Astara rayonu Şiyəkəran kənd 2 saylı tam orta məktəbinin hərbi rəhbəri Həbib Həbibov

Ömrünü hərbə həsr etmiş şəxs: “1990-cı ildə silahları yığdılar...”

381
(Yenilənib 10:46 22.02.2018)
"Hazırda əyani vəsaitlərimiz olmadığından hərbi hissələrə üz tuturuq"

Rahim Zakiroğlu, Sputnik Azərbaycan

BAKI, 22 fevral — Sputnik. Respublikada hərbiyə diqqət və qayğının yüksək səviyyədə olması hər kəsə məlumdur. Bundan əlavə, şagirdlər arasında ruh yüksəkliyi və vətənpərvərlik ideyalarının aşılanması istiqamətində də güclü işlər aparılır. Buna "Şahin" və "Sərhədçi" hərbi oyunlarının yüksək səviyyədə keçirilməsini nümunə göstərmək olar.

Astara rayonu Şiyəkəran kənd 2 saylı tam orta məktəbinin hərbi komandası 2013, 2014, 2015, 2016 və 2017-ci illər ərzində "Şahin" hərbi idman oyunlarında həm rayon, həm də zona üzrə birincilik qazanaraq Respublika birinciliyinin final mərhələsinə vəsiqə qazanıb. Bu nəticələri əldə etməkdə, şagirdlərin hərbi ruhda böyümələrində, hərbi biliklərə yiyələnmələrində Həbib müəllimin rolu çox böyükdür.

Budəfəki həmsöhbətimiz də elə Astara rayonu Şiyəkəran kənd 2 saylı tam orta məktəbin hərbi rəhbəri Həbib Həbibov oldu. Həbib müəllimin şagirdləri 5 min məktəbli arasından seçilərək 18 komanda ilə rəqabət aparıb.

Astara rayonu Şiyəkəran kənd 2 saylı tam orta məktəbinin hərbi rəhbəri Həbib Həbibov
© Sputnik / Rahim Murad
Astara rayonu Şiyəkəran kənd 2 saylı tam orta məktəbinin hərbi rəhbəri Həbib Həbibov

Həbib müəllim söhbətimizə şagirdlərinin qələbəsindən danışmaqla başlayır: "Bunlardan biri də Yalçın Nəsirov adına Astara komandası idi. Biz Astara komandasını təmsil edirdik və sevindirici haldır ki, 2017-ci ildə "Şahin" və "Sərhədçi" hərbi idman oyunlarında 6-cı yeri tutduq. Zəhmətimiz hədər getmədi. Gənclər və idman naziri Azad Rəhimov həm komandamızın üzvlərini, həm də məni qiymətli hədiyyələr və fəxri fərmanlarla təltif etdi".

Həbib müəllim danışır ki, 1974-cü ildə Lənkəran Pedaqoji Texnikumunu bitirib, daha sonra isə Azərbaycan Pedaqoji İnstitutundan məzun olub: "Lənkəranda Zabitlər məktəbini bitirdim. İşlədiyim dövrdə ikinci dəfədir məktəbdə hərbi rəhbər vəzifəsində çalışıram. Bir dəfə 6 il hərbi rəhbər işlədim, sonra dərs hissə rəhbəri, məktəb direktoru oldum".

Müsahibimiz şagirdlərinin əksəriyyətinin hərbi qulluqçu kimi vətənə xidmət etdiyini deyir: "Şagirdlərimin çoxu hərbi məktəblərdə təhsil alıb və vətənin keşiyində duran hərbi qulluqçulardır. Keçmiş şagirdlərimlə daima görüşürük və onların çoxu mənə minnətdarlıq edirlər, deyirlər ki, "Çox sağ olun, Həbib müəllim, məktəbdə öyrətdiyiniz hərbi biliklər bizə əsgərlikdə çox kömək etdi".

