Bank kartı

Banklar şübhə doğuran hesabları donduracaq

292
(Yenilənib 18:15 26.02.2018)
"Banklar cinayət yolu ilə əldə olunan pul vəsaitlərin və digər əmlakın terrorçuların əlinə keçməməsi ilə bağlı qanunvericiliyin tələbinə uyğun şəkildə, şübhə doğuran vəsaitlərə blok qoymalıdır"

Xalid Məmmədov, Sputnik Azərbaycan

BAKI, 26 fevral — Sputnik. Terrorçuluğun maliyyələşdirilməsinə qarşı mübarizə çərçivəsində yalnız monitorinq iştirakçıları və monitorinqdə iştirak edən digər şəxslər deyil, həmçinin hüquqi və fiziki şəxslər, dövlət qurumları da zəruri tədbirləri görməməyə və ya maliyyə monitorinqi orqanının aktivlərinin dondurulması barədə qərarı icra etməməyə görə inzibati məsuliyyətə cəlb ediləcəklər. Bununla bağlı İnzibati Xətalar Məcəlləsinin 598.1.7-ci (Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında qanunvericiliyin pozulması) maddəsinə dəyişiklik edilib.

Hüquqşünas Ələsgər Məmmədli
© Photo : From the personal archive of Alesger Mamedli
Hüquqşünas Ələsgər Məmmədli

Dəyişikliyə münasibət bildirən hüquqşünas Ələsgər Məmmədli Sputnik Azərbaycan-a açıqlamasında deyib ki, bu, mahiyyət baxımından banklara yönəlmiş sanksiyadır: "Yəni banklar cinayət yolu ilə əldə olunan pul vəsaitlərinin və digər əmlakın terrorçuların əlinə keçməməsi ilə bağlı qanunvericiliyin tələbinə uyğun şəkildə şübhə doğuran vəsaitlərə blok qoymalıdır. Əgər bu vəsaitlərə blok qoymazlarsa, hesablar üzərində əməliyyatı dondurmazlarsa, o zaman bu məsuliyyət gündəmə gəlir".

Ə.Məmmədlinin sözlərinə görə, burada hüquqi şəxs həm də ona görə deyilir ki, dövlət bankları ilə yanaşı, qeyri-dövlətin kommersiya qurumlarının da bankları var. Kommersiya qurumları da hüquqi şəxslərdir. Hüquqi şəxslər də bu qanunun tələblərini icra etməlidir.

"Yəni sadəcə dövlət bankları deyil, eyni zamanda bu tip monitorinqə düşmüş və müəyyən şübhə doğuran hesabları həm də kommersiya bankları dondurmalıdır. Onlar da bu qanunun tələblərindən irəli gələnləri etmədikləri zaman vəzifəli şəxslər 800 manatdan 1500 manatadək, hüquqi şəxslər isə 8 min manatdan 15 min manatadək inzibati qaydada cərimə olunurlar. Bu məsuliyyət qanundan doğan prosesə nəzarət və icra etməməyə görədir", — o deyib.

Hüquqşünasın fikrincə, burada fiziki şəxs deyəndə, məsul şəxsdən söhbət gedir: "Yəni fiziki şəxs hüquqi şəxsin özü deyil, işi icra edən tərəfdir. Məsələn, bu, hansısa məmurun əlindən keçib, imza atıb, bunu görməyib, ya da görməli idi. Vəzifəli şəxs isə, o əməliyyatın rəhbəri olan, son qərar verən şəxsdir. Hüquqi şəxs də o əməliyyatın baş verdiyi struktur bankdır".

Ə.Məmmədlinin qənaətincə, ümumiyyətlə, Avropada son illər terrorizmin geniş yayılması, xüsusən İŞİD terrorunun çox geniş mənbədə fəaliyyət göstərməsi və eyni zamanda, maliyyələşməsi müəyyən tədbirlərin görülməsini zəruri edib: "Bununla bağlı müəyyən beynəlxalq təşəbbüslər olub və bu çərçivədə hüquqi sənədlər hazırlanıb. Həmin təşəbbüslərdən biri də budur ki, bu sistemə daxil olan ölkələr milli qanunvericiliyində sərt tədbirlər həyata keçirsinlər".

