Avropa İttifaqının təmsilçisi Denis Daniilidis

Aİ-nin yunan əsilli nümayəndəsi: Bakılılar, binaları sökməyin!

1639
(Yenilənib 11:16 20.02.2018)
Aİ-nin Bakıdakı yunan əsilli nümayəndəsi Denis Daniilidis boş vaxtlarını Xəzərin sahillərində keçirir və Sabunçudakı "bit bazarı" onun sevimli məkanıdır

Kamilla Əliyeva, Sputnik Azərbaycan

BAKI, 19 fevral — Sputnik. Yunanıstanın "sabah"ı ("avrio") qeyri-müəyyənlik və ya imtina deməkdir. Bunu Yunanıstan və Kiprdə olan dostlarımdan eşitmişəm. Bu söz artıq il yarımdır Bakıda yaşayan bir yunana etdiyim zəngə cavab gözləyərkən elə hey beynimdə fırlanıb. Ondan da "sabah" sözünü eşitdim, lakin zamanın və məkanın müəyyənləşməsindən sonra onunla görüşüm baş tutdu. Avropa İttifaqının təmsilçisi Denis Daniilidislə bu görüşdən məmnunam.

Diplomatı tədbirlərdə müşahidə edərkən və onun çıxışlarına qulaq asarkən, həmişə istəyirdim soruşam ki, Bakıda nə ilə nəfəs alır? İnanmayacaqsınız, amma sən demə, Denisin Bakıda ən çox sevdiyi yer Sabunçudakı "bit bazarı" imiş.

— 2016-cı ilin sentyabrından mən Bakıda Avropa İttifaqının siyasət və mətbuat şöbəsinə rəhbərlik edirəm. Artıq Azərbaycan dilini başa düşürəm. Ola bilsin, bir qədər bayağı səslənəcək və bəlkə də siz artıq bu sözü başqalarından eşitmisiz, amma mən Bakıda özümü evdəki kimi hiss edirəm. Məncə, bu, insanın psixoloji əhval-ruhiyyəsindən asılıdır. Bakı mənim üçün "amma"sız olaraq öz evimdir.

Avropa İttifaqının Azərbaycan nümayəndəliyinin siyasət və mətbuat şöbəsinin rəhbəri Denis Daniilidis
© Sputnik / Murad Orujov
Avropa İttifaqının Azərbaycan nümayəndəliyinin siyasət və mətbuat şöbəsinin rəhbəri Denis Daniilidis

— Denis, bizim şəhərdə sizi nə belə cəlb edir?

— Mən yunan əsilliyəm və mənim üçün şəhərin tarixi, dəniz qoxusu və dadlı yeməklər vacibdir. Bakıda dəniz var, bu, ilk növbədə o deməkdir ki, mənim sabitliyim təmin edilib. Evim də, ofisim də dənizə baxır. Dəniz isə müdrikdir və pis heç nə vəd eləmir.

Mənim üçün qədim şəhərin "şahidləri" — evlər, binalar və küçələr xüsusilə vacibdir. Qoy dağıdılmış olsun, qəzalı vəziyyətdə olsun, amma inanın, hər elə bir binanın öz aurası var və qlamur tikililərdən fərqli olaraq, onlar tarixi ötürürlər. Məni o fakt heyrətləndirir ki, bakılılar yenilərə sonuncu pullarını da xərcləməyə hazırdırlar, nəinki köhnəni qorumağa.

Avropa İttifaqının Azərbaycan nümayəndəliyinin siyasət və mətbuat şöbəsinin rəhbəri Denis Daniilidis
© Sputnik / Murad Orujov
Avropa İttifaqının Azərbaycan nümayəndəliyinin siyasət və mətbuat şöbəsinin rəhbəri Denis Daniilidis

— Siz daha çox tez-tez harada gəzməyi xoşlayırsız?

— Ola bilsin, bir diplomat üçün o qədər də qlamur yer deyil, amma mən Sabunçudakı "bit bazarı"nı ziyarət etməyi dəlicəsinə sevirəm. Əlbəttə, ora çirklidir, səs-küylüdür, ətrafı quşlar, iy basıb, amma bu, məhz həmin yerdir ki, orada əsl əhali – Bakının siması ilə üzləşirsən. Mən keçmiş Sovetskidə gəzməyi xoşlayıram, məhz o yerdə ki, orada həmin əfsanəvi kvartaldan nəsə qalıb. Bu küçələrə xüsusi atmosfer hakimdir.

— Denis, belə bir millət var — bakılılar. Onlarla tanış ola bilmisiz?

— Bütün liman şəhərlərində əhali çox açıq və genişürəkli olur. Bakı öz limanları və ticarət məntəqələri olan şəhərdir və buranın öz atmosferi var. Əlbəttə, bu gün burada yerli bakılılar o qədər də çox qalmayıb. Və mən düşünürəm ki, məhz bu milləti, yoxa çıxmaqda olan millət kimi YUNESKO-nun siyahısına salmaq lazımdır (gülür). Qarşımda bir bakılının dayanıb rus dilində danışmasını, sonra ehmalca Azərbaycan dilinə keçməsini və dayanıb düşünərək lüğətində o söz olmadığı üçün fikrini yenidən rus dilində tamamlamasını çox sevirəm.