Astara rayonu Şiyəkəran kənd 2 saylı tam orta məktəbinin hərbi rəhbəri Həbib Həbibov
© Sputnik / Rahim Murad
Astara rayonu Şiyəkəran kənd 2 saylı tam orta məktəbinin hərbi rəhbəri Həbib Həbibov

Həbib müəllim bu sahədə olduğuna görə fəxr etdiyini bildirir: "Həmişə fəxr etmişəm ki, hərbi mənim həyatımdır. Çünki atam Böyük Vətən Müharibəsi veteranı olub. Əmim Həbibov Bayram Almaniyada 4 may 1945-ci ildə həlak olub və Berdov şəhərinin "Qardaşlıq məzarlığı"nda dəfn edilib. Buna görə də hərbi mənim üçün önəmlidir. Torpaqlarımızın 20%-nin işğal altında olduğu vaxtı biz hamımız hərbi biliyə mükəmməl şəkildə sahib olmalıyıq".

Həbib Həbibov dərs prosesində qarşılaşdığı problemlərdən də söz açır: "İlk dəfə hərbi rəhbər işlədiyim vaxt təlim avtomatlarımız da var idi, təlim əl qumbaramız da və digər əyani dərs vəsaitləri də, əleyhqazlarımız da. Bizə o dərs vəsaitləri hesabına əyani şəkildə dərs demək rahat idi. 1990-cı ildə silahları yığdılar və bu günə kimi məktəbimizdə hərbi təlim dərs vəsaitləri yoxdur".

Həmsöhbətimiz silahların, əl qumbaralarının və digər hərbi sursatların TTX-larını divarlardakı plakatlarının hesabına öyrətdiyini deyir. Əyani şəkildə öyrənmələri üçün isə şagirdləri Lənkəran və Astara ərazisində olan hərbi hissələrə apardığını vurğulayır: "Orada ordumuzun arsenalında olan silah və sursatlarla yaxından tanış edirəm. Onlar orada zabitlərin köməkliyi ilə silahla davranış qaydalarını, avtomatı söküb-yığma qaydalarını və əleyhqazla davranışı öyrənirlər. Sinifdə özümüzün təlim silahımız və qumbaramız olsa, daha yaxşı olar".

Astara rayonu Şiyəkəran kənd 2 saylı tam orta məktəbinin hərbi rəhbəri Həbib Həbibov
© Sputnik / Rahim Murad
Astara rayonu Şiyəkəran kənd 2 saylı tam orta məktəbinin hərbi rəhbəri Həbib Həbibov

"Bir vətəndaş və müəllim kimi məndən sonra hərbi müəllim işləmək istəyənlərə öz dəstəyimi verəcəyəm. Dərsdən kənar vaxtlarda da şagirdlərimlə məşğul oluram və çalışıram ki, onlara vətən sevgisini təbliğ edim", – deyə Həbib müəllim söhbətimizi yekunlaşdırır.

Məlumat üçün bildirək ki, Həbib müəllim qazandığı uğurlara görə 2015-ci ildə Azərbaycan Respublikası prezidentinin sərəncamı ilə "Tərəqqi” medalı ilə təltif edilib. Onun rəhbərlik etdiyi komandaya Astara Rayonu Gənclər və İdman İdarəsi tərəfindən yarışlarda iştirak etmək üçün "Şahin" hərbi idman geyimi hədiyyə olunub.

381
Teqlər:
"Şahin" hərbi idman oyunları, Şiyəkəran kəndi, Astara rayonu, hərbçi, müəllim
Yaşayış evinin tikintisi, arxiv şəkli

edək, polad çətir altında gəzək? - Yeni tikilən binalar ölüm kabusuna çevrilib

16
(Yenilənib 10:34 18.05.2021)
"İnzibati Xətalar Məcəlləsində isə inzibati xətanın cəriməsi, eləcə də əməyin mühafizəsi qaydasını təmin edilmədiyi üçün cərimə məbləği 1000-1500 manatdır. Cərimə məbləği artırılmalıdır ki, tikinti şirkətlərində məsuliyyət olsun"