"Yəni pulun mənbəyinin, getdiyi yerin aydın görünməsi, "qara" pulların transferinin və bunun təhlükəli qrupların əlinə keçməsinin qarşısını almaq üçün qanunvericiliyin sərtləşdirilməsi və monitorinq tədbirlərinin sıxlaşdırılması, müəyyən məbləğlərin üzərinə avtomatik olaraq bu monitorinqin gətirilməsi tələb kimi qoyulub", — müsahibimiz bildirib.

"Ona görə də qanunvericiliyin bu formaya salınmasına səbəb son illər beynəlxalq terrorizmin maliyyə mənbələrinin geniş olması, onlayn ödəniş sistemlərindən geniş istifadə edilməsi və bu çərçivədə bankların bir az daha diqqətsiz davranması idi. Dəyişiklik bunun qarşısını almaq məqsədi daşıyır", — deyə o əlavə edib.

Qeyd edək ki, fevralın 13-də keçirilən Milli Məclisin plenar iclasında İnzibati Xətalar Məcəlləsinə dəyişiklik edilməsini şərh edən parlamentin Hüquq siyasəti və dövlət quruculuğu komitəsinin sədri Əli Hüseynli bildirib ki, 598-ci maddədə söhbət cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında qanunvericiliyin pozulduğu hallardan gedir: "Məcəlləyə edilən bu dəyişiklik Avropa Şurasının Pulların Yuyulmasına və Terrorçuluğun Maliyyələşdirilməsinə Qarşı Tədbirlərin Qiymətləndirilməsi üzrə Ekspertlər Komitəsinin (MONEYVAL) tövsiyəsinin icrası məqsədilə hazırlanıb".

Xatırladaq ki, 2017-ci il 14 aprel tarixində "Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında" qanuna edilmiş dəyişikliyə əsasən, bütün fiziki və ya hüquqi şəxslər, o cümlədən monitorinq iştirakçıları və monitorinqdə iştirak edən digər şəxslər, habelə dövlət qurumları terrorçuluğun maliyyələşdirilməsinə qarşı mübarizə çərçivəsində aktivlərin dondurulması üzrə tədbirlər görməli və bu barədə dərhal maliyyə monitorinqi orqanına məlumat verməlidirlər. Layihə qeyd edilən qanunun icra məqsədilə hazırlanıb.

Dəyişikliyə əsasən, yalnız monitorinq iştirakçıları və monitorinqdə iştirak edən digər şəxslər deyil, həmçinin hüquqi və fiziki şəxslər, dövlət qurumları da zəruri tədbirləri görməməyə və ya maliyyə monitorinqi orqanının aktivlərin dondurulması barədə qərarını icra etməməyə görə inzibati məsuliyyətə cəlb ediləcəklər. Bu halda vəzifəli şəxslər 1500 manatdan 2500 manatadək məbləğdə, hüquqi şəxslər isə 15 min manatdan 25 min manatadək məbləğdə cərimə ediləcəklər.

Bu Məcəllənin 598.1-ci maddəsində nəzərdə tutulmuş xətanın qeyri-hökumət təşkilatı, xarici dövlətlərin qeyri-hökumət təşkilatlarının Azərbaycan Respublikasındakı filial və ya nümayəndəliyi, yaxud dini təşkilat tərəfindən törədilməsinə görə vəzifəli şəxslər 800 manatdan 1500 manatadək məbləğdə, hüquqi şəxslər isə 8 min manatdan 15 min manatadək məbləğdə cərimə ediləcəklər.

Bu dəyişiklik Milli Məclisin fevralın 13-də keçirilən plenar iclasında səsə qoyularaq qəbul edilib.

292
Teqlər:
maliyyə monitorinqi, terrorçuluğun maliyyələşdirilməsi, fiziki şəxs, hüquqşünas, Ələsgər Məmmədli, hüquqi şəxs, Sputnik Azərbaycan, maddə, cinayət, hesab, bank, dövlət qurumları, mübarizə
Əlaqədar
"Ərdoğan haqlıdır, mənim dövlətim terrorçudur"
Suriyada azərbaycanlı terrorçu tutuldu – VİDEO
Terrorçuluqda günahlandırılan azərbaycanlını İnterpol axtaracaq
 Türkiyə Prezidenti Rəcəb Tayyib Ərdoğan, arxiv şəkli