Avropa İttifaqının Azərbaycan nümayəndəliyinin siyasət və mətbuat şöbəsinin rəhbəri Denis Daniilidis
© Sputnik / Murad Orujov
Avropa İttifaqının Azərbaycan nümayəndəliyinin siyasət və mətbuat şöbəsinin rəhbəri Denis Daniilidis

— Yəqin ki, sizin artıq milli mətbəximizlə tanış olmaq və sevimli yeməyinizi müəyyənləşdirmək imkanınız olub.

— Sözsüz ki, Azərbaycan mətbəxi zəngin və dadlıdır. Amma onun əsasını ət yeməkləri təşkil edir. Mən isə balıqyeyənəm. Bakıda genlər ətlə mübarizə aparır (gülür). Əlbəttə, bəzən mən də ətə qarşı müqavimət göstərə bilmirəm və kababın üzərində dayanıram.

Tez-tez dostları evimə toplayıram, onlara delikates — dəniz məhsulları təklif edirəm. Amma 2 saatdan sonra başa düşürəm ki, adamlar acıblar. Azərbaycanlılar ətə öyrəşiblər, mən isə balıqsız keçinə bilmirəm. Amma sizin dadlı lavaşlarınıza, pomidorunuza, xiyarınıza, sarımsaq və xüsusi ətirli qırmızı soğanınıza heyranam. Belələrini Avropada heç vaxt tapmazsız. Ümumiyyətlə, mən Bakıda tipik bakılı kimi yaşayıram. Mənim çoxlu dostlarım var ki, onlarla dənizə gedirəm, istirahət günləri bağ evində əncir mürəbbəsi ilə əsl samovar çayı təşkil edirik.

Avropa İttifaqının Azərbaycan nümayəndəliyinin siyasət və mətbuat şöbəsinin rəhbəri Denis Daniilidis
© Sputnik / Murad Orujov
Avropa İttifaqının Azərbaycan nümayəndəliyinin siyasət və mətbuat şöbəsinin rəhbəri Denis Daniilidis

— Bakı və bakılılara nə demək istərdiz?

— Bakılılar, binaları az sökün! Şəhərin mərkəzində maşınların hərəkətinə məhdudiyyət qoyun! Belədə sonsuz tıxaclar şəhəri və onun aurasını öldürür. Mənim fikrimcə, bu gözəl Bakını piyadaların ixtiyarına vermək lazımdır. Ölkədə şəhəri yaxşı istiqamətdə dəyişəcək yaradıcı adamlara diqqət yetirmək çox vacibdir. Və əlbəttə ki, daha çox balıq və dəniz məhsulları (gülür).

Mən Denislə ayrılarkən qeyd etdim ki, ehtiras yunan xalqının başlıca xarakterik xüsusiyyətidir. Əgər yunanlar hava və pul kisəsinin oğurlanması barədə eyni emosiya ilə danışırsa, şaşırmayın. Əsas odur ki, yunanlar yaşamağı, həyatdan zövq almağı bacarırlar. Bizim qəhrəmanımız da bunu sizin hər birinizə arzulayır.

1639
Teqlər:
Denis Daniilidis, diplomat, Yunanıstan, Bakı, söhbət
Almaniya kansleri Angela Merkel, arxiv şəkli

Angela Merkel Prezident İlham Əliyevə zəng edib

7
İlham Əliyev əlavə edib ki, Ermənistan Azərbaycanın işğal olunmuş ərazilərinə başqa ölkələrdən xarici vətəndaşların qanunsuz məskunlaşmasını həyata keçirir ki, bu da Cenevrə Konvensiyasına görə beynəlxalq hüququn ciddi pozulmasıdır və bu, hərbi cinayət sayılır

BAKI, 29 sentyabr — Sputnik. Sentyabrın 29-da Almaniya Kansleri Angela Merkel Azərbaycan Respublikasının Prezidenti İlham Əliyevə telefonla zəng edib.

Sputnik Azərbaycan xəbər verir ki, bu barədə Prezidentin Mətbuat Xidməti məlumat yayıb.

Angela Merkel Ermənistan-Azərbaycan təmas xəttində silahlı qarşıdurmanın baş verməsi ilə bağlı ölkəsinin narahatlığını ifadə edib və hadisələrin gedişi ilə maraqlanıb.