BAKI, 18 may — Sputnik, Zülfiyyə Quluyeva. İstehsalatda baş verən qəzaların böyük hissəsi tikintidə baş verir. Bu gün tikinti yerləri təhlükə risklərinin potensialına görə öndə gedir desək, yanılmarıq. Xüsusilə yeni binaların inşası zamanı vaxtaşırı faciələr yaşanır. Əmək və Əhalinin Sosial Müdafiəsi Nazirliyi (ƏƏSMN) yanında Dövlət Əmək Müfəttişliyi Xidmətinin apardığı təhqiqatlar nəticəsində də məlum olub ki, istehsalatda ən çox tikinti, emal, mədənçıxarma sahəsində qəzalar baş verir. Bu günlərdə tikinti şirkətlərinin birində yükqaldırıcı səbətin trosunun qırılması bir nəfərin ölümü, digərinin yaralanmasına səbəb oldu. Bu cür hadisələrin təkrarlanması tikinti şirkətlərinin inşaat zamanı təhlükəsizlik qaydalarına, əməyin mühafizəsi qaydalarına əməl etmədiklərini sübut edir.

Bəs görəsən, tikinti şirkətləri bu cür faciələrin yaşanmaması üçün hansı tələblərə əməl etməlidirlər?

Sputnik Azərbaycan-a bununla bağlı açıqlama verən əməyin mühafizəsi üzrə ekspert Samir Nəbi bildirib ki, hər il tikintidə baş verən qəzalar nəticəsində insanlar həyatlarını itirir, əlillik qazanır. Onun sözlərinə görə, istehsalatda baş verən qəzaların 30 faizi ölümlə nəticələnir. S. Nəbi deyir ki, bu kimi halların qarşısını almaq üçün iş yerlərində sağlam əmək şəraiti yaradılmalıdır:

"Tikintidə işləyən fəhlələr hündür mərtəbələrdə əmək fəaliyyəti ilə məşğul olurlarsa, mütləq şəkildə təhlükəsizlik kəməri taxılmalıdır. Çox təəssüf ki, bu gün bəzi tikinti şirkətləri öz işçilərini təhlükəsizlik kəməri ilə təmin etmirlər. Tikintidə işçinin yıxılmasının qarşısını alan fiziki mexanizmlər olmaldır. Bu tikinti şirkətləri üçün o qədər də böyük məbləğə başa gəlmir. Təklükəsizlik kəmərinin qiyməti 10 manat arasındadır. Nəzərə alsaq ki, tikintidəki bütün işçilər hündürlükdə işləmir, bu zaman inşaatı aparan şirkətin təhlükəsizlik kəməri üçün xərcləyəcəyi vəsait 50-100 manatdan yuxarı olmayacaq".

S.Nəbi deyir ki, işçilər fərdi mühafizə vasitələri - dəbilqə, xüsusi geyim forması, iş ayaq geyimi, görəcəyi işlə bağlı təhlükəsizlik kəməri, eynək, əlcəklə təchiz edilməlidir. İşçilərin bu vasitələrdən istifadə etməsinə isə nəzarət mexanizmi olmalıdır.

Bundan əlavə ekspert bildirir ki, tikintidə istifadə edilən qurğular istismardan öncə testdən keçirilməlidir. Onun sözlərinə görə, Fövqəladə Hallar Nazirliyinin akreditasiyasını almış şirkətlər var. Həmin şirkətlər qaldırıcı qurğuların yoxlanılması xidmətini göstərirlər. Ağırlıq qaldıran qurğuların troslarının hansı çəkidə yük qaldırdığı yoxlanılmalıdır. Bunun üçün 10 tonluq səbətə 12 ton yük vurulur. Əgər qurğu testdən keçirsə, 6 və 1 il istifadə müddəti verilir. Həmin müddət başa çatdıqdan sonra yenidən qurğular testdən keçirilməlidir. Amma tikinti şirkətləri buna çox vaxt laqeyd yanaşırlar. Qurğuların testdən keçirilməsinə əlavə pul xərcləmək istəmirlər. Bu səbəbdən də qəzalar baş verir".