Azərbaycanlı qardaşlarımızın sayəsində Qarabağ səmasını ay-ulduz bəzəyir - Ərdoğan

6
(Yenilənib 19:25 05.12.2020)
"Yenə də vurğulamaqda fayda görürəm: Azərbaycan kimsənin torpağına əl uzatmadı, kimsəyə hücum etmədi, Birləşmiş Millətlər Təşkiları və ATƏT-in qərarına rəğmən 30 il işğal altında saxlanan torpaqlarını azad etdi"

BAKI, 5 dekabr - Sputnik. "Ermənilər Azərbaycan torpaqlarına hücum edəndə bütün qəlbimiz və imkanlarımızla qardaşlarımızın imdadına yetişdik. Qarslılar bu erməniləri çox yaxşı tanıyırlar. Ortaq tariximiz, mədəniyyətimiz, inancımız və dil birliyimizin tələb etdiklərini gerçəkləşdirərək Dağlıq Qarabağ və ətrafındakı işğal altında olan Azərbaycan torpaqlarının azadlığına qovuşmasında bir zəhmətimiz oldu. Azərbaycanlı qardaşlarımızın mücadiləsi nəticəsində, həmd olsun, Qarabağ səmalarını əskilər deyil, ay-ulduzlu bayraqlar bəzəyir".

Sputnik Azərbaycan bildirir ki, bunu Türkiyə Prezidenti Rəcəb Tayyib Ərdoğan videobağlantı ilə qatıldığı Sarıkamış-Karakurt-Xorasan yolunun açılış mərasimində söyləyib. 

"Azərbaycan bayrağı şəhidlərimizin qəhrəmanlıqlarının timsalı olaraq Dağlıq Qarabağda qürurla dalğalanır. İnşallah, Naxçıvan ilə Azərbaycan arasındakı əlaqəni təmin edəcək dəhlizin açılmasıyla qardaşlarımızla birbaşa quru yolu əlaqəsi quracağıq", - deyən Ərdoğan əlavə edib ki, bu işdən ən çox faydanı da Qars görəcək. 

30 illik işğaldan sonra Azərbaycanın öz torpaqlarına yenidən qovuşmasının haqlı sevincini yaşadığını vurğulayan Ərdoğan deyib ki, Qarabağda qazanılan zəfər həm beynəlxalq hüquq, həm diplomatiya, həm də hərbi baxımdan Azərbaycana anasının ağ südü kimi halaldır. 

"Yenə də vurğulamaqda fayda görürəm: Azərbaycan kimsənin torpağına əl uzatmadı, kimsəyə hücum etmədi, Birləşmiş Millətlər Təşkiları və ATƏT-in qərarına rəğmən 30 il işğal altında saxlanan torpaqlarını azad etdi. Bunu da ermənilər kimi mülki əhalini, yaşayış məntəqələrini hədəf alaraq deyil, legitimlik çərçivəsində gerçəkləşdirdi. Bu durumda bir gün əvvəl Minsk qrupu həmsədrlərindən olan Fransanın parlamentinin müzakirə elədiyi qətnamə qalmaqaldan da betər bir faciədir", - deyə Türkiyə lideri bildirib. 

Azərbaycan Prezidenti İlham Əliyevin: "Fransa, əgər erməniləri bu qədər çox sevirsə, özünün Marsel şəhərini onlara verə bilər" sözlərini xatırladan Ərdoğan heç bir dövlətin digərinin suverenliyinə bu dərəcədə alçaqcasına hücum etməsinin qəbul edilməyəcəyini söyləyib. 

6
Teqlər:
Rəcəb Tayyip Ərdoğan, Qars, Türkiyə, Azərbaycan, Qarabağ
Qandal, arxiv şəkli

Gəncədə narkotik satan alan şəxslər saxlanılıblar

5
(Yenilənib 18:33 05.12.2020)
Davam etdirilən əməliyyat-axtarış tədbirləri nəticəsində Tahir Əliyevə məxsus, şəhər ərazisində yerləşən fərdi evinə baxış keçirilən zaman 1 kiloqram 056 qram çəkidə, narkotik vasitə olan qurudulmuş "marixuana" aşkar edilərək götürülüb