Dövlətimizin başçısı qeyd edib ki, sentyabrın 27-də, səhər saatlarında Ermənistan Azərbaycana qarşı hərbi təxribat törədərək, ağır artilleriya qurğularından təmas xətti boyu yerləşən hərbi birləşmələrimizi, şəhər və kəndlərimizi atəşə tutması nəticəsində iki gün ərzində hərbçilərimiz, mülki şəxslər həlak olub və yaralanıblar, 150 yaşayış evi dağıdılıb. Azərbaycan tərəfi əks-hücum əməliyyatına başlayıb.

Fransa Prezidenti Emmanuel Makron, arxiv şəkli
© AFP 2020 / GONZALO FUENTES / POOL

Dövlətimizin başçısı bildirib ki, bundan əvvəl də iyul-avqust aylarında Ermənistan tərəfindən ölkəmizə qarşı hərbi təxribatlar törədilib və bunların nəticəsində hərbçilərimiz və mülki şəxslərimiz həlak olub. Prezident İlham Əliyev bu təxribatları Ermənistanın Azərbaycana qarşı təcavüzkar siyasətinin davamı olduğunu vurğulayıb.

Azərbaycan Prezidenti qeyd edib ki, Ermənistan baş nazirinin “Qarabağ Ermənistandır və nöqtə” bəyanatı danışıqlar prosesini mənasız edir və Ermənistan rəhbərliyinin Azərbaycandan dırnaqarası “Dalıq Qarabağ respublikası” ilə danışıqlar aparması tələbi danışıqlar formatının dəyişdirilməsi cəhdi kimi qiymətləndirilməlidir. Dövlətimizin başçısı, eyni zamanda, bildirib ki, Ermənistanın müdafiə naziri yeni torpaqlar uğrunda yeni müharibə ilə Azərbaycanı hədələyib və bu plan reallıqda həyata keçirilir.

Dövlətimizin başçısı vurğulayıb ki, Ermənistanın hərbi təxribatı ilə bağlı hadisələrin gələcək inkişafına görə məsuliyyət Ermənistanın siyasi və hərbi rəhbərliyinin üzərinə düşür, Azərbaycan Ordusu öz torpaqlarında vuruşur və Ermənistan ordusu Azərbaycan torpaqlarında olmamalıdır.

Prezident İlham Əliyev əlavə edib ki, Ermənistan Azərbaycanın işğal olunmuş ərazilərinə başqa ölkələrdən xarici vətəndaşların qanunsuz məskunlaşmasını həyata keçirir ki, bu da Cenevrə Konvensiyasına görə beynəlxalq hüququn ciddi pozulmasıdır və bu, hərbi cinayət sayılır.

Söhbət zamanı atəşkəsin və danışıqlar prosesinin bərpa edilməsi imkanları barədə müzakirələr aparılıb.

7
Mövzu:
Azərbaycan və Ermənistan arasında müharibə
Əlaqədar
İlham Əliyevlə BMT-nin Baş katibi arasında videokonfrans formatında görüş olub
İlham Əliyev Türkiyə prezidentinə təşəkkür edib
Rus İcması beynəlxalq ictimaiyyəti Ermənistana təzyiq etməyə çağırdı
Peskov: Vladimir Putinlə İlham Əliyevin söhbəti lazım gəldikdə baş tutacaq
"Qoşunların təmas xətti boyu əməliyyatlar davam edir, bu, vətən müharibəsidir!

Tərtər atəş altında: poçt binasına xəstəxanaya top mərmiləri düşüb

18
Bundan başqa, Qapanlı kənd sakini Zülfüqar Quliyevin həyətinə mərmi düşüb. Nəticədə 8 baş iribuynuzlu heyvan tələf olub

BAKI, 29 sentyabr — Sputnik. Ermənistan silahlı qüvvələri Azərbaycanın yaşayış məntəqələrini ağır artilleriyadan atəşə tutmaqda davam edir.

Sputnik Azərbaycan APA-ya istinadən bildirir ki, yerli sakinlərin verdikləri məlumata görə, ermənilərin atdığı top mərmisi Tərtər rayonunun Qapanlı kəndində Poçt binasına və kənd xəstəxanasına düşüb.

Bundan başqa, Qapanlı kənd sakini Zülfüqar Quliyevin həyətinə mərmi düşüb. Nəticədə 8 baş iribuynuzlu heyvan tələf olub. Hazırda ermənilər yaşayış məntəqələrini atəşə tutmaqda davam edirlər.

18
Teqlər:
poçt şöbəsi, mərmi, yaşayış evləri, Tərtər, erməni təxribatı, Dağlıq Qarabağ münaqişəsi
Əlaqədar
Mülki əhalimizə atəş açılır: Tərtərdə iki qardaş həlak oldu, 2 nəfər isə yaralandı
Hadrut istiqamətində Ermənistanın komanda müşahidə məntəqəsi darmadağın edilib
Tərtər sakinlərinin narahat gecəsi: yaşayış binaları mərmi atəşləri altında
Füzuli istiqamətində Ermənistan SQ-nin əks-hücum cəhdi dəf edilib
Tərtərdə xalçaçılıq fabrikinə ciddi ziyan dəyib