Ekspret bildirir ki, tikintidə təhlükəsizliklə bağlı Fövqəladə Hallar Nazirliyinin qəbul etdiyi normativ hüquqi aktlara əməl edilməlidir. Onun sözlərinə görə, bu tələblərə əməl edilməməsinə görə cərimə yoxdur. İnzibati Xətalar Məcəlləsində isə inzibati xətanın cəriməsi, eləcə də əməyin mühafizəsi qaydasının təmin edilmədiyi üçün cərimə məbləği 1000-1500 manatdır. Cərimə məbləği artırılmalıdır ki, tikinti şirkətlərində məsuliyyət olsun".

Həmçinin S.Nəbi tikinti şirkətləri sahiblərinin mövcud tələblərə əməl etmədikləri üçün azadlıqdan məhrumetmə cəzası ilə cəzalandırılmalı olduğunu da söyləyir: "Qanunda işəgötürənə azadlıqdan məhrumetmə cəzası da ola bilər. Bu qorxu olmadığı üçün tikinti şirkətləri özbaşınalığını davam etdirirlər".

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətindən (DƏMX) Sputnik Azərbaycan-a bildirilib ki, "Sahibkarlıq sahəsində aparılan yoxlamaların dayandırılması haqqında" Azərbaycan Respublikasının 20 oktyabr 2015-ci il tarixli qanununa əsasən Azərbaycan Respublikası ərazisində sahibkarlıq subyektlərində aparılan yoxlamalar dayandırıldığı üçün Xidmət tərəfindən 01 noyabr 2015-ci ilin tarixindən etibarən sahibkarlıq subyektlərində yerində yoxlama həyata keçirilmir. Vətəndaşlardan daxil olan şikayət ərizələri və müraciətlər "Vətəndaşların müraciətləri haqqında" Azərbaycan Respublikasının Qanununa uyğun olaraq Xidmət tərəfindən ciddi araşdırılır, müvafiq tədbirlər görülür və qanunauyğun cavablandırılır.

Qeyd edək ki, Azərbaycan Respublikası Əmək Məcəlləsinin 217-ci maddəsinə əsasən işəgötürən, istehsalatda baş verən bədbəxt hadisələrin ağırlıq dərəcəsindən asılı olmayaraq, hadisənin araşdırılması üçün dərhal həmin hadisə baş verən günü əmək qanunvericiliyinə əməl olunmasına dövlət nəzarəti həyata keçirən orqana (Dövlət Əmək Müfəttişliyi Xidmətinə) məlumat verməyə borcludur. Dövlət Əmək Müfəttişliyi Xidməti daxil olmuş məlumat əsasında bədbəxt hadisənin istehsalatla bağlılığını araşdırır və lazımi hallarda bədbəxt hadisənin təhqiqatını aparmaq üçün qanunvericiliklə müəyyən edilmiş qaydada komissiya yaradır. Bədbəxt hadisənin araşdırılması başa çatdıqdan sonra işəgötürən tərəfindən bir gündən gec olmayaraq qanunvericiliklə müəyyən edilmiş qaydada müvafiq akt tərtib edilir.

Məlumat üçün qeyd edək ki, ötən il Azərbaycanda istehsalatla əlaqəli sayılan 247 bədbəxt hadisənin təhqiqatı aparılıb, 19-u qrup halında olan bu hadisələr nəticəsində 63 nəfər vəfat edib, 239 nəfər isə müxtəlif dərəcəli bədən xəsarəti alıb. İstehsalatda baş verən bədbəxt hadisələrin təhqiqatı nəticəsində 302 nəfər zərərçəkmiş şəxsə (istehsalat zədəsi) formalı aktın verilməsi təmin olunub", - deyə nazirlikdən bildirilib.