BAKI, 5 dekabr — Sputnik. Gəncə Şəhər Baş Polis İdarəsinin (ŞBPİ) Cinayət Axtarışı İdarəsinin əməkdaşlarının keçirdikləri əməliyyat tədbirləri nəticəsində külli miqdarda narkotik vasitə dövriyyədən çıxarılıb.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupundan verilən məlumata istinadla xəbər verir ki, Gəncə şəhər sakinləri - 31 yaşlı Tahir Əliyev və əvvəllər məhkum olunmuş, 27 yaşlı Orxan Sadıqov saxlanılaraq ŞBPİ-yə gətiriliblər. Onların üzərinə baxış keçirilən zaman O.Sadıqovun üzərindən ümumi çəkisi 1 qram, T. Əliyevin üzərindən isə 2 qram narkotik vasitə olan "marixuana" aşkar edilərək götürülüb.

Davam etdirilən əməliyyat-axtarış tədbirləri nəticəsində Tahir Əliyevə məxsus, şəhər ərazisində yerləşən fərdi evinə baxış keçirilən zaman 1 kiloqram 056 qram çəkidə, narkotik vasitə olan qurudulmuş "marixuana" aşkar edilərək götürülüb.

Aparılan araşdırmalar zamanı həmin şəxslərə narkotik vasitə satan şəxsin əvvəllər məhkum olunmuş, Gəncə şəhər sakini, 1985-ci il təvəllüdlü Ramil Əliyev olduğu müəyyən edilib. Onun yaşadığı fərdi yaşayış evində keçirilən əməliyyat-axtarış zamanı üzərindən 15 ədəd kağız bükümlərdə, ümumi çəkisi 15 qram, evin dam örtüyünün altından isə ayrı-ayrı sellofan torbalarda və şüşə bankalarda qablaşdırlımış, ümumi çəkisi 4 kiloqram 025 qram qurudulmuş "marixuana" aşkar edilərək götürülüb.

Faklarla bağlı araşdırmalar davam etdirilir.

5
Teqlər:
Gəncə, narkotik maddə, narkotacir, narkotik
Mixail Qorbaçov

Qorbaçovu artıq qohumları da ziyarət etmirlər

0
(Yenilənib 19:45 05.12.2020)
Qorbaçovun qızı və iki qız nəvəsi Almaniyada yaşayır, Rusiyaya gəlmirlər. Siyasətçi özü də harayasa getmək iqtidarında deyil.

BAKI, 5 dekabr - Sputnik. SSRİ-nin sabiq prezidenti Mixail Qorbaçovu artıq qohumları ziyarət etmirlər. İndi onun üçün ən yaxın adam köməkçisi olub. Sputnik Azərbaycan bildirir ki, "MK"nın jurnalistləri Vitali Manskinin "Qorbaçov. Cənnət" filminə baxandan sonra bu qənaətə gəliblər. 

Qorbaçov hökumətin ömürlük istifadə üçün ayırdığı xidməti evdə tək yaşayır. Bina mühafizə olunur və hündür hasarla əhatə olunub. 

Filmdə Qorbaçov etiraf edir ki, nəvələri ona baş çəkmirlər. Qocalmış siyasətçinin durumu elə də yaxşı deyil, kreslodan güclə qalxır və xüsusi qurğunun hesabına hərəkət edir. İkinci mərtəbəyə qalxmaq üçün liftdən istifadə edir, əks halda yataq otağına getmək üçün bir saat sərf etməli olur. 

 

Qorbaçovun qızı və iki qız nəvəsi Almaniyada yaşayır, Rusiyaya gəlmirlər. Siyasətçi özü də harayasa getmək iqtidarında deyil.

Uzun illər Qorbaçovla işləyən Pavel Palajçenko onun niyə qohumlarıyla görüşmədiyini izah edib. Onun sözlərinə görə, Qorbaçov koronavirusa yoluxmaqdan qorxduğundan özünütəcriddədir. 

"İndi kim gəlir ki? İndi təyyarələr uçmur, ona görə", - Palajçenko deyib. 

Onun sözlərinə görə, emidemioloji situasiya yaxşılaşan kimi qohumları mütləq Qorbaçova baş çəkəcəklər.

0
Teqlər:
qohumlar, Rusiya, Mixail Qorbaçov