağa çalışırlar: "Bu zaman yaranan narazılıqlar isə uzun müddət davam edir. Yeganə çıxış yolu, mənzillərin qiymətləndirilərək sökülməsidir. Belə olan şəraitdə ev sahibi də evinin dəyərini bilmiş olacaq".

Xəbər lenti
0