Həmçinin oxuyun:

"Kristal Abşeron"un binasında dəhşət: 20 yaşlarında fəhlə sanki şişlənib - FOTO

16
Teqlər:
təhlükəsizlik, tikinti
Azərbaycan Respublikasının İnsan Hüquqları üzrə Müvəkkili, Ombudsman Səbinə Əliyeva

Dmanisidəki hadisəni etnik qruplar arasında münaqişəyə çevirmək cəhdləri təəssüf doğurur

12
(Yenilənib 09:57 18.05.2021)
Ombudsman Səbinə Əliyeva vəziyyətin daha da gərginləşməsinin qarşısını almaq üçün gürcüstanlı həmkarını bu məsələni nəzarətdə saxlamağa çağırıb.

BAKI, 17 may - Sputnik. Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva Gürcüstanın Dmanisi rayonunda azərbaycanlı sahibkara məxsus mağazanın qarşısında həmin şəxsə, eləcə də digər azərbaycanlı gənclərə hücum edilməsi nəticəsində baş vermiş kütləvi dava ilə bağlı Gürcüstanın Xalq Müdafiəçisi Nino Lomcariyaya müraciət edib.

Sputnik Azərbaycan-ın məlumatına görə, Azərbaycan Ombudsmanı hadisəni etnik qruplar arasında münaqişəyə çevirmək cəhdlərinin təəssüf və narahatlıq doğurduğunu bildirib. Azərbaycan və Gürcüstanın strateji tərəfdaş olduğunu qeyd edən Ombudsman müvafiq orqanlar tərəfindən məsələnin araşdırılması üçün zəruri tədbirlər görüləcəyinə inamını ifadə edib.

Ombudsman Səbinə Əliyeva vəziyyətin daha da gərginləşməsinin qarşısını almaq üçün gürcüstanlı həmkarını bu məsələni nəzarətdə saxlamağa çağırıb.

Qeyd edək ki, 16 may 2021-ci il tarixində, saat 17.00 radələrində Gürcüstanın Dmanisi rayonunun "9 aprel" küçəsində bir qrup şəxsin azərbaycanlı sahibkar Qəşəm Şamilova məxsus mağazanın qarşısına gələrək, ona, eləcə də mağazanın qarşısındakı azərbaycanlı gənclərə hücum etmələri nəticəsində kütləvi dava baş verib. Hadisə zamanı bir neçə nəfər ciddi xəsarət alıb. İnsident iştirakçılarından 8 nəfəri Gürcüstanın hüquq mühafizə orqanları tərəfindən saxlanılıb.

Məsələni bir neçə qurum nəzarətdə saxlayır.

Eləcə də oxuyun:

* Dmanisidə 8 nəfər saxlanıldı, Azərbaycan səfirliyi bəyanat yaydı

* Nazir: "Azərbaycanlılar gürcülərin qardaşlarıdır, qarşıdurmaya imkan verməyəcəyik"

* Gürcüstanda svanlar azərbaycanlılara hücum etdilər, dava düşdü - VİDEO

 

12
Teqlər:
insident, Gürcüstan, Azərbaycan, ombudsman

PUA-lar kəşfiyyat üçün havaya qalxdı - Hərbi təlimlərdən möhtəşəm görüntülər

0
(Yenilənib 10:18 18.05.2021)
PUA heyətləri həmçinin şərti düşmənin mövqelərinin, o cümlədən müdafiəsinin dərinliyindəki hədəflərin aşkar edilməsi və müvafiq məlumatların idarəetmə məntəqələrinə göndərilməsi üzrə tapşırıqları icra edir.

Azərbaycan Ordusunda hərbi aviasiya və müxtəlif təyinatlı pilotsuz uçuş aparatlarının da cəlb olunduğu təlimlər davam edir.

Müdafiə Nazirliyindən Sputnik Azərbaycan-a verilən məlumata görə, təlimlər çərçivəsində pilotsuz uçuş aparatlarının (PUA) heyətləri havadan müxtəlif hündürlüklərdə kəşfiyyat aparır.
PUA heyətləri həmçinin şərti düşmənin mövqelərinin, o cümlədən müdafiəsinin dərinliyindəki hədəflərin aşkar edilməsi və müvafiq məlumatların idarəetmə məntəqələrinə göndərilməsi üzrə tapşırıqları icra edir.

https://www.youtube.com/watch?v=zWgZKZbL_04

0